انتحار الشباب حد عنده حل؟

دمعة عين كتب:

طبعا قضية مهمة يا مايا
وشكرا ليكى على طرحك ليها
انا من رأيى ان السبب فى تفكيرهم ف السفر طبعا البطالة اللى احنا فيها
وان بلدنا مش بتقدر حد
حتى النوابغ اللى بيظهروا من عندنا لو قدموا علمهم يبقى قول عليهم يا رحمن يا رحيم
بس فيه حاجة محيرانى
لما الشاب بيهرب من بلده ويسافر علشان يشتغل وف الاخر ترسى على غسيل الاطباق او اى شغلةمن دى
ليه متشتغلش كده فى بلدك؟؟؟
ليه مترحمش نفسك واهلك وحبايبك من نار الغربة؟؟؟
ليه تحب تعيش نفسك فى وحدة وعزلة ؟؟؟

كمان حاجة
احنا محتاجين جهد وعلم ف بلدنا
ليه الحكومة مش بتستغل شبابها ؟؟ليه سايبة اعدائنا يستفيدوا بمجهود شبابنا ويتقدموا على حسابنا؟؟
اعتقد ان رأى الشباب هو اللى هيفيد فى التوبيك ده يا مايا

عندك حق يادمعه فعلا السبب هو البطاله بس مالبطاله فى كل مكان
يعنى الباب اللى بيهاجروا بطرق غير شرعيه دول عارفين ومتاكدين ان ال3|4هايغرق والربع الاخير هيتمسك
يعنى بيفكروا فى ايه هى الحكايه كلها غلط
وكمان المشكله فى الهجره دى
ان السفر صعب يعنى علشان واحد يسافر لازم عقد عمل ولازم مصاريف كتير على مايسافر
وحاليا مبقاش حد بيدور على شغل الكل بيدور ازاى يلاقى عقد عمل ويافكيك على بره
شكرا ليكى يادمعه على رايك

مريومة كتب:طبعا قضية مهمة جدا يامايا وعجبنى اوى كلام دمعة اوى
بس يادمعة ياحبيبتى الشباب الغلابة دى هتعمل اية مهو بيتعلموا احسن تعليم ويقعدوا فى بيتهم ومش بيلاقى شغل
والله العظيم بابا بيحكى لينا واحد معة بكالوريس علوم قسم ميكروبيولجى يعنى يعتبر اخصائى تحاليل وبيشتغل اية ؟؟؟؟؟؟؟؟
تخيلى كدة بيمسح الجزم هتعمل اية الشباب الغلابة دى لما يتطلع عينة فى تعليم ومذكرة وفى الاخر مش يلاقوا شغل بيكون الحل الوحيد قدمهم انهم يسافروا برة بس ميعرفوش انهم لما يسافروا برة بطريقة الغير شرعية دى اخرتهم كلنا عرفاينها وكفاية حرقة قلب اهليهم عليهم فى الاخر بيتمرمرط ويطلع عينة وبيرجع بلدة زى مراح زى مجة بس بعد اية بعد ميكون طاقة استنفذت فين هى دور مصر فى محاربة البطالة فين المسئولين فين وفين وفين دى لما بيكون عندنا حدكويس من الجيل بتاعنا وعندة موهوبة قولى يلا السلامة مفيش اهتمام او رعاية الدول برة بتهتم بالكوادر العلمية دى لانها هى تعتبر اساس اى دولة فى العالم
بس هنعمل اية هى بلدنا كدة وفعلا اللى هيفيدك اكتر واكتر هم الشباب نستنى نشوف وجهة نظرهم

عندك حق يامريومه اللى بيتخرج دلوقتى مش بيلاقى وظيفه بالبكالريوس
وشكرا ليكى ياقمر على مرورك

الشرويدى كتب:موضوع جميل وقضية شائكة بجد يا مايا
عارفة ازمة الطالة فى اللد كل يوم بتزيد اكتر من اليوم اللى قبلة
وعلى فكرة احب اقول حاجة لكل الشباب ان متحولوش تستنم الشغل ييجى لحد عندكم
مصر اصبحت دولة راس مالية يعنى الاشتراكية انتهت من زمان
ومعدتش الحكومة هيا اللى بتجيب الشغل وبتعين
لازم الشباب هما اللى يعتمدم على نفسهم ويدورم على الشغل
ويعملم مشاريع خاصة بيعم عشان كدا زودت حكاية قروض الشباب دى
وانا من نظرى ان دا من اكبر عيوب النظام الراسمالى
وللحديث بقية
تسلم ايدك يا مايا

انا مش معاكى ياشرويدى الشباب من يوم مابيخلص دراسه وهو بيدور على مية شغله
وفى الاخر يابيشتغل فى مطعم ياسواق تاكسى
وعمره مابيشتغل بالشهاده الانادر جدا
بس شكرا لمرورك ياقمرايه

