الرئيسية
من طرف tarekkamalali الخميس يوليو 22 2010, 09:53السلام عليكم ورحمة الله وبركاته
صدق الله العظيم
الثانية عشر ) اعلم بان صاحب الموضوع قد تعب سواء في ان ينظم ابيات شعرية او مجموعة من الكلمات ولربما سهر بها ونال التعب من اجلك ومن اجل غيرك فيجب ان لا تحرمه من الاجر .
اخوتي واخواتي ماقصدت الا عظيم الفائده للجميع وسامحوني ان رايتم تقصيرا
اولا قال تعالى بعد اعوذ بالله من الشيطان الرجيم وبسم الله الرحمن الرحيم
ولا تبخسوا الناس اشيائهم ولا تعثوا في الارض مفسدين
صدق الله العظيم
يا ريت الراجل اللي عمل الموضوع من اجلنا ما نروحش نشوف موضوعه ونسيبه ونمشي احنا كده بنبخسه موضوعه او حقه ودا من انواع الفساد كما الايه السابقة
المهم
النهارده وبعد شوية مراجعة مع نفسي لاحظت مجموعة ملاحظات وكان من الوجب طبعا اني لازم ابلغكم بيها
فمن اخذ بها فقد بلغته الرسالة ومن لم ياخذ بها فهو حر واكيد عنده وجهة نظر هو مقتنع بيها
اليوم فيه مجموعة من النقاط واللي اتمنى
من الله انها تكون واضحة
طبعا كلنا بندخل للمواضيع وممكن بنشوف موضوع بيعجبنا قوي وموضوع مش بيعجبنا والحياه دائما فيها الحسن وفيها غير الحسن
وهنا انا باقترح فكرة والفكرة دي بتقول اننا لما ندخل موضوع وعاجبنا فالف خير ويالف نهار ابيض
اما اذا لم يعجبنا الموضوع فانا بقترح مجموعة اقتراحات علشان نغير من الشخص اللي فكرته مش بتعجبنا
واعتقد هي بتعتمد على النقد ولكن النقد الهادف او البناء فاللي يدخل موضوع ويعجبه الموضوع بيسيب اثر واللي بيدخل موضوع ومش عاجبه اكيد فيه سبب بيخليه يقول انه مش عاجبه وهنا هانقول النقد ولكنه النقد البناء الهادف
* وكمان انا عايز اوضح بان فيه فرق بين النقد الهادف او البناء وبين التجريح
وطبعا كلنا متعلمين وفاهمين ما تربوا اليه الكلمات .
اولا ) يجب تجنب العلاقات الشخصية بمعنى نكون عمليين وتخيلوا انكم في ندوة علمية مش منتدى خلف الكمبيوتر
لا يا ريت نعتبر اننا كلنا بنحضر في ندوة علمية واللي بييجي الدور عليه فدا هو الشخص اللي واقف على المنصة والكل هايسمع كلامه
وفيه اللي هايتكلم بعده وفيه اللي كان موجود قبله والمقصود نكون عمليين ونبعد عن المعاملات الشخصية والمشاحنات ومايكونش ليها تاثير في ردودنا .وما ينفعش شخص يقف على المنصة وما يتكلمش اعتقد اما انه بخيل بعلمه او بيقلل من الرد السابق وفي كلتا الحالتين وضع لا يعبر عن شخصيات المفروض تكون هي اساس المستقبل والرقي والتحضر .
ثانيا ) يجب ان يكون النقد موضوعي وبالتاكيد يكون النقد خاص بالموضوع وبالفكرة ومش معنى اننا بننتقد فكرة ننحرف من الفكرة الى قائلها اعتقد مش منطق والموضوعيه هي اهم ما يميز النقد البناء .
