ليه بتفهمونا غلط يا بنات...اول موضوع مشترك فى تاريخ المنتديات

ديرو:لا فعلا يا احمد انا هارد عليك فى الاسئله بتاعتك دى
البنت عامة بطبعها الكسوف والرقه وانا من رايى ان البنت دى زى الجوهره اللى لازم تفضل
بتلمع وجميله على حالها مايحولش يقرب منها ناس كتير علشان مايرحش لمعنها وطبعا واحد بس اللى ليه الحق يقرب منها هو زوجها
وفى مجتمعنا دلوقتى
فيه بنات كتير بتعرض نفسها ان الناس تتكلم عليها
حتى لو هى مش بتعمل حاجه غلط
لو واقفه مع زمايلها فى الجامعه
فيه ناس تقول دى بنت بتاعت شباب بتحب وقفة الشباب وده طبعا مش كويس علشانها
وطبعا مش كل البنات كده
وهقولك كمان
احنا ليه بنفهم الشباب غلط
مش مجرد ان معتش ثقه فى الزمن ده
لا بس فعلا لان اليومين دول بقم اغلب الشباب بيعتبروا البنت حاجه سهله من الممكن الوصول ليها
وده مش هما اللى وصلونا لكده لا البنات اللى وصلت نفسها لكده لانها رخصت نفسها لانها من الاساس قبلت انها تقف مع ده وتكلم ده وده وعطت الفرصه للناس انها تتكلم عليها كلام مش كويس
وطبعا مش كل البنات برده ولا كل الشباب
فعلشان كده البنات بتفه الشباب غلط لان معظمهم بقه بيحب يتسله بس مش كلهم
وبرده مش هانكر ان فيه بنات من النوع اللى مش بيخاف على نفسه عادى بالنسباله بس هى مش عارفه ان ده بعد كده هيضرها جدا فى حياتها وغير ده وده اهلها من حقهم عليها
انها تحترمهم بره البيت وجواه وكمان يا احمد البنت هى اللى بتجبر اللى قدامها على طريقة التعامل معاهاوازاى يكلمها
وحدوده فين ولو تعداها هيحصل ايه
وفيه بنات مش بتحط حدود وده نوع مش كويس بس انا اللى متاكده منه ان فيه بنات كتير بتجبر اللى قدامها على احترامها واكتر من كده ممكن تجبره انه مايقدرش يكلمها اصلا من غير لا زعيق ولا اى حاجه ولا ايه يا شباب مش بتحصل تحس انك حتى مش قادر تبصلها او تكلمها
المهم نيجى لموضوع
لو حد مثلا على المنتدى او فى الشارع او نت او اى حاجه وبنت قالت لولد انا معجبه بيك
طبعا انا مع الولد اكيد هيتوقع هى بتحبه
بس مش شرط وبرده ده يبقه غلط البنت لازم تحدد انا معجبه مثلا بشخصيتك جدا وكنت اتمنى ان يبقه ليا اخ زيك
يعنى كده حددت انها تتمنى انه يكون زى اخوها يحترموا بعض وبرده لو هى حاسه من ناحيته بقى حاجه لازم تظهرله الموضوع ده بس مش تروح تقوله انا بحبك وكمان بقى طريقه بس لما تكون متاكده منه هو كمان
وانا مش نوع البنات بيعتقد بالارتباط من على النت واعتقد ان فيه بنات كتير من هنا على المنتدى اوكلهم برده معايا الارتباط من غير ما يكونو شايفين بعض وعارفين بعض مش ينفع
وبجد انا الموضوع كنت هاكتب فيه اكتر من كده
بس انا طولت عليكم
ياريت نسمع ردكم
وعلى فكره يا جماعه ده كان من غير اتفاق بينى وبين احمد بس فعلا
انا بشكرك يا احمد على الموضوع ده
يعنى هو مش كنا متفقين على الكلام خالص
ياريت نسمع ردودكم

ههههههههههههه
لا بجد انا بشكركم التعب اللي تعبتوه
رايي بقه
انا كنت فاكر ورافض اي علاقة بين الولد لاني مكنتش فاضي
فلما فكرت في الموضوع لقيت الموضوع جميل وممتع بس بحدود
وقواعد يتفقوا عليها الاتنين
وتباه مثلا اخوة وعلى فكرة على حسب الاخلاق وطريقة الافكار
وعلى فكرة هتلاقي ممكن ان الولد يقول للبنت اللي مخاويها حاجات ميقولهاش لاصحابة الاولاد
وممكن هيا كمان تثق فيه ثقة عمياء
وعلى فكرة يا احمد احنا بنعاني من فجوة في العلاقات الاجتماعية والعادات والتقاليد زي ماقلت ديرو
وهو ده السبب الرئيسي

وعلى فكرة كل اللي بيشغل البنت اوي الناس تقول ايه
وقليل جدا من البنات اللي مش مقتنعة بالكلام ده

