السلام عليكم و رحمة الله و بركاته
ازيكم يا جماعه ، و اخبار رمضان معاكو ايه ، بجد رمضان فات السنه دى بسرعه اوى ، كل سنه بقى و انتم طيبين ، العيد قرب و كمان دخول الجامعات قرب اوى و بالمناسبه دى انا كتب الموضوع دا ، عشان افتكر كدا ال 3 سنين اللى فاتو معاكو ، و افتكر انا ليه عملت المنتدى دا و ايام ما كنت لسه داخل الجامعه و الحكايه اللى كل لما افتكرها بحس ان الوقت عدى بسرعه اوى ، ال 3 سنين فاتو بسرعه جدا ، بجد نفسى الايام دى ترجع من الاول ، حقيقى كانت اجمل ايام حياتى ، كنت شايف الدنيا حلوه اوى قدامى ، انما دالوقتى بفكر ان دى اخر سنه ، طب بعد كدا انا هطلع اعمل ايه ، انا متعود طول عمرى انى بقوم من النوع و اروح المدرسه و لما كبرت شويه كنت بصحى من النوم و اروح الجامعه ، طيب كمان سنه ان شاء الله لو كان ليا عمر ، هعمل ايه و هروح فين ، بجد لما بفكر كدا بكون حاسس انى تايه ، بحس ان الدنيا كبيره اوى ، و انا تايه مش عارف انا مكانى فين فيها ، اعزورونى ان الموضوع مش هيكون مترتب بس بجد انا كان نفسى اكتب موضوع فضفضه زى دا من زمان ، و انتم اكتر ناس بثق فيهم انى احكيلهم ، عشان كتير منكم معايا من اول افتتاح المنتدى و بقاله 3 سنين معانا و حتى الجديد منكم اندمج للمجموعه بسرعه ، المهم الحكايه بدأت من اول يوم ليا فى الجامعه ، كنت طبعا زى اى واحد داخل الجامعه ، عايز اكون صداقات و علاقات زى طبيعتى الاجتماعيه العاديه ، و فعلا فى اول اسبوع فى الجامعه كان ليا اصحاب كتير جدا جدا و من هنا جت فكرة المنتدى ، قولت طب بدل ما علاقتى بصحابى دى بتنتهى مجرد ما اسيب الجامعه و امشى طب ما انا اعمل اى فكره بحيث اننا نكون مع بعض فى الجامعه و كمان بعد ما نخلص محاضرات و فعلا جت فى بالى انا و اصحابى فكرة عمل موقع او منتدى على النت ، و بصفتى انا كنت فاهم فى الحوارات دى فى الفتره دى ، قالولى ايه رأيك تعمل منتدى باسم كليتنا (كلية تجاره)بصراحه الفكره عجبتنى جدا و قولتله طب ما تيجى نعملها باسم الجامعه كلها و اهو تبقى حاجه فريده من نوعها ، منتدى خاص بجامعة المنصوره و فعلا فى الوقت دا مكنش اى حد عامل منتديات شباب جامعة المنصوره ، و فعلا عملت المنتدى و فى البدايه كان مقتصر عليا انا و اصحابى بس ، و بعد كدا بدأت احط لينك المنتدى على مواقع البحث ، زى جوجل و ياهو و العرب سيرش و بدأ المنتدى يدخله زوار و شويه شويه بدأ الاعضاء يسجلو و بدأ المنتدى يكبر و يكبر و ناس جديده كل يوم تسجل و تدخل ، و اجيال تروح و اجيال تيجى على المنتدى و تعدى ال 3 سنين فى ثوانى ، مش عارف بجد حاسس ان انا فقدت الاحساس بالزمن ، مش مصدق انها سنه واحده ، سنه واحده بس و يبقى عدى 4 سنين عليا و خلصت دراسه و ابقى مدير المنتدى بس مش فى جامعة المنصوره ، اول مره احس باحساس ميهو و محمد العمرى ، هما كانو فى المنتدى قبل ما يتخرجو و بعد ما اتخرجو ، بس بجد كانت اجمل 3 سنين فى حياتى ، و ان شاء الله السنه دى تعدى على خير ، ياريت كل اصحابى اللى يقرأو الموضوع دا يعرفو ان بجد دى اجمل 3 سنين قضيتها معاكو و ان المنتدى دا انتم اللى عملتوه و مرت علينا ايام كنا مخنوقين فيها و كتبنا على المنتدى اننا مخنوقين و مرات كنا مبسوطين و الفرحه مش سيعانا و اتشركنا كلنا الفرحه ، بجد المنتدى كان مخلينا اكننا عايشين مع بعض ، ساعات بشتاق لمواضيع كتبتها من زمان فى المنتدى و اقرأها و افتكر ايامها و افتكر كل اللى فات دا و اعرف ان المنتدى دا بجد مكنش مجرد منتدى لا ، دا كان بيت و كلنا عايشين فيه ، بنتكلم و بنتناقش و بنحب و بنعتب و بنزعل و بنفرح و بتمر علينا ايام امتحانات و يجازه و رمضان و العيد ، ياااااااااه بجد انا نفسى اقول لكل الناس اللى معانا فى المنتدى ربنا يخليكو للمنتدى و يخلى المنتدى ليكم عشان دى حاجه جميله اوى بتجمعنا و انا مش هطول عليكو و ان شاء الله هبقى اكتب جزء تانى للموضوع دا عشان بس الموضوع ميطولش و تعرفو تقرأو من غير ما تزهقو ، تحياتى للجميع و كل سنه و انتم طيبين مره تانيه مناسبة عيد الفطر
