الرئيسية
من طرف أحمد السقعان الجمعة مارس 07 2008, 05:05ياشعبى يابيبى ياحاطك فى جيبى يابن الحلال
ياشعبى ياشاطر ياجابر خواطر ياساكن مقابر وصابر وعال
ياواكل سمومك يابايع هدومك ياحامل همومك وشايل جبال
ياشعبى اللى نايم وسارح وهايم وفى الفقر عايم وحاله دة حال
احبك محشش مفرفش مطنش ودايخ مدروخ واخر انسطال
احبك مكبر دماغك مخدر ممشى امورك كدة باتكال
واحب اللى يكدب واحب اللى ينهب ويسرق تلال
واحب اللى شايف وعارف وخايف وبالع لسانه وكاتم مقال
واحب اللى قافل عيونه المغفل واحب البهايم واحب البغال
واحب اللى راضى واحب اللى فاضى واحب اللى عايز يربى العيال
واحب اللى يائس واحب اللى بائس واحب اللى محبط وشايف محال
واحبك تسافر وتبعد تهاجر وتبعت فلوسك دولار او ريال
واحبك تطبل تهلل تهبل عشان ماتش كورة وفيلم ومقال
واحبك تأيد تعضد تمجد توافق تنافق وتلحس نعال
تحضر نشادر تجمع كوادر تلمع تقمع تظبط مجال
لكن لو تفكر تخطط تقرر تشغلى مخك وتفتح جداول
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعملى روحك بعشرة رجال
ساعتها هاجيبك لايمكن اسيبك وراح تبقى عبرة وتصبح متال
هابهدل جنابك واذل اللى جابك وهيكون عذابك دة فوق الاحتمال
وامرمط سعاتك واهزأ سيادتك واخللى كرامتك فى حالة هزال
وتلبس قضية وتصبح رزية وباقى حياتك تعيش فى انعزال
هتقبل هحبك هترفض هلبك هتطلع هتنزل هاجيبلك جمال
تأليف الشاعر العظيم / أحمد السقعان
ياشعبى ياشاطر ياجابر خواطر ياساكن مقابر وصابر وعال
ياواكل سمومك يابايع هدومك ياحامل همومك وشايل جبال
ياشعبى اللى نايم وسارح وهايم وفى الفقر عايم وحاله دة حال
احبك محشش مفرفش مطنش ودايخ مدروخ واخر انسطال
احبك مكبر دماغك مخدر ممشى امورك كدة باتكال
واحب اللى يكدب واحب اللى ينهب ويسرق تلال
واحب اللى شايف وعارف وخايف وبالع لسانه وكاتم مقال
واحب اللى قافل عيونه المغفل واحب البهايم واحب البغال
واحب اللى راضى واحب اللى فاضى واحب اللى عايز يربى العيال
واحب اللى يائس واحب اللى بائس واحب اللى محبط وشايف محال
واحبك تسافر وتبعد تهاجر وتبعت فلوسك دولار او ريال
واحبك تطبل تهلل تهبل عشان ماتش كورة وفيلم ومقال
واحبك تأيد تعضد تمجد توافق تنافق وتلحس نعال
تحضر نشادر تجمع كوادر تلمع تقمع تظبط مجال
لكن لو تفكر تخطط تقرر تشغلى مخك وتفتح جداول
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعملى روحك بعشرة رجال
ساعتها هاجيبك لايمكن اسيبك وراح تبقى عبرة وتصبح متال
هابهدل جنابك واذل اللى جابك وهيكون عذابك دة فوق الاحتمال
وامرمط سعاتك واهزأ سيادتك واخللى كرامتك فى حالة هزال
وتلبس قضية وتصبح رزية وباقى حياتك تعيش فى انعزال
هتقبل هحبك هترفض هلبك هتطلع هتنزل هاجيبلك جمال
تأليف الشاعر العظيم / أحمد السقعان
