الرئيسية
من طرف صاحبه الرومانسيه الأربعاء أغسطس 13 2008, 06:56بعد ما شهر العسل خلص واتقفل عليكِم باب واحد...طبعا المشاكل بدأت تظهر وكل يوم والتاني فيه خناقة بسبب ومن غير سبب.
الزوجه دلوقت قاعدة بينها وبين نفسها عمالة تفكر وتقول يا ترى هو ده الإنسان اللي أنا حبيته واتجوزته وطبعا ندمانة على جوازك منه..
لو انتي مكانها تعملي ايه؟!
هترفعي سماعة التليفون وتتصلي بواحدة صاحبتك وتحكي لها وتقولي لها شوفتي المنيل عمل ايه ودودودودو وتقوليلها علي كل حاجه وانه اتغير خالص مش هو ده اللي انا كنت مخطوباله وإنك لولا إنك خايفة من كلام الناس كنت سيبتي البيت ورجعتي بيت أهلك...
طبعا هي هتنصحك وتقولك يووه وانتي هتسكتيله انتي لازم تقولي لامك هي اللي هتعرف تجيب لك حقك لازم تعرفيه إن ليكِ أهل يجيبوا لك حقكِ..
طبعا أنت هتقفلي معاها الخط وتروحي على طووول متصلة بأهلك وتقولي لهم تعالوا بسرعة الحقوني، وهو كمان مش هيقف يتفرج وهيتصل هو كمان ويجيب أهله وكل واحد بكلمة اللي يقولك إنك غلطانة واللي يقول له إنه هو اللي غلطان وانت اللي عمللت كذا وكذا وانتي عملتي كذا وكذا
حلو قوي كده الحكايه ولعت بنكم والموضوع كبر...
وتلاقي نفسك دخلتي في دوامة مشاكل مالهاش حل..
طيب ما فكرتيش بينك وبين نفسك ولو لخمس دقائق ليه ده كله حصل وإيه اللي كان في إيدك تعمليه علشان تخلي حياتك جنة بدل ما أنت بإيدك حولتيها إلى جحيم..
بصي يا بنت الحلال
اي مشكله مادام بينكوا انتوا الاتنين بشويه تفكير وشويه تنازلات تعرفوا تحلوها
ياترى إيه السبب في الخلافات اللي بتحصل بينك وبين جوزك واللي مخلياكي حاسة إنه إنسان تاني غير اللي كنت مخطوبة له؟؟؟
كل واحد منكم من بيت غير التاني ومن بيئة غير التانية.. علشان كده أول ما يتقفل عليكم باب، وبعد شهر العسل بيبدأ كل واحد يتصرف زي ما متعود في بيت أهله، يعني مثلا هو متعود إنه أول ما يدخل من البيت يسأل عن الأكل وياكل ويقيل شويه!مفيهاش حاجه الراجل جاي من الشغل تعبان
طبعا أنت ممكن تزعلي وتقولي إنه عايش عشان ياكل وينام وبس ومش مهتم بيكِ، وإن همه علي بطنه!! صح؛ دا طجبعا من غير ما تفكري
لو عقلتي شويه وقلتِي إنه يا حرام صحي بدري، وراح الشغل ورجع، وله الحق إنه ياكل وينام شوية ده مش عيب..
علشان كده عايزكِ دايما تفكري في كل تصرف بيعمله بعقل وبحكمة، وتعرفي ازاي تخليي جوزك يحبك ويفضل حبه ليكي طوووووول العمر
طبعا علشان دا يتحقق لازم هو يحب فيكي شخصيتك وصفاتك الحلوة وروحك وذكائك واوعي تنسي إن الاحترام بين الزوجين
هو أساس الزواج الناجح والبيت السعيد.
طيب ازااي توصلي لكده؟
شوفي جوزك بيحب إيه.. واعمليه
إيه المانع إنك تشوفي إيه الحاجة اللي جوزك بيحبها وتعمليها حتى لو مش بتحبي الحاجة دي يعني مثلا "لو بيحب السمك وأنت مش بتطيقي ريحته إيه المانع إنك تييجي على نفسك وتعمليه".
وصدقيني الحاجة دي مهما كانت بسيطة، فهي هتفرق معاه جدا؛ لأنه هيكون عارف إنك مش بتحبي الحاجة دي، وعملتيها علشان ترضيه، فأكيد هو هيقدر تضحيتك دي
ما تكذبيش
اوحش حاجه الكذب وبعدين عمره مابينفع اصله كده كده هيعرف
وساعتها هيبقي شكلك وحش قوي
خليها في سرك
الحياة الزوجية دي لازم تكون سر بين الاتنين الزوج والزوجة وبس.. علشان كده ياريت ما تتكلميش قدام حد نهائي ما تقوليش دي ماما
ما تنسيش انها حماته مدوباهم اتنين .
