حاسين بمسئولية؟؟؟

بسم الله الرحمن الرحيم

ازيكم يا أحلى أعضاء يارب كلكم تكونوا بخير وبصحة وسلامة وطاعة
موضوعى اليوم هيبدأ بسؤال بسيط لكن معناه عميق والسؤال
حاسين بمسئولية؟؟؟؟؟؟؟؟؟؟؟؟؟
حاسين ان ليكم دور فى مجتمعكم وبلدكم؟؟؟؟؟؟؟؟
حاسين انكم تقدروا تعملوا حاجة بس محتاجين تشجيع؟؟؟؟؟؟؟؟؟
حاسين انكم سبب فى اى أزمة بلدنا بتعيشها؟؟؟؟؟؟؟؟؟؟
عن اللى الفوضى والهمجية اللى احنا فيها؟؟؟؟؟؟؟

اللى جعلنى اسأل السؤال ده ان فيه كذا منظر مش بيروحوا من خيالى خالص وبتألم جامد بسببهم
وهو منظر أولاد الشوارع اللى مالين المنصورة وكل محافظات مصر

هاحكيلكم كذا موقف
واحد منهم
كنت فى يوم راجعة راجعة من الجامعة لقيت ولد عنده تقريبا ست سنين نايم على الرصيف بالعرض وفيه مناديل جمبه فكل اللى رايح واللى جاى يخبط فيه برجله واللى يشتمه واللى قام ضربه علشانه نايم

موقف تانى
فى يوم كان عندى امتحان فانا كنت مستعجلة اوى فقابلتنى بنت زى القمر لكن هدومها مبهدلة وشعرها منكوش فعطيتها الفكة اللى كانت ف ايدى وابتسمت ليها قامت قالتلى انتى بتضحكى ليه؟ قلتلها انتى عسولة اوى قالتلى انتى طيبة اوى يا أبلة وفى عنيها فرحة جميلة اوى لكن قالتلى جملة قالت مفيش حد بيعملنا حلو يا ابلة كلهم بيضربوا فينا ويشتمونا وحتى لما بيعطونا فلوس بعطوها علشان يمشونا وهما متضايقين
والفرحة اللى ف عنيها اتحولت لحزن عميق
وقتها استغربت ازاى بنت يدوب عندها 6 او 7 سنسن بالكتير وبتتكلم كده
بتتكلم وكأنها عايشه من زمان
فعلا الدنيا ومآسيها ياما بتعلم

كمان قرأت فى أخبار المنصورة حكاية طفل عنده 6 سنين من دمياط باباه شغله تباع على ميكروباص عند سواق
ففيوم كعادة الطفل ده انه بيشرب سجاير وهو ف الميكروباص فالركاب اتضايقوا من الريحة فاشتكوا للسواق قام نزل ضرب الولد وقعد يضرب فيه ويشتم فيه لحد ما الولد هرب منه
طبعا خاف يرجع البيت ابوه يضربه
فضل ماشى لحد ما وصل لمحة القطر ولما الدنيا ليلت نام ف القطر صحى لقى نفسه فى مكان غير مكانه وناس تانية وشوارع تانية
بعدين عرف انه ف المنصورة مش ف دمياط
اتعرف على شوية اطفال فى سنه تقريبا حالهم زى حاله عايشن ف الشارع بيناموا فى البيوت المهجورة وبيعملوا كل حاجة من سجاير لمخدرات ولافظع بكتير
الاطفال دى شغلهم واحد على مناديل واللى يرجع من غير ايراد يضربه ويكهربه ويعذبه والبنات يقص ليهم شعرهم
ومواقف تانية كتير سمعتها وقرأتها وشفتها

دلوقتى سؤالى
احنا فين من كل ده؟؟؟؟؟؟؟؟؟؟
ذنبهم ايه الاطفال دى؟؟؟؟؟؟؟؟؟؟؟؟
فين حقوق الانسان اللى قاعدين يحفظوها لينا فى كل مكان؟؟؟؟؟؟
فين حقهم فى العيشة المستقرة وسط اهلهم وناس بتحبهم؟
وحقهم فى الرعاية والصحة والتعليم؟؟
طبعا عايشين من غير حقوق خالص
حتى حقهم ف نظرة حب واحترام من الناس مش لقينها؟
مجرد ابتسامة مش عارفين يوصلوا ليها؟
انا نفسى أعمل حاجة يا ترى انتوا كمان نفسكم؟
مستنية اسمع أرائكم ومقترحاتكم

