منتديات جامعتنا

وربنا منورين المنتدى يا شباب احلى جامعه فى الدنيا .. بقولكم ايه احنا عايزين نكبر المنتدى ده و يبقى من احسن المنتديات الجامعيه الى موجوده . و دا مش هيتم الا اذا كان فيه اعضاء فعاله كتير
فا لو ليكم مزاج تسجلو ماشى .. ولو مش عايزين بردو ماشى .. و لو مسجلين اصلا يبقى ادخلو باسمكم و الباسورد و لو مش عايزين بردو ماشى .. و لو زهقتو و عايزين تقفلو المنتدى ماشى . بس طبعا لو سجلتو هتبقى حاجه حلوه ليا و ليكم ان شاء الله . بحبكم على فكره

انضم إلى المنتدى ، فالأمر سريع وسهل

منتديات جامعتنا

وربنا منورين المنتدى يا شباب احلى جامعه فى الدنيا .. بقولكم ايه احنا عايزين نكبر المنتدى ده و يبقى من احسن المنتديات الجامعيه الى موجوده . و دا مش هيتم الا اذا كان فيه اعضاء فعاله كتير
فا لو ليكم مزاج تسجلو ماشى .. ولو مش عايزين بردو ماشى .. و لو مسجلين اصلا يبقى ادخلو باسمكم و الباسورد و لو مش عايزين بردو ماشى .. و لو زهقتو و عايزين تقفلو المنتدى ماشى . بس طبعا لو سجلتو هتبقى حاجه حلوه ليا و ليكم ان شاء الله . بحبكم على فكره

منتديات جامعتنا

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتديات جامعتنا

شباب جامعة المنصوره


4 مشترك

    أشهر جمل بيقولوها الأب و الأم

    BraveHeart
    BraveHeart
    لسه جديد
    لسه جديد


    ذكر
    عدد الرسائل : 191
    العمر : 33
    بلدك ايه ؟ : اجدد محافظة (حلوان)
    كلية ايه : تجارة جامعة المنصورة الفرقةالثالثه
    هواياتك ايه ؟ : الهزار و الضحك
    تاريخ التسجيل : 20/02/2008

    أشهر جمل بيقولوها الأب و الأم Empty أشهر جمل بيقولوها الأب و الأم

    مُساهمة من طرف BraveHeart الخميس سبتمبر 11 2008, 07:07

    اشهر جمل بيقولها الاب والام

    جايب يا جماعة شوية جمل بنسمعها كتير اوي
    لان اللي بيقولها الاب والام
    يعني في الخارجة والدخلة وحتاه في القاعده في البيت
    وياريت اللي عنده كلام بيسمعه كتير
    يقولنا علية


    ...*...*...*...* ...*...*...*...*...*...*...*...*...*...

    * ابقى قابلني بكرة تاخد بالجزمة وتاكل كل حاجة غصب عنك.


    * امشى جاتك مشش فى ركبك .


    * جتها نيلة الى عايزة خلف تيجى تتفرج .


    * متحطيش الموبيل جنبك و انت نايمه هيجبلك تخلف عقلي .


    *ذاكر ياموكوس مش فالح غير فى الهيافه والكلام الفاضى.


    * متتأخرش وهات عيش وانت جاى .


    * هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .


    * كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.


    * هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).

    *أوعا حد يضحك عليك ويقولك جرب السيجارة دي.


    *ابقى ورينى مين حينفعك فى الاخر من شوية الصيع الى انت مشيلى وراهم .


    * قوم اقرا لك كلمتين ينفعوك .


    * وطي المدعوق ده شويه .


    * مش ملاحقه علي التليفون ولا الموبيل عملالي فيها الست المهمه.


    *لا محدش سئل عليكي النهارده ولا حد عبرك.



    *لما ما ترضاش تاكل في البيت:طبعا مانت اتعودت علي اكل بره .


    *ياريتك تحفظ دروسك زى مانت حافظ الاغانى.


    * عيـــب ... لازم تحترم اللي أكبر منك .


    * لو شفت خناقه ما لكش دعوة بيها .


    * كريم دا عيل بايظ وماتمشيش معاه تاني .


    * مين منى دي انتى كل يوم تصاحبي واحدة جديدة ؟.


    * هياا الوزيرة معندهاش وزاره النهارده قومى يا حبيبتى الساعه10 .


    * انته مبتكلش جزر ليه .. اجيبلك برتقانه. طب كل سلطه .


    * يبني بأسلوبك ده مش هتعيش معاك واحده .


    * قومي ساعدي امك ده اللي هيتجوزك أمه داعية عليه.


    * اوعى حد غريب يديلك حاجه تاكلها و تشربها و تاخدها منه .


    * يا ابني حرام عليك الى بتعمله فينا ده.


    * انا سايبالكوا البيت وماشية ومش حتشوفوا وشي تاني .


    * لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.


    * وانت فاكر احنا مستنيين منك حاجه .


    * المسلسل مش هينفعك ...قوم .