ولا لاي حد بتاتا البتا حلو قوي بتاتا البتادي
واعرفي أن احترام الناس لجوزك هيتكون من خلال كلامك عنه قدامهم، علشان كده ياريت ما تتكلميش مهما كانت الظروف عن عيوب جوزك، وخليها في سرك؛ لأننا مش ملايكه
ومفيش حد فينا ما فهوش عيوب
وياريت لو فيه عيوب وأنت مش حباها، ونفسك تغيريها فده لازم يكون بذكاء منك مش بالنقد والسخرية؛ لأنه اكيد مش هيبقي مبسوط ومراته عماله تقوله انت كذا وعملت كذا ليه يعني مثلا تقولي له بأسلوب بابتسامه حلوه كده.. إيه رأيك يا حبيبي لو تعمل كده؟ ده هيخليك تبقى أحسن.. وخليه دايما يحس إن حبك له، وخوفك عليه، هو اللي خلاكِ تقولي كده، وإنك عايزة تشوفيه في أحسن صورة.
واعرفي أنك لو غمضتِ عينيك عن غلطات جوزك الصغيرة، هو كمان هيغفر لك عيوبك اللي ممكن تكون كبيرة.
اسمعي كلام جوزك
ياريت تسمعيله وتقولي رأيك في كل اللي بيقوله بأسلوب كويس؛ لأن ده هيقربك منه جدا، وهيخليه يقول لك على كل حاجة كبيرة وصغيرة في حياته وتبقي أنت موضع كل أسراره لأنك بكده هتكوني الشخص الوحيد اللي يترمي في حضنه لما تقابله لأي مشكلة.
لو لاقيتي جوزك راجع تعبان، وشكله فيه حاجة مضايقاه ياريت في الوقت ده تسكتي نهائي، وبلاش تلحي عليه في السؤال.. مالك؟ مالك؟ لغاية ما يهدأ وهو اللي يبدأ يتكلم.
ومفيش مانع إنك لو لاقيتيه متنرفز وعفاريت الدنيا بتتنطط في وشه وهو بيتكلم تسيبي الأوضة اللي هو فيها وتروحي أي مكان تاني لغاية ما يهدا وهتلاقيه هو اللي جاي يعتذر لك، ويقول لك حقك عليّ يا حبيبتي،
وخلي دايما صوتك واطي في أي خلاف بينك وبينه حتي لو كان هو صوته عالي لواتكلمتي براحه هو هيسكت علشان يسمعك ولو مفيش فايده وصوته لسه عالي اسكتي خالص وسيبيه يخلص كلامه واوعي تطلبي الطلاق
خليكِي فراشة في البيت
خليك مرحة في بيتك.. وما تحاوليش تكسبي عطف جوزك بأنك كل ما تشوفيه تقولي إنك تعبانة ومرهقة لأن بصراحة أي راجل بيهرب من دي الست .
وحاولي تغيري في لبسك علي طول.. في تسريحة شعرك.. في طريقة كلامك.. وفي الاكل كمان. وده علشان الملل ما يتسربش إلى قلبه.
وخليكِ عارفة إن الست الذكية هي اللي تنجح في كسر روتين الحياة اليومية.
إياكِي والمقارنة
إوعي تقارني بين جوزك وأي راجل تاني مهما كان.. أو بين عيشتك في بيت أهلك وبين عيشتك في بيت جوزك، وخليكِي دايما راضية باللي ربنا كتبهولك وبلاش تتعبيه بطلبات تفوق إمكانياته
الدنيا يوم عسل ويوم بصل
خليكِي ست عاقلة واعرفي إن الدنيا مشعلي طول لونها وردي يعني هتلاقي يوم حلو ويوم وحش علشان كده اصبري واقفي جنب جوزك وقت شدته واوعي تتخلي عنه وخليك دايما جنبه.
استشيريه في كل حاجة
استشيري جوزك في كل حاجة تخصك وفي كل خطوة قبل ما تعمليها.. خليه دايما يحس إنه هو صاحب القرار والرأي..
اهتمي بأهله
إوعي تنسي إنك تهتمي بأهله، وتزوريهم دايما، وتجامليهم في أي مناسبة حتى لو كان هو مش فاضي أنت روحي واطمني عليهم؛ لأن الموضوع ده هيبسط جوزك جدا..
