منتديات جامعتنا

وربنا منورين المنتدى يا شباب احلى جامعه فى الدنيا .. بقولكم ايه احنا عايزين نكبر المنتدى ده و يبقى من احسن المنتديات الجامعيه الى موجوده . و دا مش هيتم الا اذا كان فيه اعضاء فعاله كتير
فا لو ليكم مزاج تسجلو ماشى .. ولو مش عايزين بردو ماشى .. و لو مسجلين اصلا يبقى ادخلو باسمكم و الباسورد و لو مش عايزين بردو ماشى .. و لو زهقتو و عايزين تقفلو المنتدى ماشى . بس طبعا لو سجلتو هتبقى حاجه حلوه ليا و ليكم ان شاء الله . بحبكم على فكره
منتديات جامعتنا

شباب جامعة المنصوره


    البت سابتك وحبت واحد غيرك .تعالى نولع فيها ..تفتكر دا الحل

    شاطر
    avatar
    احمد العمرى
    مدير المنتدى
    مدير المنتدى

    ذكر
    عدد الرسائل : 1685
    العمر : 28
    بلدك ايه ؟ : مصر
    كلية ايه : الفرقه الرابعه كلية تجاره شعبة ادارة اعمال
    هواياتك ايه ؟ : بحب كل حاجه
    تاريخ التسجيل : 14/02/2008

    البت سابتك وحبت واحد غيرك .تعالى نولع فيها ..تفتكر دا الحل

    مُساهمة من طرف احمد العمرى في السبت نوفمبر 01 2008, 11:57

    تذكير بمساهمة فاتح الموضوع :

    [size=18]مساء الهنا على كل شباب جامعتنا
    بص بقى ياعباس
    مين عباس داه؟؟؟
    انا
    يعنى عارف ان اسمك مش عباس بس انا لسه هنادى كل واحد باسمه خليك معايا
    واقرا وخلاص
    بص ياعباس
    احنا بقالنا قد ايه مع بعض؟؟؟؟؟
    بقالنا 3
    سنين ياحبيبتى
    طب يعنى مزهقتش منى
    انا عمرى مازهق منك ياعمرى
    طب
    انا من الاخر زهقت منك يا اخى اوف ايه داه دانت خنيق قوى ماتحل عن سمايا
    بقى خلينى اشوف نفسى وبصراحه فيه واحد تانى بيشاغلنى وبدا فعلا يشغل عقلى
    واحد
    تانى ؟؟؟؟
    ازاى ؟؟؟؟
    ومين هو داه؟؟
    ياااااااااه هنت عليكى وهان
    عليكى حب السنين دى كلها؟؟؟؟
    بصراحه اه بقى هنت عليا ويلا بقى ياعم اخلع
    وسلملى على الحب
    ــــــــــــــــــــــــــــــــــــــــــــــــــ
    ـــــــــــــــــ
    حد حصل معاه كدا قبل كدا ؟؟؟حتى لو مش بالظبط يعنى
    ؟؟يعنى اقصد حد البنت اللى بيحبها اداته الاشاره الخضرا وفلسعته
    عادى
    ياعمنا مافيهاش حاجه بتحصل بين احسن الحبيبه...بتبقى انت قاعد فى امان الله
    لابيك ولا عليك وتيجى الاموره قايلالك وداع ياعمرى
    مستغرب ليه انت يعنى
    كنت فاكر نفسك هانى سلامه والا مصطفى شعبان
    حتى دول ممكن يحصل معاهم
    كدا
    غدر الستات مالهشى حسابات
    ماتخلينا نقصر وتريحنى وتقول حصل
    خلينا نكمل
    ايوووووووون برافو عليك انت كدا زى العسل
    بص بقى ياسيدى
    لتر
    جاز وعلبه كبريت لتر الجاز هاتجيبه من عند البقال عادى سهل تجيبه ان
    مالقتشى روح البنزينه
    مش هايكلفك حاجه هو نص جنيه كبيره خالص 75 قرش
    اخوانا بتوع الخليج ببلاش هيلاقوه عندهم
    وعلبه كبريت بشلن من اى مكان
    دى
    بقى ياباشا كل المعدات الازمه حاجه كدا كبيرها جنيه
    الخطوات
    لتر
    الجاز اقسمه على اتنين جركن عاليمين فيه نص لتر وجركن على الشمال فيه النص
    التانى
    حلو كدا؟؟؟؟؟؟
    والكبريت فى جيبك طبعا
    انت كدا جاهز ؟؟؟
    اوك
    يلا بقى نبدا
    خد اللتر الاولانى فى ايدك وانزل والتانى بارضه مش هايبقو
    تقال عليك ماتخافش وروح على بيت الاموره اللى عورتك فى قلبك
    اقف على
    باب البيت
    موبايلك فى جيبك زى العاده
    رنلها بقى يامعلم رنه صغيره
    واوعى تخليها تفتح عليك لو نفضتلك وماتصلتش هيا بيك ابعتلها كول مى اوعى
    تغرم نفسك حاجه
    نفضتلك بارضه وماكلمتكش معلش تعالى على نفسك وارميلها
    دقيقه مع انه خساره فى جتتها
    كلمها وقلها عايز اشوفك لاخر مره فى حياتى

