الرئيسية
من طرف السلام عليكم و رحمة الله و بركاته
ازيكم يا جماعه ، اخباركم ايه ، يارب تكونو بخير و تكون بداية السنه الدراسيه الجديده افضل من بداية السنه الماضيه ، الحقيقه موضوع النهارده كنت عايز اكتبه من اول يوم فى الدراسه و دا طبعا بعد شوية مناظر شوفتها فى اليوم الاول من الجامعه فى اثناء حضورى فى اول يوم ، و استغربت اوى ، ازاى ناس خلاص فى اخر سنه ليهم فى الجامعه و يكون تفكيرهم بالاسلوب دا ، و تكون عقليتهم عامله كدا ، ازاى بعد 3 سنين ليهم فى الجامعه و عقلهم لسه لم ينضج ، ازاى كل واحد فيهم يتباهى بعدم المعرفه و يكون قاعد فى اخر بنش فى المدرج و مشغل اغانى ولا فى باله المحاضره (طب انت بتحضر ليه من الاول )طب يعنى و احنا فى سنه اولى قولنا ان انت طايش و مش فاهم الدنيا ماشيه ازاى و كل اللى فى بالك حاجات هامشيه و ملهاش لازمه ، انما تعدى 3 سنين ليك فى الجامعه و انت حالك زى ما هو ، مفيش نضج فى التفكير ، دى حاجه بصراحه انا مقدرش اسكت عليها و لازم الومك و اناقشك و الفت نظرك لحاجه زى كدا ، المهم ندخل للموضوع عشان انا مش عاوز اطول فى المقدمه ، الوضوع و ما فيه بقى يا جماعه ، انى نزلت طبعا اول يوم ليا فى الدراسه و كان يوم الثلاثاء اللى فات ، قولت انا هنزل احول ادارة و احضر كدا المحاضرتين اللى ورايا عشان اشوف الماده بتتكلم عن ايه عموما ، عشان اول محاضره دى هتكون مهمه ، كالعاده رحت للمدام اللى مسئوله عن تحويلات الفرقه الرابعه و فضلت مستنى اكتر من ساعه قدام الشباك عشان احول ، المهم بعد شوية مشادات معها ، الحمد لله قدرت احول اداره و كان يادوب الحق احضر اول محاضره ، المهم رحت حضرت اول محاضره و اكتشفت ان دفعت اداره السنه دى لا تتعدى 30 طالب و طالبه ، قولت طيب خير مفيش مشاكل ، حضرت اول محاضره و كانت عن ادارة النظم و المعلومات ، و طبعا دار حوارات كبيره بينى و بين دكتور المحاضره لانه كان بيتكلم على موضوعات انا عارف عنها كتير ، بعد ما المحاضره خلصت كان ورايا محاضره تانيه فى الاداره الماليه و دى ماده مشتركه بين شعبة ادارة اعمال و شعبة محاسبه و طبعا العدد فى مدرج المهدى كان مهول ، المهم حضرت المحاضره فى البنش السابع فى النص ، كنت جاى اول يوم بقى و محدش من اصحابى كان موجود فا فضلت قاعد كدا مع شوية شباب اتعرفت عليهم من الشعبه بتاعتى منهم الاول على الدفعه و بصراحه شاب مجتهد جدا و ربنا يبارك فيه ، وانا قاعد بقى و المفروض المحاضره كانت تبدأ من ربع ساعه ، الدكتور طبعا كان لسه مجاش ، فا الناس كانت بتتكلم ، و بالذات الناس اللى كانت قاعده ورايا ، طبعا الموبيل شغال على الاخر و خمس او ست عياااااااااااال (وينفعش اقول عليهم غير عيال ) قاعدين يتكلمو بقى
محمود : انت تعرف يا ادهم ان انا شلت المحاسبه دى سنتين ورا بعض زى محاسبة اولى
ادهم : يابنى انت مهما وصلت مش هتبقى زيى ، انا فى الكليه دى بقالى 7 سنين
شوقى : طب ما انا زيك يا ادهم ، انت هتترسم يعنى
ادهم : بقولك ايه بس شغل اغنيه تانيه غير دى
رضا : ايوه يا عم شغل حد تانى غير ابن التيييييييييييت دا ، شغل شعبى احنا مبنحبش مصطفى كامل دا عشان رومانسى
المهم فضل الحوار داير بالطريقه دى ، و اول ما الدكتور دخل لقيت الشله دى رجعت ورا و فضلت مشغله الاغانى فى المحاضره و كمان شغلو الناس اللى ورا عن المحاضره و اى كلمه يقولها الدكتور فضلو يستظرفو عليها ولقيتلك باقى الناس بقى اللى فى الصف الاول و قاعدين ورا عملو زيهم و اتقلبت المحاضره لقعدة عرب ، مع العلم ان دول ناس اخر سنه ليهم و منهم كتير ناس عندها 25 سنه ، مش مستوعب ازاى ناس فى السن دا و بالعقليه دى ، بجد يا جماعه انا مش عارف اقول ايه ، بس طول ما فى ناس زى دى ، طول ما هيكون فيه سلبيات كتيره موجوده فى مجتمعنا
