ازاعة عاصمة الحب على جامعتنا 100.8

اكيد طبعا يا سيلانت هوب و دا الى بحاول اوصله للاعضاء
و النهارده هنفتح موضوع البنات الى نقريبا كلهم لبسو عبايات سوده و اسدال فى رمضان

يا ترى البنات دول مرضى نفسيين ولا بيعملو كدا بس علشان الناس ما تقولهمش حاجه ولا دا ايه

تلاقى البنت قبل رمضان بتمشى بلبس اشبه بالبيكينى و بعد كدا فى رمضان تلاقى العبيان السوده و الحجاب و ساعات النقاب

احب اسمع راى مستمعينا ؟

الو بجد يا احمد الموضوع ده محير جدا والاكتر هنا فى المنصوره وخصوصا فتياة جامع السلاب اللى بتكون راحه تصلى الترويح ونازلة عشان كده من بيتهم وابوها يقولها وامها بارك الله فيكى يا ريت البنات كلهم كده زيك
وميعرفوش ان بنتهم خارجه على الجامعه مع ده ا ده ا ده
وطبعا مش كل البنات كده انا بتخنق لما اكون راجع البيت الصبح مثلا الساعه 5 الفجر او 6 والقى بنت واقفه لوحدها فى الشارع ال ايه كانت بتصلى ليلة القدر فى السلاب وطبعا الرجاله مبيرحموش انشلا حتى خارجه من الجنه حالا المهم
موضوع الازدال وكده انا من رئى مفيش حاجه اسها نص العمى ولا العمى كله يعنى يا صح يا غلط ابيض يا اسود وطين يا بنتى لتلبسى عبيان وازدال وتستمرى يأما بلاش وخليكى زى منتى بس مش عبايه سوده ومسكه على الجسم والفتحه من النص لركبتك او لو لبسه اى حاجه تحت فتبان لا دى اسمها قلت ادب منك امال عبايه ايه وانتىعامله كده وتلاقى ربنا رزقك بواحد رخم زيى يقولك لو سمحتى سؤال هى دى فتحه ولا كتب كتاب

انا اسف على التطويل بس الموضوع يخنق

السلام عليكم وعلى احلى ازاعة فى الدنيا انا احب انى اكون صديقة للبرنامج
واحب ان ابدى رأيي واقول ان فى بنات بتلبس كده علشان ربنا يرضى عنها ويتقبل صيامها ولو فعلا فى نيتها كده وانها مش هترجع تانى ربنا اكيد هيثبتها ,وفي بنات تانية بتلبس كده علشان كلام الناس طبعا واللى زى دول بعد انتهاء رمضان تلاقيهم رجعوا تانى للبسهم اللى مش كويس ده وبجد انا بضايق جداااا من كده وانا بتمنى ان اللى يلبس حاجة محتشمة مش يرجع عنها تانى ........
اسفة طولت عليكم.. وكل عام وانتم بخير

الو
ممكن اكون صديق البرنامج

اخباركم ايه يا جماعه ممكن رقمك يا احمد يا عمرى الجديد وكمان عايزه رقم تامر حسنى والاستاذ اسامه منير ممكن

حاضر انا هستنى على الكنترول اخده
طيب ممكن اهداء
لحد عزيز عليا جدا هقولوا بتوحشنى وانا وياك

الو
السلام عليكم
انا عايز اقول رايى فى حكايه اللبس دى

احنا كلنا عارفين ان فيه لبس محتشم وجميل جدا جدا وبيخلى البنت زى القمر وبرده محترم
يا ريت البنات تنقى اللبس اللى كويس وفى نفس الوقت محتشم
شكرا

الووووووووووو ممكن اشارك فى احلى ازاعه وامسى على احلى مذعين
اولا اخباركم ايه احمد وامير؟
ثانيا عايزه اقول رائ
اكيد كل بنت حره فى لبسها بس لما تعمل كده اولا هى بتلبس علشان مين علشان الناس تقول دى البنت دى كويسه لابسها تمام ولا علشان ربنا وكمان انا بقول رب رمضان هو رب باقى الشهور
لو مش مقتنعه بلبسها من جواها بلاش احسن

