البت سابتك وحبت واحد غيرك .تعالى نولع فيها ..تفتكر دا الحل

[size=18]مساء الهنا على كل شباب جامعتنا
بص بقى ياعباس
مين عباس داه؟؟؟
انا
يعنى عارف ان اسمك مش عباس بس انا لسه هنادى كل واحد باسمه خليك معايا
واقرا وخلاص
بص ياعباس
احنا بقالنا قد ايه مع بعض؟؟؟؟؟
بقالنا 3
سنين ياحبيبتى
طب يعنى مزهقتش منى
انا عمرى مازهق منك ياعمرى
طب
انا من الاخر زهقت منك يا اخى اوف ايه داه دانت خنيق قوى ماتحل عن سمايا
بقى خلينى اشوف نفسى وبصراحه فيه واحد تانى بيشاغلنى وبدا فعلا يشغل عقلى
واحد
تانى ؟؟؟؟
ازاى ؟؟؟؟
ومين هو داه؟؟
ياااااااااه هنت عليكى وهان
عليكى حب السنين دى كلها؟؟؟؟
بصراحه اه بقى هنت عليا ويلا بقى ياعم اخلع
وسلملى على الحب
ــــــــــــــــــــــــــــــــــــــــــــــــــ
ـــــــــــــــــ
حد حصل معاه كدا قبل كدا ؟؟؟حتى لو مش بالظبط يعنى
؟؟يعنى اقصد حد البنت اللى بيحبها اداته الاشاره الخضرا وفلسعته
عادى
ياعمنا مافيهاش حاجه بتحصل بين احسن الحبيبه...بتبقى انت قاعد فى امان الله
لابيك ولا عليك وتيجى الاموره قايلالك وداع ياعمرى
مستغرب ليه انت يعنى
كنت فاكر نفسك هانى سلامه والا مصطفى شعبان
حتى دول ممكن يحصل معاهم
كدا
غدر الستات مالهشى حسابات
ماتخلينا نقصر وتريحنى وتقول حصل
خلينا نكمل
ايوووووووون برافو عليك انت كدا زى العسل
بص بقى ياسيدى
لتر
جاز وعلبه كبريت لتر الجاز هاتجيبه من عند البقال عادى سهل تجيبه ان
مالقتشى روح البنزينه
مش هايكلفك حاجه هو نص جنيه كبيره خالص 75 قرش
اخوانا بتوع الخليج ببلاش هيلاقوه عندهم
وعلبه كبريت بشلن من اى مكان
دى
بقى ياباشا كل المعدات الازمه حاجه كدا كبيرها جنيه
الخطوات
لتر
الجاز اقسمه على اتنين جركن عاليمين فيه نص لتر وجركن على الشمال فيه النص
التانى
حلو كدا؟؟؟؟؟؟
والكبريت فى جيبك طبعا
انت كدا جاهز ؟؟؟
اوك
يلا بقى نبدا
خد اللتر الاولانى فى ايدك وانزل والتانى بارضه مش هايبقو
تقال عليك ماتخافش وروح على بيت الاموره اللى عورتك فى قلبك
اقف على
باب البيت
موبايلك فى جيبك زى العاده
رنلها بقى يامعلم رنه صغيره
واوعى تخليها تفتح عليك لو نفضتلك وماتصلتش هيا بيك ابعتلها كول مى اوعى
تغرم نفسك حاجه
نفضتلك بارضه وماكلمتكش معلش تعالى على نفسك وارميلها
دقيقه مع انه خساره فى جتتها
كلمها وقلها عايز اشوفك لاخر مره فى حياتى

هاديكى حاجه غاليه كنتى ناسياها عندى
هاتنزلك جرى طالما حاجه
غاليه
تيجى سيادتك اول ماتشوفها رامى عليها الجاز وعود كبريت من العلبه
ومولع فيها
وتسيبها وتمشى خطوتين وتيجى باصصلها وهيا بتولع وبنظره
المنتقم وقول
انتى اللى جنيتى على نفسك ياحفيظه وما جنيت على احد
كدا
المهمه الاولى
خد بعضك جرى على بيت المحروس اللى خد حبيبتك منك
وابعتله عيل صغير من العيال اللى بيلعبو فى الشارع وقله قول لحكشه كلم سمير

