الرئيسية
من طرف فوجئت النهاردة بواحد صاحبى بيقولى خبر عجيييييييييييب اوى .... عارفين باكستان .... الدولة اللي جنب الهند
الدولة اللي اقتصادهم تعبان و حالهم بدنجان
أهي الدولة دي الرئيس بتاعهم استقال ...... و اللـــه إستقال ....
إزاي يعني ..... هو فيه رئيس ممكن يستقيل .......... دا ينفع يعني و لا إيه
تخيلوا فوجئت انه ينفع ........ زي ما في دول الوزرا بتستقيل فيها طلع كمان دول الرؤساء ممكن يستقيلوا
و الجديد ايه بقى .... ان الدول دي مش لازم تكون متقدمة بالعكس ممكن تكون نامية بس مش نايمة
أصل المصيبة في الشعوب النامية و هي نايمة
أنا قلت أقرا التفاصيل كده شوية ...... لقيت أحداث حصلت في بعض البلاد بس رد فعل إختلف في كل بلد
يعني مثلا الرئيس المستقيل مشرف مسك الحكم في عام 1999 بعد انقلاب عسكري ......... بس بقي معرفش يتبت في الحكم و الشعب قاله سي في ني .... خلاص كفاية كدة ... قام حب يرزل شوية عليهم لكن مؤسسات الدولة و قفت له و قالت لو طولت أكتر من كده ممكن نقدمك للمحاكمة ...إخلع من سكات....... طبعا في دول حكامها داخلين على 30 سنة حكم و ماحدش عارف يلخلهم حتى
طيب .... في سنة 2007 أصدر مشرف قرار بإقالة رئيس القضاة ....... لكن المحكمة العليا رجعته و أوقفت قرار الرئيس مشرف علشان غير دستوري
فيه دول بقى القضاء بتاعهم أتنفض من أوله لأخرة..... ورئيس النادي بتاعهم اتشال و استقلاليتهم اتقلصت و الناس شالوا يفط و ثارةا و هات يا هتاف ....... و لا أى حاجة حصلت و مطرح ما الناس تحط دماغها تحط رجليها
الحتة الجامدة اللي عجبتني بجد إن الحكومة الباكستانية و الرئيس مشرف فرضوا العمل بقانون الطوارئ في نوفمبر 2007 ..... لكن الدنيا قامت و البرلمان( أيوة الكلمة مظبوطة البرلمان ...... يعني مجلس الشعب ) و قف و قال إن لا داعي للعمل بالقانون و المحكمة الدستورية قضت بعدم شريعة تطبيق قانون الطوارئ لعدم الحاجة اية و كمان تم إلغاء العمل بالقانون في ديسمبر 2007 .... يعني بعد حوالي شهر ....... أنا استغربت لما لقيت الدنيا سهلة كده .... علشان أنا عارف ان فية دولة كلنا عارفينها بقالهم 30 سنة بيحاولوا يلغوا قانون الطوارئ مش عارفيين ...... طب لية ماهو إتلغي في باكستان في كام يوم اهه
طبعا دا غير إن المحكمة الدستورية في البلاد أصدرت قرار ان الرئيس مشرف ما ينفعش يحكم طول ماهو عسكري لأن الدول اللي بتتقدم المفروض الحكم فيها يكون مدني و إن مشرف ماينفعش يكون قائد الجيش و في نفس الوقت رئيس الدولة ...... فلازم يسيب واحدة فيهم و بالفعل سمع الكلام و ترك رئاسة الجيش ...... مع إن كان الاسهل يعنى انه يغير الدستور كله و يريح نفسة .............. ولا الناس ايه رأيها
علي فكرة الناس في باكستان فيهم تيارات متفرقة كتيير منهم بيأيد مشرف و منهم تبع حزب مش عارف اية و منهم بيشجع السيد فلان و الباقي تبع التيار العلاني ..... بس كلهم بيتكلموا في قضية وحداة .......
احنا بقى شوية بيتكلموا في السياسة و شوية في الاصلاح و ناس تانية في حقوق المرأة و غيرهم في حقوق الرجل ..... ومجموعة مركزة في حرية التعبيير و ناس في الصحة و شوية في الثقافة والأسعار و مش عارف اية و محنش عارفيين احنا عايزيين ايه
ينفع الكلام دا
