العضو مالى .....تانى سجين على كرسى الاعتراف

يلا يا مالى جاوب على همسه وكفاية عليك كده انت اتعصرت من الاسئله واختار حد يكون بعدك يقعد على كرسى الاعتراف ونشوف الباقى موافق عليه ولا هيعمولو ايه؟

أيه رأيك في العبارات دي؟
إقتصد في الصداقة ولاتفرط في العداء
بصى الصديق لا يمكن اقتصد فيه عشان الصداقه اسمى شئ فى الدنيا بعد الحب طبعا
وبالنسبه لاعداء كل مكون قريب منه اعرف هو ناويلى على ايه
يعنى مش هعمل زى النعامه وهحط راسى فى الرمل واقول طول مانا مش شايفه هو مش شايفنى
إقبل الحياة كما هي
لا طبعا لازم يكون ليا دور فعال فى الحياه والا مستحقش اعيش حتى لو هسك طريق غلط بس يبقى اسمى عملت حاجه

الزمان يقهر من لايقهر
الزمن يقهر من يضعف او من محبى الاراء الانهزاميه
لو هتسافر بره مصر تحب تروح فين؟
فرنسا انا بعشقها
وجوه مصر فين؟
اسكندريه بحس ان البحر بينديلى لما بتمشى عليه بحس ان موج البحر بيحضن الشط ياااااااااه
بجد عندما تغرب الشمس وانت واقف بتبص على البحر منظر روعه
بس يبقى اروع لو كنت مع الانسان اللى بتحبه صديق او حبيب
لو رجع الزمن بيك هتغير أيه وتحب تبدأ منين؟
اقول بس منغير زعل كان نفسى اعمل حاجات كتير اولها طبعا اغير اسلوب حياتى حاسس انى ممكن اتغير
واولها معرفتى بالبنات بجد انا كنت متهور جدا فى الموضوع ده السنه اللى فاتت واى بنت اروح واكلمها بس بجد انا الوقتى بدات اتغير يعنى بحاول
وانا بقول لكل البنات اصحابى اللى على المتدى واللى من بره معلش انا بحس كتير انى عايز ابعد
بس بجد مبقدرش انى ابعد ايا كان دول اصحابى
اغير ايه كمان
حاجات كتير اغير تسرحتى يوم فرح اختى ههههههههه عشان مكنتش عاجبه بابا وحطيطه ادام الامر الواقع يوه الفرح الصبح رحت حلقتها ومكنتش عاجبه الرجاله الكبار بس بجد كانت لوز عليا وعجبت اصحابى جامد بس اعمل ايه الجيل القديم بقى
ونفسى اعمل ايه الوقتى بقى ا حابب اعمل ايه
انى ابدأ من نقطه اول السطر وابدأ صفحه جديده
الأصعب إنك تبكي ولا إنك متقدرش تبكي؟
بصى الاتنين صعبين اوى بس انا ممكن اكون مخنوق ونفسى ابكى او بكون مخنوق من موقف معين بس مبقدرش وخصوصا لما بهزر مع واحده قربتى وصحبتى وهي اللى ليا فى الدنيا ديا ومن غيرها بجد مقدرش اعيش لحظه لما بقولها مش انا معتش بشرب شيشه واعتزلة خلاص
لقيتها بتبصلى وبتقولى ايه؟؟؟؟؟؟؟؟؟؟؟؟
وفتحت فى البكاء بجد بجد انا كان نفسى اموت وميحصلش الموقف ده معايا ومع دى بالزات
انا عندى فى البيت ماما عرفت وبابا والكل من 3 ثانوى بس كانت سجابر وبطلت اما الشيشه مكنتش ديما بس بطلت الحمدلله
فلو حد مكانى كان هيعمل ايه
كنت مخنوق نفسى ابكى عشان زعلها عليا بس بجد انا كل اللى قدرة اعمله انى فى صمت دائم فى حاله زهول من الموقف وبجد كنت بقول ياريتنى مقلتلها
ياااااااااااااااااااااااه موقف صعب اوى بجد ممكن انتوا متحسهوش س انا بالنسبه ليا بجد كان يعنى مش قادر اوصفه
كفايه اوى كده وياريت حل السؤال يكون وصلكم
إحنا مين وليه وفين؟
احنا شباب تايه فى كورهوالكل بيشوطها فى حته وكل واحد بيدور على ركن يعد فيه جزئ عايز ركن يعد من البنات فيه
وجزئ محتاج ركن عشان يلف بالعربيات وجزئ مستنى دوره فى التعيين وجزئ مستنى السفر وجزئ مستنى محاضره للشيخ الفلانى وجزئ وجزئ وجزئ........
وليه؟
بسبب مجتمعنا المنهزم داخلى وخارجى
وفين؟
فى بحر لا نستطيع النسيان فيه
يوم لا ينسي في صفحات حياتك؟
يااااااااه كتير ايام كتير طبعا الموقف اللى قلتلكم عليه فوق ده لا ينسى مدى الحياه
ومواقف كتير مع واحده من اصحابى
ومواقف مع احمد السقعان اللى مغرقنى بجامايله
حلمك في الأمة الإسلامية؟
انها تتنشئ نشأه صحيحه لا اخوان ولا فلال ولا علان عايز انشئ مجتمع يتربى على الكتاب والسنه المحمديه وده مش هيحصل الا بطريقين
ابادة مجتمع واجيال وترك الاطفال
للتربيه الصحيحه والثانيه تركهم وبث التوعيه بداخل الاب والعائله من اجل مستقبل افضل لاولادنا
بتحكم علي الإنسان من خلال أيه؟
من عيونه فى الكلام انا بحس باللى ادامى من عيونه
بعد كده من نبرت صوته ومن اسلوبه وطريقة تفكيره
من مظهره وده اخر حاجه ولو ولد من تسريحة شعره ولو بنت من اسف الحزام بتاعها ومحدس يقولى اذاى عشان لكل واحد اسبابه ووجهة نظره
أمتي بتشعر بالوحدة؟
لما بكون ماشى فى الجامعه وملقيش حد نفسى اشوفه حتى لو معايا حد من اصحابى بس انا نازل عشان اصادف واقابل الشخص كذا وده حصلى النهرده كنت منتظر حد انى اقابله ومحصلش نصيب
من هو عراب محمد سعد؟
مش فاهم قوليه تانى معلش يا همسه

