ليه بعد الجواز بنتغير؟؟ياريت كله يقول رايه في الموضوع دا..

العوااااااااااااااااااف عليكو جميعا
يارب تكونو كلكو تمام وبصحه كويسه



[b]انا بقي جايبه موضوع واضح من عنوانه عن سر التغيير الفظيع بعد الجواز طبعا شبه الغالبيه انا بردو مش هعمم الكلام بس الغالبيه بتقول ان الخطوبه احلي فتره واما بنتجوز خلاص دي نهاية الحب وفي الخطوبه الهدايه والخروجات وكلام الحب شغال الله ينور انما بعد اول شهر من الجواز او بعد اول سنه بتبتدي كل حاج تروح وعلي فكره مش تحايذ مني لكن انا بحس ان دا بيحصل اكتر من الولاد لان انا عن نفسي شوفت وقرأت ف الموضوع دا لقيت معظم الشكاوي من الستات ودا ميمنعش طبعا ان الستات فيهم اللي بيهدم الحاجات الحلوه بينها وبين جوزها بس انا في رايي انه الاكتر الرجاله ودا انا معرفش الحقيقه سببه ايه هل شغلك ومسؤليتك ينسوك انك دي الانسانه اللي حبتها؟ اصل كتير بيقولوا الحب مبيقلش بس المسؤليه بتزيد والمطالب و و و واسباب كتير مش عارفه دا يمنعك انك تقولها حتي كلمه طيبه بدل ما تدور وشك عنها؟؟
وانتي يا ست هانم انا نفسي اعرف ايه حبك في انك تطبخي او تروقي وجوزك موجود ليه متنظميش وقتك كدا لو انتي بتشتغلي توفقي بين شغلك وبيتك ومش تقصري في حياتك الزوجيه وواجباتك ليه ميجيش يلاقيكي لابسه كويس وحاطه برفان بدل ريحة البصل اللي ممكن ترجعه شغله تاني وهو ع السلم ويكون البيت منظم وجميل مش المخدات في الحمام والهدوم في الصاله دا بردو عيب علي الست ...
انا بقي عاوزه كل واحد وواحده رايه ايه في الموضوع دا وهل فعلا بقينا خلاص كارهين الجواز وحبين فترة الخطوبه بس لان انا فعلا سمعت حكايات تشيب هقولكم علي حاجه منهم مختصره انا ليا واحده صحبتي متجوزه عن قصة حب فظييييييييييييييييعه استمرت سنتين او تلاته تقريبا وكان بيموت فيها وبعد الجواز بسنه معدتش بتشوفه ولما بتشوفه وتقوله بس وحشتني بيقولها ايه الهبل دا وبيزعقلها انا نفسي افهم ايه السبب هل دا بيبقي مرض نفسي ولا هو خلاص بقت حاله عامه ولا ايييييييييييييييييييييييييييييييييه
يلا مستنياكوا تردوا عاوزه الردود عليا مطره

عليه الصلاة والسلام نورتيني يا ملوكه
وانا معاكي في حتة ان الرجال فاهمين انهم بيتعبوا اكتر بس الستات بردو بيتعبوا جامد حتي ابقوا اتفرجوا علي فيلم تامر حسني الجزء التاني وانتوا تلاقيه عرف قيمة مراته اما سابته في الحاجات اللي كانت بتعملها ههههههههههههههههههه
ومعاكي بردو ان المفروض يكلمها بسياسه في كل حاجه وهي بردو تعمل كدا ويصلحوا عيوب بعض بدل ما هو يدورعلي واحده تانيه ويخسروا حاجات كتير اوي هيحتاجو عمري عشان يرجعوها تاني
نورتي التوبيك يا قمر ميرسي لمرورك

اسمعوانى بقا
اولا الموضوع هايل وياريت كلنا نهتم بنقاش الموضوع ده وبشكر طبعا صاحبه الموضوع وبقولها برافو عليكى انك فتحتى باب للنقاش فى موضوع مهم زى ده
اللى عايز اقوله ياجماعه ..
ان الراجل مهما وصلت عصابيته وجبروته يمكن السيطره عليه .. يعنى اقصد ان الراجل زى الاسد بس ممكن نراوده ونهدى اعصابه وده دور المراة والله ياجماعه الست فى البيت هى الجنه وهى النار بس المهم هى هتبقى جنه ولا نار والقرار فى ايدايها طبعا
كونوا على ثقه ياجماعه ان مفيش راجل فى الدنيا عايز يدخل البيت يتشاكل
بالعكس هو راجع من شغله ومن ظروف الحياة بره البيت اللى كلنا عايشينها وعارفنهاوبنواجه كل يوم مشاكل ومسؤليات كل الناس بتعانى منهم
عايز يدخل البيت يحس انه دخل الجنه حتى لو كان راجع مدايق وزعلان .. المهم ان الزوجه تكون عندها فطنه وحسن تصرف .. تحاول بقدر الامكان انها تهون عليه

