العضوه مريومه... مطلوبه فى كرسى الاعتراف

حبيبت قلبى انسى خالص الاسئله الغبيه بتاعتى اللى فى الاول دى الاسئله اللى جايه سهله اوى

1- ايه اكتر اكله بتحبيها

2- لونك المفضل

3-لون شعرك وكنتي تتمني يكون لونو ايه ؟؟

4-تعرفيني ولالا ؟؟

5- تعرفي كان اسمي ايه لو كونتي تعرفيني ؟؟

6-انتي رققم كام بين اخواتك ؟

7- كام اخ واخت عندك ؟؟

8-اكتر قسم بتحبيه في المنتدى
ايه اهدافك اللي اتحققت واهدافك اللي لسه ما تحققتش ؟
ايه هيا الاهداف
اللي نفسك تحققها فعلا بس واثقه انها مستحيلة ؟
بتحبى مصر ولا عايزه تهاجر ؟
ايه
معنى الحب في نظرك وهل حبيتى قبل كدا؟
ايه رأيك في العلاقة بين الشباب
والبنات في الكلية عندنا؟
ايه رأيك في التجاوزات اللي بتحصل بدعوى الحب؟
متى
بكيتى من قلبك؟ومتى ضحكت من قلبك ؟
اسعد لحظة مرت عليكى هيا ايه؟
اسوأ
لحظة لا تتمنى تكرارها؟
علاقتك بوالدك ووالدتك توصفيها بايه؟وايه رايك
في الاسرة المصرية وهل فيها حرية وحوار فعال فعلا؟

مين صحبتك الانتيم في الكلية ؟
مين اكتر دكتور
بتحبيه واكتر دكتور مش بتحبيه؟
بصى انا مش شوفت كل الاسئله بس لو فى حاجه مكرر قولى مقرر

ههههههههههه اية الكلام دة ياعمرى والله كدة مينفع
لازم تحدد عدد من الاسئلة كدة كتير جدااا على
وبعدين شهودة حبيبة قلبى انتى مش حطتى اسئلة
هههههههههه جايبة اسئلة كمان ماشى ياحبيبتى لما ابقى شوفك لينا حساب تانى
احمد ههههههه منور وربنا الف سلامة عليك ومستنية الاسئلة بس مش تكتر العمرى قال 10اسئلة فقط
اسمعوا الكلام ياحلوين

طبعا العمرى بنفسة هنا منور
انا الحمدلله تمام وانت عامل اية ؟
وكفاية الاسئلة دول هههههههههه

انتى قريبه من ربنا

اها الحمدلله


احلى ايام بتحبيها فى السنه هيه ايه ، يعنى ايام العيد ، رمضان ، الاجازه ، يوم عيد ميلادك ، يعنى حاجات من دى ؟

بص طبعا بحب رمضان جدااا مين فينا مش بيحبة عشان العائلة بتجمع فية وطبعا يوم عيد ميلادى كمان


اكتر حد حاسه انك عارفه شخصيته اوى فى المنتدى هنا ؟


ممكن شهد


رأيك فى قوانين المنتدى الجديده ، ولا لسه مش قراتيها ؟

لا قراتيها وطبعا بجد خطوة كويسة منك جدا وكويس انك عملتها الوقتى


توقعاتك لشكل مصر كمان 30 سنه ، مصر هتكون دوله متقدمه ولا زى ما هيه ؟


مش اعتقد انها هتتقدم على فكرة دة كفاية نظام التعليم افشل نظام

اقرب حد ليكى فى المنتدى ، يعنى اللى مصاحبك قبل حتى ما تعرفى المنتدى ؟


طبعا الشرويدى صحبتى من ايام الطفولة وهى اللى قالت لى اشترك فى المنتدى كمان

مطربك المفضل ، و مطرتك، و ممثلك ، و ممثلتك ، و مثلك الاعلى ، مين ؟

مقرر وجاوبت علية


_ بما انك بتحبى برنامج القاهره اليوم ، اكتر حلقه عجبتك كانت ايه ؟

الحلقة اللى عمرو اديب ناقش فيها اللى حصل بين مباراة مصر والجزائر


وكفاية دول يااحمد متكترش

بنورك ياميزو عقبال لما نشوفك كدة وانت منور الكرسى

طبعا الاسئلة بتاعتك فيها مكررة فانا هجاوب اللى مش مكرر اوك

ماهو
تقييمك لهذا المنتدى بصراحه ؟

بصراحة انا شايفة انة روعة وبكون سعيدة لما بقضى وقتى فية

.((مستحيل انساك)) لمن تقولها
؟

واحدة صحبتى بس سافرت من زمان

.(( اللي راح راح وماتفيد كلمة ياريت ))
إذا أردت ان توجه هذه العباره
لنفسك, فماذا تقصد بها ؟