    هاديكى حاجه غاليه كنتى ناسياها عندى
    هاتنزلك جرى طالما حاجه
    غاليه
    تيجى سيادتك اول ماتشوفها رامى عليها الجاز وعود كبريت من العلبه
    ومولع فيها
    وتسيبها وتمشى خطوتين وتيجى باصصلها وهيا بتولع وبنظره
    المنتقم وقول
    انتى اللى جنيتى على نفسك ياحفيظه وما جنيت على احد
    كدا
    المهمه الاولى
    خد بعضك جرى على بيت المحروس اللى خد حبيبتك منك
    وابعتله عيل صغير من العيال اللى بيلعبو فى الشارع وقله قول لحكشه كلم سمير

    مين سمير دا ياخويا؟؟؟؟؟؟؟؟؟؟
    ياعم افهم بقى حكشه دا الضحيه رقم
    اتنين وسمير دا اسم سيادتك فى الفيلم
    ماتتخنش مخك وخليك معايا خلينا
    نخلص
    هايجى حكشه نازل جرى تيجى سيادتك بنص اللتر الفاضل ومقابله فى وشه
    ورميه عليه
    وبعود الكبريت ومناوله ومولع فيه
    وتيجى ماشى خطوتين
    وباصصله وهو بيولع بنظره المنتقم بارضه وقايله سلملى على صحبتك ياحوكشه
    استنى

    اهم حاجه الكلام دا كله يبقى بين المغرب والعشا علشان الناس تكون
    بتتعشى والا بيتفرجو على المسلسلات ومسطولين وماحدش يشوف حاجه
    وعلشان
    تلحق تجرى وتوصل لبيتكو من غير ماحد يقفشك
    هاتوصل بيتكو تلاقى البوليس
    مستنيك هاياخدوك ياحلو وان شاء الله ان شاء الله ان شاء الله من غير مقاطعه
    هاتاخد اعدام للقتل العمد مع سبق الاصرار والترصد
    امال انت كنت فاكر
    ايه
    ايه يابنى الهبل داه؟؟؟؟؟ ايه السذاجه دى عايز تحبس نفسك؟؟؟؟عايز
    تودى نفسك فى داهيه علشان واحده ماتستاهلش
    ياعم اعقل كدا وطول بالك
    بص
    ياسيدى
    الحكايه بسيطه خالص وباتكلم بجد والله ياشباب
    البنت اللى
    ساكنه جانبيكو بنت زى القمر وعارفها وعارفاك
    بلاش البنت اللى جنبكو اى
    بنت معاك فى الكليه
    اهى ملاينه بنات زى القمرات
    نقى بنت تكون حلوه
    حلوه يعنى مافيهاش غلطه زى مابيقولو غازلها
    وغلس عليها دايقها اخنقها
    اوعى تقتلها باين عليك غاوى دم وهاتتعبنى معاك
    ياعم اخنقها يعنى كرهها
    فى عيشتها بس مش قوى يعنى حاجه زى لفت نظر بس
    شويه شويه ياتسيب الكليه
    خالص علشان ترتاح من رخامه حضرتك ياتطب فيك يامعلم واقلب رومانسى بقى عند
    الحته دى وانزل بالطبل البلدى والكلام الناعم على ودانها وكلمات اغانى حليم
    وتامر حسنى وابعد عن شعبولا
    خلاص يامعلم طبت فيك
    بالهنا والشفا
    وادعى لاخوك الغلبان
    وهاتنسى اللى باعتك من غير هم ولا وجع قلب
    ماهو
    مابينسيش الحب القديم غير حب جديد
    دى وصفه مجربه واراهنك ان فكرت او
    حنيت للحب القديم تانى
    ولو حصل وعملت معاك زى القديمه ماعملت
    ولا
    تزعل نفسك عااااااااادى خالص
    حب تالت ورابع وخامس لغايه اما ربنا يفرجها
    عليك وتتجوز
    واديك عرفت السكه وانسى جرحك وماتزعلش عاللى فات
    وعلى
    رائى حليم
    دا اللى خانك خان شباب الحب خانه وجار عليه
    وجار عليه
    وهيا
    الخسرانه فى النهايه
    البنات اللى معانا مايزعلوش
    انتو كمان ليه
    الحزن والزعل على انسان مايستاهلشى حبك انسيه بحب جديد
    الف مين يتمنى
    اشاره من قلبك
    صدقونى ياشباب
    الى فارق مايستاهلشى البكا عليه
    اتمنالكو
    حياه سعيده مليانه حب فى حب
    مع تحياتى وحبى للجميع
    اه ملحوظه
    لو
    الموضوع عجبكو ياريت تسيبو رد
    قولولى يعنى ايه رائيكو ولو ماعجبكوش
    ولعو
    فى الجهاز وفى نفسيكو
    وريحونى وارتاحو[/size]


