الرئيسية
من طرف سالخير عليكو يا شباب احلى و اجمل جامعه ... النهارده بمناسبة الاجازه بقى و بعد الرجوع من الامتحانات
جه فى بالى موضوع ان الناس مبقتش زى الاول
بقى معانا محمول ... بنمشى ناكل بيتزا فى الشارع
بنغسل سنانا بسيجنال تو... بنروح ننتخب
((اللى هينجح))
بقى فى ديموقراطيه
بنشرب سفن اب ... معدناش نعرف نخش الاهرامات عشان بقت مزار سياحى
كل الناس عايزه ولادها يدخلو طب وهندسه
طبيعى ان واحده تنتحر عشان مجبتش96% .. نكته
وان واحد يقتل ابنه عشان جاب 80% نكته برضه
ناس بترمى الاكل عشان قرفانه منه ... وناس طبيعى مش لاقيه تاكل
بقى طبيعى البنت تمشى عريانه
(( عيب كلنا اخوه والدين لله والوطن للجميع))
وتبقى متعصب .. متطرف ... منخرط ... ارهابى ... متزمت
لو ربيت دقنك
الناس بتشرب الميه بخيرها
وبتاكل العيش برمله وترابه وساعات من غير دقيق اصلا
واحد مخلف 7 أو8 عيال ... مش تعبان فيهم
بس هو يخلف وإصرفى ياحكومه تعليم وصحه
((من وجهة نظر الحكومه طبعا))
بلد فيها 3.5 مليون عاطل كل سنه
ويطلع ((مسئول )) يقول فى عماله زائده 5 مليون
ويخلى مسئوليه الحكومه من التعيين والتوظيف
بقى طبيعى جدا ان اى اجتماع قمه عربيه بنبقى عارفين النتيجه
(( نرفض .. نشجب .. ندين .. نندد ))
طبيعى خلاص انك تتفرج فى التلفزيون على كلاب بيدبحوا فى فلسطين
واللى بتعمله ... انك بتمص شفايفك وتقول ياحرام
طبيعى انك بدام بتاخد معونه يبقى زى النعامه
وإدفن راسك فى الرمل يا حشره
عادى خالص لما لبنان تضرب ...ايه يعنى احنا مالنا ومالهم
عيب ياجماعه احنا ماضيين معاهده سلام..
وعادى لما كل يوم ضابط حدود يموت بالخطأ طبعا
ويطلع واحد يقول (( حادثه ياجماعه !!!)) ...
ايه المشكله لما حماس وفتح يحاربو بعض
عــــــادى .. على الاقل اسرائيل توفر ذخيره
تضرب بيها بلد تانيه
كان عادى لما نبعت جيشنا حرب الكويت ونحارب اخواتنا المسلمين
ومكنش عندنا ريحته لما الصرب كانو بيمحو البوسنه والهرسك
طبيعى لما نستولى على أرض فلاح بسيط بحجه الغاز الطبيعى والبترول
وطبيعى اكتر لما نسمع فى الموازنه العامه دعم 4.5 مليار جنيه
((يعنى ايه جنيه اصلا؟؟))
على السلع البتروليه والغاز والجاز والبنزين (( وزيت الطعميه ))
ويبقى عادى خالص لما الحكومه ترفع أسعار البنزين والغاز (( استثمار ))
يبقى ايه المشكله لما سواق بيته يتخرب.؟؟؟
ايه اللى هيحصل لما يختلس ويسرق؟؟؟
هيتقبض عليه ويتسجن والمجتمع ينضف من أمثاله
وعادى بقى لما ابنه يدمن بانجو وماكس وبنته تمشى مع قواد
(( أمال هتصرف على نفسها منين ؟؟؟))
واخوها الصغير يشم جوله تحت الكبارى ...
...........................
كل ده واللى لسه هيحصل هيقدر يوقف الكون ؟؟؟
طبعا لأ........ ولو انت جدع والوضع مش عاجبك
هتعمل ايه ..؟؟ مش قدامك غير الحلول دى واقترح على نفسك
اللى يناسبك .. أوكازيــــــون
التظـــــــــــاهر
انت مين ياه عشان تطلع فى مظاهرة وتهلفط بكلام مانتاش قده
ليه هى سايبة البلد فيها قانون (طوارىء)
وحرية (الظابط فى أنه يضربك على قفاك)....
