اسبوع شباب الجامعات فى جامعه المنصوره

اذيكم يا جماعه اخباركم ايه ؟
وحشتونى انا راجعلكم النهرده بموضوع لفت انتباهى ان محدش اتكلم عنه خالص مش عارف ليه؟؟؟
لو يمكن حد اتكلم بس معملش موضوع او انا بقى اللى مش واخد بالى
المهم
اسبوع شباب الجامعااااااااااااااااااااات
طبعا المنصوره وكلية تربيه رياضيه رفعوا راس جامعه المنصوره والدقهليه وكل من ينتسب للجامعه من اضغر عامل لحد رئيس الجامعه
حد فيكم نزل الجامعه فى الاسبوع ده
لو حد نزل ايه اللى انت حسيت بيه
مش اتبهرت
اخيرا هنزل الجامعه مش شايل هم المزاكره ولا الامتحانات داخل عشان اروح عن نفسى اتبسط اهيص وارقص مع اصحابى
اتكلم اتعرف على ناس جديده من محافظات تانيه اشوف بيفكروا فى ايه انا فين من كل ده
اولا ده الاسبوع التاسع لاقامته وتفتخر جامعه المنصوره بأنها 2 مره تستضيف هذا المهرجان الجامعى لكل جامعات مصر
ثانيا ايه اللى اتعرفه عن اسبوع شباب الجامعات
واحد يقولى تامر حسنى جاى يا برنس وفى احلى من كده ويقولى متعرفش التذاكر فين؟
واحد تانى يا عم انا فاضى انا اساسا مفكس كل الحوارات دى دى هبل هو انا بدخلها فى الدراسه عشان ادخلها فى الاجازه
وتالت يجى يقولك
يا سلام على 2 كيلو فحم على .................. 2 كيلوا لحمه واحمر لحمه على السيخفى الجو الجام ده
ورابع يقولك
اه انانزلت بس كانت حاجه تانيه حسيت انى ماشى فى مكان غير الجامعه
وهوه ده اللى انا عايز اوصله
احسان الجامعه مش للمزاكره بس لا دى لكل حاجه حلوه فى حياتنا واحنا هنعيش كام مره عشان نشوف مهرجان زى ده
يا جماعه انا بدعوكم تشاركو ولو حتى بالمتابعه على الانترنت من على موقع
www.mans.edu.eg
ادخل وشوف ايه اللى بيحصل والبث مباشر
واعرف واتعلم
طبعا الاولانى بتاع تامر هيتحصر لا يعرف ان الحفله بتذاكر
وطبعا ش هقول الحفله بكام عشان مليش دعوه بس احب اعرفكم انها لطلاب التربيه الرياضيه والطلاب الوافدين بالجان انما غير كده فهى بفلوس وطبعا دى تعاون مع غزه
والاخ التانى اللى بيقولك فاكس انا مش طايقها انت الخسران يا عم اخرج بدل متعد عند البارون او عند الكتب او تترازل فى بنات نادى الجزيره وهما دخلين او خرجين ادخل واعرف حاجه لدنيتك
واللى بيقولى الفحم ده مش عايز لحمه ولا حاجه ده عايز كبايهو محفظه ويقضيها ........... الرجاله فهمين

مش هطول عليكم بس المهم نعرف مين هى الجامعات المشتركه على الاقل وهى

جامعة الأزهر - [size=9]جامعه الاسكندريه - جامعه القاهره- -عين شمس - اسيوط - طنطا - المنصوره - الزقازيق - حلوان - المنيا - المنوفيه - قناة السويس - جنوب الوادى - بنى سويف - الفيوم - بنها - كفرالشيخ - سوهاج - التعليم العالى - جامعات الديلتا للعلوم - اكاديمية النيل للعلوم - اكاديمية الشرطه - جامعة سيناء

وكل اللى عايزين تعرفوه ادخلوا على الموقع الرسمى للجامعه
وبجد عن تجربه انا كنت مبخرجش وكنت بقول بلا جامعه بلا بتاع بس لما رحت بجد بجد بحس انى مرتاح مع اصحابى ومقضينها هزار وضحك ونتفرج على العرض ده والعرض ده وبجد احسن مكانين فى الجامعه كلية تجاره بتعمل عروض كل يوم والسنتر المركزى عند بوابة ويش

والسلام ختام

يا جماعه انا قلت تروحوا الاسبوع ومقلتش لحد يروح الحافله عشان بجد كانت حفله بيئه اخر حاجه معاكسات وتحرشات وزحام واكتر من كده كمان