    عدل سابقا من قبل احمد العمرى في الإثنين أبريل 05 2010, 23:06 عدل 3 مرات (السبب : علشان اكبر الخط شويه)


    _________________
    ارفع راسك فوق انت مصرى
    ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
    للشكاوى و الاقتراحات الهامه رجاء المراسله على
    emaaary@yahoo.com


    tarekkamalali
    معانا من زمان
    معانا من زمان

    عدد الرسائل : 1994
    تاريخ التسجيل : 04/04/2010

    رد: البت سابتك وحبت واحد غيرك .تعالى نولع فيها ..تفتكر دا الحل

    مُساهمة من طرف tarekkamalali في الإثنين أبريل 12 2010, 01:17

    الموضوع دا وارد لكل شاب ولكل فتاة ولكن جعلت العلاقة للتفاهم والتقارب والتناغم وهي تجربة قد تنجح وقد تذهب الى اتجاه الفشل
    الفشل في علاقة رومانسية امر صعب على الطرف المخلص
    ولكن فيية بعض النقط التي طرأت الى ذهني
    العلاقة التي تتوتر تكون عادة علاقة تنقصها المودة والدلع والحنان والثقة المتبادلة
    1) الطرف المخلص اخطأ في الاختيار في اول الامر
    2) الطرف الآخر ستكون حياتة باذن الله على مستوى انانيته وندالتة فسيجد ناس اكثر ندالة وستكون حياته غير مستقرة لان التطلع الى ما ي يد الغير طبع سيء مثل حب الامتلاك
    3) الطرف المخلص اللي هوه " المجني عليية " يجب ان يشكر الله علشان ربنا خلصه من شريك كان سيصعب علييه الامور
    4) الطرف المخلص ستستقر حياته اذا حاول جاهدا التقليل من نزعة العاطفة والاكثار من التعقل في كثير من القرارات التي تتعلق بالمستقبل .
    ارجوا تقبل التعليق بصدر رحب وعقل ذو افق واسع [b]

    تسنيم
    لسه جديد
    لسه جديد

    عدد الرسائل : 181
    تاريخ التسجيل : 16/04/2010

    رد: البت سابتك وحبت واحد غيرك .تعالى نولع فيها ..تفتكر دا الحل

    مُساهمة من طرف تسنيم في السبت أبريل 17 2010, 01:03

    العلاقة التي تتوتر تكون عادة علاقة تنقصها المودة والدلع والحنان والثقة المتبادلة
    انا بتفق مع الاستاذ / طارق
    بس بردة البنات حنينين كتيير عن الرجالة
    avatar
    شهد
    معانا من فتره
    معانا من فتره

    انثى
    عدد الرسائل : 821
    العمر : 27
    بلدك ايه ؟ : شهااااااا
    كلية ايه : الفرقه التالته حقوق
    هواياتك ايه ؟ : كل حاجه
    تاريخ التسجيل : 17/02/2010