بس يا ستي.. دي كانت شوية حاجات بسيطة علشان تساعدك تحققي السعادة بينك وبين جوزك، وماتبقاش السعاده في شهر العسل دي حياتك كلها هتبقي عسل
ولغاية هنا وخلصت كلامي
معلشي طولت عليكم
وليكم خالص احترامي
والسلام عليكم
الزوجه دلوقت قاعدة بينها وبين نفسها عمالة تفكر وتقول يا ترى هو ده الإنسان اللي أنا حبيته واتجوزته وطبعا ندمانة على جوازك منه..
لو انتي مكانها تعملي ايه؟!
هترفعي سماعة التليفون وتتصلي بواحدة صاحبتك وتحكي لها وتقولي لها شوفتي المنيل عمل ايه ودودودودو وتقوليلها علي كل حاجه وانه اتغير خالص مش هو ده اللي انا كنت مخطوباله وإنك لولا إنك خايفة من كلام الناس كنت سيبتي البيت ورجعتي بيت أهلك...
طبعا هي هتنصحك وتقولك يووه وانتي هتسكتيله انتي لازم تقولي لامك هي اللي هتعرف تجيب لك حقك لازم تعرفيه إن ليكِ أهل يجيبوا لك حقكِ..
طبعا أنت هتقفلي معاها الخط وتروحي على طووول متصلة بأهلك وتقولي لهم تعالوا بسرعة الحقوني، وهو كمان مش هيقف يتفرج وهيتصل هو كمان ويجيب أهله وكل واحد بكلمة اللي يقولك إنك غلطانة واللي يقول له إنه هو اللي غلطان وانت اللي عمللت كذا وكذا وانتي عملتي كذا وكذا
حلو قوي كده الحكايه ولعت بنكم والموضوع كبر...
وتلاقي نفسك دخلتي في دوامة مشاكل مالهاش حل..
طيب ما فكرتيش بينك وبين نفسك ولو لخمس دقائق ليه ده كله حصل وإيه اللي كان في إيدك تعمليه علشان تخلي حياتك جنة بدل ما أنت بإيدك حولتيها إلى جحيم..
بصي يا بنت الحلال
اي مشكله مادام بينكوا انتوا الاتنين بشويه تفكير وشويه تنازلات تعرفوا تحلوها
ياترى إيه السبب في الخلافات اللي بتحصل بينك وبين جوزك واللي مخلياكي حاسة إنه إنسان تاني غير اللي كنت مخطوبة له؟؟؟
كل واحد منكم من بيت غير التاني ومن بيئة غير التانية.. علشان كده أول ما يتقفل عليكم باب، وبعد شهر العسل بيبدأ كل واحد يتصرف زي ما متعود في بيت أهله، يعني مثلا هو متعود إنه أول ما يدخل من البيت يسأل عن الأكل وياكل ويقيل شويه!مفيهاش حاجه الراجل جاي من الشغل تعبان
طبعا أنت ممكن تزعلي وتقولي إنه عايش عشان ياكل وينام وبس ومش مهتم بيكِ، وإن همه علي بطنه!! صح؛ دا طجبعا من غير ما تفكري
لو عقلتي شويه وقلتِي إنه يا حرام صحي بدري، وراح الشغل ورجع، وله الحق إنه ياكل وينام شوية ده مش عيب..
علشان كده عايزكِ دايما تفكري في كل تصرف بيعمله بعقل وبحكمة، وتعرفي ازاي تخليي جوزك يحبك ويفضل حبه ليكي طوووووول العمر
طبعا علشان دا يتحقق لازم هو يحب فيكي شخصيتك وصفاتك الحلوة وروحك وذكائك واوعي تنسي إن الاحترام بين الزوجين
هو أساس الزواج الناجح والبيت السعيد.
طيب ازااي توصلي لكده؟
شوفي جوزك بيحب إيه.. واعمليه
إيه المانع إنك تشوفي إيه الحاجة اللي جوزك بيحبها وتعمليها حتى لو مش بتحبي الحاجة دي يعني مثلا "لو بيحب السمك وأنت مش بتطيقي ريحته إيه المانع إنك تييجي على نفسك وتعمليه".
وصدقيني الحاجة دي مهما كانت بسيطة، فهي هتفرق معاه جدا؛ لأنه هيكون عارف إنك مش بتحبي الحاجة دي، وعملتيها علشان ترضيه، فأكيد هو هيقدر تضحيتك دي
ما تكذبيش
اوحش حاجه الكذب وبعدين عمره مابينفع اصله كده كده هيعرف
وساعتها هيبقي شكلك وحش قوي
خليها في سرك
الحياة الزوجية دي لازم تكون سر بين الاتنين الزوج والزوجة وبس.. علشان كده ياريت ما تتكلميش قدام حد نهائي ما تقوليش دي ماما
ما تنسيش انها حماته مدوباهم اتنين .
