ايه رايكم في شريط عمر دياب الجديد يا ريت كله يدخل سواء سمعه او مسمعهوش ادخلوا يلا

ليه كده بس انا كانت داخل اقول رايى فى الالبوم بجد هتقلبى علينا المواجع ليه
عموما انا مابحبوش اصلا لاهو ولا نجم الفيل
ولا شغل المراهقين ده خالص
بس عموما الكلام ده مهما نقول ونعيد فيه بلامجيب
لان الشعب بتاعنا ده شعب متخلف
اه والله
ياريت حتى لينا عقليتنا واختيارانتا وازواقنا المحترمه
انما احلى ناس تنجح الاغانى الهابطه والافلام الساقطه والكليبات الفاضحه
شعب غنم فعلا عنده استعداد يدفع فى سى دى مثلا زى بتاع نجم المراهقين تامر جاكسون ولو 1000 جنيه
مش علشان الالبوم حلو لا علشان يحقق اعلى ايردات مثلا وحاجات تانيه كتير
الشعب بتاعنا عايش فى ضباب
لايرى لايسمع لايتكلم
ماتعوجيش قلبك
عموما جزاكى الله خيرا وجعله فى ميزان حسناتك

شكرا ليك يا figo
وما علي الرسول الا البلاغ
ولو حد عاوز يبطل سماع الاغاني هيبطلها
لان اي حد لازم يكون عنده اراده
اما لو مش قادر متزعلوش مني يبقي هومجرد دميه يحركها الشيطان كيفما يشاء
ومش معني كده اني ملاك لا طبعا الانسان يخطأ بس لو بدا يتغلب علي نفسه ان شاء الله ربنا هيساعده

اول حاجه جزاكى الله كل خير
وانا هقول كلام كا وجهه نظر ومتزعليش اوكى اتفقنا
يا بنتى كل واحد بيسمع اغانى كتير وحتى لو بتسماعى اغانى دينيه ما هيه برضو اغانى ومتحوليش
تقنعينى انك مش بتتفرجى على افلام برضو ما هيه برضوا حرام وليه انتى وقفتى عند البوم عمرو دياب انا طبعا سمعتوا
هوه اه مش عجبنى لكن احنا برضوا متدينين وبصلى وكل حاجه
الاغانى مش زى ما قالfigoسن مراهقه وكلام فاضى لا طبعا
دى عادى ممكن حد يقول بتظبط مودى مثلا وممكن حد يقول حرام ويطلعلنا فيها الشيخ المتدين ما احنا كلنا شباب وبنتفرج على افلام
ما هيه برضوا الافلام حرام
وطبعا ردك يا figoالشعب مش عايش فى ضباب ولا حاجه او مش كلنا يعنى
انا مش موافقاك خالص على ردك ده وكلها وجهة نظر برضوا
سورى طولت شويه بس حسب ما انا فهمه الموضوع ماشى ازاى
وشكرا ليكى يا مروه

حضرتك مش فاهمه كلامى وقصدى كويس
هي الناس مش كلها كده ولاحاجه
انا بسمع اغانى وبحب اسمع لرامى صبرى ومروان خورى وفضل شاكر
وطبعا الاغانى حرام وانا مش صح زى ناس كتير
اللى انا اقصده الفكره نفسها وكل حاجه بتيجى بالتدريج يعنى ماقولتش نبطل نسمع اغانى من النهارده
انا بتكلم عن حاجه تانبه اقصد بقى اسلوب التعصب علشان مطربين
ووصلنا لدرجه والعياز بالله تقديسهم
ونجم الفيل والهضبه والهرم
والتخلف ده
وهما شخصيات حقيره ولاحد فيهم يساوى اى حاجه
وجميل انها شبهت الموضوع بالبوم عمرو دياب
وهو حضرتك مابتشوفيش اللى بيحصل مع نجم الفيل مثلا وخصوصا من البنات والشباب المراهقين
واكيد عارفه بيعملوا ايه فى حفلات وغيرها
ده يبقى تخلف وضباب ولا لأ