طيب يعني هما يعملو ايه يا مايا طالما البلد مش موفره ليهم اي فرصه للشغل قطعو نفسهم يعني وفضلو يتعلمو طول حياتهم ويدخلو كلية معينه وفي الاخر ميلقوش شغل ولو لقيو شغل يبقى مش في التخصص اللي درسوه ولو فضلو في البلد هيجيلهم احباط ويكتأبو ومش بعيد يعملو حجات غلط نتيجه للبطاله او لطموحهم اللي بقى في الارض وفجاه بصو لقيو ان في ناس بيسافرو وبيحققو نجاح هما معرفوش يحققوه وهما في البلد يبقى حلم السفر ده هو الوحيد اللي هيكون نجده ليهم لما تلاقي شاب نفسه يحقق امنيته في انه يكون حاجه او يتجوز زيه زي اي حد ويكون ليه بيت ومستقبل وفجأه يلاقي ان عشان يعمل ده وهو في مصر يبقى قدامه اضعاف السنين اللي ممكن وهو مسافر في سنوات اقل يعمل ده
الشباب المصري فيه طاقه كبيره ومش لاقي فرصه يستغلها داخل بلده يبقى يدور عليها في مكان محتاج للطاقه دي فهمتي بقى يا مايا له الشباب بيسافر حتى وهو عارف ان ده ممكن يكون خطر ويعرضه للموت بس عنده يموت وهو بيحاول يحقق ذاته على انه يموت من غير هدف ومن غير ما يحقق نفسه

يامنه انا محترمه رايك بس انتى عارفه هما بيسافروا ازى؟
ده لو كل واحد وفر فلوش العقد والسفر ممكن يعمل مشروع
وبعدين ده انتحار السفر بطريقه غير شرعيه ده انتحااااااااااااااااار
وحرام عليهم نفسهم واهلهم

شكرا ليك يااستاذ محمد وطبعا اختلاف الراى لايفسد للود قضيه
بس انا مش مع حضرتك لأن الشباب مش بيلاقوا فرص عمل فى البلد كتير
البطاله اكتر فى البلد دى

موضوع هايل بجد يا مايا
بس للاسف كل هم تفكير الشباب الوقتى ان هو يسافر لان شايفين ان الحياة صعبة قدامهم

محمد العمرى كتب:اكيد.....تعريف البطاله...هى ان الشباب ما يشتغلش فى مجال شغله
ونسبه البطاله - لو عرفناها بالمفهوم ده - تقريبا هتبقى نسبتها 80 فى الميه
انما انا بقول هى الحكايه غلط بس هنعمل ايه...يبقى ما امسكش بقى فى انى لازم اشتغل فى مجال تخصصى واقول نظام البلد مش حلو وكده....واضيع مجهودى فى اللوم
لا انا بقول اننا ممكن نشتغل فى اى مجال لغايه ما نحقق هدف معين( مادى يعنى ) ساعتها هيبقى عندنا القدره اننا نبدا فى مجالنا بالفلوس اللى عملناها من المجال التانى
الموضوع مش سهل - ان ما قلتش كده - بس الاكيد انه مش مستحيل

انا معاك يااستاذ محمد فى رايك بس قولى هو فى شاب دلوقتى بيفكر يقعد يشتغل فى بلده؟
ابدا كله بيخلص ولوكان ليه جيش بيعمل اوراقه فى الاجازات علشان يخلص ويافكيك على بره
مفيش فى مصر دلوقتى شاب بيحاول يدور هو مقتنع تماما ان مفيش شغل ومش هايحاول يدور
هو يخلص ويسافر على طول وده حال الشباب

الشرويدى كتب:المشكلة ان فى شباب كتييييييييييييير متقيدين بدراستهم وبالشهادة ومصممين ان هما يشتغلم فى تخصصهم وباللى درسوة
ودا تفكير غلط اغلب الناس النهاردة مبيشتغلوش بمؤهلاتهم وهاتولى حد ناجح جدا وبيشتغل بمؤهلة
انا عندكم اول واحدة ناوية ان شاء الله مشتغلش بمؤهلى لانى بصراحة مبحبش التدريس اوى مش لاقية نفسى فية ولسا متاقلمتش على انى اكون مدرسة لسن حرج زى دة
وبعدين اغلبنا دخل الكلية اللى عايزها مكتب التنسيق منقدرش ننكر دة فالية مايبقاش معاك شهادة وفى نفس الوقت تحاول تشتغل بالحاجة اللى انت كنت بتحبها وموهوب فيها ولو اتاحتلك الفرصة انك تشتغل بمؤهلك وماله خير وبركة بس متقفش عبد كدا للظروف ومتعملش حاجة
الموضوع كبيييير ولية فروع كتير فى الكلام وللحديث بقة اكيد ان شاء الله

معاكى حق ياشرويدى بس زى ماقلت فى كلامى للاستاذ محمد مفيش شاب بيحاول يدور على شغل كله بيقول السفر
وشكرا ليكى ياقمرايه على مرورك

basim كتب:موضوع هايل بجد يا مايا
بس للاسف كل هم تفكير الشباب الوقتى ان هو يسافر لان شايفين ان الحياة صعبة قدامهم

معاك حق
شكرا ليك ياباسم

شكرا ليك ياميدو بس فعلا الشاب لوعايز يفتح بيت وهو فى بلده هايفتح بيت
هى مش قاعده
بس هو بيقولك انا هاقعد هنا 5سنين زى سنه هناك اقصد من ناحيه الفلوس
فبيستسهل ويسافر علشان يكون جاهز اسرع

طيب وبعدين على فكرة لو طريقة التفكير دى انتشلات اكتر من كدا بين الشباب
هاتحصل ازمة لان لما كمل الشباب هايسفرم مين اللى هايساعد فى تقدم البلد دى
مين اللى هايبنى مصر الجديدة
مين اللى هيصنع المستقبل
[b]ربنا يسترها