احب اسمع رأى البنات فى كلام ديرو سواء يضيفو كلام او ينفو الكلام او يتفقو معاه

و رأى الشباب برده

انا متفقة مع ديرو ومخلص جدا بس بيتهيالى ان علاقة الاخوة دى اللى بين البنت والولد دى قليلة اوى عشان خاطر مجتمعنا الشرقى وعاداتنا اللى اتربينا عليها . بس عايزة اعرف ازاى البنت تقدر تثق فى الولد من غير ما تتعامل معاه واذا اتعاملت معاه ايه اللى يضمنلها انه يكون محل ثقة ؟؟؟؟؟؟؟؟؟؟؟؟وزى ما ديرو قالت ان فى شباب كتير فاكرين ان البت سهلة ومجلرد الكلام معاها يبقا !!!!!!!! الحكاية خلاص يقت سهلى فاكرملنا كبنات ياكيد هنفهمكو غلط يا منتكلمش خالص ويا ريت حد يجاوبنى؟؟؟؟؟؟؟؟؟؟؟؟؟

الموضوع بجد مهم جدا ياجماعه وانا رايى ان فى اخوه بين بنت وولد وفى صداقه والبنت تقدر تحكم على اللى ادامها بزكائها واحساسها وتقدر كمان تلزمه بقواعد فى الكلام معاها من غير ماتطلب (تحرجه بالزوق يعنى ) وطالما ان البنت فى مكان يجبرها انها تتعامل مع اولاد انا مش شايفه ان فيها مشكله بس لازم تاخد الحزر برده فى كل الاحوال وتكون صريحه فى كلامها وواضحه (ولا تخضعن بالقول فيطمع الزى فى قلبه مرض ) بلاش بقى شغل الدلع بتاع البنات اللى بيطمع الاولاد سواء كانوا محترمين اومش محترمين يعنى من الاخر يحس انه بيكلم واحد صاحبه وبالنسبه لموضوع الثقه ده فعادى جدا انتى اى حد بتتعاملى معاه فى الاول مش بيكون فى ثقه حتى لو بنت وبعد كده الايام والمواقف بتثبت وعلى العموم انا من رايى لنفترض سوء النيه حتى يثبت العكس
\

انا كمان مع ديرو فى كل اللى قالته
وفعلا العادات والتقاليد هى اللى بتتحكم فى طريقه الكلام والعلاقه بين الولد والبنت
لكن يا ديرو فى بنات بتكون حابه تخرج بره العادات والقاليد دى وده اكيد هيلاحظه المجتمع اللى احنا عايشين فيه من طريقه الكلام والاسلوب وخلافه
وفيه بنات بقى علشان تخرج من الحكايه دى تقولك انا لازم اكلم ده وده وده علشان اقتنع انى خرجت بره العادات والتقاليد دى رغم ان ده بينقلب للضد وكل شئ ان زاد عن حده انقلب ضده
وانا مع كلام ساره كمان ويويو ياترى ايه هى فعلا نظرة المجتمع للبنت اللى بتكلم ولد وايه الكلام اللى ممكن يدور عليمه سواء الولد او البنت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
موضوع حلو يا احمد انت وديرو

مع احترامي للكلام احمد وديرو الا اني مختلف شويه معاهم لان لااؤايد العلاقه بين الولد والبنت علي اساس انهم يكونوا اصحاب لكني انا شايف ان العلاقه تكونبين البنت والولد انها تكون حب بس بعكس الاولاد اللي بيسلوا بالبنات

متهيالي البنات استحاله تسق في الولاد نهاي لانهم اخذوا فكره مش حلوه عننا انا لما فكوت انا اعملا مجرد صدقات مع البنات في المنتدي لقيت الحوار فشل مع اني ولا بتاع حب ولا لعب بنات ولا اي حاجه من ده هي مجرداصدقاء وكل البنات مفكره اني بعاكس بالعكس انا عمري معكست بنت ولا دخلت في قصه حب حتي واسئالوا رجاله المنتدي اصحابي لكن البنات اتعود علي كده

ههههههههههههههههههههههه
تحب اشهد معاك
تدفع كام

على فكرة انا عجبنى اوووى جرئة الاعضاء فى المنتدى وكتابتهم فى المواضيع دى بجد المنتدى دة فى كل حاجة
انا متفقة مع ديروا فى كل كلمة قالتها
، فعلا البنت هى اللى بتجبر الواحد على احترامها
وانا من راى لازم البنات تعود نفسها على اشياء تخدها فى اعتبارها لأنها لما تتخرج تقدر تلاقى مجتمع يحترمها ويقدر يتعامل معها من غير ان ينظر لها أى نظرة سيئة علشان تكون ناجحة فى حياتها

انا حاسه من كلما الاعضاء عن المجتمع دا انهم ناس من بره
المجتمع دا احنا يا جماعه مش حد تانى
لما نفرض احترامنا بينا وبين بعض هيبقى الموضوع سهل
لكن الاستهتار عند بعض البنات وليس كل ممكن يخلى الشباب يحس انها حاجه سهله
وبردو البنت هى اللى بتفرض احترام الغير ليها ولشخصيتها
وبيتهياالى ان الولد اللى يلاقى بنت مؤدبه غصب عنه هيحترمها ويقدر ادابها ويتمنى ان كل البنات تبقى زيها كدا
وبالتالى الصداقه هتبقى موجوده هى والاخوه ويقدر الطرفين يثقوا فى بعض كمان
اسفه على التطويل