تعالوا شوفوا خيبة البنات والشباب

السلام عليكم يااحلى اعضاء
انا بقى عاوزها اناقش معاكم حاجة هى اية راى الشباب فى البنات واية راى البنات فى الشباب

ابدا بقى اتكلم معاكم تعالوا معى كدة وبصوا وشوفوا حال الاولاد ياخواتى عليهم دلوقت تلاقى الولد من دول مسقطلك البنطلون وفاتح القميص ولبسالك كام حظاظة كدة وكام سلسلة ومنظرة يقرف ها هى دى الرجولة كتكم نيلة انتم المفروض الجيال الجديد اللى هيغير البلد دة انتم هتخربوا البلد كدة وال اية هم القدوة الحسنة ال
نقول هم الوجهة الزبالة لمجتمعنا هم دول حثالة المجتمع وتيجى تقولى معرفش اية بقولك اسكتوا هو انتم عرفين حاجة فى الموضة
موضة اية المهببة دى يااخواتى هى دى الروشنة الصح كتكم خيبة ونيلة اومال لية بنقول الرجالة ماتوا فى 73مهو بلى بنشوفة

ونيجى بقى نشوف البنات الله الله على البنات وحلاوة البنات واللى بتعملة البنات تلاقى يااخوى البت من دول نزل لبسة لبس دة اية اللى انتى لبسة دة يابت انتى راحها انا خارجها ياماما خرجة كدة اها ياماما ودى فى اية دى الموضة ياماما بلاش ابقى استيل
كتك نيلة استيل اية يااختى وانتى لبسة لى برمودة وبضى على الكمر ومسيبى لى شعرك وحط اتنين كليو بدرة على وشك معرفش ياختى مين النطع زى مبيقولوا يعنى اللى نزللك من بيتك كدة دة رجل دة ولا كيس جوفة واللى لابسة حجاب وتلاقى ليك شعرة بيان وبلاوى سودة ومسخرة انتم المفروض مش يتقال عليكم بنات انتم المفروض يتقال عليك اية ؟؟؟؟؟؟؟ واللة ماعارفها

نيجى عن موقف الابهات والامهات بالذات
رايح فين يامودى ياحبيبى رايح النادى مع مين ياكبد ماما مع ساسو ياماما انتيمتى ياماما ردت اها وامها عارفها ياواد قالها انا اعرف بقى انا مالى قالتلة دة غير سوزى بتاع امبارح قالها اها اصلهم كتير يامامى قالتلة اها ياحبيبى لهم حق مهو ابنى زى القمر ومدوخ البنات
مش ترد تقولة لا يااابنى ياحبيبى كدة حرام بنات الناس مش لعبة
مش عارفها ان هى عندها بنت هو دان تدين

تيجى بقى على الاب رايح فين ياولد عاوز اية ياددى رايح النادى مع اصحابى متخلاص وطبعا الاب بيتكلم ودة ميديلة طناش وورامى الطرشة وطبعا بيقول كدة فى سرة او لبابة ياعم بقى دة انت رغاى فكك منى بقى وقصر ولخص الحوار عاوز الحق البت

تيجى بقى على البنت رايح فين ياروح ماما راحها النادى ياماما
اها ماشى ياحبيبة ماما متتاخريش معاكى فلوس اها راحها مع مين مفيش مع اصحابى اها اللى هم مين يعنى ترد البنت اية ياماما هو تحقيق اصحابى اللى معى فى الجامعة مودى وتوتى وكتير بقى انا فاكرة قالتلة اة ومين مودى دة قالتلة دة زميلى ياماما زميلك اية يابنت اية ياماما مش هتسيبك من جوة الحوارات دى والتحقيق دةدة ميدو انتيمى تكتك ايزى ياماما بلاش جهل وتخلف الزمن اتطور
حد يرد علية ياجدعان وانتى ياكبد امك ياختى فين ابوك واخوكى الحمش بلا نيلة انا طبعا مردتش اطول اكتر من كدة لان كلنا فى جامعات وبنشوف اكتر من كدة صح ولا اية ياجماعة