    *ماتقعد يابنى تكمل أكلك , انت كلت حاجة!!!
    (طيب ماهو انا لو جعان أو الأكل عاجبنى إيه اللى هيخلينى أقوم يعنى , هو انا غاوى جوع مثلا ) .


    * كفايه رغي في التليفونات .


    * كل على مهلك .. وامضغ كويس ... وما تكلش وانت واقف .. وكل من قدامك ما تحفش .


    * اطفي التلفزيون وقوم ذاكر ولا و خش اوضتك .


    * بلاش تمشى حافى البس شبشب وانته داخل الحمام .


    * ما فيش مذاكرة على المزيكا .. وازاى بتذاكر و البتاع ده شغال جنبك .


    * افرد ظهرك .


    * لم شراباتك.


    * ماتكلش فى ضوفرك.


    * كنت فين لحد دلوقتى يا صايع.


    * ماتتأخرش علشان عندك كلية بكرة بدرى.


    * انا مش عارف انته طالع لمين.


    * انا : ياماما بقه ايه ده ؟؟؟
    ماما:مووو لمـا يــــــخدك .


    * ادلعى ياهبة فى ايامك المهببة .

    * ده منظر اودة بني آدم ، انت عايش فيها ازاي؟.


    * هو انا الخدامه الى ابوكم جبهلكم .


    * الى يطلع من الاوضه يطفى النور وراه .


    *أبوك عندك أهو اتصرف معاه .


    * اللي بيشيل قربه مخرومة بتخر عليه لوحده ..


    * لو مش فاهم حاجه ارفع ايدك و قول للأستاذ مش فاهم .. متتكسفش .


    * البس فنله قطن تحت ودفي سدرك ودخل التيشرت في بنطلون البيجامه وانته نايم .


    * يأبنى المذاكره مابتخلص .... نفسى اشوفك مره ماسك كتاب.


    * اعمل حسابك مش حندخلك جامعه خاصه.


    * قالب ليلك نهارك طول الليل صاحى وطول النهار نايم
    طبعاً ما حضرتش ولا محاضرة ولا سكشن , وطول اليوم صايع بره البيت .


    * مالكش دعوة بالسياسة .. وماتمشيش في مظاهرات .و امشي جوا الحيط Very Happy:D .


    * احمد ربنا الاكل الى مش عجبك ده فى ناس مش لقينه .


    * التهديدات المخيفه والمرعبه : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .


    * قومي سخني الأكل لأخوكي.


    * ابوكم كان دايم بيطلع الاول على الفصل... " لما كلهم كده امال مين الى بيطلع الاخير .

    * ومن اشهر الجمل الى بتتقال كل يوم بعد الاكل :
    انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

    * ( حضرتك راجع البيت متأخر و عاوز تتوه الموضوع وانت بتكلم مامتك )
    انت : ماما عاملة ايه مش عارف ليه حاسس انك وحشتيني يا ست الحبايب
    مامتك : وحش اما يلهفك كنت فين ياد يا صايع انت ؟ ايه اللى رجعك متأخر امبارح ؟؟
    dimolition boy
    dimolition boy
    ابن المنتدى
    ابن المنتدى


    ذكر
    عدد الرسائل : 2332
    العمر : 31
    بلدك ايه ؟ : city of angles
    كلية ايه : كليتنا
    هواياتك ايه ؟ : جمع الحسنات
    تاريخ التسجيل : 13/07/2008

    أشهر جمل بيقولوها الأب و الأم Empty رد: أشهر جمل بيقولوها الأب و الأم

    مُساهمة من طرف dimolition boy الخميس سبتمبر 11 2008, 09:58

    هى فعلا بتتقال كل يوم
    والله جامدة يا بريف هيرت
    ونتمنى منك المزيد

    ـــــــــــــــــــــــــــــــــــ
    lol! ShamPy AR lol!
    medo
    medo
    ابن المنتدى
    ابن المنتدى


    ذكر
    عدد الرسائل : 3708
    العمر : 35
    كلية ايه : DELTA ACADEMY
    تاريخ التسجيل : 07/07/2008

    أشهر جمل بيقولوها الأب و الأم Empty رد: أشهر جمل بيقولوها الأب و الأم

    مُساهمة من طرف medo السبت سبتمبر 13 2008, 12:50

    هههههههههههههه

    والله جامدة الجمل دي
    ayazono
    ayazono
    معانا من فتره
    معانا من فتره


    انثى
    عدد الرسائل : 233
    العمر : 33
    بلدك ايه ؟ : مصر
    كلية ايه : لا اعلم
    هواياتك ايه ؟ : النت وبحب اتفرج على ستار اكاديمى
    تاريخ التسجيل : 08/09/2008

    أشهر جمل بيقولوها الأب و الأم Empty رد: أشهر جمل بيقولوها الأب و الأم

    مُساهمة من طرف ayazono الأربعاء سبتمبر 17 2008, 13:44

    ههههههههههههههههههههه
    ايوة فعلا كل الحاجات دى بتتقال

      الوقت/التاريخ الآن هو الأحد مايو 12 2024, 23:36