ستة اسباب مقنعه للزواج العرفى ادخلو علشان تتجوزا

اولا طبعا انا هقول اسباب
1.الاستعجال
مافيش وقت خالص.. الحياة قصيرة جدا يا جدعان
وهو أكثر الأسباب العبيطة شيوعا... تجد الولد والبنت عندما تسألهما ليه عملتم كده؟ ترد عليك البنت -بكل بجاحة ولا مؤاخذة-: احنا ارفين إننا ممكن نتجوز بعد كام سنة.. بس أنا مش بقدر أعيش يوم من غير ما أشوف سيد، وفي نفس الوقت ستجد سيد يقول لك في تناحة منقطعة النظير: أنا عارف إني ممكن أتجوز ست أبوها! في خلال سنتين.. بس مش حرام نضيع السنين دي من عمرنا في الهوا.. يرضيك كده؟
هو طبعا يرضيني.. لسبب بسيط جدا هو أن العلاقة بين الولد والبنت إذا لم تنضج على نار هادئة.. فإنها ستكون نيئة.. قد تجد أول قضمة منها في غاية الطعامة واللذاذة... لكن بعد كده هتحس إنك بتاكل في لحم رخيص.
مالهوش أي طعم.. بعد وقت قليل جدا هتلاقي نفسك بتدور على نوع تاني.. وطعم تاني
حكمة هذه القصة: الذي يأتي سريعا يضيع سريعا.. هذا عن الفلوس.. فما بالك بالبني آدم؟
*******

2.الأهل رافضين

بابا حالف يطلق ماما لو اتجوزت سيد
لو كنت إخصائيا اجتماعيا ستجد ست أبوها تبكي بحرقة وهي تعترف لك قائلة: والله يا أستاذ حسونة أنا ماكنتش عاوزة أعمل كده.. إهئ إهئ.. بس سيد جه واتقدم لي.. وبابا راسه وألف سيف إني ماتجوزش سيد.. ماله سيد؟ وحش سيد؟ ده حتى جتة وملو هدومه.. بابا طرده من البيت ورفض حتى إنه يكمل كلامه معاه وحلف بالطلاق إن سيد مايدخلش بيتنا تاني.. ليه كل ده؟
ماله سيد؟ وحش سيد؟ ده حتى كسيب وبيتاجر في الـ.. في الـ.. يعني بيتاجر وخلاص
قد يحن قلب الأستاذ حسونة ويرق لـست أبوها ويقتنع بمنطقها.. لكن دعونا نسأل ماذا لو كان لدى والد ست أبوها أسباب مقنعة حقا؟ ماذا لو كان سيد فعلا غير مناسب لها، أو أن الوالد يعرف عنه ما لا تعرفه هي؟
حكمة هذه القصة: رأي الأهل في الأغلب -إن لم يكن دائما- يكون على صواب.. حتى اسألوا ست أبوها
*******

3.الظروف الاقتصادية

مافيش فلوس.. حتى اسألوا نجلا
كان سيد يجلس على قهوة أحلى من الشرف مافيش ثم قال لصديقه اللدود عبده توكل: كح كح.. تعرف يا عبده أنا اتجوزت البت ست أبوها عرفي ليه؟ ما تقول لي ليه.. ما تقول يا جدع!.. آه نسيت إنك أخرس!.. أقول لك أنا ليه.. عشان مافيش فلوس.. هو احنا لاقيين نشرب الجوزة.. كح كح.. لما نلاقي نجيب شبكة وعفش وشقة وكلام فارغ منه ده
حسنا.. يمكن أن نتعاطف مع سيد لو حاول أن يعمل وفشل.. لو وقف ضده العالم كله ووضعت لافتة سيد ممنوع من العمل في كل مكان يذهب إليه.. لو دققنا النظر.. سنجد سيد جتة وملو هدومه -وده كلام ست أبوها مش كلامنا-.. يعني ممكن لو سند بإيده على جدار يهده.. صحة يعني.. طيب ليه يا سيد ماحاولتش تشتغل واكتفيت إنك تشغل نفسك وتشرب الشيشة.
حكمة هذه القصة: شرب الشيشة.. ضار جدا بالصحة
*******