اية رايكم فى بنات وشباب المستقبل بتوعنا مش وجهة مشرفة بردة
هم دول اللى هيغيروا ويتطور بلدناوال اية عاوزين نتغير ياعم اجرى انت هو وهى احنا هنفضل والحمدلله دولة متخلفة دة خلاص الغرب سيطر عليكم بكل الاسلحة اللى تخلينى متخلفين بقى دة مناظر ناس مسلمة او ناس عاوزها تتغير

على فكرة ياجماعة انا قولت رايى فى الشباب والبنات عشان محدش يقول ان انا متحيزة وعلى فكرة كل دة نتاج على التربية بس مهو اية هى دى الاجيال اللى هتطلع الاجيال اللى بعدها اللى هيكون انيل وادل سبيل ومحدش يقولى لا كلامك دة مش واقعى فى بردة شباب حلوة وزى الفل بس بنسبة اية ضئيلة جداااااااااااااا

انا عاوزها اشوف رد كل بنت وكل شاب على كلامى ويقول اللى بيشوفة وياريت اللى يدخل يقول اية اللى بيتمنى يشوفة من الجنس الاخر او الصفات اللى المفروض نغير بية المصايب السودة دى عشان نقدر نغير حاجة فى البلد دى دة لو اتغيرت اصلا
واسفة على الاطالة

كلامك حلو قوى يا مريومة
والاحلى الاسلوبك
بجد انا بحيكى على اسلوبك
وانتى معاكى حق فى كل كلمة بتقوليها
انا بس عاوز اقول حاجة
ان الولد من دول يشوف مثلا ممثل او مغنى بيحبة
وشايفة مسقط البنطون يقوم يعمل زية
تلقى المغنى ولا المثل لابس نظارة شمس ينزل جرى يجيب زيها
والبنت نفس الحكاية تشوف الممثلة او المطربة الى تحبها تقوم عاوزها تعمل زيها
وفى عادة وحشة قوى انشترت فى الزمن لعجر بتاعنا دة
ان الكل بيبص لبعضة
مش عارف على اية
وشكرا جدا يا مريومة على موضوعك الهايل
بجد تسلم ايدك
وعلى فكرة دى وجهة نظرى المتواضعة والى عندوا اى اعتراض للوجهة النظر دى يقول
تسلم ايدك على مريومة

والله عندك حق بردة ياباسم فى كلامك كلة بيص لكلة كلة بيقلد كلة
طب مهو بيقلد مش يقلد فى الصح ولا نقلد فى الغلط لية منبصش للناس المتميزين للى الناس اللى بيقدموا فكر عظيم او حاجة جديدة للبلد لية منوسعش فكرينا ونكون ناس ناضجين بقى لية نفضل عايشين او معيشين نفسنا فى جو الحياة دى واننا بيس بقى وكلة مكبر دماغة ويلا ياعم واحنا ملنا احنا هى بلد اهلينا لوحدين هو انا يعنى اللى هغير البلد
اها انت وغيرك وغيرك اللى هتغير البلد ونورت التوبيك يباسم برايك بس

استن اشوف انا عاوزها اشوف رد كل بنت وكل شاب على كلامى ويقول اللى بيشوفة وياريت اللى يدخل يقول اية اللى بيتمنى يشوفة من الجنس الاخر او الصفات اللى المفروض نغير بية المصايب السودة دى عشان نقدر نغير حاجة فى البلد دى دة لو اتغيرت اصلا

[color:b980=blue]اها والله يادمعة عندك حق موضة اية وزفت اية دى بس
تعرف ان بحس ان الغرب بعاداتهم وتقاليدهم بدا يسيطروا علينا دلوقت
بمسميات جديدة سيطرت على عقول شبابنا وفكرهم
اما على البنت اللى بتقولى علية دلوقتى دى نموذج للتفكير شوفتى التفكير وصلها لفين ؟؟؟؟؟؟مش عارفها امتى هنفوق وهنصحى من اللى احنا فية امتى هنوصل الى مرحلة النضوج الفكرى ويبقى تفكيرنا هادف مش نفكر فى ازاى نسقط بنطلون او نحط مكياج او او المفروض نعرف اننا الجيل اللى المفروض محطوط علية الامل احنا اللى المفروض هنطلع اجيال جديدة بس ازاى احنا هنطلع واحنا جيلنا اصلا عاوز تربية الاول شوفوفى كدة الاجيال اللى بعدنا اللى فى تانوى عاملين ازاى او بيتكلموا ازاى
والله مش عارفها اقول اية بس انا عاوزها اعرف وياريت اللى يدخل يقول اية اللى بيتمنى يشوفة من الجنس الاخر او الصفات اللى المفروض نغير بية المصايب السودة دى عشان نقدر نغير حاجة فى البلد دى دة لو اتغيرت اصلا
لخد دلوقت محدش قال راية فى البنات والعكس اية اللى يتمنى يشوفة عشان البلد تتغير

