احنا جايين نهدى النفوس مش اكتر؟؟ تحدى الشباب و البنات

ههههههههههههههههههههههههههههه
لا سؤال جامد
بس الاول اهلا بيكى يا ايمان معانا فى المنتدى و الحمد لله ان المنتدى عجبك

اما عن السؤال بقى
انا طبعا مش بضحك على اى بنت بس اقولك ليه الشباب بيعملو كدا

اولا الشباب بيعتقدو ان مفيش بنت تستاهل او بمعنى اصح و انا اسف على اللفظ (مفيش بنت محترمه ) كلهم زى بعضهم فا انا ادغدى بيها قبل ما تتعشا هيه بيا

و كمان طبعا بيحسبو البنات بتخدهم كدا احطياتى لحد اما يلقو خطيب ليهم

كلام كبير بس انا بكتب من الصبح و بجد ايدى وجعتنى ممكن ارد فى وقت تانى و اكمل

المهم سؤالى ؟

ليه البنات مش بيكلمو صبيان انما فى الجامعه بيبقى عادى او مثلا مش بتكلم حد فى شرعها انما بتكلمهم فى الجامعه ؟

ممكن اشارك
اولا مش كل البنات ذى بعض بس انا اعرف ناس كتير كده
ودى حاجه منتشرة بينا اقولك
كل تفكير بيختلف عن التانى دى تقولك انا لازم اكون محترمه فى الشارع ادامه
او تقول ماما وبابا مش عارفين ان انا بكلم ولاد اصلا
او اللى تقول زمايل اكلم اللى فى الشارع ليه (جيران يا ستى)
مفيش هو كده وفيه احتمالات تانيه كتير
سؤالى
ايه هى نظرة الولد للبنت لما تكلمه (اصحاب صداقه ..)
وانت ممكن تسمح لاختك انها تكلم ولد امامك؟؟؟؟؟؟؟؟؟؟؟

سؤال محرج اوى
بصى انا بالنسبه ليا اى بنت بتكلمنى زى اصحاب وكده
بجد بكون بحترمها جدا و عادى خالص

انا مليش اخوااات بنات بس لو ليا محبش ان اختى تكلم ولاد
لان مش كل الولاد هيبقم زيى و يحافظول على اصحابهم البنات زى ما انا بعمل

ايه رايكم ايجابه دبلوماسيه صح

معلش نسيت اسال

ليه البنات مواعدهم مش مظبوطه خاااااااالص؟؟؟؟؟

ليه تعليق عليك
لما انت مش تحب اختك تكلم ولاد لو لنا اخوات احنا كمان مش هيخلونا نكلم ولاد ولا ايه
ومهما كان بقى الانسان او الشخصيه اللى امامك بقى
مش كل المنات بتتاخر عن المواعيد بس هى بتتاخر لانها مش بتحب الانتظار تحب اللى معاه ميعاد هو اللى ينتظر مش هى
وافرض انها راحت فى الميعاد ومش لقت اللى منتظراه اى كان الشخصيه
تستناه بقى لحد امتى لما التانى اللى ينتظر يبقى افضل فيه بقى دلال كمان
سؤالى
ايه معنى صداقه الولد للبنت من وجهه نظرك؟؟؟؟؟؟؟؟؟؟
ونظرتك للبنت اللى بتصاحب؟؟؟؟؟؟؟؟؟؟؟؟؟؟

صداقة الولد للبنت تنقسم الي عده اجزاء من وجهة نظري
اولا/ الصداقة الحقيقية
ان الولد بيحصل بينه وبين البنت صداقة حقيقية
ثانيا /صداقة تقضيه وقت
ان الولد يصاحب البنت علشان يقضي وقت كويس ضحك ولعب وهزار
لية؟ علشان الدكتور قاله اقعد في حتة طراوة
ثالثا/ صداقة المصلحة
يعني في مصلحة تعود عليه من صداقه البنت
ممكن بقي تكون البنت دحيحه
ممكن تكون مصحبة شلة زي اللوز
في اشياء كتيرة
وغالبا الاولاد بيمشوا وراه البنت اللي مصاحبة شلة جامده
بس طولت عليكم
المهم سؤالي ودي حاجة ملاحظة جدا جدا
لية البنات دائما بتغيرصوتها في التليفون وهيا بتتكلم؟؟؟

ليه البنت تحب هي الي تسيب الولد ولما هو يسبها تبقه هتموت؟؟؟؟؟؟؟؟؟؟؟؟؟؟؟؟؟؟؟؟؟؟
الاجابه بصراحه

بالنسبه لسؤالbrave
البنت بطبيعتها رقيقه أو بتحب تظهر كدا
وطبعا أنت عارف ان المرأة ليها أسلحه وبتحب تستخدمها ، وبما انك بتكلمها فى التليفون يعنى مش شايفها فأكيد سلاحها الوحيد هو صوتها......!