4.التقليــد
واشمعنى ست أبوها وسيد يعني
غريب جدا هذا السبب.. إذ تجد داليا سعيدة جدا وهي تمسك بيد أحمد بعد أن تزوجا عرفيا وهي تقول لك: كنا بنحب بعض.. ومش عارفين ممكن نقدر نتجوز امتى.. لغاية ما اتعرفنا على ست أبوها وسيد.. هم اللي قالوا لينا على الطريقة المفتكسة دي.. وماتكلفناش حاجة.. ممكن نبقى نقول لأهلنا بعدين.. عشان نحطهم قدام الأمر الواقع.. لما أكون خلفت ياسمين وشادي.. أنا ناوية أسميهم كده.. كنت فكرت أسميهم ست أبوها وسيد.. وبعدين لاقيت الاسمين دول فرافيري شوية
جميل.. هذا منطق خاطئ مائة بالمائة.. الأمر أشبه بتقليد الغرب في ملابسهم وسلوكياتهم دون أي فهم. ودون أي رجوع لعاداتنا وتقاليدنا.. ما يصلح لـزيد لا يصلح لـعبيد فما بالك إذا كان مايفعله زيد غلط أصلا.. هل تقلده في غلطه؟! سامعنا يا عبيد؟
حكمة هذه القصة: زيد يخطئ كثيرا.. حتى اسألوا عبيد
*******

5.التجــربة

ده الواحد لما بيشتري قميص جديد.. بيجربه
في الأغلب ستشعر أن سيد وست أبوها يعانيان من مرض شهير اسمه البلاهة منقطعة النظير.. وذلك عندما يقولان لك في ثقة احنا قلنا نجرب.. بدل ما نعمل حاجة في الحرام.. قلنا نتجوز عرفي.. لو اكتشفنا إن الجواز بينا حلو.. وإننا مرتاحين لبعض.. وإننا ممكن نكون أسعد زوجين في العالم.. أكيد أكيد.. هنعلن جوازنا.. وهنتجوز رسمي.. ياريت تفهمونا.. وبلاش رجعية
كل حاجة اليومين دول قابلة للتجريب.. والمفروض الجواز يكون أول الحاجات دي.. ده حتى الواحد لما بيشتري قميص جديد.. بيجربه
الأكيد إنك وقتها ستحتاج إلى أطنان من الثلج لتضعها على جسدك كله حتى تكون باردا وهادئا وأن تتكلم معهم وتقول لهم: جميل جدا.. لكنك عندما تجرب قميصا فإنك تفعل ذلك في المحل وأمام الزبائن وصاحب المحل.. فلا يمكن أن تسرق القميص وتجري به إلى غرفة البروفة لتجربه دون موافقة صاحب المحل.. ثم تعالوا
نتخيل رد الفعل إذا قطعت كم القميص وأنت تجربه.. مش إنت برضه اللي هتدفع تمنه.. فما بالك.. بقميص تقطع بالكامل وإنت بتجربه.. من يدفع الثمن؟
حكمة هذه القصة: لا تشترِ قمصانا من محل معروف بأنه يبيع ملابس مضروبة
*******

