لماذا اخطاء الشباب طيش واخطاء البنات جريمه لا تغتفر

ايه هيا الفروق بين الولد والبنت نشوف مع بعض
الولد مهمته برا البيت عشان كده لازم يروح ويجي ويتعاامل مع العالم الخارجي..والبنت ربنا خلقها للامومة وتربية نشأ جديد عشان كده مش لازم تتأثر بالعوامل الخارجية ولازم يتم الحفاظ علي كل شيء جميل فيها.
الولد من لما بيبلغ هو قوام علي نفسه بينما البنت والدها قوام عليها ..وله عرض متمثل فيها لازم حافظ عليه..فلما الشاب بيغلط هو كده غلط في حق ربنا وربنا هيعاقبه..اما البنت لما بتغلط فهي كده غلطت في حق ربنا اولا اللي هيعاقبها عليه ..وغلطت في حق اهلها ووالدها اللي له عرض لازم يتحافظ عليه..عشان كده هما متساويين قدام ربنا عشان الاتنين غلطوا في حق ربنا..بس البنت فرطت في شرف والدها كمان.
وتخيلوا معايا بنت وولد كانوا قاعدين علي الكورنيش في اسكندرية ومش مظبوطين..وفيه واحد صورهم ونزل الفيديو علي اليو تيوب.. طبعا الشخص ده مش هيفكر يخطبها ولا يتجوزها..تخيلوا لما تيجي تتخطب او تتجوز وخطيبها شاف الفيديو او جوزها هيكون موقفه ايه..والدها شافه هيكون موقفه ايه؟..اتجوزت وبقي عندها ولاد وهما قاعدين مع اصحابهم علي النت واحد قال لابنها الحق دي مامتك اهي اللي بتتباس دي هيكون موقفهم ايه؟ او حتي ماشية مع ولد واتصورت برضو ..هيكون الموقف ايه؟الولد اللي عمل معاها كده هيتفاخر قدام ابوها او خطيبها انه عمل كده مع اللي شايله عرضه..انما هي اهانت الراجل اللي شايه عرضه..ياتري الفرق بين الولد والبنت وضح؟
انا مش هتكلم بالتفصيل فيه كلام كتير بس معلش عشان معنديش وقت خالص ادعولي
اخيرا (الام مدرسة ان اعدتها اعدت شعبا طيب الاعراق) البنت الرسول شبهها بالقارورة لو قدامي فازة طول عمرها نضيفة محدش لمسها وقدامي فازة تانية مشرخة ياتري من الطبيعي اختار مين؟ من حق الجميع انه يتوب .. بس ماننساش ان فيه واحدة عاشت طول عمرها محترمة محافظة علي نفسها ماينفعش نساوي الاتنين ببعض...اما الانسانة اللي كانت ضايعة وبعيدة عن ربنا وتابت ..لو اتغيرت بجد هتقدر تقنع الناس بانها اصبحت محترمة..ولو ربنا حبها هيحبب الناس فيها..وعشان تعرفوا ان كلامكم كله غلط..شمس البارودي عارفين كانت بتعمل ايه وحياتها كانت ازاي؟ لما ربنا تاب عليها احترمناها كلنا ولا لا؟؟ ياريت محدش يقعد يتكلم اي كلام ..ونفضل طول حياتنا نتهم مجتمعنا بالباطل..لان دايما مجتمعنا هو الصح وموروثاتنا هي الصح وهي اللي بتحافظ علي اخلاق المجتمع .

اولا شكرا لرد حضرتك ودى وجهة نظر لازم نحترمهاوزى ما بيقولو الاختلاف فى الراى لا يفسد للود قضيه حضرتك اكيد عندك حق فى اللى قولته بس برده ليه الولد بيتعامل على انه لو غلط بيبقا طايش ونقول بكره يعقل مع انى شايفه ان برده الاتنين حاملين لشرف وعرض والدهم مش البنت بس وليه لو حصل موقف زى ده برده البنت هى اللى بيبقى الكل باصص عليها ويحملها الغلط ده لوحدها والولد عادى خلاص محدش يحاسبه خلاص اتنست غلتطه والبنت مبتتنسيس غلطتها ابدا وبتفضل شيله ذنبها طول عمرها والولد عادى يكمل حياته مع ان الاتنين شايلين شرف وعرض والدهمدى وجهة نظرى انا شايفه برده ان فى حاجه غلط فى مجتمعنا لازم تتصلح ومش معنى كلامى ان كل عاداتنا وتقاليدنا غلط وكل مكان اكيد له محاسن ومساوىء وبعدين انا مش شايفه ان ده اتهام للمتجمع لا بالباطل ولا بالحق دى وجهة نظر واكيد فى ناس فينا شايفه ان فى حاجات فى مجتمعنا غلط او مش غلط ممكن نقول عليهامحتاجه اعاده هيكله وربنا يهدى الجميع ويهدى امه المسلمين لطريه الحق والخير ومره تانيه شكرا لرد حضرتك ومرورك 

