حاسين بمسئولية؟؟؟

بسم الله الرحمن الرحيم

ازيكم يا أحلى أعضاء يارب كلكم تكونوا بخير وبصحة وسلامة وطاعة
موضوعى اليوم هيبدأ بسؤال بسيط لكن معناه عميق والسؤال
حاسين بمسئولية؟؟؟؟؟؟؟؟؟؟؟؟؟
حاسين ان ليكم دور فى مجتمعكم وبلدكم؟؟؟؟؟؟؟؟
حاسين انكم تقدروا تعملوا حاجة بس محتاجين تشجيع؟؟؟؟؟؟؟؟؟
حاسين انكم سبب فى اى أزمة بلدنا بتعيشها؟؟؟؟؟؟؟؟؟؟
عن اللى الفوضى والهمجية اللى احنا فيها؟؟؟؟؟؟؟

اللى جعلنى اسأل السؤال ده ان فيه كذا منظر مش بيروحوا من خيالى خالص وبتألم جامد بسببهم
وهو منظر أولاد الشوارع اللى مالين المنصورة وكل محافظات مصر

هاحكيلكم كذا موقف
واحد منهم
كنت فى يوم راجعة راجعة من الجامعة لقيت ولد عنده تقريبا ست سنين نايم على الرصيف بالعرض وفيه مناديل جمبه فكل اللى رايح واللى جاى يخبط فيه برجله واللى يشتمه واللى قام ضربه علشانه نايم

موقف تانى
فى يوم كان عندى امتحان فانا كنت مستعجلة اوى فقابلتنى بنت زى القمر لكن هدومها مبهدلة وشعرها منكوش فعطيتها الفكة اللى كانت ف ايدى وابتسمت ليها قامت قالتلى انتى بتضحكى ليه؟ قلتلها انتى عسولة اوى قالتلى انتى طيبة اوى يا أبلة وفى عنيها فرحة جميلة اوى لكن قالتلى جملة قالت مفيش حد بيعملنا حلو يا ابلة كلهم بيضربوا فينا ويشتمونا وحتى لما بيعطونا فلوس بعطوها علشان يمشونا وهما متضايقين
والفرحة اللى ف عنيها اتحولت لحزن عميق
وقتها استغربت ازاى بنت يدوب عندها 6 او 7 سنسن بالكتير وبتتكلم كده
بتتكلم وكأنها عايشه من زمان
فعلا الدنيا ومآسيها ياما بتعلم

كمان قرأت فى أخبار المنصورة حكاية طفل عنده 6 سنين من دمياط باباه شغله تباع على ميكروباص عند سواق
ففيوم كعادة الطفل ده انه بيشرب سجاير وهو ف الميكروباص فالركاب اتضايقوا من الريحة فاشتكوا للسواق قام نزل ضرب الولد وقعد يضرب فيه ويشتم فيه لحد ما الولد هرب منه
طبعا خاف يرجع البيت ابوه يضربه
فضل ماشى لحد ما وصل لمحة القطر ولما الدنيا ليلت نام ف القطر صحى لقى نفسه فى مكان غير مكانه وناس تانية وشوارع تانية
بعدين عرف انه ف المنصورة مش ف دمياط
اتعرف على شوية اطفال فى سنه تقريبا حالهم زى حاله عايشن ف الشارع بيناموا فى البيوت المهجورة وبيعملوا كل حاجة من سجاير لمخدرات ولافظع بكتير
الاطفال دى شغلهم واحد على مناديل واللى يرجع من غير ايراد يضربه ويكهربه ويعذبه والبنات يقص ليهم شعرهم
ومواقف تانية كتير سمعتها وقرأتها وشفتها

دلوقتى سؤالى
احنا فين من كل ده؟؟؟؟؟؟؟؟؟؟
ذنبهم ايه الاطفال دى؟؟؟؟؟؟؟؟؟؟؟؟
فين حقوق الانسان اللى قاعدين يحفظوها لينا فى كل مكان؟؟؟؟؟؟
فين حقهم فى العيشة المستقرة وسط اهلهم وناس بتحبهم؟
وحقهم فى الرعاية والصحة والتعليم؟؟
طبعا عايشين من غير حقوق خالص
حتى حقهم ف نظرة حب واحترام من الناس مش لقينها؟
مجرد ابتسامة مش عارفين يوصلوا ليها؟
انا نفسى أعمل حاجة يا ترى انتوا كمان نفسكم؟
مستنية اسمع أرائكم ومقترحاتكم

ههههههههههههه الله يبارك فيكى يا ملك
ويبارك فيكم كلكم يا أحلى اعضاء بس مش عايزين ننسى فكرة التوبيك
واى حد عنده فكرة او اى حاجة خاصة بالموضوع ياريت ميبخلش
انا معملتش ده علشام منافسة واكسب وخلاص
احنا عايزين حل بجد

ربنا يخليكم يا احلى أعضاء والله
ومبروك ليكم انتم
بس انا حبيت افتح الموضوع ده تانى لأن حصل موقف متعلق بالتوبيك ده وقلت أعرضه عليكم وأخد رايكم فيه
من يومين جاء طفل الى جدتى فى بيتها وقاللها انه جعان وعايز ياكل
وكان طبعا شكله مبهدل اوى فسألته هو منين معرفش يجاوب كل اللى قاله انه صحى من النوم لقاه نايم على الرصيف ومش معاه حد وفى مكان غريب عليه
جدتى خدته حمته وغيرت ليه وأكلته
ولكن لما حكتلى على الموضوع ده سألتها عن مكانه قالت كل اللى أعرفه انه بيجيلى كل مده ياكل ويمشى
تفتكروا نقدر نعمل ايه مع حالة زى دى؟؟؟ ونتصرف معاها ازاى؟؟؟؟؟؟؟؟

دى حالة مصغرة عن مشكلة اولاد الشوارع وتحت ايدينا ولو وصلنا لحل فيها يبقى أكيد أكيد هنقدر نحل جزء من المشكلة الكبيرة
أنا عايزة أعمل حاجة
ومحتاجة اقتراحتكم
ياريت تدلونى