6.الحــب
عندما أراها بعيدة عني يذوب قلبي
ربما يكون هذا السبب هو أكثر الأسباب التي تبدو منطقية من وجهة نظر المقدمين على الزواج العرفي.. ستجد سيد ينظر إليك مسهما وهو يقول بحبها ياض!.. ده حتى خلتني أكتب فيها كلام بالفصحى.. فسح كده في القعدة.. واسمع.. عندما أراها بعيدة عني يذوب قلبي ويصبح... كحبة فيتامين سي عندما تضعها هي بأناملها الرقيقة في كوب من عصير القصب..آآآ.. من الماء!.. شفت الحب عمل فيّ إيه
وستجد ست أبوها تقول لأختها الصغيرة وهي تغسل الأطباق بعد الغذاء وهي تتأمل في خيط المياه المتقطع الذي ينزل من الحنفية: تعرفي أنا بحب سيد موت.. ده خلاني أكتب عنه كلام بالفصحى.. حتى اسمعي.. عندما أراك يا سيد.. تتجمع ذرات قلبي -التي ذابت كقرص فيتامين سي في كوب من الماء عندما ابتعدت عني!- لتعود مرة أخرى وتسكن في صدري.. وأشعر بطعم البرتقال الحقيقي الذي غاب عني كثيرا! شفتِ الحب عمل فيّ إيه؟
بعد ذلك يقرر سيد وست أبوها الزواج العرفي.. لأنه كوب الماء الوحيد الذي يمكن أن يجمع بين قرصي فيتامين سي.. نقصد بين قلبيهما
جميل جدا.. لكن دعونا نسأل.. ماذا لو انكسر الكوب؟ بل ماذا لو تم وضع قرصي فيتامين سي في كوب من الماء المالح.. هل سيكون هناك طعم للبرتقال؟

عايزه الاقى الردود بتمطر عليا

الموضوع جميل يا احمد بس مسن اللى قلك على الدلع بتاعها اه ان نسيت انكم اتجوزتوا ...................بنهزر اه ........

هههههههههههههههههههههههههههه
حلو سيبد بس اديك يافايتر كملت اللى كان ناقص
وهو ده الموضوع اللى اتحكم عليا بيه

بقولكم ايه علشان الجواز العرفى يتم وانتوا مطمنيين تعالولى بس وانا هظبطكوا وفى لحظه هبيع البنت للى اجوزها ونقطع الورق والكلام الفاضى ده واطلع عنيها ...............ههههههههههههههههههههه

ههههههههههههههههههههههههههههه
تصدقى والله يا ديرو الواحد اتشجع على الجواز العرفى بس انتى نسيتى الزغبه فى زل الوالدين اللى رفضوا الجوازه

ههههههههههههههههههههه

موضوع جامد يا ديرو


باركولي ياجدعان انا قررت اتجوز عرفي

هههههههههههههههههههههه
الف مبروك ياميدو

كلامك كله صح
وانا معاك في كل حرف انته قلته

وعلى احنا بنعاني من افكار الشباب اللي من غير تدبير وعقلانية


الى الامام

اسباب كلها مقنعة
بس الخسران الوحيد فى الموضوع هى البنت مش الولد
البنت بتخسر كل حاجة فى حياته
وربنا يستر علينا ويحفظ بنات المسلمين

اسباب مقنعه وكويس يا احمد التكمله اللى انت كتبتها احلى حاجه نكمل بعض
برافوا عليكى ديرو
بس فعلا فى الاخر البنت هى اللى بتخسر كل حاجه
انما الولد يا سيدى لو وصلت للمحاكم اكتب وطلق عادى ياعم
انما البنت لو خرجت منها من غير طفل هيكون اسمها ايه وشكلها ايه

كلكم عندكم حق
بس ايه الحل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نعمل ايه......................

مفيش حل الا تقوى الله والخوف منه

هههههههههههههههههههههه
والله ضحكتنى ياعائد
بس ده بقه قليل قوى

نو كومنت

لا والله عائد معاه حق بشكل قياسي
هو ده حل كل المشاكل اللي احنا فيها بلا منافس

شيدوا حيلكوا يا رجاله وخليكوا مع عائد

ديرو بتحاول بتوقعكوا في الغلط

شكلها بتدور علي عريس

ههههههههههههههههههههههه
ماشى ياميدو انا هوقعهم فى الغلط ده انا بثقفهم
خدوا منى بس ياشباب