البلد مش سايبة دلوقتى فيه حلاوة رشيدى الميزان ومصاصة ماريا
التفكيــــــــــر
ده الاستهبال بعينه ...زينة عقول البلد بتفكرلك من 24 سنة
وانت مش عاجبك سهرانين على راحتك عشان ما يكونش عندك فكر
يابنى الفكر من الشيطان استعيذ بالله كده وارجع عن اللى فى دماغك
ده حتى ماما نجوى قالتها حكمة
"فكر ثوانى تكسب دقايق"
فكر دقايق تخسر كرامتك وتتبهدل معانا ويمكن نقلعك بلبوص.
.وماذا يكسب الإنسان لو ربح العالم وخسر بنطلونه
التمـــــــــيز
فلقتنا يا أخى شايف نفسك حاجة إحنا مش وزعنا عليكوا
استمبات عشان تبقوا شبها يإما عاطل أو مندوب مبيعات
أو أهلاوى أو زملكاوى أو حزب وطنى يإما ع القهوة
أو مطاطى البصلة أو سلمتنا البصلة من أساسه
.يابنى انت مجرد مواطن ومرقمينك كمان
التميز يزرع الأحقاد وهو أساس الشرور.
.ولا فرق بينك وبين حمار زيك إلا بالواسطة
وأبجنى تجدنى وحط المعلوم فى الدرج
التطلــــــع
لحد هنا والصبر نفد ..مش عاجبك حالك وحال البلد
يابنى عيش عيشة أهلك لكن عشان نثبتلك قد إيه احنا متسامحين
وقد إيه انت واطى ومايتمرش فيك
فالتطلع الوحيد المسموح بيه هو التطلع فى السقف
(بما أنك فاضى وعامل قاضى )
تأمل فى أى حاجه قدامك لان التأمل بينمى جينات الهبل عندك
يعنى مثلا بص للمروحه وقول شوف حكمه ربنا ..!!!
يــــــــــــــــاحول العالم .. ويــــــــاخلف الأسوار
الكرامــــــة
ما تنحش وقوم فز وانت بتكلم البيه الظابط..أسيادك وتاج راسك ..
من ضربك على خدك الأيمن سلطحله قفاك الأيسر.
.يابنى ما تنحش مشيها سلانسيه وسايس أمورك عشان فيه اختراع اسمه
فضيحة المطاهر يوم الطلوع على المعاش ..
الكرامة دى داء بطال ولكل داء دواء واحنا بقى عندنا الدواء.
الفهــــــم
ليه تفهم أكتر انما ممكن تفهم أقل
ليه تفهم أقل انما ممكن ما تفهمش أصلا
وتفهم ليه أساسا ما دام الحدوتة حدوتتنا والحسبة حسبتنا
والعزبة بتاعة والدتنا
وتفهم إزاى يا حضرت إذا كانت المسائل اتكعبلت
لدرجة ان احنا ما عدناش فاهمينها
وحتى لو فهمت حتعمل إيه يعنى روح العب بعيد ياه...
كان غيرك اشطر...الفهم خطيئة فى ظروف زى ظروفنا
واسأل أى مفتى سياسى ملاكى أو أجرة أو سرفيس أو بتاع عربيه كبده
الرفـــض
وهكذا سقطت لويز..فى ليلة أقل جمالامن تلك الليلة
كانت كلمة لأ سببا مباشرا عشان نطلق عليكوا
عساكر الأمن يضربوكوا..
