الرئيسية
من طرف فى يوم قابلت واحد من فينلاند اسمه رونى يولها........اتكلمت معاه شويه وبعدين فجاه جه فى بالى سؤال...ايه اللى جاب الراجل ده هنا.....وبعدين معظم اللى بيجوا مصر بيروحوا الاهرامات والاقصر والحتت السياحيه دى....طب ايه اللى جابه دكرنس...سألته...انت جيت دكرنس ليه؟...قالى ...وليه لا
عاده انا مش بسيب الكلام يعدى كده... خصوصا لما اكون مهتم بحاجه...قعدت افكر ....هو فعلا ليه لا؟؟
ليه لما نبقى عايزين حاجه وكل الظروف مهيئه ان احنا نعملها ...مش بنعملها..؟ كسل؟...طب لغايه امتى
ممكن نكون فاكرين اننا هنعيش حياه تانيه...ومستنيين نخلص الحاجات اللى مأجلينها لما نبقى نروح الحياه التانيه دى؟ ..يمكن فاكرين ان الحياه اللى احنا عايشينها بروفه....وبعدين هنبقى نعيش تانى؟؟؟
اكيد كلنا عارفين اننا بنعيش مره واحده وبعدين نموت ونتحاسب ويااما جنه...يااما نار
طيب ليه بنأجل...حتى لو مش قادرين نعمل حاجه....ليه مش بنحاول...على الاقل نحاول...هنخسر ايه
كنت بسمع برنامج على الراديو على اف ام...وبعدين واحده اتصلت وقالت لمقدم البرنامج...انا عندى السرطان-الحمد لله الذى عافانا- وايامى فى الدنيا معدوده...وبتصل عشان اقول للناس عيشوا كل لحظه فى حياتكم.لانكم مش عارفين الموت هيجى امتى...وياريت نجهز للاخره
كلنا عارفين فيه الصح وفين الغلط بس مش بنعمله ليه؟
بلاش دى...ليه لما نبقى رايحين رحله معظمنا بيخاف...بيقلق ..اصل ممكن الرحله تكون مش حلوه..ليه بنستخسر فى نفسنا اى لحظه حلوه؟
يا جماعه الحياه قصيره اوى ومش مستحمله تاجيل
عارفين ان اللى عمره 60 سنه نام منهم على الاقل 20 سنه يعنى عاش 40 سنه
شوف ضيع منهم كام؟؟
عايزين نبدا نفكر ازاى نحقق اللى احنا عايزينه...عايزين نبدا نفكر ونتعلم نحقق اللى احنا عايزينه...عايزين نتعلم ازاى نبدا ...وازاى نستمر...وازاى نعيش
والى هنا نكون قد وصلنا الى نهايه البرنامج ..والى ان نلتقى قريبا لكم منى اطيب التمنيات بالاكل والشرب ..وحد يعملى كبايه شاى
الموضوع ده مقدمه للجزء السابع ان شاء الله...استنوا...