[quote="الشرويدى"]هههههههههههههههههههههههههههههههههههههههههههههههههههههههههههههههههههه
هااااايل يا مريومتى بجد الاسلوب تحفة يا بنتى
عند حق الشباب اليومين دول بقت تصرفاتهم غريبة جدااااااااا
بس سيبك من الشباب انا مش هاقول راى فيهم دلوقتى لا انا قلت راى قبل كدة كتيييييييييير
البنا بئة عنت بشوف البنات بتتفنن اة والله بتتفنن فى انها ازاى تبين جسمها وتظهر ادام الناس
وتلفت نظر الشباب ليها وممكن تلس حجات غير لائقة بالمرة وماتتفقش مع الدين والمصيبة انك ممكن تلاقيها لابسة حجااااااب
سلامات يا حجاب اليويمن دول
منظر وخلاص عشان نكمل الاستايل مجرد حاجة تجمل اللوك
بس العيب على الاهل وطريقى\ة التربية[/quote

والله يابنتى بقت مسخرة متفهميش معدش فية حجاب دلوقتى
حجاب على برمودة وبيضاهات البنات دلوقتى نحسى انها بقت سلعة رخيصة فعلا بقت حاجة تكسف معرفش راجل اية الوقتى اللى يسمح
لبنتة انها تنزل الشارع بالمنظر المقظظ دة دة يبقى فى قاموس الرجولة راجل بلا خيبة والله مش عارفها لما احنا جيلينا كدة اومال الاجيال اللى بعدنا هتكون عاملها ازاى الواحد مش عارفها اقول اية لسانى خلاص والله عجز عن الكلام
واحب اسلم عليكم قبل ماامشى عشان اخر يوم لى النهاردة

عادي يا مريومه انتي بتتكلم في ايه
وبعدين دا راجع للتربيه في الاول وفي الاخر مثلا والولاد بقى اللي اهالهم بيسمحو ليهم انهم تسلو بالبنات فدول هما السبب برده والبنات فازاي بنت تبقى خارجه تحسي انها لابسه ومش لابسه يعني بتعمل استعراض لنفسها وبتلاق التافه برده اللي يكلمها ويعجب بيها والاب والام فرحانين بكده او اصلا ميعرفوش حاجه عن بنتهم او ابنهم وبنتي قمر ربنا يحرصها وابني ننوس عين مامته البنات هي الل بتجري وراه هنعمل ايه يعني ادي الاهالي ولو كانو قالو حرام ولا عيب مكنش حد شاف المناظر دي

[quote="عاشقة الامل"]عادي يا مريومه انتي بتتكلم في ايه
وبعدين دا راجع للتربيه في الاول وفي الاخر مثلا والولاد بقى اللي اهالهم بيسمحو ليهم انهم تسلو بالبنات فدول هما السبب برده والبنات فازاي بنت تبقى خارجه تحسي انها لابسه ومش لابسه يعني بتعمل استعراض لنفسها وبتلاق التافه برده اللي يكلمها ويعجب بيها والاب والام فرحانين بكده او اصلا ميعرفوش حاجه عن بنتهم او ابنهم وبنتي قمر ربنا يحرصها وابني ننوس عين مامته البنات هي الل بتجري وراه هنعمل ايه يعني ادي الاهالي ولو كانو قالو حرام ولا عيب مكنش حد شاف المناظر ديlor=blue]والله يابنتى عندك حق والله انا تعبت من كتر الكلام عن التربية
احنا الاجيال اللى معتمد لية تتغير الحال اللى احنا فية
وانا والحمدلله ماشاء الله علينا دة احنا كدة حنطلع اجيال زى الفل فلة شمعة منورة اجيال بقى تقولك ددى ومامى انا نازلة مع boy friend مهو دة الناقص بلا خيبة امتى هنصحى من اللى احنا فية دة ونفوق