انا اولا يا نورهان قلت ان انا مش ملاك
بس والحمد لله لا اسمع الاغاني انا صحيح كنت بسمع زمان بس دلوقتي لما عرفت الصح عملت به
اما بالنسبه للاغاني الدينيه ممكن اعرف هيه حرام ليه
اولا لا يوجد فيها موسيقي وثانيا لا تثير وتنبه الشباب للمحرمات
ثانيا موضوع الافلام انا لما بفتح التليفزيون اما علي قنوات دينيه او اخبار ونادرا لم بفتحه اساسا وبرده اقولك انا مش ملاك انا بحاول وربنا يعني ويعين كل حد بيحاول
اما بالنسبه للالبوم ده بالذات فالموضوع منقول
وثانيا ايه بتظبت مودي دي بتظبته بالمحرمات
ما عندنا القران شفاء الروح
وكل عبد سيسال يوم القيامه عن ماله فيما افناه اشتري به شرايط مغنين يا تري هو دا هيكون الرد
ويبعث العبد علي ما مات عليه
واحب اعرفك حاجه ياريت اكون شيخ متدين حد طايل
وفي اغاني كتير كلماتها حرام وتؤدي الي الكفر والعياذبالله وللاسف اي حد بيرددها وهوه مش واخد باله
ولكن لا ننسي قول الله تعالي ما يلفظ من قول الا لديه رقيب عتيد

ايه يا جماعه انتو ختتخنقوا ولا ايه كل واحد وجهه نظر عادي يعني
بس اكيد بيبقي في وجهه نظر صح وفي وجهه نظر غلط
يا جماع الاختلاف في الراي لا يفسد للود قضيه
انا عن نفسي بسمع اغاني وكل الشباب وبرده الكبار بيسمعوا اغاني
زي ما انتي قلتي في اغاني كلمتها مش مظبوطه
بس ربنا ادلنا عقل عشان نعرف الصح من الغلط
وعلي العموم ربنا يهدينا يا ستي
مع انك كنت بترردي الاغاني علي منتدي الالعاب وبتقولي دلوقتي انك معنتيش بتسمعي والنبي ابقي قليلنا الطريقه عشان نبطل من يوم وليله زي ما انتي عملتي

لا اله الا الله سبحانك اني كنت من الظالمين
مشكورة و جزاكي الله كل خير
و انتظري مني رد احسن من كده باذن الله

وعلي العموم ربنا يهدينا يا ستي
مع انك كنت بترردي الاغاني علي منتدي الالعاب وبتقولي دلوقتي انك معنتيش بتسمعي والنبي ابقي قليلنا الطريقه عشان نبطل من يوم وليله زي ما انتي عملتي

والنبى بلاش خفه دم واستظراف
اللى عايز هيتعظ وربنا يهديه واللى مش عاوز مايستخفش فى دمه
وانا ممكن اقولك على الطريقه بس ماعتقدش انك هتفهم او هتتعلم
ان الله لايغير مابقوم حتى يغيروا مابنفسكم

وربنا يهدى ويشفى

شكرا يا جماعه علي ردودكم
بس انا قلت مع علي الرسول الا البلاغ
بس احب اضيف حاجه


انا مبسمعش اغاني من سنتين تقريبا ازاي بقه كنت برددها علي منتدي الالعاب
مش الي يقول حاجه لازم يتاكد منها

هما قصدهم
على لعبة اكتب اسم الفنان و اللي بعدك يقول مقطع

هما قصدهم
على لعبة اكتب اسم الفنان و اللي بعدك يقول مقطع

انا مش فاهم انت بتتكلم نيابه عن مين هما عينوك محامى عنهم
ولا انت جاى تهدى النفوس ولا ايه بالظبط
ياعم خليك فى حالك

مش انا في 2 مروه في المنتدي علي فكره
مبحبش حد يتكلم قبل ما يتاكد من كلامه

من فضلكوا يا جماعة الخير حد يعرفني ازاي الغي عضويتي وردودي ومواضيعي
حد يرد عليا

مروة استعيذى بالله من الشيطان الرجيم كدا واهدى واهدوووو يا جماااااااعة خالص

يا جماعه انا مش زعلانه انا بقول كده عن اقتناع
انا مش تافهه اننا ازعل من حد بيقول رايه

استهدي بالله
و أنا يا فيجو
مش هرد عليك
أنا ليا ناس بترد مكاني
و بلاش أنا
و استهدي بالله يا مروه
أنا كنت بقول قصدهم ايه
بس
احنا عارفين ان في 2 مروة

يا جماعه انا قلت انا مش زعلانه
هو صحيح في ردود ضايقتني بس انا مش زعلانه
كلكوا اخواتي واخواني في الاسلام
بس بجد انا عاوزه اخرج من المنتدي ويا ريت حد يرد علي طلبي