الوووووووووو مساء اخير عليكم جمعا
واحب اقول ان البنت عفة عموما يعنى انا احب ارتبط بالبنت اللى لبسها يرضى ربنا ويرضينى عشان يبقى باى مستريح واطمن علياها وعلى نفسى معاها وبعدين البنات كلها هيئة ولحدة بس بتفرق به فى التخينة الرفيعة كده
وياريت كل بنت تكز فى اللبس مع شريك حياتها مش مع حد تانى
شكرا ولو محت عيز اسمع اغنية أصعب احساس

الووووووووووووووووووووووووووو
استاذ مش عارف مين معايا انا والله احب اشكركم علي البرنامج الرهيب ده وانا بحب ااستاذ تامر حستي لدرج اني مجبتش ليه ولا شريط من ساعه مغني والله ولا حتي سمعت اغنيه وحده اه والله انت مش مصدقني اجبلك بابي يقولك وياريت نسمع حاجه لعمو عمروذياب والانسه اليسا والفنانه القيمه بنت الحج عجرم اه
شكر كانت معكم نديه كلينكس اها

و من جديد نرجعلكم يا احلى مستمعين فى الدنيا و نفتح موضوع جديد النهارده و هوه الاخطلات بين الولاد و البنات فى الجامعه ؟ و مستنيين تليفوناتكم و اتصالاتكم و ياريت نسمع ارائكم فى موضوع الحلقه و شكر لاصحابنا الى اتصلو و بنقولهم مستنيين رأيكم فى موضوع حلقة النهارده

السلام عليكم ، ازيك يا أحمد أنت وأمير
ممكن أشارك معاكم فى البرنامج الجميل ده
أنا فى رأيي أن الفصل بينهم أحسن وأفضل للطرفين
عندنا حصلت مشاكل كبيره بسبب الاختلاط فى السكاشن لأن أحنا كبنات بنكون واخدين راحتنا أكتر وأحنا لوحدنا وبصراحه التعامل مع الأولاد صعب جداااا

ده رأيي

لالالالالالالا انا مليش فى السكاشن يا جوليت

اما بالنسبه ليها بحدس ان الواحد لسه فى مدرسه العسكريه وبيهبل فى المستهبل

معلش يا مالى أصل السكاشن عندنا اساسيه وعليها نسبة غياب لو عديتها مش هأدخل الأمتحان
بعد الشر

ليه هو انتى بقى يا علوم يا طب يا هندسه

ولا انتى كلية ايه

أنا ياسيدى فى طب
شفت العذاب اللى أنا فيه

ممكن اشارك معاكو فى برنامجكو الجميل ده وتكون اول مشاركه ليا
الووووووووووو اهلا ياعمرى موضوعك انهارده كلنا عايشينه وبنشوفه كل يوم بس احب اقول رأى
انا مش بفضل الاختلاط بين الولاد والبنات واظن ان كده اريح للطرفين

اهلا بيكى يا جوليت انتى و مالى و ديروووووووووو و سورى على العطل الى حصل فى التليفونات علشان خط مالى و جوليت دخل فى بعضه و زى ما سمعنا الحوار بتاعهم على الهواء و اهلا بيكى يا ديرو و بأول اتصل منك فى البرانامج

و مستنيين تليفوناتكم و ارائكم للبرنامج و نفكركم بموضوع النهارده و هوه الاختلاط بين الولاد و البنات ؟

الو الوووو ايون يا احمد انا من وجهة نظرى المتواضعه ان موضوع الاختلاط دا زايد جدا عن حده اليومين دول
وبجد بيسبب مشاكل كتير جدا ويارريت الظاهره دى تنتهى خالص من مجتمعنا

شكرا لصديق البرنامح موبى و شكر على رأيه فى الموضوع و ياريت نسمع رأى باقى اصدقائنا