و نصيحه لاى حد فى سنه اولى او ثانيه ولسه مش عارف الدنيا ماشيه ازاى ، صدقنى ، الحاجه الوحيده اللى هتنفعك علمك و قربك من ربنا ، يا عم مبقولكش تبقى شيخ ، بس حافظ على الصلاه و لما يكون وراك محاضره ادخل احضرها وافهمها اي كانت كليتك ايه ، و انت فى فترة الرست ابقى اعمل اللى انت عاوزه ، و لما تكون على النت قاعد مثلا ، متقضيش كل الوقت فى اللعب و الشات ، فيه حاجات كتير ممكن تستفيدها ، انت ممكن و انت قاعد تتعلم لغه جديده ، برنامج جديد ، تقرأ كتاب ـ تشوف برنامج يفيدك حتى لو ملوش دعوه بدراستك اهو انت بتعرف ، عشان يبقى عندك ثقافه و ادراكك يزيد ، والله دا مهو كلام انشه دى حاجات صدقنى هتفيدك كتير و قسم بالله انا جربت كل ما يخطر على بال اى حد و اللى ميخطرش ، بس نصيحه من واحد جرب ، مش هيفيدك غير انك تكون قريب من ربنا و يكون عندك علم يعنى خصص لنفسك ساعه فى اليوم تقرأ و تعرف جديد غير دراستك و 3 ساعات مزاكره و الباقى يا عم العب و اعمل اللى انت عاوزه ، و هديه منى ليكم دى حلقات دكتور مصطفى محمود الله يرحمه و يحسن اليه ، حملوها و اتعلمو و اعرفو جديد ، و صدقونى كل الحاجات دى هتفيدكو لو مش دالوقتى هيبقى بعدين
دا لينك حملو منه ال 219 حلقه
http://www.megaupload.com/?f=P5S5KK3T
تحياتى ليكم و اسف على الاطاله بس انا كان لازم اعمل الموضوع دا ، لعل و عسى لو واحد بس اخد موضوعى دا بجديه يبقى ربنا اكرمنى و اكرمه
سلام و مستنى التعليق
ازيكم يا جماعه ، اخباركم ايه ، يارب تكونو بخير و تكون بداية السنه الدراسيه الجديده افضل من بداية السنه الماضيه ، الحقيقه موضوع النهارده كنت عايز اكتبه من اول يوم فى الدراسه و دا طبعا بعد شوية مناظر شوفتها فى اليوم الاول من الجامعه فى اثناء حضورى فى اول يوم ، و استغربت اوى ، ازاى ناس خلاص فى اخر سنه ليهم فى الجامعه و يكون تفكيرهم بالاسلوب دا ، و تكون عقليتهم عامله كدا ، ازاى بعد 3 سنين ليهم فى الجامعه و عقلهم لسه لم ينضج ، ازاى كل واحد فيهم يتباهى بعدم المعرفه و يكون قاعد فى اخر بنش فى المدرج و مشغل اغانى ولا فى باله المحاضره (طب انت بتحضر ليه من الاول )طب يعنى و احنا فى سنه اولى قولنا ان انت طايش و مش فاهم الدنيا ماشيه ازاى و كل اللى فى بالك حاجات هامشيه و ملهاش لازمه ، انما تعدى 3 سنين ليك فى الجامعه و انت حالك زى ما هو ، مفيش نضج فى التفكير ، دى حاجه بصراحه انا مقدرش اسكت عليها و لازم الومك و اناقشك و الفت نظرك لحاجه زى كدا ، المهم ندخل للموضوع عشان انا مش عاوز اطول فى المقدمه ، الوضوع و ما فيه بقى يا جماعه ، انى نزلت طبعا اول يوم ليا فى الدراسه و كان يوم الثلاثاء اللى فات ، قولت انا هنزل احول ادارة و احضر كدا المحاضرتين اللى ورايا عشان اشوف الماده بتتكلم عن ايه عموما ، عشان اول محاضره دى هتكون مهمه ، كالعاده رحت للمدام اللى مسئوله عن تحويلات الفرقه الرابعه و فضلت مستنى اكتر من ساعه قدام الشباك عشان احول ، المهم بعد شوية مشادات معها ، الحمد لله قدرت احول اداره و كان يادوب الحق احضر اول محاضره ، المهم رحت حضرت اول محاضره و اكتشفت ان دفعت اداره السنه دى لا تتعدى 30 طالب و طالبه ، قولت