مين سمير دا ياخويا؟؟؟؟؟؟؟؟؟؟
ياعم افهم بقى حكشه دا الضحيه رقم
اتنين وسمير دا اسم سيادتك فى الفيلم
ماتتخنش مخك وخليك معايا خلينا
نخلص
هايجى حكشه نازل جرى تيجى سيادتك بنص اللتر الفاضل ومقابله فى وشه
ورميه عليه
وبعود الكبريت ومناوله ومولع فيه
وتيجى ماشى خطوتين
وباصصله وهو بيولع بنظره المنتقم بارضه وقايله سلملى على صحبتك ياحوكشه
استنى

اهم حاجه الكلام دا كله يبقى بين المغرب والعشا علشان الناس تكون
بتتعشى والا بيتفرجو على المسلسلات ومسطولين وماحدش يشوف حاجه
وعلشان
تلحق تجرى وتوصل لبيتكو من غير ماحد يقفشك
هاتوصل بيتكو تلاقى البوليس
مستنيك هاياخدوك ياحلو وان شاء الله ان شاء الله ان شاء الله من غير مقاطعه
هاتاخد اعدام للقتل العمد مع سبق الاصرار والترصد
امال انت كنت فاكر
ايه
ايه يابنى الهبل داه؟؟؟؟؟ ايه السذاجه دى عايز تحبس نفسك؟؟؟؟عايز
تودى نفسك فى داهيه علشان واحده ماتستاهلش
ياعم اعقل كدا وطول بالك
بص
ياسيدى
الحكايه بسيطه خالص وباتكلم بجد والله ياشباب
البنت اللى
ساكنه جانبيكو بنت زى القمر وعارفها وعارفاك
بلاش البنت اللى جنبكو اى
بنت معاك فى الكليه
اهى ملاينه بنات زى القمرات
نقى بنت تكون حلوه
حلوه يعنى مافيهاش غلطه زى مابيقولو غازلها
وغلس عليها دايقها اخنقها
اوعى تقتلها باين عليك غاوى دم وهاتتعبنى معاك
ياعم اخنقها يعنى كرهها
فى عيشتها بس مش قوى يعنى حاجه زى لفت نظر بس
شويه شويه ياتسيب الكليه
خالص علشان ترتاح من رخامه حضرتك ياتطب فيك يامعلم واقلب رومانسى بقى عند
الحته دى وانزل بالطبل البلدى والكلام الناعم على ودانها وكلمات اغانى حليم
وتامر حسنى وابعد عن شعبولا
خلاص يامعلم طبت فيك
بالهنا والشفا
وادعى لاخوك الغلبان
وهاتنسى اللى باعتك من غير هم ولا وجع قلب
ماهو
مابينسيش الحب القديم غير حب جديد
دى وصفه مجربه واراهنك ان فكرت او
حنيت للحب القديم تانى
ولو حصل وعملت معاك زى القديمه ماعملت
ولا
تزعل نفسك عااااااااادى خالص
حب تالت ورابع وخامس لغايه اما ربنا يفرجها
عليك وتتجوز
واديك عرفت السكه وانسى جرحك وماتزعلش عاللى فات
وعلى
رائى حليم
دا اللى خانك خان شباب الحب خانه وجار عليه
وجار عليه
وهيا
الخسرانه فى النهايه
البنات اللى معانا مايزعلوش
انتو كمان ليه
الحزن والزعل على انسان مايستاهلشى حبك انسيه بحب جديد
الف مين يتمنى
اشاره من قلبك
صدقونى ياشباب
الى فارق مايستاهلشى البكا عليه
اتمنالكو
حياه سعيده مليانه حب فى حب
مع تحياتى وحبى للجميع
اه ملحوظه
لو
الموضوع عجبكو ياريت تسيبو رد
قولولى يعنى ايه رائيكو ولو ماعجبكوش
ولعو
فى الجهاز وفى نفسيكو
وريحونى وارتاحو[/size]

هههههههههههههههههههههههههههههههههههههههههه
الموضوع جميل جدا والله حلو اوى كوميدى على دراما على تكبيرة دماغ حلو اوى كده
بس هو سهل فعلا انك تنسى الحب الاول لو كان حب حقيقى بجد؟؟؟؟؟؟؟؟ انا معرفش بس يا ريت تجاوبنى ..........اللى قريته او شوفته او سمعته انه صعب اوىىىىىىىىى
وحكاية الجاز والكبريت دى تماااااااااام اوى ع فكرة هههههههه