طب ليه تقل قيمتك معانا وانت ممكن تبقى زى الفل معانا
يابنى احسن ناس عندنا الأعمى والأخرس وألاطرش
والنتيجه ايه ..؟؟
قاعد فى زنزانه ملهاش لا باب ولا شباك بتغنى تقول
زورونى كل سنه مره
مش لأهلك طبعا أحسن تفرح .. للعسكرى اللى بيدخلك الاكل
متهيألى مش فاضل حاجه .. خلصنا الحمدلله
جه فى بالى موضوع ان الناس مبقتش زى الاول
بقى معانا محمول ... بنمشى ناكل بيتزا فى الشارع
بنغسل سنانا بسيجنال تو... بنروح ننتخب
((اللى هينجح))
بقى فى ديموقراطيه
بنشرب سفن اب ... معدناش نعرف نخش الاهرامات عشان بقت مزار سياحى
كل الناس عايزه ولادها يدخلو طب وهندسه
طبيعى ان واحده تنتحر عشان مجبتش96% .. نكته
وان واحد يقتل ابنه عشان جاب 80% نكته برضه
ناس بترمى الاكل عشان قرفانه منه ... وناس طبيعى مش لاقيه تاكل
بقى طبيعى البنت تمشى عريانه
(( عيب كلنا اخوه والدين لله والوطن للجميع))
وتبقى متعصب .. متطرف ... منخرط ... ارهابى ... متزمت
لو ربيت دقنك
الناس بتشرب الميه بخيرها
وبتاكل العيش برمله وترابه وساعات من غير دقيق اصلا
واحد مخلف 7 أو8 عيال ... مش تعبان فيهم
بس هو يخلف وإصرفى ياحكومه تعليم وصحه
((من وجهة نظر الحكومه طبعا))
بلد فيها 3.5 مليون عاطل كل سنه
ويطلع ((مسئول )) يقول فى عماله زائده 5 مليون
ويخلى مسئوليه الحكومه من التعيين والتوظيف
بقى طبيعى جدا ان اى اجتماع قمه عربيه بنبقى عارفين النتيجه
(( نرفض .. نشجب .. ندين .. نندد ))
طبيعى خلاص انك تتفرج فى التلفزيون على كلاب بيدبحوا فى فلسطين
واللى بتعمله ... انك بتمص شفايفك وتقول ياحرام
طبيعى انك بدام بتاخد معونه يبقى زى النعامه
وإدفن راسك فى الرمل يا حشره
عادى خالص لما لبنان تضرب ...ايه يعنى احنا مالنا ومالهم
عيب ياجماعه احنا ماضيين معاهده سلام..
وعادى لما كل يوم ضابط حدود يموت بالخطأ طبعا
ويطلع واحد يقول (( حادثه ياجماعه !!!)) ...
ايه المشكله لما حماس وفتح يحاربو بعض
عــــــادى .. على الاقل اسرائيل توفر ذخيره
تضرب بيها بلد تانيه
كان عادى لما نبعت جيشنا حرب الكويت ونحارب اخواتنا المسلمين
ومكنش عندنا ريحته لما الصرب كانو بيمحو البوسنه والهرسك
طبيعى لما نستولى على أرض فلاح بسيط بحجه الغاز الطبيعى والبترول
وطبيعى اكتر لما نسمع فى الموازنه العامه دعم 4.5 مليار جنيه
((يعنى ايه جنيه اصلا؟؟))
على السلع البتروليه والغاز والجاز والبنزين (( وزيت الطعميه ))
ويبقى عادى خالص لما الحكومه ترفع أسعار البنزين والغاز (( استثمار ))
يبقى ايه المشكله لما سواق بيته يتخرب.؟؟؟
ايه اللى هيحصل لما يختلس ويسرق؟؟؟
هيتقبض عليه ويتسجن والمجتمع ينضف من أمثاله
وعادى بقى لما ابنه يدمن بانجو وماكس وبنته تمشى مع قواد
(( أمال هتصرف على نفسها منين ؟؟؟))
واخوها الصغير يشم جوله تحت الكبارى ...
...........................
كل ده واللى لسه هيحصل هيقدر يوقف الكون ؟؟؟
طبعا لأ........ ولو انت جدع والوضع مش عاجبك
هتعمل ايه ..؟؟ مش قدامك غير الحلول دى واقترح على نفسك
اللى يناسبك .. أوكازيــــــون
التظـــــــــــاهر
انت مين ياه عشان تطلع فى مظاهرة وتهلفط بكلام مانتاش قده
ليه هى سايبة البلد فيها قانون (طوارىء)
وحرية (الظابط فى أنه يضربك على قفاك)....
