سافرت

سافرت وحجاجها يضحك وتنفضلي يديها

وسلمت عيني لدمعي وابتدى الخاطر يلوع

عن عيون الناس أخفي دمعتي وامسح عليها

وتحرى ليلي الموجع واقدمله هديته الدموع

لو نجوم الليلي تشفي ياجروحي اسأليها

ليه قلب الحر يشكي ودمعته تبكي بطوع

ليت لو بالروح غيره من هنوف واشتهيها

كان كبرت الوساده ونمت وارخيت الضلوع

اسمعيني لو بقى ذرة من احساسك اسمعيها

طحت والا هنت بجروحك ماوالله رجوع

كثر مابكت قلوب الناس لها يوم يجيها

هذي الدنيا وملامحها بها من كل نوع

بس ياعذب السجايا دنيتك ماعاد ابيها

الحكي لو زاد ينقص دلني وين الطلوع

طال ليلي او قصر هذي حياتي كنت فيها

لكن العلم والخبر الكل بعيوني مخدوع