الرئيسية
من طرف the naughty السبت يوليو 18 2009, 16:33ازيكم يا احلى اعضاء يارب تكونوا كويسين
جيبالكم النهارده حوااار جامد وقصة حب ساااخنة جدا بين البيبسى والميرندا
الموقع :ثلاجة في سوبر ماركت
البيبسي : يا ميراندا صاحية ولا نايمة
الميرندا : صاحية وانت ايه اللي مصحيك لحد دلوقتي لسه ربع الساعة والراجل يقفل المحل ويقفل النور
البيبسي : ممكن أقعد جانبك
الميرندا : اتفضل
البيبسي : تحبي نتكلم في ايه
الميرندا : عادي أي حاجة..ولو هتطول قول علشان استأذن من بابا وأنام بره الصندوق
البيبسي ( فرحان ): احرجتيني وطلعتي زي ماقالت ماما
الميرندا : وهي قالت ايه
البيبسي : قالت الميراندا أحلى من الفانتا
الميرندا : فانتا آل فانتا آل
البيبسي : ليه مالها الفانتا دي تهبل
الميرندا : ماشي لو عاجباك روحلها في الصندوق بتاعها..سلام
البيبسي : ايه يا ميري زعلتي من كلامي دا انتي ستهم كلهم
وفي اللحظة دي صاحب المحل حط جنبهم زجاجة فانتا.....
البيبسي : نورتي الصندوق يافانتا...ايه يا أخواتي الحلاوة دي
الميرندا : وكمان بتغازلها أدامي,, وانا معاك من الصبح يا عبد يا اسود
الفانتا : دي مالها دي متعصبة...ياي غيارة
البيبسي : سيبك منها بس قولي ايه الجمال اللي أنت فيه ده
الميرندا : قولي يا قصيرة يا قزمة
الفانتا : روحي كده وانتي بآلك اسبوع مرمية في الصندوق ومحدش معبرك
البيبسي : هدوء يا جماعة كل واحدة فيكم فيها مميزات انتو الاتنين حلوين
وفجأة جه زبون المحل وخد الثلاث زجاجات في كيس
وروح البيت وفتح الفنتا وشربها...
البيبسي : الحمد لله كانت مضايقانا الفانتا............ (منافق وبوشين)
الميرندا : وكمان جايلك عين تتكلم...روح وراها يا اسود
البيبسي (بينه وبين نفسه ) : ضاعت عليا الفانتا وكمان الميرندا
وجلست الميرندا تبكي وتقول لنفسها يقطع الحب وسنينه
لحد اما سخنت وجه واحد يشربها وجدها سخنة فألقى بها في سلة المهملات
وكانت دي نهاية مؤلمة لقصة حب...... ساخنه جدا