اممممممممممممممممم
اولا كلام الدكتور احمد جميل جدا وكويس ومينفعش اعترض عليه
ثانيا بالنسبة للبنت فانا رايى ان فى حجات تغتفر وفى حجات تانيه مينفعش تغتفر الا اذا البنت اللى عملت كدا قدرت تقنع الناس بانها اتغيرت
انا عن نفسى فى غلطات ممكن اتسامح فيها لكن فى حجات تانيه مستحيل يعنى واحدة واقفه بترقص فى الجامعه والطلبه بيصوروا او بتعمل حاجة تانيه بالذمة دى نسامح لها ايه يعنى وهى بتعمل كدا مش واخده بالها يعنى ان دى فضيحه
طيب بالنسبه للواد فبتقولى انهم بيقولوا طايش ههههههههههههه
فى شوية شخصيات من اللى بتقولى عليهم طايشين دول الدنيا كلها بتحتقرهم يكفيهم دا اوى ان الناس بتبصلهم بقرف واحتقار ولا بيقولوا طايش ولا حاجة
ومهما كان لازم البنت بردو تكون كدا ملاك وطيبه لان ربنا خلقها كده النص الجميل فى الحياة ليه تسوء النعمة اللى ربنا ادهالها
شكرا على الموضوع الجميل
تقبلى مرورى

اولا بالنسبه لهيما انا معترضتش على كلام الدكتور احمد عقل بالعكس انا مقنعه بيه وموافقه عليه بس برده زى ما انت بتول ان فى غلطات للبنت تغتفر وغلطات مينفعش انها تغتفر برده الولد له غلطات مينفعش انها تغتفروبالنسبه للمثال اللى انت جبته انا ماقولتش ولا معنى كلامى ان البنت تعمل اى حاجه غلط ونرجع نقول تتساوى زى الولد فى الثواب والعقاب .البنت عامله زى الجوهره المكنونه .بس انا بقول لو حصل مشكله للبنت وللولد نفس المشكله الولد لو حد اتكلم او عاقبه بيبقى عقاب بسيط اما البنت بتبقى مصيبه وكارسه ويقولوا ازاى تعمل كده وخلاص بتبقى الدنيا اتهدت عمتا انا بشكرك على ردك الجميل ده وبشكرك على مرورك

اولا وعليكم السلام ورحمه الله وبركاته ثانيا مرسى ليك جدا ثالثا انا معاك ان البنت بتتحمل 75%من المسئوليه وده لانها زى ما انت ما قولت انها مسئوله عن نفسها وعن اسرتها وعن جيل قادم باكمله. بس برده لو الولد او الاب مكانش قد المسئوليه واهمالنا دورهم المجتمع والجيل كده برده هيصيبه خلل لان دور الاب محدش يقدر يقوم بيه حتى الام لو قامت بالدورين مش هتقدر فلابد من ان تتكاتف الايدى حتى نستطيع ان نكون نشأ وجيل قائم على المبادئ والقيم والعادات السليمه.وبرده انا موافقه على كلامك بس برده لازم ننظر للمشكله بعين الاعتبار لانها مش مشكله جيل حالى بل مشكله اجيال قادمهوانا بشكرك على كلامك ده وبشكرك على مرورك

مرسى ليكى يا بيبا وشكرا على مرورك كلامك جميل جدا وانا معاكى ان البنت لو نسيت نفسها ولو لمره واحده هيكون نتيجتها جنين غير شرعى زى ما قولتى علشان كده انا بقول ان البنت عامله زى الجوهره المكنونه  لازم تتصان . وتحافظ على نفسها  بس يا جماعه فين الولد من ده كله ليه اساسا يسمح لنفسه يعمل كده ومحدش ياخد ان معنى كلامى ان البنت معلهاش لوم لا البنت فى الوقت ده هيكون عليها لوم كبير لانها سمحتله بكده وموقفتهوش عند حده علشان كده انا قولت اننا لازم نعمل وقفه مع انفسنا ونصلح من نفسنا ومن تفكيرنا 
ورنا يهدينا ويهدى الجميع لطريق الحق وشكرا ليكى يا بيبا دايما منوره المنتدى 

اولا ازيك يا شرويدى يا قمر انتى خلتينى اخد بالى من حاجه مخاتش بالى منها هو الولد لما بيجى يتجوز لازم يدور على بنت كويسه ملهاش تجارب طيب وهو ايه ظروفه  لو هو عايز بنت ملهاش تجارب اكيد البنت دى هتعور تجوز واحد محترم ملهوش هو كمان تجارب ولا الحاجات دى بتبقى على الولاد بس ولا ايهلو حد معارضنى يتفضل ويقول رايه وانا مستنيه ردودكم

شكرا ليك انت يا استاذ طارق ولارائك البناءة حضرتك تستاهل اكتر من كده

لا ده انا اللى بشكرك يا استاذ طارق على مشاركتك فى الموضوع

اولا : انا لما اتكلمت عن البنت في آخر تعليق قلت انها من حقها تختاااار
دي اول نقطة

ثانيا : الكماال لله قبل وبعد كل شيء
ثالثا وهو الاهم : فيية خطا عن خطأ يقبل

بمعنى ان الولد كلم بنات والبنات كلمت شباب
فالكلام في حد ذاته وفي حدود الاحترام مش مشكلة لان الولد بيعرف
البنت اللي بتكلمة وبيعرف منها طباعها وكذلك البنت
فان وافق عليها فقد اثبتت له انها جديرة بالثقة وإلا فإلا

ونفس الكلام للبنت




انا بحيييك على الاجابة وربنا يوفقك

شكرا لمرورك يا تسنيم