الرئيسية
من طرف نودة الأحد أكتوبر 04 2009, 20:07السلام عليكم و رحمه الله و بركاته
اولا وحشتونى جدا بعد الغياب
ثانيا اتمنى تكونوا كلكم بخير
ثالثا مش عاوزة ارغى كتير و هدخل فى الموضوع
امبارح كان يوم غريب اوى بالنسبالى سمعت فيه كلام عجيب جدا
و كان كله ورا بعضه فحسيت ان شعبك يا مصر بقى عايش فى قفص فاكهه
اول موقف و انا فى طريقى رايحه للكورس بتاعى اخدت تاكسى
سواق التاكسى وقف فى الاشارة عدت بنوته حلوة و شيك من بتوع الموضه
البنت اتكعبلت و كانت هتقطع
قام جاى عمو السواق متكلم بعلو صوته
" على مهلك يا فرواله "
مع انها كانت لابسه موف مش احمر
عدى الموقف و وصلت قولت قبل ما اطلع اشترى كارت شحن للموبايل
دخلت المحل لاقيت ولدين فيه بيتكلموا على بنت
واحد قال عليها حلوة و التانى قال عليها "مفعصه"
اعتقد مروحناش بعيد برده
طلعت و دخلت الاكاديميه و استنيت فى الريسيبشن مع اصحابى
شويه و دخل علينا شاب شيك و لابس بدله و ماسك فى ايده شنطه رجال اعمال
الموبايل و ميداليا مفاتيح و خلع النظارة الشمس حركات كده
قامت واحده من اللى قاعدين جنبى قالت " مووووووووووز "
انا اتزحلقت قصدى تنحت بسبب الكلمه
جينا فى البريك و شيفت السكيرتاريا اتغير طلعت اشرب ميه
لاقيت احمد السكرتير شاب عسول جدا و انا بحترمه جدا
لأنه بيعمل ماجيستير و مع ذلك بيشتغل اى شغلانه عشان يصرف على نفسه
بقوله عامل ايه يا أحمد قالى تمام قولتله الحمد لله
قولتله طب و مزاجك قالى "عنب "
حتى انت يا بروتس قصدى حتى انت يا احمد
بدأت احس ان فى حاجه غلط
الكورس اللى انا باخده ده كورس متخصص فى المحادثه ( انجلش )
و كان المفروض اننا بنقدم امبارح مشروعات كده تخص اللى احنا بنعمله
المهم جه واحد زميلنا بعد ما الجميع قدم مشاريعه و طرح المواضيع اللى بيتكلم عنها فى مشروعه
جه ده و قال للميس اللى بتديلنا
كلهم عاملين مشاريع جامده اوى حسسونى ان مشروعى " بلح بلح "
و فهمت بعد كده ان بلح دى يعنى مش حلو
خلصنا و روحنا
بعد صلاة العشاء موبايلى رن ايوة السلام عليكم
ازيك يا حبيبتى واحشانى " موز "
موز تانى هو ايه انا اصحابى كلهم قلبوا قرود ولا ايه اللى حصل
و فهمت بعد كده ان موز بقت بتحل محل موت
يعنى بدل ما تقول واحشانى موت قالت واحشانى موز
و انتى كمان واحشانى خالص يا حبيبتى
صاحبتى قالتلى مبروك التخرج قولتلها عقبالك
قالتلى اظن الحياة بعد ما خلصتى جامعه كده حاجه تانيه
زمانك اطمنتى بقى بعد ما النتيجه ظهرت و عيشتك بقت " مانجه "
شويه و خالتى جايه تحكلى لماما ع العريس اللى متقدم لبنتها
و قالتلها انها مش ضامنها و مامتى قالتلها محدش بيضمن حد احنا بس اللى علينا
نركز فى الاختيار و نشوف مقاييسه بالعقل و الباقى و المخبى بتاع ربنا
و طبعا استشهدت بالمثل الشهير الجواز زى " بطيخه " مقفوله
انا قومت و قولت جااااااااااااااااااااااااااااااااااااااااااااااااااااااااااااااى
ايه يا ناس قفص الفاكهه اللى احنا عايشين فيه ده
احنا لسه بنواجه فى ( كووول _ بيس يا مان _ شهيصنى _...... الخ )
تقوم تهجم علينا صافقه فاكهه مش عارفه سيطرت علينا ازاى
هو فى ايه
لأ و كان الاول الولاد بس هما اللى بيستعملوا الالفاظ دى
الحمد لله و تطبيقا لمبدأ المساواه بين الرجل و المرأة
البنات هما كمان دخلوا فى " المود " _ كلمه منى نفسى اشمعنى انا _
يمكن الحوار مش جديد بس انا حبيت اطلعكم على قفص الفاكهه
احتمال يكون حد فى نفسه حاجه