وعندى رساله بقولها لكل بنت .... اتعلمى كل حاجه قبل ما توصلى بيت جوزك اتعلمى ازى تحبيه بس مش الحب بتاع اليومين دول .. الحب اللى انا متاكد ومقتنع انه مش موجود دلوقت بس ياريت تدورى عليه .. والله الحب مسؤليه كبيره احنا مش قادرين نتحملها
.. هاتى كراسه واكتبى فى اول صفحه ( الحب ) وفى كل سطر بعدها اكتبى صفه وميزه حلوه فى الحياه .. اكتبى الحنان اكتبى الطيبه اكتبى الطاعه اكتبى الاحتواء اكتبى التضحيه اكتبى الصدق والانوثه والخجل خليكى ديما محتاجه لوجوزك بعد ربنا ورسوله حاسسيه دايما انك محتجاله اكتبى كل كلمه حلوه تخطر فى بالك ... عارفه اقسملك بالله لو بيكرهك هيموت فيكى .. احنا مش عايزين منكم اكتر من كده يابنات ما تقدروش تعملو كده .. ؟؟ وللحديث بقيه

هههههههههههههههه ماشى يا ميدووووووو
و شكرا ليكى يا هنا على متابعتة الردود
و بجد نصايحك حلوة جدا يا بشمهندس
تقبلوا مرورى

ميرسي ليكي ياكرينج علي ردودك وفعلا في اللي بيستحملوا بعض ويراعوا كل حاجه وفي اللي عندهم حاجه معينه بس مش بيتعدوها علي حسب التعود
ومفيش اطاله ولا حاجه ياقمر نورتي التوبيك

ميرسي ياعلي علي ردك الاكتر من رائع والله وكلامك عجبني جدا جدا وكله مظبوط وفعلا الحب مسؤليه كبيره مش بحبك وخلاص انما ليه معاني كتيره اوي وانا بس مش معاك ف حاجه واحده انك بتقول ان انت متاكد ان الحب دا مش موجود لا انا بقولك اكيد موجود لان اكيد في ناس لسه عندها مشاعر واحاسيس كويسه وبتديها او مستنيه تديها للي يستاهلها بس يمكن اللي يخلينا نقول انه معتش موجود ان معتش في صدق في المعامله وكله عاوز يقضيها بحبك ووحشتيني واشطا علي كدا..
نورت التوبيك يا علي

ميرسي ليكي انتي يا ملوكه دا واجب عليا

الموضوع جميل ياهن فعلا ويستحق المناقشه
بس انا شايف ان التغير بيبقي من الزوجه والزوج
طبيعي ان فتره الخطوبة تبقي احسن الفترات
لانها بتقرب الاتنين من بعض يحاولو يفهمو بعض يعرفو طباع بعض ومفيش مانع يحبو بعض اكتر والفتره دي بتعرفهم بقي
ان كانو هينفعو يكملو مع بعض او ينفصلو بهدوء
الفتره دي اهم فتره في حياة الاتنين عشان كده هي اجمل فتره وطبعا ده غير ان الاتنين طول الوقت مقضيانها كلام حب وغرام وخروج وفسح بقي
الفتره الي بعدها بقي طبيعي انها تبقي الجواز وطبيعي ان الجواز يبقي فترته احسن الي طول فترة الخطوبة اكيد قدرو يفهمو بعض ويقربو من بعض اكتر لكن الي بيحصل بقي العكس تلاقي ا فيه مشاكل ومبقاش فيه كلام حلو ولا خروج ولا فسح زي الاول مسئوليات الاتنين بتكتر في الاول مكنشي عندهم مسئوليات وهمو ولااي حاجه يشيلو همها انما بعد الجواز في مسئوليات جت فجاه علي الراجل وبقي مسئول عن اسرة وبيت ومصاريف والزوجه نفس الحكايه انما مسئولياتها اقل شوية
عشان كده ممكن الزوجه تحس مثلا ان جزها مبقاش بيحبها زي الاول مبقاش يخرجها مثلا ولا يقلها كلام حلو مع انه ياعيني مش فاضي الراجل بيبقي جاي من شغله تعبان ودي قوم نخرج نتمشي لا تعالي نروح نزو كزا
وهو جاي الله اعلم بيه قرفان من شغله تعبان مثلا وهي ولا هنا
فالموضوع ياجماعه طبيعي لان مشاكل الحياه وهمومها بتسيطر علي الاتنين وبتاثر فيهم فلازم نعزر ده ونعزر دي لان الحياه بعد الجواز بتتغير190 درجه بالنسبة طبعا للاتنين

