الرئيسية
من طرف الملاك البرئ الخميس يونيو 26 2008, 01:33إذ فجأة كده ، وعلى غفلة ، لقيت نفسى قاعده قدام مسئول من النوع بتاع
البدل الإيطالى و العربيات الألمانى وميراج سيتى وساحل شمالى و جنوبى ،
والناس الشريفة دى .... وسمعته يبدأ خطبته عن الأسعار اللى ولعت بغباوة
فى البلد ....................
دول بنت عالم تالت صحيح !!!!!!
بسم الله ، طول عمرنا يا سادة بنحاول نتقدم ونكون من دول العالم الأول ،
وأهو جه الوقت المناسب لكده ، وهنقدر نقف جنب أوروبا و أمريكا زينا
زيهم ، أول خطوة عملناها إننا لما لاقينا عندهم أزمة ، قلنا اشمعنى احنا ؟
لازم إحنا كمان يكون عندنا أزمة ، إيه يعنى لما الأسعار تزيد ؟ ده اتجاه عالمى
واحنا بقى نبقى فعلا متخلفين ودول بنت عالم تالت إن وقفنا وما دخلناش فى
الاتجاه ده !!!!!
فى صحة الأنفاق و الكبارى !!!
سامع مواطن بيسألنى واحنا ذنبنا ايه يا كبير ؟
أقول له إنت حمار زى اللى أنت واكله ، ما هو لما الأسعار عندنا تغلى
خليك معايا ....البلد هيجيلها دخل قومى كبير ، الدخل ده هنعمل بيه
كبارى وأنفاق كتييييييييييييييييييييييرة تخلى البلد كلها نوعين ، نوع ماشى
فوق الأرض ونوع ماشى تحت الأرض !
كل يوم لما أنزل أشترى مستلزمات بيتى من السوق بلاقى الأسعار عادية جدا
مش يعنى الغالية اللى تخليكم تدعوا علينا !
فيها إي لما إزازة الزيت بعد ما كانت ب 7 جنيه بقت ب 12 جنيه ؟!
مش ده أقل من تمن كارت الشحن اللى بتطيروه فى ثوانى برده ؟!
الفراخ من العدس....والعدس من الفراخ يا " لينا " !!!
سامع واحد بيقول لى العدس بقى ب12 جنيه ، طب فيها إيه ؟!
بصوا أنا طول عمرى شايف إنكم بتاكلوا العدس و الكشرى و الرز عشان
بيشبع ورخيص ، قلت ياواد يا مسئول ، ليه ما تأكلش الناس دى لحمة ؟
فخليت تمن العدس زى الفراخ المجمدة ، علشان تاكلوا و تصوصوا ، احمدوا
ربنا سبحانه وتعالى بقى إننا وصلناكم تاكلوا فراخ بدل العدس !!!
واحدة سامعها بتقول لى " الخضار غلى " ، ماهو لازم يغلى يا حاجة ، الله
مش الدولار غلى ؟؟ ... مش برضه الخضار ده تبع الإنتاج الانتاج الدولى
المتخصخص بتاع بلدنا ؟! يبقى لازم وحتما ولابد يكون مرتبط بالعملة
الدولارية !
الله يخرب بيتك يا محسن
طبعا مش فاهمة حاجة ولما تفهمى هتعرفى سبب زيادة الأسعار ، بس كفاية
أقولك إن الغلا علينا احنا كمان ، ده حتى المبيدات السرطانية اللى
بنجيبهالكم زادت كام ضعف ، بس قولنا لا والف لا مش هنضاعف الحاجه
أربع مرات ...كفاية مرتين بس !!
الله يخرب بيتك يا محسن
وفى الآخر اكتشفنا إننا إحنا السبب فى الغلا وزيادة الأسعار ، أما إحنا شعب
نمرود صحيح وما يستاهلش أى نفحة من المسئولين بتوعه !!!!
الحل : نجيب شعب محترف يلعب الماتش مع الحكومه !!!!
لدرجة إنى بفكر أروح أجيب شعب تانى من بره و أطرد الشعب الوحش اللى
هو السبب فى كل حاجة وحشة فى البلد !!
ولسه بسرح فى أفكارى ، لقيت كف ميرى مقاس 50 ( مقاس الجزمه طبعا
مش الكف بس مفيش داعى للاحراج يعنى
) وصوت ولا صوت
عشماوى بيقولى : كنت بتقولى ايه يا بت انتى
يلهوى ........ الله يخليك يا محسن
وبما إن الجبن سيد الأخلاق قلت له
وبحب عمرو موسى و بكره اسرائيل و ايييييييييييييييييييييييييييييه
وبشجع بابا سنسن واوكل جيمى كمان واييييييييييييييييييييييييييييييييييييه
وابقوا افتكرونى بعيش وحلاوه وادعولى
البدل الإيطالى و العربيات الألمانى وميراج سيتى وساحل شمالى و جنوبى ،
والناس الشريفة دى .... وسمعته يبدأ خطبته عن الأسعار اللى ولعت بغباوة
فى البلد ....................