احلامى اللى ضاعت اظن انى المفروض انسها وابص الى الامام


هل تؤيدى الزواج العاطفي ام
الزواج التقليدي ؟ ولماذا ؟

السؤال دة جميل اوووى انا صراحة نفسى اؤيد العاطفى بس مش هينفع عشان ظروف مجتمعنا وعشان انا عمرى مااوافق انى يتلعب بمشاعرى وعشان مش اسقط من نظرى نفسى فااكيد انت عرفت الاجابة


ايهما اهم شهادتك الجامعيه أم الزواج ممن تحب
؟

لو بيحبنى بجد وانا حاسها بدة انا اضحى بعمرى مش كتير علية اضحى بشهادة جامعية

هل انتى مدمنه
تفكير؟

اها فعلا مدمنة تفكير بس لحدمعين

من هو اكثر شى تفكرى فيه؟

نفسى احس ان انا مالكة الدنياوفاهمهابس دة مستحيل لازم التجارب عشان نتعلم

هل ملابس الشخص امامك تؤثر فيكى لتأخذ عنه انطباع ؟؟
لا طبعا مش شرط خلاص

اذا احببت شخصا في الوقت الخطأ وفي
المكان الخطأ فماذا تفعلى ؟؟

على فكرة الحب دة صعب تلاقية وهو لو قدر يملك قلبى هتمسك بية وهدافع عنة مش هسيبة يضيع منى مهما كانت الظروف

ماهو اجمل اسم لولد واجمل اسم لبنت من وجهة
نظرك؟

بحب اسم احمد جدا وسيف واسم بنت مريم وديما


هل انت من لديهم رغبة حب
التملك واذا تملك الشيء اصابه الملل منه ؟

لا اكتر حاجة بكرها حب التملك والسيطرة


ماذا تفعلى اول شيء اذا ربحت مليون

هحقق جزء من احلامى واتبرع بالباقى

ماالذي يلفت
انتباهك بسرعه في الشخص لكي تعجبى به ؟

طبعا اخلاقة وادابة وتواضعة بس اكتر حاجة تشدينى للشخص عينة

شهد ارحمنى انتى مصدقت انا قعدت يعنى

ايه اكتر اكله بتحبيها

مكرونة بالبشمل

لونك المفضل

اللون الروز

لون شعرك وكنتي تتمني يكون لونو ايه ؟؟

ههههههههه لونة بنى فاتح واللون دة انا بحبة

-تعرفيني ولالا ؟؟

اها اعرفك

تعرفي كان اسمي ايه لو كونتي تعرفيني ؟؟

ههههههههههه انتى اللى سالتى مليش دعوة اسمك نور


انتي رققم كام بين اخواتك ؟

انا الاخيرة رقم4

كام اخ واخت عندك ؟؟

ليا تلات ولاد ربنا يخليهم لى ومفيش بنات للاسف

-اكتر قسم بتحبيه في المنتدى

منتدى الحب والنكت والضحك

ايه اهدافك اللي اتحققت واهدافك اللي لسه ما تحققتش ؟
ايه هيا الاهداف

طبعا انا لسة ضغننة اهدافى كان لى بس مش اتحققت

وهى انى ادخل كلية هندسة واللى نفسى احققة اعمل كيان لنفسى واحقق اى هدف لبابا وماما نفسيهم انا احققة ليهم ونفسى يكون لى شركة صراحة بس دة هدف كبير شويتين

بتحبى مصر ولا عايزه تهاجر

اكيد بحبها مش عاوز اتغرب صراحة

معنى الحب في نظرك وهل حبيتى قبل كدا؟

الحب دة مش كلام حلو كدة وخلاص
الحب دة ان حبيبك يفهم نظرات عيونك من غير متكلمى الحب الحقيقى اللى بيحكمة القلب مع توازن مع العقل مش صراع بينهم لو بتحبى بجد لازم تتضحى عشان اللى انتى بتحبية ولو فضلت اتكلم مش هقدر اوصفة عشان دة شى خيالى وانا لسة مش حبيبت لخد دلوقت الحمدلله

ايه رأيك في العلاقة بين الشباب
والبنات في الكلية عندنا؟

طبعامش بيعجبنى عشان مش بقتنع اصلا بمعنى ميطلق عليها دى صداقة بريئة بين ولد وبنت مفيش حاجة اسمها كدة فى نظرى خلاص

علاقتك بوالدك ووالدتك توصفيها بايه؟وايه رايك
في الاسرة المصرية وهل فيها حرية وحوار فعال فعلا؟

علاقتى الحمدلله كويسة ومش هقدر اوصف علاقتى بيهم عشان حجمها ومقدرها كبير جدا اها فى مش كل الاسر المصرية فى اسر فيها حوار وتفاهم وترابط شديد

