الرئيسية
من طرف charmed_dragon307 السبت أكتوبر 04 2008, 07:09
انا يا جماعه في اول الموضوع احب اعتذر لكل المشتركين في المنتدي عن اني مشاركتش طوووول الصيف في المنتدي بس هكتب اللي ربنا يقدرني عليه وعايز كل اللي يقرا الموضوع يرد عليا عشان لو انا غلطان كل الناس تقولي وجهات النظر في الموضوع ده لاني وناس تانيه مختلفين في الموضوع ده والواد المدير بتاع المنتيدي هوه عارف انا مييييين اللي مبيسالش بس عموما انا حاسس اني طولت بس علي العموم نبدا وياريت اللي يحب يرد عليا شخصيا يرد علي ايميلي اولا انا مش بعارض ان الشباب والبنات يتعرفوا في الجامعه وتكون بينهم صداقه او بالاخص اخوات بس طبعا مش كلوا اخوات لكل قاعده شواذ يعني لما نبص علي كل شله اتنين او تلاته بنات واتنين اوتلاته شباب بيحبوا بعض والباقي بيتعاملوا كانهم اخوات والشله عمتا بيكون فيها كل الظروف 1 /فيها اللي بيحب منظره او عشان يبان فلانتينوا او يعني اللي مفيش زييه ومقطع السمكه وديلها
2 /وفي نوع تاني تلاقيه تايه ومش عارف بيحب ولا اصحاب ولا ايه بالظبط
3/وفي نوع بيحب (او بيمثل انه بيحب)9 عشان حاجات تانيه احنا فاهمنها ومحدش يقولي ان الحاجات دي مبتحصلش في الجامعه والنوع ده مش هكلم عليه لانه نوع (انا اسف في اللفظ)زباله وواطي وميستحقش انه يخش الجامعه لانه ده مش داخل عشان مش هقول تعليم بس بس برضوا انا عارف ان كلوا بيخش عشان يتعلم ويهزر ويتعرف ويعيش حياته لان دي اخر فتره ممكن تعيش فيها حياتك علي راحتك لان بعد كده هتنزل سوق العمل وهتتطحن
4/والنوع الرابع ده اللي انا بحترمه وده النوع ده اللي هوه بيحب بجد وباحترام لانك لما هتحب واحده هتحترمها
تعالوا نكلم علي كل نوع لوحده ماعدا النوع التالت لانه خد كفايته اوي وكفايه عليه
قبل ما اكلم اوعه اي حد يفتكر اني معقد او لابس نظاره كعب كوبايه ولا خدت بومبه ولا حاجه علي العموم انا في هندسه بس الموضوع ملوش دعوه بالكليه الاهم في ده كله الشخصيه هيه اهم حاجه
بالنسبه للنوع الاول النوع بتاع عم فلانتينوا اللي كل ما يشوف بنت حلوه صاروخ يا ابني يقوم معلقها وتلاقيه مصاحب 10بنات ده بالميت قووي لو مش واد تمام يعني وصحته علي قده بس المشكله هوه مصاحبها ليه يا تري عنده حساسيه من البنات الوحشه وعلي يتقال عليه الواد اللي مقطع السمك وديلها ولا هوه عايز يثبت لنفسه انه وسيم وحلو واي بنت تتمناه بس المشكله انه ممكن يعشمهم بحاجه ويخلع انا بهدي النفوس بس الهدف من الموضوع ان كل واحد يعرف نفسه من الانواع اللي موجوده ويعرف حقيقه نفسه ويحاول يصلح من نفسه مع ان البنات ممكن بيستغلوه عشان حاجه بس برضوا نخلي بالنا او ممكن تلاقيه متراهن مع حد من اصحابه انه ممكن يعلق اي بنت في سبيل الرهان وبقول ان النوع ده موجود برضه عشان متقولوش اني بجيب كلام افلام بتاع صباح وعبد الحليم واعملها موضوع وفي بنات كدا برضه عشان منظلمش الولاد بس البنات غالبا سمعتها حساسه بس لما الواحد يلاقي بنت علي كل واحد شويه بيقول كلمه واحده علي البنت دي بيقول عليها خبره
بالنسبه للنوع التاني والنوع ده برضه موجود بتاع انه يبقي تايه ومش عارف هل هما اصحاب ولا حبايب ولا ايه بالظبط شويه تلاقيهم اصحاب ولاكلام بينهم عادي وضحك وهزار والذي منه وشويه تلاقيها بتحكيله حاجات واسرار وممكن تبينله كده وهنا يبقي في تلات حالات الحاله الاولي انه يبين انه غبي ومش فاهم ويستعبط
والحاله التايه انه ممكن يفتكر انها بتبينله انها بتحبه وده ضعيف شويه لان البنت في الغالب مبيتقولش ان هيا اللي بتحب الاول
والنوع التالت انه ميستوعبش الموضوع وده بيكون غبي بجد مش بيستعبط وده نقوله خللي بالك شويه وركز
بالنبه للنوع التالت مش هكلم عليه لاني اديته حقه فوق لانه ميستحقش اكتر من كدا
بالنسبه للنوع الرابع وهوه ده النوع الرابع اللي انا بقدره بجد لانه بيحب بجد ومبيحبش يلعب بحد ولا بمشاعره ولا احاسيسه وبيختار/بتختار واحده/واحد بيكون حاسس انها دي اللي هتفهمه ولو كمل معاه ممكن يكملوا بقيت حياتهم مع بعض
بون مشاكل ولا الكلام اللي احنا بنسمعه في الجرايد وبنشوفه في الراديوا عن واحد قتلت جوزها عشان الحته التانيه ولا طلبت خلع عشان مرضاش يجيب لها موبايل وهبل عالفاضي وطبعا انا بكلم عن الحب الل بجد واللي بيكون من طرفين مش من طرف واحد وكل واتنين بيحبوا بعض بجد يبقوا بيخافوا علي بعض بدون ميفكر واحد منهم يزعل التاني او يعمل حاجه تضر التاني
يخافوا علي بعض
ياريت كل الناس ترد علي الموضوع عشان اشوف ايه رايكم وكلامي صح ولا انا بس اللي فكرتي كدا بس ولا ايه