دول بنت عالم تالت صحيح !!!!!!
بسم الله ، طول عمرنا يا سادة بنحاول نتقدم ونكون من دول العالم الأول ،
وأهو جه الوقت المناسب لكده ، وهنقدر نقف جنب أوروبا و أمريكا زينا
زيهم ، أول خطوة عملناها إننا لما لاقينا عندهم أزمة ، قلنا اشمعنى احنا ؟
لازم إحنا كمان يكون عندنا أزمة ، إيه يعنى لما الأسعار تزيد ؟ ده اتجاه عالمى
واحنا بقى نبقى فعلا متخلفين ودول بنت عالم تالت إن وقفنا وما دخلناش فى
الاتجاه ده !!!!!
فى صحة الأنفاق و الكبارى !!!
سامع مواطن بيسألنى واحنا ذنبنا ايه يا كبير ؟
أقول له إنت حمار زى اللى أنت واكله ، ما هو لما الأسعار عندنا تغلى
خليك معايا ....البلد هيجيلها دخل قومى كبير ، الدخل ده هنعمل بيه
كبارى وأنفاق كتييييييييييييييييييييييرة تخلى البلد كلها نوعين ، نوع ماشى
فوق الأرض ونوع ماشى تحت الأرض !
كل يوم لما أنزل أشترى مستلزمات بيتى من السوق بلاقى الأسعار عادية جدا
مش يعنى الغالية اللى تخليكم تدعوا علينا !
فيها إي لما إزازة الزيت بعد ما كانت ب 7 جنيه بقت ب 12 جنيه ؟!
مش ده أقل من تمن كارت الشحن اللى بتطيروه فى ثوانى برده ؟!
الفراخ من العدس....والعدس من الفراخ يا " لينا " !!!
سامع واحد بيقول لى العدس بقى ب12 جنيه ، طب فيها إيه ؟!
بصوا أنا طول عمرى شايف إنكم بتاكلوا العدس و الكشرى و الرز عشان
بيشبع ورخيص ، قلت ياواد يا مسئول ، ليه ما تأكلش الناس دى لحمة ؟
فخليت تمن العدس زى الفراخ المجمدة ، علشان تاكلوا و تصوصوا ، احمدوا
ربنا سبحانه وتعالى بقى إننا وصلناكم تاكلوا فراخ بدل العدس !!!
واحدة سامعها بتقول لى " الخضار غلى " ، ماهو لازم يغلى يا حاجة ، الله
مش الدولار غلى ؟؟ ... مش برضه الخضار ده تبع الإنتاج الانتاج الدولى
المتخصخص بتاع بلدنا ؟! يبقى لازم وحتما ولابد يكون مرتبط بالعملة
الدولارية !
الله يخرب بيتك يا محسن
طبعا مش فاهمة حاجة ولما تفهمى هتعرفى سبب زيادة الأسعار ، بس كفاية
أقولك إن الغلا علينا احنا كمان ، ده حتى المبيدات السرطانية اللى
بنجيبهالكم زادت كام ضعف ، بس قولنا لا والف لا مش هنضاعف الحاجه
أربع مرات ...كفاية مرتين بس !!
الله يخرب بيتك يا محسن
وفى الآخر اكتشفنا إننا إحنا السبب فى الغلا وزيادة الأسعار ، أما إحنا شعب
نمرود صحيح وما يستاهلش أى نفحة من المسئولين بتوعه !!!!
الحل : نجيب شعب محترف يلعب الماتش مع الحكومه !!!!
لدرجة إنى بفكر أروح أجيب شعب تانى من بره و أطرد الشعب الوحش اللى
هو السبب فى كل حاجة وحشة فى البلد !!
ولسه بسرح فى أفكارى ، لقيت كف ميرى مقاس 50 ( مقاس الجزمه طبعا
مش الكف بس مفيش داعى للاحراج يعنى
) وصوت ولا صوت عشماوى بيقولى : كنت بتقولى ايه يا بت انتى
يلهوى ........ الله يخليك يا محسن
وبما إن الجبن سيد الأخلاق قلت له
وبحب عمرو موسى و بكره اسرائيل و ايييييييييييييييييييييييييييييه
وبشجع بابا سنسن واوكل جيمى كمان واييييييييييييييييييييييييييييييييييييه
وابقوا افتكرونى بعيش وحلاوه وادعولى