وكمثال
افترضنا مثلا بان الشرويدي قامت برد معين ببيت شعر وليكن
اراك تزرع الهواء نسيما وتترك الريح بغير جود
فانا لو حبيت انتقدها مش هاينفع اقول
( ههههههههههههه ازرع الهواء هههههههههه هو الهواء بيتزرع ؟؟؟؟ والريح من غير جوده هههه وانا اجيبله جوده منين ؟؟؟ هههههههههههه دانتي عسل يا شرويدي )
لالالالالالالالالالالالالا
ممكن اقول ليها
كلامك جميل يا شرويدي ولكن ايه رايك لو قلنا
(( يجود الهواء نسيما والرياح اذا تراك العيون ) وليكي الراي في الاول وفي الاخر ولكن حبيت اقترح عليكي الاقتراح ده ) )
وهنا نكون احترمنا الشخص وحافظنا على كيانه واستقلاليته
ثالثا ) فيه بعض المواقف يا عم طارق بيكون محتاج للنقد ولكن لو قلته هايكون فيه تجريح اعمل ايه
اقول ان فيه اختراع اسمه الرسايل الخاصة ممكن تبعت الفكرة للمشرف ان لم تكن ترغب في التواصل مع العضو مباشرة ودا بيكون بعيد عن المنتدى علشان النصيحة على الملا فضيحة كما يقولون
رابعا ) يا ريت ما ننساش بان كل موضوع ليه جوانب ايجابيه وجوانب سلبيه
فيا ريت لو نبدا بالايجابيات اولا ونشكر صاحب الموضوع عليها وبعدين نقول السلبيات وهنا بيكون صاحب الموضوع مستعد يتقبل النقد .
ومثلا
والله يا شرويدي انتي جبتي كلمات جميله جدا بس فيه كلمة مش عارف لو استبدلناها بكذا او كذا اعتقد ممكن تكون ليها تاثير اكبر وما ننساش نقولها والراي يرجعلك في الاول وفي الاخر انا بس باقترح والفكرة جات في بالي
ويا ريت تكون باسلوب شياكة ورقه في التعامل ومش هاقوللكم بقى وانتم عارفين الكفت
ههههههههههه ما هو الكفت ؟؟؟؟.
خامسا ) اذا كان فيه نقد يا ريت نحدد الجزء اللي فيه النقد وما يكونش نقدنا على الموضوع باكمله .
سادسا ) عدم المجادلة الكثيرة في الامر
فحينما تعرض وجهة نظرك وتجد صاحب الموضوع متمسك برايه فيفضل ان تترك الجدال
وكما قال " لا تجادل ولا تناقش يا اخ عبد الوهاب " هههه
سابعا ) لا تاخذ النقد فرصة للتظاهر فكل كلمة تقولها ستحسب اما لك او عليك والايام دول .
ثامنا ) لا توجة النقد لمجرد الاختلاف في وجهة النظر فلكل منا وجهة نظره الخاصة به والتي يجب علينا ان نحترمها
طيب يا استاذ طارق وانت ولا استاذ ولا نيله لو الراجل ده وجهة نظره مش عاجباني ولو حبيت انقده هايقولي دي وجهة نظري واحنا عايزين نحكم الموضوع ومش نسيبه عايم
اقوله انت كده جبت المفيد
متى نهاجم ذلك الشخص ؟؟؟
لما تكون وجهة نظره مخالفه للشريعة او بها خدش للدين او الحياء
هنا بس ممكن نهاجم ونقول هجوووووووووووووووووووووم .
تاسعا ) يفضل ان نترك الخلافات خارج المنتدى ولا تكن سبب في التعدي بالنقد للاعضاء والتجريح .
عاشرا ) اجعل مرورك محبب به فاترك لمسة سحرية يتذكرك بها صاحب الموضوع او العضو صاحب آخر رد فكلنا نتذكر ذلك .
الحادية عشر ) يا ريت بلاش المجاملات والانحياز للبعض على حساب البعض الاخر بمعنى ان لو فيه عضو زعلان من عضو واحنا اصحاب العضو الاولاني نقوم كلنا نتجاهل العضو التاني ونعمل رابطة دول عدم الانحياز فدا لا يثبت الا اننا سنظل دول العالم الثالث
ولن نرى الرقي والتقدم
يا ريت نكون منطقيين .
الثانية عشر ) اعلم بان صاحب الموضوع قد تعب سواء في ان ينظم ابيات شعرية او مجموعة من الكلمات ولربما سهر بها ونال التعب من اجلك ومن اجل غيرك فيجب ان لا تحرمه من الاجر .
اخوتي واخواتي ماقصدت الا عظيم الفائده للجميع وسامحوني ان رايتم تقصيرا
وان كان منكم من يرى وجهة نظر فليبلغني بها لعلي اصححها في مخيلتي وشكرا
