الرئيسية
من طرف أمــ الأحزان ــير الخميس أغسطس 21 2008, 15:44
الموضوع دا عباره عن ان كل واحد هيكتب اغنيه كان بيسمعها زمان غلط ويكتب الصح بتاعها ..زى كده ::
انا كنت بسمع عمرو دياب بيقول يرحم زمن السطوح واقول يا عالم يا هووو هو معقول عمرو حيقول زمن السطوح لية بيحب بنت الجيران ولا اية ومستنيها تطلع السطوح تنشر الغسيل
وفى الاخر عرفت انها (يرحم زمن السكوت) ههههههههههههه
وفى اغنيه لمحمود العسيلى برده بتاعة تبات ونبات
دى بقى كنت بسمعها كلها غلط فى غلط
حياخدوا رقه المدام وعيون اجمل من السمك.. وطلع بيقول حيخدوا رقه الندى وعيون اجمل من ههههه مش عارف لسة عيون اجمل من اية..
حاجة تانية كنت بسمع اغنية زمان بتاعة صفاء ابو السعود بتاعة العيد
كنت دايما اسمعها تقول سعد نبيهة .. واقول مين سعد ده ياااااربى
وفى الاخر لما كبرت عرفت انها سعدنا بيها
ومن ساعتها وانا عرفت ان مستقبلى فى الطرش باهر
يلا كل واحد يدخل يقول الاغانى الى كان بيسمعها غلط والصح بتاعها
شفتوا الحول في الودان ؟
يللا نشوف مين تاني كان احول في ودانه زمان
يللا اشجوني اشجوني