و اسيبكم مع اغنية اشوف فيك يوم للمطرب عبد الفتاح الجرينى

علي فكره يا حمد يا عمري الاغنيه جامده طحن ممكن اغنيه وحياه عنيك وحبي ليك لعبد الفتاح الجريني بالنسبه لموضوع اللبس ياندا وانتي بجد قمرزمانك لانك بجد عسوله في كلامك وان البنت اللي بتبقي لابسه لبس مش كويس الولاد عموما بيفرحوا بكدا بس هيا بتشتال زنوب كتير علي اللبس دا بيرجع للبيئه اللي اتولدت فيها

الوووووووووووووووووووو
اذيك يا احمد وفين امير مش سمعنا صوته من زمان
ممكن اشارك معاك فى البرنامج واقول راى
انا من راى ان كل شئ لو زاد عن حده ينقلب ضده يعنى الاختلاط مطلوب بس مش فى كل الاوقات ومش فى كل الحالات لكن فى السكاشن ممكن لو مفيش اختلاط هنحس براحه اكتر انك تسال اى حاجه من غير هزار او تريقه وده بنشوفه

ازيك يا بيسو انت و صاحبة الرومانسيه

الحقيقه يا صاحبة الرومانسيه امير الحزن عنده برد و صوته مبحوح شويه فا مش هنسمع صوته فتره بسيطه كدا (طبعا دا مش حقيقى انا بس بعيش الدور) بس بجد شكرا على رأيك انتى و بيسو
و بما اننا الساعه 12 مع بداية يوم جديد نفتح موضوع النهارده و هوه

الحب انتم مقتنعين ان فيه حب فى الزمن الى احنا عايشين فيه ولا كل حاجه بقت مصالح ؟

ولحد لما يجى اول اتصال تليفونى نسمع اغنية اصاله اتفرج على نفسك

من راي في حب بس ممكن يكون من طرف واحد وساعات اللي بيحب اليومين دول بيبقي انانين شويه مش زي الحب بتاع جدو ونينا

الووووووووووو احمد الف سلامه على امير
ممكن اشارك
انا من رائ ان فى حب موجود فعلا بينا مش مهم حب حبيب وحبيبه بس فعلا فيه حب حب اصحاب حب اقارب حب ناسايب (سامع يا مالى) حب اخوات
وفى كمان حب حبيب وحبيه موجود كنت كاتبه فى مرة كلمه بتقول كل ما اقول الحب فى الدنيا انتهى الاقى اتنين اديهم متشبكه مليانه بالحب والدفا
فى حب موجود وفى اللى بيحب اوى ومتمسك باللى بيحبه هو قليل فاللى يحب يتمسك باللى بيحبه

شكر ليك يا بيسو انت و صاحبة الرومانسيه و شكر على ارائكو و واضح ان محدش بيتصل بينا غيركم ولا ايه
و لسه مستنيين اتصالتكو و ارائكو فى موضوع النهارده و هوه هل فيه حاجه اسمها حب فى الزمن ده

و اسيبكم مع اغنية دا ايه الى بحس بيه لرامى صبرى و بالمره انا بهديها لحبيبتى؟

الو ... ايوه ياعمرى احب اشارك فى موضوعك واقول
ان الحب موجود وحب بجد واحسن من زمان كمان بس اهم حاجه مين الى بيحب ولو الى بيحب ده بيحب بجد واعتبر ان الى بيحبه ده روحه الى ماينفعش يعيش من غير الى بيحبه هتلاقى الحب احسن من زمان بكتير وياريت كلنا نلاقى الى بنجبه
بالنسبه لحب الجيران والقرايب والصحاب ده يا صاحبة الرومانسيه هو مش موجود جوانا يعنى موجود اوكى مش موجود مش بندور عليه عادى يعنى بتبقى حاجه كماليه انا بحس بده من الى بشوفه بجد نفسى اقلى ده من الناس الى بحبهم
سورى ياعمرى طوبت عليك بس بجد اختيار جامد للموضوه ده