مين صحبتك الانتيم في الكلية ؟

فى كليتى اتنين بموت فيهم هدير وخلود

مين اكتر دكتور بتحبيه

الدكتور عطوة والمهدى طبعا والدكتور كمال دول احسن دكاترة واكتر دكاترة حبتهم

واكتر دكتور مش بتحبيه

لخد دلوقت لسة مش لقيت الدكتور اللى مش حبيتة
ههههههه عشان انا لسة كنت اولى

والاسئلة اللى كنسلتها يبقى جاؤبت عليها
واى خدمة جاوبت هو مع انى المفروض مكنتش جاوبت عشان جاوبت قبل كدة بس اعمل اية انتى حبيبتى مقدرش ارفض ليكى طلب

هههههههههههههههههه يعنى عليكى يا مريومه
ربنا معاكى
بصى يا ستى انا مش هفترى
هما سؤالين وخلاص
1-ايه اكتر مرة عملتى فيها حاجه وندمتى عليها وايه هى الحاجه دى
2-مين اكتر شخص تتمنى انه يسامحك
3-مين قدوتك فى حياتك ومثلك الاعلى
كفايه كده لحد ما افوق واكتبلك شويه اسئله

الله يخليكى ياجوهرى ياختى على زوقك

ايه اكتر مرة عملتى فيها حاجه وندمتى عليها وايه هى الحاجه دى

يوم مرفعت صوتى على عمتى بجد استحقرت نفسى لانى فقدت اعصابى بس دة مش مبرر طبعا

-مين اكتر شخص تتمنى انه يسامحك

نفسى طبعا ربنا يسمحنى على اخطائى

مين قدوتك فى حياتك ومثلك الاعلى

افتكر انى جاؤبت السؤال دة قبل كدة

وكفاية كدة ياجوهرى متكترش كفاية هم الله يسامحك ياللى فى بالى

ماشى يا مريومه
حاضر كفايه كده ولا تزعلى

ممكن ثلاثة اسئله يا مريومة

انا لسة يا دوب شايف الموضوع

اولا كم تحفظين من القران الكريم

ثانيا حديث تعتزين به وله ذكرى في حياتك

ثالثا حكمة دائما ترددينها
آية قرانية تصف حالك

موضوع جميل بس ارحموها من الاسئلة شوية

ربنا يا صبرك يا مريومة .

تم العفو عنك يا مريومة و مش هسالك هخلي الاسئلة للعضو اللي بعدك باذن الله

ابو سعد انا هجاوب اسئلتك باليل عشان عاوزها تفكير شويتين
حظى بقى كدة يادمعة اعمل اية ههههههههههه

متشكرة يادمعة دة من زوقك وربنا

هواية عندك لما بتكونى مضايقة بتعملى بيها؟

لما بكون مضايقة بقوم اصلى الاول وبعدين اجيب كشكول لى كدة بكتب فية كل حاجة خاصة بى بقعد اكتب لخد مااحس انى فرغت كل همومى واستريحت

هل انت شككاكة يعنى بتشكى بسرعة فاللى قدام

اها انا بشك بس مش للدرجة اللى تضيع منك كل حاجة
يعنى اكيدلازم مش امان لحد بسهولة لخد مااتاكد منة عشان مندمش على حاجات كتير فى حياتى

لما بتحسى ان اللى قدامك بيستغلك لمصلحة شخصية ليكى تحت قناع الحب من صحباتك ايه رد فعلك معاها؟


اكتر حاجة رخمة فى ان انا صريحة بمعنى لو بشوف حاجة بتعجبنى بقولها ولما بكتشف ان اللى قدامى صحوبية مصلحة بقالها فى وشها ومش بتكسف لانى اكيد مش هبقى عليها طالما هى مش باقية على واعرفها كدة لان صعب انك تلاقى صاحبة دلوقت

وشكرا يادمعة مع ان اسئلتك كانت صغيرة بس حلوة

الواحد غاب كتير عن المنتدى بس لازم اقرأ الكلام ده كله اساسى

الله يخليك يااحمد انت كدة انت بتحرجينى بذوقك
بس لو نفسك فى سؤال بجد اسال يااحمد وانا تحت امرك

romio كتب:الواحد غاب كتير عن المنتدى بس لازم اقرأ الكلام ده كله اساسى

انا شايف ان ميزو والعمرى ونور وغيرهم ظبطوكى اسئله فمش لاقى اساسا اسئله ..........

