هل الحب اوهام ا حقيقه والام؟

الحب عمرى ماكان ولا هيكون وهم
الحب مشاعر واحاسيس من القلب وعالم جميل
الحب هو اللى بيدى طعم للحياة وهو اللى بيخلينى نعيش
الحب هواللى بيزرع فينا السعادة والفرح
وبيدينى الامان الحب مش مجرد كلمات بنقولها وخلاص للى بنحبة
الحب تجمع روحين وقلبين لولا الحب من رايى يبقى مفيش حياة
توبيك جااااااامد جدا جدا يانودى
تسلم ايديك ياقمرايا

منوره يا مريومه التوبك
بس انا راي عكسك خالص ان شايفه اه ان الحب موجود بس للاسف يا مريومه مش موجود ف زمنا ده
الزمن ده بتاع المصالح وبس
انا ملقتش غير قليل اوي دول يتعدوا ع الصوابع الللي اتجوزوا عن حب والباقي اهم بيقضوا وقت وكل حاجه بتخلص ف ثانيه
ايام الحب كانت زمان الحب بتاع الوساده الخاليه كان فعلا الواحد ممكن يتعذب انو ساب حبيبته
بس دلوقتي تلاقي الناس عايشه حياتها عادي
الحب الحقيقي موجود بس مش كتير بالعكس قليل جدااااااااااااا[b]

مفيش حاجه يا مريومه انتي تطولي براحتك
يمكن الحب اللي موجود هو حب الاب لولاده والام لولدها الاخوات لبعضها
لكن حب الحبيب لحبيبته مش موجود
اكيد زي ما قولتي يا مريومه ان الشبابا ف الاخر هيتجوز ويحب مراته فليه بقي يعذبو بنات الناس معاهم وف الاخر يسيبهم بكلمه
يمكن الحب موجود بس العيب ف الناس كل واحد بيتلون بمليون وش وف الاخر بيبقي بيكدب
[b]

لو مفيش حب يبقى مفيش حياة ....
بس اهم حاجة نختار الشخص المناسب الى نديله الحب ده علشان منندمش بعد كده وده صعب فى زماننا....
وبجد تسلم ايدك على الموضوع

منور يا بيبو التوبك
ما هو اهم حاجه الاختيار

الحب دا اسمى معاني الحياه يا نودي موجود في كل مكان الحب بجميع انواعه موجود وطبعا المعروف وهو حب اليومين دول في منه الكويس وفي الاسم حب والفعل تسليه والسبب اللي جعل ان في فريقين للحب فريق يقول انه حقيقه وفريق يقول انه وهم فهو ان ان الحب ده موجود بس مش من السهل نلاقيه وفي ناس تانيه بيلاقو الحب بسهوله جدا فدا اللي وجد الاختلاف في الرأيين عشان فعلا الحب ده مشاعر واحاسيس مش بأيد اي حد وممكن مش بأدينا اختيار الحبيب بنشعر بأننا بنحب عشان هو دا في اعتقادنا اللي يستاهل يكون الحبيب بس عشان نعرف معنى الحب بجد لازم نعرف مين اللي يستاهل مشاعرنا واحاسيسنا دي مين اللي يستاهل نضحي عشانه واذا كان في حد اخطا في الاختيار ده فدا مش معناه ان مفيش حاجه اسمها حب لا دا الاختيار الخطا ده مجرد تجربه بتعرفنا ان اللي عشناه ده مكنش حب ونستنى المعنى الحقيقي للحب وهو في يوم اكيد هنعرفه وهنعرف كويس انه مش وهم
يمكن معناه كوهم او كحقيقه بيختلف من شخص لشخص لأختلاف تجربته اللي بيسميها حب فممكن يكون حد صادف المعني الحقيقي للحب بسهوله وممكن حد تاني عاش طول حياته يدور ومعرفش ايه معني الحب الحب انك تضحي عشان اللي بتحبيه انك تلاقي حد يخاف عليكي ويقدر قيمه مشاعرك واحاسيسك الحب انك تلاقي نفسك بتفكري في حد على طول تفرحي لما يفرح وتزعلي لما يزعل وتحبيه يمكن اكتر من نفسك ودا بيكون لما تلاقي تبادل في المشاعر دي من جهته كمان بس في نفس الوقت هو صعب ومؤلم وسبب تعاسه ناس كتير ودا لما نلاقي ان كل الحب ده اصبح ذكرى مجرد جرح ممكن يتنسى وممكن لا بس الاكيد اننا مينفعش نندم على احساسنا بالحب ايا كان لأن كفايا اننا عشناه سواء كان حلو او سبب في جراحنا

منوره يا عاشقه الامل
راي جميل جدا تسلمي ع المرور[b]