سؤال فى الهوى

عاشق وعندي ياناس سؤال
و سألت فيـه .. أهـل الهــوى
إزاي أنــا أوصــل للمـحــــال
و أداوي قلبي اللي انكـــوى

مشتاق وسهم الشوق صايبني
و القـــلب م الحــــب إكـتــــــوى
الفْكـــر مـش عـــاوز يسيـبنـــي
و العشـــق للقــلـب إحـتــــــوى

عشقــت خلّـي أنا مــن سنيـــن
و قـلبي فـي هــــواه.. هــــوى
دوبّـنـــي ويــــــاه الـحـنـيـــــن
مارحمشي قلبي اللى إغتــوى

يااللي إنتوا قبلي ف الغرام
يا ميــن م العشــق إرتـــوى
مش توصفولي ياناس كــلام
فيـــه الجــواب و المحتــوى


ردوا عليـــا بكــلمـتـيـــن ..

00000000000000


بقى جـاي تســألنا بكــــلام
يا أبو قلب م العشق انكوى!
وإحنـــا اللي قبلك ف الغـــرام
ياما اشتكــيـنا نار الجـــوى

سؤال مالوهش أبداً جواب
أمال ده ليه إسمه .. الهوى
سيبك بقى من ده العتـــاب
مادم عشقـت .. وقلبك نوى

ده الأصـل ف الحـب العذاب
و لا كل عشــق ..وله دوا

000000000000000


أنا مش معاك
ده الأصل ف الحب الحياة
نتمنى يجى يوم لقاه
ونعيش معاه
لو قلنا حتى ألف آه
00000000000000
أنا مش معاك
ده الأصل ف الحب الأمان
لما يدقدق ع البيبان
كل اللى كان
من حزن يطويه الزمان
0000000000000000
أنا مش معاك
ده الأصل ف الحب الوفا
و قلوب رقيقة رهيفة
تلقى الدفا
وتعيش سوا أيام صفا