منقووووووووووووووووووووووووووووووووووووووووووووووووووووووووووول
اولا وحشتونى جدا بعد الغياب
ثانيا اتمنى تكونوا كلكم بخير
ثالثا مش عاوزة ارغى كتير و هدخل فى الموضوع
امبارح كان يوم غريب اوى بالنسبالى سمعت فيه كلام عجيب جدا
و كان كله ورا بعضه فحسيت ان شعبك يا مصر بقى عايش فى قفص فاكهه
اول موقف و انا فى طريقى رايحه للكورس بتاعى اخدت تاكسى
سواق التاكسى وقف فى الاشارة عدت بنوته حلوة و شيك من بتوع الموضه
البنت اتكعبلت و كانت هتقطع
قام جاى عمو السواق متكلم بعلو صوته
" على مهلك يا فرواله "
مع انها كانت لابسه موف مش احمر
عدى الموقف و وصلت قولت قبل ما اطلع اشترى كارت شحن للموبايل
دخلت المحل لاقيت ولدين فيه بيتكلموا على بنت
واحد قال عليها حلوة و التانى قال عليها "مفعصه"
اعتقد مروحناش بعيد برده
طلعت و دخلت الاكاديميه و استنيت فى الريسيبشن مع اصحابى
شويه و دخل علينا شاب شيك و لابس بدله و ماسك فى ايده شنطه رجال اعمال
الموبايل و ميداليا مفاتيح و خلع النظارة الشمس حركات كده
قامت واحده من اللى قاعدين جنبى قالت " مووووووووووز "
انا اتزحلقت قصدى تنحت بسبب الكلمه
جينا فى البريك و شيفت السكيرتاريا اتغير طلعت اشرب ميه
لاقيت احمد السكرتير شاب عسول جدا و انا بحترمه جدا
لأنه بيعمل ماجيستير و مع ذلك بيشتغل اى شغلانه عشان يصرف على نفسه
بقوله عامل ايه يا أحمد قالى تمام قولتله الحمد لله
قولتله طب و مزاجك قالى "عنب "
حتى انت يا بروتس قصدى حتى انت يا احمد
بدأت احس ان فى حاجه غلط
الكورس اللى انا باخده ده كورس متخصص فى المحادثه ( انجلش )
و كان المفروض اننا بنقدم امبارح مشروعات كده تخص اللى احنا بنعمله
المهم جه واحد زميلنا بعد ما الجميع قدم مشاريعه و طرح المواضيع اللى بيتكلم عنها فى مشروعه
جه ده و قال للميس اللى بتديلنا
كلهم عاملين مشاريع جامده اوى حسسونى ان مشروعى " بلح بلح "
و فهمت بعد كده ان بلح دى يعنى مش حلو
خلصنا و روحنا
بعد صلاة العشاء موبايلى رن ايوة السلام عليكم
ازيك يا حبيبتى واحشانى " موز "
موز تانى هو ايه انا اصحابى كلهم قلبوا قرود ولا ايه اللى حصل
و فهمت بعد كده ان موز بقت بتحل محل موت
يعنى بدل ما تقول واحشانى موت قالت واحشانى موز
و انتى كمان واحشانى خالص يا حبيبتى
صاحبتى قالتلى مبروك التخرج قولتلها عقبالك
قالتلى اظن الحياة بعد ما خلصتى جامعه كده حاجه تانيه
زمانك اطمنتى بقى بعد ما النتيجه ظهرت و عيشتك بقت " مانجه "
شويه و خالتى جايه تحكلى لماما ع العريس اللى متقدم لبنتها
و قالتلها انها مش ضامنها و مامتى قالتلها محدش بيضمن حد احنا بس اللى علينا
نركز فى الاختيار و نشوف مقاييسه بالعقل و الباقى و المخبى بتاع ربنا
و طبعا استشهدت بالمثل الشهير الجواز زى " بطيخه " مقفوله
انا قومت و قولت جااااااااااااااااااااااااااااااااااااااااااااااااااااااااااااااى
ايه يا ناس قفص الفاكهه اللى احنا عايشين فيه ده
احنا لسه بنواجه فى ( كووول _ بيس يا مان _ شهيصنى _...... الخ )
تقوم تهجم علينا صافقه فاكهه مش عارفه سيطرت علينا ازاى
هو فى ايه
لأ و كان الاول الولاد بس هما اللى بيستعملوا الالفاظ دى
الحمد لله و تطبيقا لمبدأ المساواه بين الرجل و المرأة
البنات هما كمان دخلوا فى " المود " _ كلمه منى نفسى اشمعنى انا _
يمكن الحوار مش جديد بس انا حبيت اطلعكم على قفص الفاكهه
احتمال يكون حد فى نفسه حاجه
منقووووووووووووووووووووووووووووووووووووووووووووووووووووووووووول