ازيكم يا جماعه ، و اخبار رمضان معاكو ايه ، بجد رمضان فات السنه دى بسرعه اوى ، كل سنه بقى و انتم طيبين ، العيد قرب و كمان دخول الجامعات قرب اوى و بالمناسبه دى انا كتب الموضوع دا ، عشان افتكر كدا ال 3 سنين اللى فاتو معاكو ، و افتكر انا ليه عملت المنتدى دا و ايام ما كنت لسه داخل الجامعه و الحكايه اللى كل لما افتكرها بحس ان الوقت عدى بسرعه اوى ، ال 3 سنين فاتو بسرعه جدا ، بجد نفسى الايام دى ترجع من الاول ، حقيقى كانت اجمل ايام حياتى ، كنت شايف الدنيا حلوه اوى قدامى ، انما دالوقتى بفكر ان دى اخر سنه ، طب بعد كدا انا هطلع اعمل ايه ، انا متعود طول عمرى انى بقوم من النوع و اروح المدرسه و لما كبرت شويه كنت بصحى من النوم و اروح الجامعه ، طيب كمان سنه ان شاء الله لو كان ليا عمر ، هعمل ايه و هروح فين ، بجد لما بفكر كدا بكون حاسس انى تايه ، بحس ان الدنيا كبيره اوى ، و انا تايه مش عارف انا مكانى فين فيها ، اعزورونى ان الموضوع مش هيكون مترتب بس بجد انا كان نفسى اكتب موضوع فضفضه زى دا من زمان ، و انتم اكتر ناس بثق فيهم انى احكيلهم ، عشان كتير منكم معايا من اول افتتاح المنتدى و بقاله 3 سنين معانا و حتى الجديد منكم اندمج للمجموعه بسرعه ، المهم الحكايه بدأت من اول يوم ليا فى الجامعه ، كنت طبعا زى اى واحد داخل الجامعه ، عايز اكون صداقات و علاقات زى طبيعتى الاجتماعيه العاديه ، و فعلا فى اول اسبوع فى الجامعه كان ليا اصحاب كتير جدا جدا و من هنا جت فكرة المنتدى ، قولت طب بدل ما علاقتى بصحابى دى بتنتهى مجرد ما اسيب الجامعه و امشى طب ما انا اعمل اى فكره بحيث اننا نكون مع بعض فى الجامعه و كمان بعد ما نخلص محاضرات و فعلا جت فى بالى انا و اصحابى فكرة عمل موقع او منتدى على النت ، و بصفتى انا كنت فاهم فى الحوارات دى فى الفتره دى ، قالولى ايه رأيك تعمل منتدى باسم كليتنا (كلية تجاره)بصراحه الفكره عجبتنى جدا و قولتله طب ما تيجى نعملها باسم الجامعه كلها و اهو تبقى حاجه فريده من نوعها ، منتدى خاص بجامعة المنصوره و فعلا فى الوقت دا مكنش اى حد عامل منتديات شباب جامعة المنصوره ، و فعلا عملت المنتدى و فى البدايه كان مقتصر عليا انا و اصحابى بس ، و بعد كدا بدأت احط لينك المنتدى على مواقع البحث ، زى جوجل و ياهو و العرب سيرش و بدأ المنتدى يدخله زوار و شويه شويه بدأ الاعضاء يسجلو و بدأ المنتدى يكبر و يكبر و ناس جديده كل يوم تسجل و تدخل ، و اجيال تروح و اجيال تيجى على المنتدى و تعدى ال 3 سنين فى ثوانى ، مش عارف بجد حاسس ان انا فقدت الاحساس بالزمن ، مش مصدق انها سنه واحده ، سنه واحده بس و يبقى عدى 4 سنين عليا و خلصت دراسه و ابقى مدير المنتدى بس مش فى جامعة المنصوره ، اول مره احس باحساس ميهو و محمد العمرى ، هما كانو فى المنتدى قبل ما يتخرجو و بعد ما اتخرجو ، بس بجد كانت اجمل 3 سنين فى حياتى ، و ان شاء الله السنه دى تعدى على خير ، ياريت كل اصحابى اللى يقرأو الموضوع دا يعرفو ان بجد دى اجمل 3 سنين قضيتها معاكو و ان المنتدى دا انتم اللى عملتوه و مرت علينا ايام كنا مخنوقين فيها و كتبنا على المنتدى اننا مخنوقين و مرات كنا مبسوطين و الفرحه مش سيعانا و اتشركنا كلنا الفرحه ، بجد المنتدى كان مخلينا اكننا عايشين مع بعض ، ساعات بشتاق لمواضيع كتبتها من زمان فى المنتدى و اقرأها و افتكر ايامها و افتكر كل اللى فات دا و اعرف ان المنتدى دا بجد مكنش مجرد منتدى لا ، دا كان بيت و كلنا عايشين فيه ، بنتكلم و بنتناقش و بنحب و بنعتب و بنزعل و بنفرح و بتمر علينا ايام امتحانات و يجازه و رمضان و العيد ، ياااااااااه بجد انا نفسى اقول لكل الناس اللى معانا فى المنتدى ربنا يخليكو للمنتدى و يخلى المنتدى ليكم عشان دى حاجه جميله اوى بتجمعنا و انا مش هطول عليكو و ان شاء الله هبقى اكتب جزء تانى للموضوع دا عشان بس الموضوع ميطولش و تعرفو تقرأو من غير ما تزهقو ، تحياتى للجميع و كل سنه و انتم طيبين مره تانيه مناسبة عيد الفطر
عدل سابقا من قبل احمد العمرى في الجمعة يناير 21 2011, 14:11 عدل 2 مرات