حاسين بمسئولية؟؟؟

بسم الله الرحمن الرحيم

ازيكم يا أحلى أعضاء يارب كلكم تكونوا بخير وبصحة وسلامة وطاعة
موضوعى اليوم هيبدأ بسؤال بسيط لكن معناه عميق والسؤال
حاسين بمسئولية؟؟؟؟؟؟؟؟؟؟؟؟؟
حاسين ان ليكم دور فى مجتمعكم وبلدكم؟؟؟؟؟؟؟؟
حاسين انكم تقدروا تعملوا حاجة بس محتاجين تشجيع؟؟؟؟؟؟؟؟؟
حاسين انكم سبب فى اى أزمة بلدنا بتعيشها؟؟؟؟؟؟؟؟؟؟
عن اللى الفوضى والهمجية اللى احنا فيها؟؟؟؟؟؟؟

اللى جعلنى اسأل السؤال ده ان فيه كذا منظر مش بيروحوا من خيالى خالص وبتألم جامد بسببهم
وهو منظر أولاد الشوارع اللى مالين المنصورة وكل محافظات مصر

هاحكيلكم كذا موقف
واحد منهم
كنت فى يوم راجعة راجعة من الجامعة لقيت ولد عنده تقريبا ست سنين نايم على الرصيف بالعرض وفيه مناديل جمبه فكل اللى رايح واللى جاى يخبط فيه برجله واللى يشتمه واللى قام ضربه علشانه نايم

موقف تانى
فى يوم كان عندى امتحان فانا كنت مستعجلة اوى فقابلتنى بنت زى القمر لكن هدومها مبهدلة وشعرها منكوش فعطيتها الفكة اللى كانت ف ايدى وابتسمت ليها قامت قالتلى انتى بتضحكى ليه؟ قلتلها انتى عسولة اوى قالتلى انتى طيبة اوى يا أبلة وفى عنيها فرحة جميلة اوى لكن قالتلى جملة قالت مفيش حد بيعملنا حلو يا ابلة كلهم بيضربوا فينا ويشتمونا وحتى لما بيعطونا فلوس بعطوها علشان يمشونا وهما متضايقين
والفرحة اللى ف عنيها اتحولت لحزن عميق
وقتها استغربت ازاى بنت يدوب عندها 6 او 7 سنسن بالكتير وبتتكلم كده
بتتكلم وكأنها عايشه من زمان
فعلا الدنيا ومآسيها ياما بتعلم

كمان قرأت فى أخبار المنصورة حكاية طفل عنده 6 سنين من دمياط باباه شغله تباع على ميكروباص عند سواق
ففيوم كعادة الطفل ده انه بيشرب سجاير وهو ف الميكروباص فالركاب اتضايقوا من الريحة فاشتكوا للسواق قام نزل ضرب الولد وقعد يضرب فيه ويشتم فيه لحد ما الولد هرب منه
طبعا خاف يرجع البيت ابوه يضربه
فضل ماشى لحد ما وصل لمحة القطر ولما الدنيا ليلت نام ف القطر صحى لقى نفسه فى مكان غير مكانه وناس تانية وشوارع تانية
بعدين عرف انه ف المنصورة مش ف دمياط
اتعرف على شوية اطفال فى سنه تقريبا حالهم زى حاله عايشن ف الشارع بيناموا فى البيوت المهجورة وبيعملوا كل حاجة من سجاير لمخدرات ولافظع بكتير
الاطفال دى شغلهم واحد على مناديل واللى يرجع من غير ايراد يضربه ويكهربه ويعذبه والبنات يقص ليهم شعرهم
ومواقف تانية كتير سمعتها وقرأتها وشفتها

دلوقتى سؤالى
احنا فين من كل ده؟؟؟؟؟؟؟؟؟؟
ذنبهم ايه الاطفال دى؟؟؟؟؟؟؟؟؟؟؟؟
فين حقوق الانسان اللى قاعدين يحفظوها لينا فى كل مكان؟؟؟؟؟؟
فين حقهم فى العيشة المستقرة وسط اهلهم وناس بتحبهم؟
وحقهم فى الرعاية والصحة والتعليم؟؟
طبعا عايشين من غير حقوق خالص
حتى حقهم ف نظرة حب واحترام من الناس مش لقينها؟
مجرد ابتسامة مش عارفين يوصلوا ليها؟
انا نفسى أعمل حاجة يا ترى انتوا كمان نفسكم؟
مستنية اسمع أرائكم ومقترحاتكم