كلامك صح يا كرينج وانا فهمت قصدك وكلام كله تمام

ميرسي ياميدو علي ردك بس انا مختلفه معاك في نقطة ان الراجل مسؤلياته اكتر من الست ماهو دا بقي اللي بيسبب مشاكل ان الراجل دايما حاسس انه مسؤلياته اكبر ليه انا مش فاهمه ماهي الست بتعمل حاجات كتير اويييي الراجل ميعرفش يعملهاوبتتعب بردو وبيبقي نفسها تلاقي كلمه حلوه يعني انت بتقول بيبقي راجع من الشغل قرفان وهي تقوله تعالي نخرج ومش بتقدر طبعا الست اللي تعمل كدا مليون الميه غلطانه والمفروض يرجع يرتاح بس بردو لازم يخصص وقت من حياته ليها يخرجها يجبلها اللي عايزاه يحسسها بحبه ولو بكلمه مش يتجاهلها لمجرد الشغل ومشاكله
معلش لو في اعتراض بس دي وجهات النظر والاختلاف في الراأي لا يفسد للود قضيه
ميرسي ياقمر علي مرورك نورت التوبيك

شكرا لموضوعك يا هنا وبجد محتاج نقاش جامد وهتلاقي الاخنلافات كتير كل واحد شايف ان هو اللي بيعمل اكتر من التاني ايام الخطوبه الحب والكلام من ده ليه بقي
علشان هي بعيده لسه عنه وكل مناه انهم يتجوزوا وخلاص
فاكرين ان الجواز حب وخلاص بس للاسف ميعرفوش الي بعده والمسؤليات وحاجات كتير
طبعا لازم هي تاخد بالها من نفسها بعد الزواج اكتر من قبله
علشان ايام الخطوبه تتزوق بقي وكلام من ده
بعد الجواز بيدخا البيت بيلاقي اعوذ بالله الشويش عطيه
مش كله طبعا
الا ما رحم ربي
فيستات ربنا يجازيهم خير شايفين طلبات بيتهم وقايمين بيها علي اكمل وجهبس التانين شغل البيت بيهدهم وبرده كل واحد لازم يلتمس للتاني هو تعبان من الشغل وهي برده
بس ده ميمنعشي انها تشوف كل احتياجات البيت مهو ايه سبب الطلاق الكتير اليومين دول؟
انها بتهمل في البيت وفي نفسها فهو طبعا عايزه الاميره ديانا علطول موجوده معاه فبيبص بره
فلازم كل واحده متديش للراجل فرصه انه يفكر بس يبص بره
علشان لو بص مش هيلاقي عينه انا خايفه عليه بصراحه
هههههههههههههههههه
وهو برده مش يدخل يزعق وكده حتي لو زعق كل راجل وله طريقه للمسايسه بتاعته
مش حيوان لا استغفر الله العظيم ولا هو اسد بمجرد انها بتقله كلمه حلوه بينسي كل حاجه وتعرف طريقته وتشوف هو بييجي من انهي ناحيه وتدخله من الطريق ده
لما يكون عصبي اعامله ازاي
مبسوط برده
متضايق
واحاول بعد ماييجي مخليش بقي الاولاد ابي جه ابي جه ابي جه
لألألألألألأ
نقلهم انه يرتاح شويه وبعدين وبعدين نروح نكلمه بهدوء علشان هو لو تعبان يلاقي راحه
ده البيت ده هو الراحه لكل انسان
طولت عليكم
بس بجد الموضوع لسه فيه كلام محتاج نقاش كتير
تسلم ايدك يا هنا

ميرسي ليكي يا محبه وكلامك كله صح ولازم كل واحد يلتمس للتاني ويعذره ولازم بردو الشويش عطيه دا ميبقاش موجود هههههههههههههههه
ميرسي لمرورك ياقمر نورتي التوبيك

اوكي ياهنا وانا موافقك ومفيش اختلاف
بس فيه حاجه انا مصمم ان مسئوليات الزوج اكتر بكتير من الزوجه الزوجه مسئولياتها ايه قوليلي كده

ميدو الزوجه لها مسؤليات كتير اوى ولازم تعرف ان لولاهاحاجات كتير مش هتحصل
تربيه الاولاد تفتكر ان الزوج يقدر يربيهم ودي مسؤليه مش عاديه دي كبيره اوى
ده غير الشغل بتاع البيت وهمومه وهي بذكائها بتحاول تخليه يبقي كويس
يعني لو مسالشي عن اهله علشان الشغل والتعب وكده
بتتصل هي وتسال علشان تحسن العلاقه ومتخليهمشي يقولو انه مش بيسال
انت ممكن تشوف دي صغيره لكنها بجد كبيره اوى
مش هنكر انه له برده اشغال كتير ونرفع له القبعه بس ده ميدلوش الحق انه يقول انها مش لها مسؤليات كتير وللحديث بقيه ان شاء الله

محبه قالتلك ياميدو وهو بردو بيشارك في التربيه لكن الزوجه في حكاية التربيه دي بيبقي الحمل اكبر لان هي اللي معاهم اكتر من الراجل ده غير شغل البيت اللي مافيش راجل هيقدر عليه زيها وبردو لو هي ست كويسه بطريقتها بتخليه يحسن علاقاته مع اي حد وهي اللي بتروق الجو في البيت وبتشيل عنه حاجات كتير ومتاعب كتير هي بتخففها عنه وهو ليه طبعا دور كبير اوي انا مش بقلل منه بس هي كمان ليها دور كبير زيها زيه..
نورتوا التوبيك انت ومحبه ومازلنا في نقاش مستمر