كان زمان
كان زمان تعرف تحب وتقول كلام
لما كان لسه فيك قلب صاحى وشوية حنان
لما كنت لسه شارى
ومكنتش لسه بياع كلام
كان زمان
كان زمان
أفتحلك قلبى وأديلك سرى من غير كلام
وآمنك عاللى جوايا وأغمض عينى و أروح أنام
لما كان لسه فيك الإنسان
لما كان جواك ابيض زى الملاك
كان زمان
كان زمان
نقدر نحب ونملا الدنيا عشق وغرام
ونحكى حكاوى ونقول غناوى عن الحب اللى كان
لما كان لسه معاك الامان
وقلبى كان لسه بيحبى وبيتعلم معاك
كان زمان
كان زمان
لما أبكى الاقى الايد اللى تمحى الالام
والعين اللى تسهر جمبى لما أتعب و أنام
لما كنت لسه حبيبى
لما كان جواك داريبى
لما كنت ليا عمرى اللى رايح واللى جاى
كان زمان
كان زمان
وانتهى عصر السكات وزمن الكلام
وخلاص خلصت كل الحكاية
واللى كان بينا ومات
كان زمان
_________________