البلد مش سايبة دلوقتى فيه حلاوة رشيدى الميزان ومصاصة ماريا
التفكيــــــــــر
ده الاستهبال بعينه ...زينة عقول البلد بتفكرلك من 24 سنة
وانت مش عاجبك سهرانين على راحتك عشان ما يكونش عندك فكر
يابنى الفكر من الشيطان استعيذ بالله كده وارجع عن اللى فى دماغك
ده حتى ماما نجوى قالتها حكمة
"فكر ثوانى تكسب دقايق"
فكر دقايق تخسر كرامتك وتتبهدل معانا ويمكن نقلعك بلبوص.
.وماذا يكسب الإنسان لو ربح العالم وخسر بنطلونه
التمـــــــــيز
فلقتنا يا أخى شايف نفسك حاجة إحنا مش وزعنا عليكوا
استمبات عشان تبقوا شبها يإما عاطل أو مندوب مبيعات
أو أهلاوى أو زملكاوى أو حزب وطنى يإما ع القهوة
أو مطاطى البصلة أو سلمتنا البصلة من أساسه
.يابنى انت مجرد مواطن ومرقمينك كمان
التميز يزرع الأحقاد وهو أساس الشرور.
.ولا فرق بينك وبين حمار زيك إلا بالواسطة
وأبجنى تجدنى وحط المعلوم فى الدرج
التطلــــــع
لحد هنا والصبر نفد ..مش عاجبك حالك وحال البلد
يابنى عيش عيشة أهلك لكن عشان نثبتلك قد إيه احنا متسامحين
وقد إيه انت واطى ومايتمرش فيك
فالتطلع الوحيد المسموح بيه هو التطلع فى السقف
(بما أنك فاضى وعامل قاضى )
تأمل فى أى حاجه قدامك لان التأمل بينمى جينات الهبل عندك
يعنى مثلا بص للمروحه وقول شوف حكمه ربنا ..!!!
يــــــــــــــــاحول العالم .. ويــــــــاخلف الأسوار
الكرامــــــة
ما تنحش وقوم فز وانت بتكلم البيه الظابط..أسيادك وتاج راسك ..
من ضربك على خدك الأيمن سلطحله قفاك الأيسر.
.يابنى ما تنحش مشيها سلانسيه وسايس أمورك عشان فيه اختراع اسمه
فضيحة المطاهر يوم الطلوع على المعاش ..
الكرامة دى داء بطال ولكل داء دواء واحنا بقى عندنا الدواء.
الفهــــــم
ليه تفهم أكتر انما ممكن تفهم أقل
ليه تفهم أقل انما ممكن ما تفهمش أصلا
وتفهم ليه أساسا ما دام الحدوتة حدوتتنا والحسبة حسبتنا
والعزبة بتاعة والدتنا
وتفهم إزاى يا حضرت إذا كانت المسائل اتكعبلت
لدرجة ان احنا ما عدناش فاهمينها
وحتى لو فهمت حتعمل إيه يعنى روح العب بعيد ياه...
كان غيرك اشطر...الفهم خطيئة فى ظروف زى ظروفنا
واسأل أى مفتى سياسى ملاكى أو أجرة أو سرفيس أو بتاع عربيه كبده
الرفـــض
وهكذا سقطت لويز..فى ليلة أقل جمالامن تلك الليلة
كانت كلمة لأ سببا مباشرا عشان نطلق عليكوا
عساكر الأمن يضربوكوا..
طب ليه تقل قيمتك معانا وانت ممكن تبقى زى الفل معانا
يابنى احسن ناس عندنا الأعمى والأخرس وألاطرش
والنتيجه ايه ..؟؟
قاعد فى زنزانه ملهاش لا باب ولا شباك بتغنى تقول
زورونى كل سنه مره
مش لأهلك طبعا أحسن تفرح .. للعسكرى اللى بيدخلك الاكل
متهيألى مش فاضل حاجه .. خلصنا الحمدلله