اقولك ليه حسب وجهة نظرى يا استاذ محمد
لان الطبقة دى مسيطر عليها شبح الفقر اللى وصلها لليأس من الحياة وحقدها على الناس ورغبتها فى انه تبيع حتى نفسها علشان تعيش
انا شايفة ان بداية المشكلة فى ان الناس مبقتش تساعد بعضها زى الاول
كان زمان لما واحد مبسوط يشوف واحد محتاج شوية يساعده ويوقفه على رجليه
لكن دلوقتى الكل بيقول نفسى نفسى
مفيش حد بيفكر ف حد
الاخ بيغير من اخوه والابن متضايق من أبوه
فمابال اللى مش لاقين ياكلوا بيعملوا ايه ف بعض؟؟؟ اقل حاجة طبعا انهم يرموا عيالهم
احنا لو فكرنا فى المشكلة من جذورها هنلاقيها نابعة من مشاكل كتير مش فى مجتمعنا احنا بس دا فى العالم كله
بس الفرق انهم بيحولوا يعملوا حاجة واحنا مستخسرين نفكر ولما نفكر نلاقى مية عقدة ف وشنا فيجيلنا احباط ويأس ونوصل للجملة المعروفة
وانا اللى هغير الكون
جملة كل يائس ومحبط وحاسس انه متكف ومش عارف يعمل حاجة
والله تعبت من التفكير
حاسة انى بجرى ف دايرة مقفولة لا عارفة بداية ولا نهاية

معقوله كده ياجماعه كل ده بيحصل فى المنصورة وانتو قاعدين ساكتين
اللى اعرفه عن ناس المنصورة ان مفيش حاجه بتوقف قدامهم ولا تغلبهم
يعنى لما يشوفو الغلط لازم يصلحوا حتى اسالو التاريخ
ولا هنرجع تانى نقول زى نودى ما قالت العيب فى مين ؟؟؟؟؟
على فكره ياجماعه انا كنت عندكم فى جامعه المنصوره
كنت بدرس فى كليه تربيه قسم ملابس جاهزه
افتكر ايامها لما كنا بنشوف حاجه مش كويس ونحاول نصلحها والله والله كنا بنصلحهاتانى يوم
الكلام ده من خمس سنين ايه بقا اللى حصل فين شباب جامعه المنصورة بتاع زمان
واخيرا بقولكم لازم تعملو حاجه !!!

بالنسبة لسؤالك يا استاذ محمد
انا اللى ناوية اعمله مع ولادى وحتى بنفذه مع اخواتى حاليا
انى اى حاجة كانت بتضايقنى من امى و بابايا وانا صغيرة معملهاش مع اطفالى
كمان لازم احترم اى فكرة منهم حتى لو كانت ملهاش لزمة
اخليهم يعتمدوا على نفسهم ف كل حاجة ولكن تحت رقابتى
واعلمهم كمان انهم يكونوا قد المسئوليةو مش كل حاجة ممكن تتنفذ
واهم حاجة انى احاول على قد ما اقدر انى اربيهم تربية كويسة مستندة طبعا لمعاملة سيدنا محمد لانه خير مربى
كمان نفسى احفظهم القرآن الكريم
من النهاية كل حاجة كان نفسى فيها وانا صغيرة وصح هاعملهالهم

كلامك حلو يا بشمهندس على وده شرف لينا انك تعرف كله ده عن المنصورة
بس المشكلة من وجهة نظرى اننا كلنا جوانا طاقة وخير وبنحلم اننا نعمل حاجات كتير
بس
كل واحد لوحده مفيش اتحاد يوصلنا اننا نحلها فى وقت قصير
لكن كتير مننا مكنش يعرف عن المشكلة دى حاجة وبمجرد انه عرف اكيد بينوى على حاجة كويسة يعملها
انا عن نفسى مع اصحابى بنعمل حاجات كويسة ووصلنا لحلول حلوة اوى وهنفذها باذن الله

كلامك حلو اوى يا ميدو وده فعلا اللى لازم نعمله
ربنا يجازيك خير على كلامك ده

انت فعلا شكرتنى يا ميدو من ردك وتفاعلك مع الموضوع
انا عايزة الكل يقول رأيه واقتراحاته
مش يدخل يشكر ويمشى
وربنا يوفقنا اننا نعمل حاجة حتى لو بيسطة

الله يبارك فيك يا استاذ محمد
دا انا نسيت ان فيه منافسة والله