طيب خير مفيش مشاكل ، حضرت اول محاضره و كانت عن ادارة النظم و المعلومات ، و طبعا دار حوارات كبيره بينى و بين دكتور المحاضره لانه كان بيتكلم على موضوعات انا عارف عنها كتير ، بعد ما المحاضره خلصت كان ورايا محاضره تانيه فى الاداره الماليه و دى ماده مشتركه بين شعبة ادارة اعمال و شعبة محاسبه و طبعا العدد فى مدرج المهدى كان مهول ، المهم حضرت المحاضره فى البنش السابع فى النص ، كنت جاى اول يوم بقى و محدش من اصحابى كان موجود فا فضلت قاعد كدا مع شوية شباب اتعرفت عليهم من الشعبه بتاعتى منهم الاول على الدفعه و بصراحه شاب مجتهد جدا و ربنا يبارك فيه ، وانا قاعد بقى و المفروض المحاضره كانت تبدأ من ربع ساعه ، الدكتور طبعا كان لسه مجاش ، فا الناس كانت بتتكلم ، و بالذات الناس اللى كانت قاعده ورايا ، طبعا الموبيل شغال على الاخر و خمس او ست عياااااااااااال (وينفعش اقول عليهم غير عيال ) قاعدين يتكلمو بقى
محمود : انت تعرف يا ادهم ان انا شلت المحاسبه دى سنتين ورا بعض زى محاسبة اولى
ادهم : يابنى انت مهما وصلت مش هتبقى زيى ، انا فى الكليه دى بقالى 7 سنين
شوقى : طب ما انا زيك يا ادهم ، انت هتترسم يعنى
ادهم : بقولك ايه بس شغل اغنيه تانيه غير دى
رضا : ايوه يا عم شغل حد تانى غير ابن التيييييييييييت دا ، شغل شعبى احنا مبنحبش مصطفى كامل دا عشان رومانسى
المهم فضل الحوار داير بالطريقه دى ، و اول ما الدكتور دخل لقيت الشله دى رجعت ورا و فضلت مشغله الاغانى فى المحاضره و كمان شغلو الناس اللى ورا عن المحاضره و اى كلمه يقولها الدكتور فضلو يستظرفو عليها ولقيتلك باقى الناس بقى اللى فى الصف الاول و قاعدين ورا عملو زيهم و اتقلبت المحاضره لقعدة عرب ، مع العلم ان دول ناس اخر سنه ليهم و منهم كتير ناس عندها 25 سنه ، مش مستوعب ازاى ناس فى السن دا و بالعقليه دى ، بجد يا جماعه انا مش عارف اقول ايه ، بس طول ما فى ناس زى دى ، طول ما هيكون فيه سلبيات كتيره موجوده فى مجتمعنا
و نصيحه لاى حد فى سنه اولى او ثانيه ولسه مش عارف الدنيا ماشيه ازاى ، صدقنى ، الحاجه الوحيده اللى هتنفعك علمك و قربك من ربنا ، يا عم مبقولكش تبقى شيخ ، بس حافظ على الصلاه و لما يكون وراك محاضره ادخل احضرها وافهمها اي كانت كليتك ايه ، و انت فى فترة الرست ابقى اعمل اللى انت عاوزه ، و لما تكون على النت قاعد مثلا ، متقضيش كل الوقت فى اللعب و الشات ، فيه حاجات كتير ممكن تستفيدها ، انت ممكن و انت قاعد تتعلم لغه جديده ، برنامج جديد ، تقرأ كتاب ـ تشوف برنامج يفيدك حتى لو ملوش دعوه بدراستك اهو انت بتعرف ، عشان يبقى عندك ثقافه و ادراكك يزيد ، والله دا مهو كلام انشه دى حاجات صدقنى هتفيدك كتير و قسم بالله انا جربت كل ما يخطر على بال اى حد و اللى ميخطرش ، بس نصيحه من واحد جرب ، مش هيفيدك غير انك تكون قريب من ربنا و يكون عندك علم يعنى خصص لنفسك ساعه فى اليوم تقرأ و تعرف جديد غير دراستك و 3 ساعات مزاكره و الباقى يا عم العب و اعمل اللى انت عاوزه ، و هديه منى ليكم دى حلقات دكتور مصطفى محمود الله يرحمه و يحسن اليه ، حملوها و اتعلمو و اعرفو جديد ، و صدقونى كل الحاجات دى هتفيدكو لو مش دالوقتى هيبقى بعدين
دا لينك حملو منه ال 219 حلقه
http://www.megaupload.com/?f=P5S5KK3T
تحياتى ليكم و اسف على الاطاله بس انا كان لازم اعمل الموضوع دا ، لعل و عسى لو واحد بس اخد موضوعى دا بجديه يبقى ربنا اكرمنى و اكرمه
سلام و مستنى التعليق