شخص فراقه أثر فيك؟
لسه محصلش بس لو حصل ممكن بجد متشفونيش تانى لا على نت او جامعه انا مبحبش الفراق جدا جدا لابعد الحدود

أين تجد نفسك؟
فى الجامعه بين اصحابى
وفى البيت مع الكمبيوتر وفى البلد مع مصطفى شعبان صحبى وفى مصر كلها بلاقى نفسى فى السما الصافيه

السلام عليكم
.
.
.
.
.
.
.
.
. مجدش هنا باين طيب ماشي احي بعدين

ايه يا مالى الكلام الجامده ده فى حاجه عايزه اقولها بصراحه يا ريت تسمحلى بس انت هتسمحلى كده كده عشان هقولهاالوقتى دا بعد ازنك من موضيعك وردك على المواضيع التانيه كنت بحس انك مقضيها واهم حاجه الروشنه والكلما العبيط ده بس انهارده اثبتلى غير كده خاااااااااالص والوقتى بتفكرنى بشخصيه بعزها جدا نفس الدم الخفيف والهزار وعلى الاكتشاف الاخير عقلانيه ونظرة تانيه للحياه وشكرا للردودك على الكرسى وماقولتش اخترت مين على الكرسى ولا نقول جوست

مين جوست ليه ليه انشاء الله

هههههههههههههههههههههههههههههههههههههه
ردك جميييييييييييييييييييييييييييييييييييييييييييل يامالى
اكتر من رائع


الف شكر لي
ك
اما من على الكرسى

طبعا جوست رايدر
عايزين جوست
جوست
جوست
راااااااااااااااااااااااااااااااااااااايدر

اكيد جوست دا اتفاق من زمان يا جوست ولا انت هتنقض الاتفاق ولا ايه؟
وبعدين احنا مستنينك من زمان دا الاعضاء بيحلمو وهما نايمين انك قاعد على الكرسى

العفو يا جماعه وشكرا على ردودكم واسألتكم ومتابعتكم وكل شئ بجد انا كنت سعيد بيكى يا ميهو انتى وديرو وكمان همسه وسيبكم من جوست هههههه
بس انا عايز اقول حاجه الانسان كل انسان بيحاول ميبينش اللى جواه عشان لو بين هيحزن الاخرين
انا لما بكون مخنوق ومضايق بضحك مع اصحابى وكأنى فى حالة هستريا بس بجد مالى هو هواه محمد سعد فى الواقع هو النت الاتنين واحد

وبالنسبه لسؤال همسه

انا لحد الوقتى
ملقتش ولد او بنت انه يفهمنى واحس انى اقدر بجد بجد اعتمد عليه
يعنى فى ناس بحس معاهم بالامان بس مش لدرجة الانه يفهمنى


وبقول بنائا على راى الجماهير هنقول جوست ريدر اللى بعدى بس اللى بعده عايزسن بنت وانا والله كنت بقول بنت عشان يبقى تنويع ولد بنت ولد بنت كده
بس برحتكم
جوست ريدر يالا بينا

انا كنت عايزه كده برضو بنت ولد كده يعنى بس جوست مطلوب من الجماهير
ههههههههههههههههههههههههههه

اعمل موضوع جديد بقى يامالى باسم جوست رايدر

اوكش ياا ميهووووووو

ربنا يقدرني عليكم خليكو حنينين يا وةلاد انا عايز ترزيع مش عايز رحم انا مش محرج من حاجه

متقلقش يابنى
هنفضك

كان نفسى الحقك يا مالى يلا بقى حظك كدا

هههههههههههههههههههه
يا حبى لو عايز تسأل اسأل؟

لا بجد عجبتنى الاجابات دى
وحسيت فيها انها بتقرب الناس من انهم يعرفوا كتير عن شخصيتك
واللى واخد اى انطباع عنك هيغيره من الردود الجميله دى

الف شكر يا ميدو على رايك وردك ونورت التوبيك