ههههههههههههههههههه

موضوع جميل يا عمرى حلو اووووووووووووووووى بجد

بس انا عايزه ارد عليا اية عمر الحب الحقيقى ما بيتسنى يستحيل ولو اتنسى يبقى مش حقيقى ومش بجد صعب اوووووووى الحب الاول يتنسى

انا مع راي نوده

مرسى يا نودة على ردك واهتمامك .
بس انا كنت عايزة اوضح لفايتر انه لو قدر بعد كده او هى اللى قدرت بمنتهى السهولة تسيبه وتقوله سلام يبقا اسمه تضيع وقت وتسلية مش حب وتبقا فعلا ما تستهلش اى حاجة سواء هى او هو .

مش عارفة انا ليه بتكلم جد اوى فى المواضيع دى ....ز سورى يا جماعة

ههههههههههههههههههههههه
ايه يابنى الموضيع الجامده دى
بس انا رايى من راى نوده
ان الحب الاول اذا كان حقيقى لايمكن يتنسى ابدا
ويا يويو انتى تتكلمى زى ماتحبى النقاش عاوزينه يولع بس مش اكتر
احنا جيين نهدى النفوس

ميرسى يا يويو وميرسى يا محمد وميرسى يا موبى على اهتمام براى

لكن هى دى الحقيقه

مع احترامي لكلامك يا احمد لكن فيه حاجه تانيه لو عاوز تنتقم في حاجه اسمها طناش يا عني اول ماتشوفها عادي ولا اكن حصل ما بينكم حاجه خالص لانها مع الوقت اللي جربت انها تسيبك وتروح لحد تاني فهيا هتحس ان فيه حاجه راحت منهاومحستهاش مع الليسبتك علشانه اوهتلاقيها جايه لعندك يا معلم واه بقي لو انتا ماشي مع موزه تانيه شوف الغيره هتبقي ازاي والحكايه دي حصلت بجد وعملت مفعول

إيه ده ؟ إيه ده؟ إيه ده؟
والله غلبت ساندرا نشأت
حوكشة وسمير وجاز وكول مى
لالالالالالالالالالالالالالالالالا
بجد بجد ولا رشدى أباظة فى فيلم جعلتى مجرما
هههههههههههههههههههههههههههههه
انا بصراحة كنت واخدة فكرة عن الحب إنه لازم نبعد عنه ونتقى شره وكده بس فى تجربة انا شوفتها قدام عنيا واتعلمت منها إن الحب نهر لا يمكن يوقف تدفقه لا سد ولا حتى القاذفات البحرية والجوية وبعدين اللى يحب ما يندمشى على أى حاجة لأنه فى الحالتين كسبان لو فضلوا سوا هيتجوزوا ويعيشوا قصة حب جامدة ونهاية سعيدة ويقولولك يعيشوا فى تبات ونبات ويخلفوا صبيان وبنات وتنزل النهاية بعد ما يتطلقوا .........عديها دى يا معلم الحالة التانية لما واحد يحب حد ويخدعه هو موش خسران حاجة بالعكس ده كسب خبرة من الدنيا هى أه بتبقى صعبة بس تستاهل المخاطرة لأنك بعد ما تفوق بخيانة حبيبك ليك هتشوف كل حاجة على حقيقتها وهتتعلم كتييييييييير دى وجهة نظر يا جماعة وقد أعذر من أنذر
هههههههههههههههههههههههههه
تحياتى يا أحمد وبجد توبيك جااااااااااااااااامد

بصراحة انت اخد فكرة غلط جدا علي البنات دا البنات دي مفيش احن منها يا احمد وياريت ترد عليا

الموضوع جميل جدا بس فى مقولة بتقول اذا اردت شيئا بشدة فاطلق سراحة فان عاداليك فهو ملك لك الى الابد واذا لم يعد اليك فهو لم يكن لك من البداية

العلاقة التي تتوتر تكون عادة علاقة تنقصها المودة والدلع والحنان والثقة المتبادلة
انا بتفق مع الاستاذ / طارق
بس بردة البنات حنينين كتيير عن الرجالة