مصر ما بعد الثورة

or=red]8]فيها إيه
لو كل مَن بيطبّل للزعيم ساب طبلته
وقعد يخلّص شغلته
مسكين زعيمنا اللي يحب الناس تقول
عاش حضرته
لو مرة دام الكرسي لحد كان دام عليه
وفيها إيه
لو كل واحد منّنا عاش يوم نضيف
عاش يوم نضيف اسماً وفعلاً لو كفيف
مش بس اسمه يكون نضيف
ولا بس شكله يكون نضيف
دا كل حتة ف مصرنا محتاجة منّا جهدنا
نرفعها بيه
وفيها إيه
لو كل مسئول منّنا حس إنه مسئول عنّنا
وسهر بيحمل همّنا همّه يزوّد دخلنا
لجل ما يحبه الجميع ويكونوله ف يوم شفيع
يطلبوا من ربنا
ارضى يا ربي عليه
وفيها إيه
لو كل طالب ف المدارس شاف زميله أخ لِيه
مش خصم ليه
ليه يضربه؟! ليه عايزه دايما تحت منّه ويتبعه؟!
لو ضعيف ميعرّفه
يتعاون الاتنين وياخدو من إديه
وفيها إيه
لو كل ماشي ف الطريق بقة للإشارة محترم
وجنب منّه أخوه وأخته أبوه وابنه فيلتزم
هتقلّ حوادثنا الكتيرة هنبني أعلى م الهرم
مش محتاجين جندي مرور
تدفع إذا عدّيت عليه
وفيها إيه
لو يوم بتقضي مصلحة من مصلحة من غير ما تدفع
حتى لو سموه تبرُّع
ميجيش صاحبنا يقول يا سيد
فوت علينا بكرة لسة
ناقصة ختم النسر مش بالأكلا شيه
وفيها إيه
لو يوم بتتدخل قسم شرطة يقوموا ليك
والظابط ابن الناس يكون قلبه عليك
شغّل عساكره لخدمتك
ومبعش يومها قضيتك
والحق عاد .....
يكفيك تقول مشكور يا بيه
وفيها إيه
لو كل رواتبنا ف مصر اتعدّلت اتوحّدت
مش ناس بتاخد بالألافات عايزين تزيد
وناس بتاخد بالملايين من غير حساب بقة له رصيد
وناس بتاخد بالملاليم ما شافتش عيد
ويعيشوا ليه
وفيها إيه
أستاذنا اللي بيبني عقول ميكونش ليه زي البترول
ولا وزارة الاتصالات ولا الرياضة والإعلام
رغم ان كل الناس ف نهضتها كانت بدايتها
من التعليم
عايزينها تعلى وتبقى أعلى دولة ف العالم دا كله
صلّحوا التعليم هتلقوا كل حاجة بقت تمام
وتعظيم سلام لكل اللي هيبنيها
من العامل لحد البيه
وفيها إيه
لو يوم نلاقي رئيسنا بيمشي ف الشارع
على رجليه
من غير حرس
من غير مواكب أو جرس
يرعى حبايبه المحتاجين
الكل لما يشوفه هيبوسه
ويسلّم عليه
وفيها إيه
جوايا لسة حاجات كتير
عايزين نغيرها سوا
كل اللي بيشوف الفساد
عنده الدوا
اصرخ وقول لأ واشتكي
هتلاقي ميت مليون شَريف
واقفين معاك ضد الفساد
لو هتلاقيه
وفيها إيه[/size]

بتحلم ياميدو ومفتكرشى ان فى حاجه هتتغير
الدنيا كل مدى بيسوءحالها اكتر
طب انا هقولك على المستوى الشخصى والحاجه الانااعرفهااحنااصحاب مزرعه دواجن
الفراخ كل يوم بسعر ويوم فوق ويوم تحت وبتعدى
المهم الفراخ دى بتتسعربينزل التاجر يشترى الفراخ ومعاه تسعيره تانيه خالص ملهاش علاقه بالسعر الدوله محدده وتيجى تتكلم معاه يقولك هوالسعر كده بس انا مش هشترى غير بالاقل عجبك عجبك مش عجبك انت حر
الكلام ده كله محصلشى الابعد الثوره
قبل الثوره استحاله حاجه زى د
ى كانت تحصل كان السعر يتحددوالكل يمشى عليه
ادى الثوره عملتهولنا للاسف معتشى فى نظام ولاالتزام بقواعد
وربنا يترها والبلد يصلح حاله انا عرفه انى طولت عليك بس الكل بيفضل يقولك الثوره والثوره
عملت ايه الثوره

انا بتفق معاكي ياداليا في حجات وبختلف في حجات تانيه
انتي عندك حق مبقاش فيه نظام البلطجه كترت
مبقاش فيه احترام لاي حاجه حتي القانون
للاسف احنا شعبنا فيه جزء منه فاهم ان الديمقراطيه
همجيه غير ان السرقه والنصب والقتل كل حاجه زادت عن المالوف يمكن ده الجزء السلبي فعلا للثورة
اما الجزء الايجابي ان البلد تحسي انها نضفت
يعني من كل حاجه الحراميه الي نهبوها والي سرقو فلوس الشعب وحسيتي بنسيم الحريه تقدري تعبري عن رايك بس كمان ده المفروض يبقي بحدود وللاسف دلوقتي مفيش حدود اي حاجه بتتقال علي اي حد وفي اي وقت
معلشي انا كمان طولت عليكي
بس انا حبيت اوضح راي
وشكرا لمرورك ياداليا ومنوره المنتدي كله ويارب في النهايه يكون عجبك

شكراياميدوعلى ردك الجميل ده
وانا متفقه معاك ان للثوره ايجابيات وسلبيات
بس للاسف سلبياتها اكترمن ايجابياتهاياميدو
والدنيابقت مدمره بمعنى مدمره معتشى فى نظام ولاالتزام فى اى حاجه حتى ابسط الامور
بس الواحد ماعليها غير انه يدعى ان الوضع يتصلح وفى اقرب وقت قبل فوات الاوان
وغيركده بقى انا مبسوطه من النقاش معاك ياميدو
وتسلم على اموضوع الجامد ده

ربنا يخليكي ياداليا
ورايك انا بتفق معاه
ويارب يارب مصر ترجع احسن من الاول بكتير
فعلا محتاجين وقفه من النفس بجد من كل واحد

انا يا جماعه متفائلة ان ان شاء الله البلد هتبقى احسن بالرغم من ان سلبيات الثورة اكتر كتير من ايجابيتهالكن الجاى ان شاء الله هيكون احسن بس عشان نكون احسن لازم يبقى فى تعاون ونظام ولازم الازمة ال البلد فيها دى تعدى بسرعه

تسلم يا ميدو بجد رائع