ولا لاي حد بتاتا البتا حلو قوي بتاتا البتادي
واعرفي أن احترام الناس لجوزك هيتكون من خلال كلامك عنه قدامهم، علشان كده ياريت ما تتكلميش مهما كانت الظروف عن عيوب جوزك، وخليها في سرك؛ لأننا مش ملايكه
ومفيش حد فينا ما فهوش عيوب
وياريت لو فيه عيوب وأنت مش حباها، ونفسك تغيريها فده لازم يكون بذكاء منك مش بالنقد والسخرية؛ لأنه اكيد مش هيبقي مبسوط ومراته عماله تقوله انت كذا وعملت كذا ليه يعني مثلا تقولي له بأسلوب بابتسامه حلوه كده.. إيه رأيك يا حبيبي لو تعمل كده؟ ده هيخليك تبقى أحسن.. وخليه دايما يحس إن حبك له، وخوفك عليه، هو اللي خلاكِ تقولي كده، وإنك عايزة تشوفيه في أحسن صورة.
واعرفي أنك لو غمضتِ عينيك عن غلطات جوزك الصغيرة، هو كمان هيغفر لك عيوبك اللي ممكن تكون كبيرة.
اسمعي كلام جوزك
ياريت تسمعيله وتقولي رأيك في كل اللي بيقوله بأسلوب كويس؛ لأن ده هيقربك منه جدا، وهيخليه يقول لك على كل حاجة كبيرة وصغيرة في حياته وتبقي أنت موضع كل أسراره لأنك بكده هتكوني الشخص الوحيد اللي يترمي في حضنه لما تقابله لأي مشكلة.
لو لاقيتي جوزك راجع تعبان، وشكله فيه حاجة مضايقاه ياريت في الوقت ده تسكتي نهائي، وبلاش تلحي عليه في السؤال.. مالك؟ مالك؟ لغاية ما يهدأ وهو اللي يبدأ يتكلم.
ومفيش مانع إنك لو لاقيتيه متنرفز وعفاريت الدنيا بتتنطط في وشه وهو بيتكلم تسيبي الأوضة اللي هو فيها وتروحي أي مكان تاني لغاية ما يهدا وهتلاقيه هو اللي جاي يعتذر لك، ويقول لك حقك عليّ يا حبيبتي،
وخلي دايما صوتك واطي في أي خلاف بينك وبينه حتي لو كان هو صوته عالي لواتكلمتي براحه هو هيسكت علشان يسمعك ولو مفيش فايده وصوته لسه عالي اسكتي خالص وسيبيه يخلص كلامه واوعي تطلبي الطلاق
خليكِي فراشة في البيت
خليك مرحة في بيتك.. وما تحاوليش تكسبي عطف جوزك بأنك كل ما تشوفيه تقولي إنك تعبانة ومرهقة لأن بصراحة أي راجل بيهرب من دي الست .
وحاولي تغيري في لبسك علي طول.. في تسريحة شعرك.. في طريقة كلامك.. وفي الاكل كمان. وده علشان الملل ما يتسربش إلى قلبه.
وخليكِ عارفة إن الست الذكية هي اللي تنجح في كسر روتين الحياة اليومية.
إياكِي والمقارنة
إوعي تقارني بين جوزك وأي راجل تاني مهما كان.. أو بين عيشتك في بيت أهلك وبين عيشتك في بيت جوزك، وخليكِي دايما راضية باللي ربنا كتبهولك وبلاش تتعبيه بطلبات تفوق إمكانياته
الدنيا يوم عسل ويوم بصل
خليكِي ست عاقلة واعرفي إن الدنيا مشعلي طول لونها وردي يعني هتلاقي يوم حلو ويوم وحش علشان كده اصبري واقفي جنب جوزك وقت شدته واوعي تتخلي عنه وخليك دايما جنبه.
استشيريه في كل حاجة
استشيري جوزك في كل حاجة تخصك وفي كل خطوة قبل ما تعمليها.. خليه دايما يحس إنه هو صاحب القرار والرأي..
اهتمي بأهله
إوعي تنسي إنك تهتمي بأهله، وتزوريهم دايما، وتجامليهم في أي مناسبة حتى لو كان هو مش فاضي أنت روحي واطمني عليهم؛ لأن الموضوع ده هيبسط جوزك جدا..
بس يا ستي.. دي كانت شوية حاجات بسيطة علشان تساعدك تحققي السعادة بينك وبين جوزك، وماتبقاش السعاده في شهر العسل دي حياتك كلها هتبقي عسل
ولغاية هنا وخلصت كلامي
معلشي طولت عليكم
وليكم خالص احترامي
والسلام عليكم
