الرئيسية
من طرف السلام عليكم ..
ازيكم يا يا جماعه؟
انا جيت اكتب الموضوع دا من خنقتنى من ام الحال الى احنا فيه و قبل ما اقول اى حاجه محدش يقولى انت متشائم او و عايش الدور و اى حاجه من دى عشان بجد انا زهقت ..
هو احنا ليه بيتعمل فينا كدا ؟
ليه بنتسرق وبنسكت ؟
ليه دايماً رغم اننا مسروقين بتشوف احساس بالرضا من الناس واحساس يقهرك ؟
ليه احنا مش واخدين ابسط حقوقنا ..
انا مش حتكلم عن حقوقنا الديموقراطية ولا اى حاجة .. لان الواحد اتفقع كلام فى الحوار دا ..
انا اقصد على الاقل حقوقنا التقنية ..
ليه الانترنت عندنا فى مصر الميجا بـ 700 جنيه وفى كندا وامريكا ببلاش ؟
واللى يغيظك انه بييجى كماليات على الشقة ..
ليه الموبايلات عندنا نزلت متأخرة سنة عشان يجيبولها اجهزة تصنت ؟
ايه سر ان التقنيات غالية ؟
ماحدش يقولى ان التقنية غالية عشان احنا بلد فقير او بلد نامى ..
لا احنا اللى بنحدد سعر التقنية دى ..
احنا ؟!
احنا مين ؟! .. هى الحكومة دى احنا ؟
لا ..
اقصد هم اللى بيحددوا سعر التقنية دى ..
ليه حاسس ان الحكام خايفين من التقنية ؟
ليه حاسس ان كل حق لينا مسلوب ؟
ليه حاسس انى مش قادر اخد ابسط حقوقى ؟
حاسس ؟!
هو مش احساس دا واقع ..
طيب لو هو واقع .. بقى .. يبقى ليه الواحد عايش اصلاً ..
طالما الواحد مش قادر يعمل اي حاجة وبمجرد انك تفتح بقك بتاخد على دماغك ..
طيب ليه بنتعلم ؟
ليه نتعلم مناهج موضوعه من 30 ولا 40 سنه ما اتغيرتش ؟
طيب وايه فايدة العلم فى بلد ما بتقدرش قيمة العلم ولا الشهادة الا ساعه الجواز ؟
طيب وليه اتجوز اصلاً ؟
اتجوز واعمل اسرة واجيب عيال تطلع عنيهم فى الحياه والدنيا دى ؟
دا مش تنصل من المسؤلية ولا حاجة .. لا دا اشفاق عليهم ..
انا مش قادر اتخيل ليه الحكام بيعملوا كدا ؟!!!!!
لييييه ؟!!
الف ليه وليه بتنط فجأه فى وشي ..
الف ليه وليه عاوزه اجابة ..
الف ليه وليه مش حتلاقى اجابه ..
عارف ليه ؟!
عشان انت ما سألتش نفسك ليه ؟
او عشان مش عاوز تسأل نفسك ليه ؟
الله ,, وهو انا مزعل نفسى ليه ؟
تصدق مش عارف ليه ؟
والله انا ما بقيت عارف حاجة ..
وبرضه معرفش انا كتبت الموضوع دا ليه ..
بس حاسس انى مفقوووع اوى وكنت عاوز ازعق وخلاص ..
ازعق ؟!
وازعق لييه ؟ ما توطى صوتك بدل ما نتمسك ويجرالنا حاجة ؟
الله .. هو انا خايف ليه ؟
طيب مادام انا خايف يبقى احط الموضوع واجرى ..
طيب ليه ؟
هو كدا من غير ليه ..
[size=9][size=12]و عجبى على رأى الناس[/size]
[/size]