اهلا ياميزو كل شوية اسئلة انت مصدقت انا قعدت
قولت تنتقم وبعدين العمرى حدد عدد معين من الاسئلة هههههههههه بس يلا هجاوب وامرى لله

هو الشيء الذي ندمت على عمله؟

جاوبت قبل كدة

كلمة تمنيت ان تستطيع سحبها؟
انا اسفة قولتلها مرة وندمت انى قولتلها

جريمه تتمنى لو تستطيع ارتكابها؟

نفسى اقتل وزير التربية والتعليم بتاع السنة اللى فاتت

حمامة زاجل حاملة رسالة لك..ممن تتمنى ان تكون؟

تكون من ربنا يقولى انا راضى عنك

شخص لطالما حلمت به؟

اكيد كل بنت بتحلم بشخص معين وبصفات لة ياريت تكون فهمت اجابتى

دمعة انذرفت رغماً عنك؟
تصدقنى لو هقولك مفيش لان دموعى مش سهل نزولها

موقف صدمك ولن تنساه؟
موقف صحبتى وانا حكيتة قبل كدة

شخص تتمنى الانتقام منه؟

مفيش عشان ديما انا بعترف بحاجة كل انسان لازم ياخدة جزاءة من ربنا

الشخص الذي لا تستطيع مسامحته؟

صحبتى عمرى ماهقدر اسامحها ابدا

شيء او شخص غير مجرى حياتك للاجمل؟

معلش ممكن مش اقول عشان دة شى شخصى شوية

حلم لا تستطيع تحقيقه؟ولماذا؟

انى ادخل هندسةبس خلاص مينفعش انا حالا فى تجارة
وانا اتعودت انى مش ابص تحت رجلى زى مبيقولوا لسة المستقبل قدامى

كلمة تود سماعها كل يوم؟

بحب كل يوم اسمع من امى حاجة انها راضية عنى ومش زعلانة منى

القمر..الشمس..ايهما تحب؟والسبب؟

بحب القمراووى عشان بحس بالراحة وانا بنظر لة بعد اشكى همومى لما اكون تعبت ومش عاوزها اكتبها

شخص تحبه ولا تعقب على اخطائه؟

مينفعش اكون بحبة ومش بعلق على اخطائة انا متعودة على الصراحة وعشان بحبة لازم اعرفة اخطائة حتى لو هيضيع منى

احب شخص من اهل بيتك اكثرغير الوالدين؟

اخوى الكبير بموت فية

احب الوالدين اليك اكثر؟
مش فاهمة قصدك هنا اية

صندوق اسرارك مين من اصدقائك؟

واحدة صحبتى اسمها فاطمة

عمل تتمنى انجازه؟

نفسى اتخرج الاول بتقدير عالى واشتغل واحقق طموحاتى

يوم حزين ادمى قلبك؟

يوم مااخوى كان هيضيع مننا بس الحمدلله الوقتى

حب تجرعته ولن تنساه؟

لسة لخد دلوقت مش حبيبت

آخر هدية قدمتها لمن؟

للامى يوم عيد الام وعيد ميلادها

س/هدية تتمنى ان تُقدم اليك؟

هتبقى هدية كبيرة نفسى الاقى الانسان اللى يستحقنى
ويقدر يملك مفتاح قلبى

الله يخليك ياروميو على زوقك اها فعلا
الاسئلة كتير ههههههههههه
عقبال مااشوفك بتنور الكرسى

هههههههههههههه لحقت تعرف الاسم يا روميو بس فينك من زمان واللهى ليك وحشتنا اوى
ها يا شباب كدا مريومه خلااص بره اللعبه هتختارو مين بقى؟؟؟؟؟؟
بس ظبتوكى يا مريومه
ههههههههههههههههه
انا فرحانه فيكى

ماشى ياشهد ليكى يوم بردة وهفرح فيكى قريب

عقبال مااشوفك منورة الكرسى

ياعمرى انا بقول العضو هو اللى يختار ولا اية ياجماعة رايكم

لاااااااااااااااا
يارب يجعل كلمنا خفيف عليه
انا مالى يا بنتى ومال الكلاام ده
اختارى انتى بقى؟

اولا ياطارق اسئلتك محرجة جدا
وانا لازم ارد عليها طبعا

اولا كم تحفظين من القران الكريم

بص انا حفظت عشرة اجزاء وحاسها انى نسيتهم

فبحاول طبعا ان شاء الله اراجع عليهم واكمل

حديث تعتزين به وله ذكرى في حياتك

لله عنه قال: كأني انظر إلى رسول الله صلى الله عليه وسلم يحكي نبياً من الأنبياء، صلوات الله وسلامه عليهم ضربه قومه فأدموه، وهو يمسح الدم عن وجهه ويقول: (اللهم اغفر لقومي فإنهم لا يعلمون)

حكمة دائما ترددينها

مكرر وجاوبتة قبل كدة

آية قرانية تصف حالك

بجد فكرت كتير ومش قدرت بعتذر عن السؤال

وانا اسفة ياابو سعد على التاخير