ومحدش يقول يعنى انا اللى هغير الكون
ايوة انت وانا وهو وهي اللى هنغير
لان لو كل واحد فينا قال كده هنعيش طول عمرنا متخلفين ورجعيين كل اللى حوالينا بيتقدم ويصلح نفسه واحنا هنعيش دول نامية رجعية متخلفة

اوعوا تبخلوا باقتراح او فكرة او حتى كلمة ممكن تكون ف ميزان حسناتكم

والله يا مريومة فهماكى ومعاكى فى كلامك بس انا أقصد ان يعنى لو الدنيا قفلت قدامنا ومقدرناش نعمل حاجة يبقى على الاقل معاملتنا الحلوة معاهم
لان زى ما انتى قلتى كده محتاجين فرصة
ونظرة مننا بتفرق معاهم وكلنا متفقين على كده
يارب تكونى فهمتينى

هاااااااااايل يا دمعتى قضية مهمة
اطفال الشوارع دول لازم هيئة او جهة معنية او المفروض المعنيون بامر الطفولة يعملوا احاث ودراسا عليهم
بس على ما الدراسا دى تتعمل يكون الموضوع كبر والظاهرة تفشت
انا نفسى اعر فالاطفال دول اهاليهم سيباهم كدا ازى
على فكرة احنا لو سمعنا حكاية كل طفل هتلاقى وراه مصايب ومشاكل كتييييييييير

الاطفال دى اهاليهم من وجهة نظرى نوعين
الاول اما نوع جاحد عايز يوصل للفلوس باى طريقة اما عن طريق بيع اولاده او تسريحهم ببضاعة او غيره من الطرق
والتانى بيكونوا اهالى وصلوا لدرجة اليأس من حياتهم بسبب شبح الفقر اللى احنا مهما تخيلنا مش هنحس بمرارته فبيكون تفكيرهم لو سابوا اطفالهم كل واحد يشق طريقه بمعرفته احسن ليه من انه يموت من الجوع والفقر والذل
قضية كبيرة يا شرويدى ومؤلمة اوى ومفيش شخص لوحده يقدر يعمل حاجة ولا منظمة او جهة واحدة
لازم كلنا نتحد
نبتدى شخصين نوصل لتلاتة بكرة يكونوا عشرة بعده العدد يكبر ويكبر
لكننا بنيأس من أول الطريق
ودى مشكلتنا
بس لأ احنا هنعمل حاجات كتير لان جوانا طاقة ومحدش هيقدر يخمدها ولا ايه رأيكم؟؟؟

صح كلامك يا شرويدى اسباب كتير أدت لتربية الشارع للطفل
لكن عارفة اللى اصعب من المخاطر اللى بيتعرضوا ليها الاطفال من الشارع ايه؟
انهم بيكبروا على التسول والشحاته والمخدرات وكل الفواحش اللى نعرفها ومنعرفهاش
وطبعا قليل اوى اللى ممكن حياته تتغير لما بيكبر
والاحصائيات اللى بيعملوها كل سنة عن أطفال الشوارع بتزيد عن السنة اللى قبلها
والشوارع بتقول هل من مزيد؟؟؟

فعلا يا شرويدى هيا كارسة
بس تعالى نفكر احنا بايدينا ايه نعمله؟

انا من رأيى اننا نحسن معاملتنا للاطفال دى ونحاول نسعدهم بقدر الامكان يعنى مثلا لو اشترينا حتى ليهم بسكوتة او حاجة هتفرحهم
كمان نعرف اصحابنا واقرايبنا وجيرننا وننشر ليهم المعاناة اللى بيعيشوها وان الاطفال دى مش ليها ذنب انهم يعيشوا كده

قوللى انتى رأيك ايه؟
وباقى الاعضاء اللى مش معايا خالص