    رد: البت سابتك وحبت واحد غيرك .تعالى نولع فيها ..تفتكر دا الحل

    مُساهمة من طرف شهد في السبت أبريل 17 2010, 02:53

    بجد كلامك حلو اوى يا طارق
    بس يا يويو صعب الانسان ال بيحب ينسى حبه
    الحب حتى ولو ايه عمره ما بيتنسى
    بس ليه يا عمرى البنت هيه ال بتسيب اسأل هتلقى الولد هوه ال بيسيب
    عشان حب البنات بيكون مخلص اوى
    لكن حب الولد ما هو الى تسليه بــــــــــــــــــــــــــــــــــــــــــــــــــــــــــــــــــــــــــــــــس

    وان لقت بنت سابت ولد وهوه ما خنهاش اوى عمل حاجه تجرحها
    تعاله يا عم ولع فى البنات دى اشطه
    avatar
    ابتسامة الحياه
    لسه جديد
    لسه جديد

    انثى
    عدد الرسائل : 39
    العمر : 26
    كلية ايه : حقوق
    هواياتك ايه ؟ : التطلع والمعرفه والشعر والقصص والسفر وحاجات كتير
    تاريخ التسجيل : 18/04/2010

    رد: البت سابتك وحبت واحد غيرك .تعالى نولع فيها ..تفتكر دا الحل

    مُساهمة من طرف ابتسامة الحياه في الأحد أبريل 18 2010, 07:18

    الحب الحقيقى عمره ما يتنسى مهما كان
    وبعدين انا اعرف انا اللى بيسيب الولد مش البنت لان يوم ما البنت
    بتحب بتحب بجد وبتكون مخلصه
    لكن الولد ممكن يتسلى مع كل واحده شويه
    وطبعا فى اكيد حب مخلص بين الاثنين وبتنتهى نهايه سعيده
    avatar
    ماى هارت
    لسه جديد
    لسه جديد

    انثى
    عدد الرسائل : 131
    العمر : 28
    بلدك ايه ؟ : الحياة
    كلية ايه : بكالوريس تربية رياضية جامعة المنصورة
    هواياتك ايه ؟ : سماع الموسيقى
    تاريخ التسجيل : 12/08/2008

    رد: البت سابتك وحبت واحد غيرك .تعالى نولع فيها ..تفتكر دا الحل

    مُساهمة من طرف ماى هارت في الجمعة يوليو 09 2010, 02:28

    الكلام دة جميل قوى على فكرة
    وبجد نفس اللى عايزة اقولة البنت دايما مخلصة فى حبها عن الولد مفيش ولد مخلص فى حبه
    نهائيا
    avatar
    احمد العمرى
    مدير المنتدى
    مدير المنتدى

    ذكر
    عدد الرسائل : 1685
    العمر : 28
    بلدك ايه ؟ : مصر
    كلية ايه : الفرقه الرابعه كلية تجاره شعبة ادارة اعمال
    هواياتك ايه ؟ : بحب كل حاجه
    تاريخ التسجيل : 14/02/2008

    رد: البت سابتك وحبت واحد غيرك .تعالى نولع فيها ..تفتكر دا الحل

    مُساهمة من طرف احمد العمرى في الجمعة يناير 21 2011, 14:22

    شكرا يا جماعه على التفاعل


    _________________
    ارفع راسك فوق انت مصرى
    ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
    للشكاوى و الاقتراحات الهامه رجاء المراسله على
    emaaary@yahoo.com

    avatar
    إيمان
    ابن المنتدى
    ابن المنتدى

    انثى
    عدد الرسائل : 2567
    العمر : 25
    بلدك ايه ؟ : المنصورة
    كلية ايه : تجارة
    هواياتك ايه ؟ : الشعر والقراءة والرسم
    تاريخ التسجيل : 28/08/2008

    رد: البت سابتك وحبت واحد غيرك .تعالى نولع فيها ..تفتكر دا الحل

    مُساهمة من طرف إيمان في الأحد مايو 01 2011, 22:11

    هههههههههههههه بجد جامد جدا يا احمد احلى حاجة تكبير الدماغ محدش يستاهل اننا نزعل عليه

      الوقت/التاريخ الآن هو السبت يوليو 21 2018, 17:39