انا اتاخرت فى الرد بس والله يامريومه عندك حق
الشباب والبنات فاكرين نفسهم ايه
ماشيين على الموضه وهما كده بايظين

طبيعي مش كل اللي العروسه والعريس بيجيبوه بيكون ليه لزمه واغلب الحجات مبيكونش ليها لزمه طبيعي يا محمد يعني وبرده وطبعا زي ما انت قلت ليه منتجننش فعلا دا هيكون بمثابه جنان عشان مهما كان لازم الاهل بيتدخلو ولو برأي في حيات ابنهم او بنتهم وفي حاجه اسمها عادات وتقاليد لكل مكان يعني مينفعش مثلا تتقدم لواحده من غير موافقه اهلك ومينفعش تتجوز واحده من غير موافقه اهلها لازم الاهل بيتدخلو في حياتنا حتى بعد اما تكون مسؤال عن عيله وبيت لازم نلجا ليهم وحكايه بقى ان حجات ملهاش لازمه فممكن دا تتفقو عليه وبرده مع مراعاة موافقه الاهل تقللو من الاشياء اللي المفروض تجيبوها دي حريه ترجعلك انت وهي والاهل وانا عن نفسي لو حبيت اعمل كده لازم يكون الطرف التاني موافق ودا بموافقه اهله برده واهلى اللي اكيد زيهم زي اي اهل عاوزين يفرحو لبنتهم حتى لو على حساب نفسهمفلاااازم رأي الاهل ومش كل حاجه بنعوذها بنقدر نعملها طالما اخترنا من البدايه تدخل الاهل والا بقى لما نحب وعاوزين نتجوز فهنلاقي ان نادر لما ده يحصل ويتجننو ويجبرو اهاليهم على انهم يستجيبو لرغبتهم انا حاسه ان دخلت موضوع في موضوع تاني بس من الاخر دي حرية برده واللي عاوز يعمل حاجه يعملها بس نادرا لما بنخرج عن التقاليد المعروفه للزواج سواء من ادوات محتاجينها او مش محتاجنها

صحيح البنات دلوقتى بقت طماعة جدا بتجيب حجات كتير علشان بس تتباهى بيها ادام الضيوف وادام عيلة جوزها وبعدين تعايرة بيها
ههههههههههههههههههههه
البنات اليومين دول بقت فاكرة ان الجواز دة سفقة ولازم تربحها عشان تتباهى امام الناس
امال اية اللى صعب الجواز اليوين دول كدا
يلا خلي البنات متمسكة بافكارها وخليهم قاعدين جمب اهاليهم بطلباتهم دى
ههههههههههههههههههههههه
ربنا يهدى[b]

ههههههههههههههههههههههههه
والل صح
على فكرة العادات والتقاليد دى هى اللى مصعبة حياتنا
وحانا الشباب لازم نحاول نتحرر من قيود العادات والتقاليد شوية عشان العيشة دمشى[b]