أما بالنسبه لجوست:
فصدقنى الفراق أيا كان السبب فيه ، بيكون صعب على البنت
وحكاية انها بتموت لو هو اللى سابها ممكن ترجع لشوية كبرياء فى طبعها وأنها مش متعوده تنهزم أو بمعنى أصح تترفض

نسيت السؤال
ايه أول حاجه بتلفت نظر الولد للبنت؟

الرقه الجمال النعومه البرفيم الجسم الجميل الثقه في النفس

جميييييييييييييييييل اوى الموضوع ده
بس فين سؤالك
؟؟؟؟؟؟؟؟؟؟؟؟؟؟؟؟؟؟

ايه هو شعور البنت وهي وسط خمستلاف شاب واعد بتتكلم مع ده وتهظر مع ده .........................الخ

والله حسب نوعيه البنت
مهو البنات انواع برضو زى ما الاولاد انواع
فى نوع مبحبوش اللى هيه تقع بسرعه مع اى حد وتحبه بجد وهو بيتسلى

فى بنات حبه كده
وشعورها انها ملكه عصرها
ان كل دول حواليها

وفى طبعا اللى هيه بتتكلم كلام مصلحه
ودى شعورها عادى هتاخد اللى هيه عيزاه وبس

اما فى النوع الخجول الطيب اللى اصلا متلاقيهوش واقف مع اولا د اصلا
ويادوب لو عارفه واحد يبقى ازيك ازيك وسلاموا عليكوا بس

على ما اعتقد دى اجابه سؤالك
السؤال بقى نفس سؤالك بس بالنسبه للاولاد

ايه شعور الولد لما يكون واقف مع بنات كتير
وبيكلم دى ويهظر مع دى ؟؟؟؟؟؟

ههههههههههههههههههههههههههههههههههههههههههههههههههههههههه

هوه بصراحه عموما الاولاد عادى بتحب الشعور ده (انا بتكلم عن الولاد عموما) وزى ما بتقولى يا ميهو الولد بيحس ان هوه ملك وسط الجوارى بتوعه بس فيه ناس بقى اتعلمت(و انا واحد منهم) ان امرأه واحده تكفى .... و واللهى معرفة البنات الكتير بتلخبط الدنيا و بتبرجل الشخص و كدا .... بس فين بقى البنت الى تحافظ على الولد و تخليه مش يبص لغيرها ؟؟؟

ليه بقى لما مثلا تعوز حاجه من البنت جامد اوى مش بتعملهالك و لما تحسسها ان الحاجه دى ملهاش لزمه بتعملها عادى
يعنى بتتمنعو و انتم الراغبات
زى ما بيقولو
اوضح اكتر
لو عايز مثلا تقابل واحده على اى كافى لو اتحيلت عليها و معلش و عشان خطرى مش بتوافق و لو حسستها ان الموضوع مش ليه لزمه هيه الى بططلب انها تقابلك ؟

يتمنعن وهن الراغبات!!!!!!!
هههههههههههه فكرتنى بفيلم عفريتة اسماعيل يس

أنا اللى اعرفه ان الرفض مستمر مادام المبدأ موجود

بس يمكن بتعمل كده علشان لو وافقت على طول تخاف يقول أنها ما صدقت

السؤال : ازاى نعرف اذا كان الولد جد ولا بيتسلى؟

اوجه نفس السؤال للبنات
واضيف سؤال تانى معلش هو لية البنت دلوقتى معدتش بتتكسف يعنى كان الاول البنت تبصلها تروح يعنى حطة وشها فى الارض وشها يحمر ويضرب الون وتلقيها اقعد تبصلك بردو
دلوقتى الظهارة دى اختفت لية

بالراحه علينا شويه
بالنسبه لسؤال روميو
البنت مش من السهل تبيع وخاصة لو حبت بجد
ومن ناحية تعرف ازاى: فعلى فكره البنات بيبان عليهم بسرعه ومش بيعرفوا يخبوا مشاعرهم ولما بيحبوا ممكن يعملوا أى حاجه فى الدنيا مش زى ناس......!

أما بالنسبه لعائد:
أنا معاك انها قلت بس مش أنعدمت وزى ما فيه بنات جريئه فيه بنات برضه لسه بطبيعتها وبتتكسف من خيالها زى ما بيقولوا
وعلشان مش اظلم البنات دول يمكن بقوا كده بحكم الحياه ومجتمع الجامعه المفتوح والمختلط
وفيه حاجه مهمه ساعات الولد لما يلاقى البنت بتتكسف قوى كده يقول أنها بنت سهل يتضحك عليها وده بجد بيحصل

وبعدين أنت ليه أصلا تبص للبنات ؟؟؟؟؟؟؟
احنا معانا شباب محترمين فى الجامعه قوى لدرجة ان الواحد لو عدت من جنبه بنت والله بيبص فى الارض ويدور وشه ( غض البصر )
أوقات كتيره انتم اللى بتجبروا البنات انهم يبقوا كده
عالعموم ياسيدى لو حبيت تبص : بص لواحده محترمه ومتدينه قوى وأنت هتلاقيها اتكسفت على طول

السؤال :
الولد لما بيكون قاعد مع شلة الانس بتاعته ويشوفوا واحده ماشيه فى حالها ومش بتكلم أولاد (معقده فى نظرهم )

طبعا كالعاده يتراهنوا على اللى يوقعها (قصدى يفك عقدتها) وده طبعا سينال لقب الكينج

وللأسف يستغل طيبتها ويخليها تكلمه .........

بيبقى ايه احساسه فى اللحظه دى :
هل بيحس بالذنب أنه ضحك عليها ؟
ولا بيحس انه جدع وفلانتينوا ومفيش منه اتنين ؟

مش زى ناس ......... أقصد الاولاد عموما لأنهم بيقدروا يمسكوا نفسهم ومش بيضعفوا بسرعه

أما حكاية البنات اللى بتتراهن نادره جدا ..... لأنهم مش فاضين للكلام ده وراهم طبعا حاجات أهم .......