موضوع جميل يا مريومه عارفه ان ردي متأخر بس علي ماجيت بقي مواصلات وزحمه
المهم بقي بالنسبه لموضوع البنات والشباب هو بيرجع ف الاتنين للاهالي وبردو في جزء بيبقي علي الشباب والبنات دول من جواهم يعني فين حياء البنت وهي نازله لابسه لبس يعتبر مش لابسه اصلا والولد بردو فين اخلاقك وتربيتك ورجولتك ومش معني انه عامل سبايكي يبقي وحش او مش راجل لا انا بتكلم عن ولاد معينه اكيد انتوا عارفينهم بيبقوا باينين من مظهرهم يعني انهم مينفعش يتقال عليهم رجاله وبعدين انتي يالي بتلبسي كدا مفكره انك بكدا بتصتادي عريس وبتعلقي الولاد؟؟ والله اي ولد يقولك انه بيحبك وانتي لابسه كدا مستحيل يكون بيحبك لان الحب عكس الي سايبك تعمليه لو بيحبك مش هيقبل واحد يفكر يبص عليكي وانتي طبعا بلبسك دا بتخلي الولد من دول زوايا رقابته بتتفك من بعضها
وبتدايق اوي بقي من حاجه لما البنت تلبس مثلا لبس محترم وواحده صحبتها تقولها ايه يابنتي اللي انتي لابساه دا انتي هتدفني نفسك بالحياه اتهني بشبابك شويه..يعني هو انا عشان اتهني بشبابي اغضب ربنا؟؟
واما مثلا بنت تيجي ترتبط بانسان كتير اوي م البنات دلوقتي بتقول انا نفسي في واد روش كدا جامد اصحابي يتجننوا عليه تفتكر يا كابتن ياللي موقع البنطلون اما دي ترتبط بيك عشان روشنتك يبقي بتحبك؟؟ ماهو زي ما الولاد بيقولوا احنا عاوزين بنت محترمه في بنات كتير بردو عاوزين ولد راجل يحتويها ويبقي مسئول عنها مش فرحان بالبنات اللي عندها نقص في دماغها وتتجنن عليه وهو ماشي..
في النهايه يعني اسفه ع الاطاله بس هو موضوع بيدايقني جدا جدا وفيه كلام كتير بس اكيد كل الكلام دا بيرجع للاهالي والدين بتاعنا اللي اتغيبنا عنه كتير..

اولا انا بحييكي يامريومه علي الموضوع الجميل ده
وماشاء الله مواضيعك كلها بتبقي في الصميم وفيها نسب مشاركه كبيره
المهم انا بتفق فعلا مع الي قبلي كلهم ان الشباب فيهم الي بيصطنع يعني بيظهر بمظهر مش مظهره بمعني انه عايز يتمتع بشبابه بس عشان يعجب دي ويلفت انتباه دي ويصاحب البنت دي مش عارف دي تبقي مين بالظبط ماعلينا
ونفس القصه بالنسبة للبنات برده الاصطناع عندهم
اما بالنسبة للنقطه الي محمد اتكلم فيها فانا معاك ان فيه مغالاه في الطلبات من اهل العروسه واكيد دي ثقافة مجتمع الناس اتعودت علي كده وده غلط لان فيه ناس بتبص لغيرها تقول ده بنت كزا عريسها جبلها ايه وايه وايه
وهو انا بنتي اقل منها لا انا بنتي يجيلها نفس الي جالها لا واكتر كمان طيب والعريس زنبه ايه مش عارف اهو نصيبه كده وشيل ياعم وهات ياعم مفيش خد ابدا كله هات وشيل وحط
ده غير بقي الي يقلك لازم نغلي عشان بنتنا مش شوية
المهم ان الثقافه دي لازم تتغير ازاي بقي محتاجه وقت وبتهيالي انه صعب اساسا التغيير انما فيه ناس بصراحه عندها الثقافه دي ان المهم يكون العريس محترم وشاري

نورت التوبيك ياهنا وبجدانا عجبنى ردك جدااااااا ياقمر
وكلامك والاسلوب بتاعك روعة
هو الاهالى لها عمل كبير جدا جدا وكمان الثقافة بتاع الشباب والبنات اليومين دول بقت محدودة جدا
وبعد البنات عن الدين ولبس مايطلق علية حجاب الوقتى
وكمان الولاد يلا ربنا يهديناجميعا
ميرسى مرة تانى على مرورك واكيد طبعامش متاخرة ولا حاجة

ربنا يخليك ياميدو دة من زوقك
وبعدين انا اجى فين بردة جنب موضوعك
انت موضوعاتك ماشاء الله عليها
وبعدين احنا فين من قر بقى ههههههههه تقولى نسب كتير
وكلامك مضبوط فعلا هو فعلا محتاجين صبر شوية على مالثقافة بتاعناتتطور شوية والعقول محتاجة للنضج كبير جدا

وبالنسبة للى ردك على محمد صراحة ربنا يكون فى عونكم
انا فعلا اعترف انكم بتبهدولوا فى الطلبات اللى عليكم يلا ربنا معاكم كلكم
نورت التوبيك ياحروق وميرسى على مرورك