اسير علي كرسي الاعتراف

يا مرحبا يا مرحبا
الكرسى منور بيك
هههههه
بس انا بقى مش هعمل زيك و اتنازل عن اسئلتى لميدو يسألهالك زى ما انت عملت
الاسئلة فى الطريق
هههههههه

انا هجاوب على اسئلتك يا ميدو بس خلاص انت بقى معدش ليك تسأل وكده بسيط منك لله

هههههههههههههههههههههههههه
وقعت ياباشا
انا هسال حاجه بسيطه فى البدايه بس
يلا قولنا البطاقه بتاعتك
ههههههه
اسمك وسنك وبلدك
ولنا بقيه
فاصل ثم نواااصل

يا معين يااااااااااااارب

رساله بسيطه لمين بتوجهها ؟
الى المديرين والاعضاء علشان المنتدى يبقى فى تقدم وزياده ويعلى بحسكم

احلا كلمه سمعتها بحياتك ومين قالها؟؟
بأمانه هيا كلمه بحبك

متى تشعر بالأرتياح؟؟
عندما ارضى الله وارضى والدياواشوف اللى بحبها

بتهتم بمنظر الأنسان من الداخل او من الخارج؟؟
من الخارج لا لكن من الداخل طبعا بيقولكم"من بره هالا هالا ومن جوه يعلم الله"

اكمل الفراغ المناسب بالعضو المناسب:


حبوب\ـهـ :
محمد العمرى

طيب\ــهـ:
ميهو وشهدوالشرويدى وديرو وملك وميدو وعلى والمحبه وانجل يعنى من الاخر اعضاء المنتدى

أغــلى الأعضــآء:
بجد كلهم غاليين عليا لانى بجد بحس انى جنب اخواتى

كتـــــــير بضحككــ :
هههههههههههههههههههههههههههه كتير بيضحكوا

مؤدب\ ــه :
اعضاء المنتدى بالاجمعيه


..اية ايجآبيآت وسلبيات المنتدى برأيك؟
هو المنتدى ايجابياته انه بينضم شخصيات محترمه اما السلبيات فده بيقع فى دائرة الشات

سؤال اجباري الاجابه عليه قوم بتوجيه نصائح
الى خمس اعضاء تقوم باختيارهم انت ؟؟

1/ميدو خليك حنين فى الاسئله وبلاش الكم دا كله


2/ المديرين ياريت يكثروا من تواجدهم


3/ على الصعيدى استمر فى رسمك لميدو ومراته وولاده


4/ورساله بوجهها للاعضاء كلهم انا مسألتش حد انتوا مصدقتوا اقعد على الكرسى تسألونى


5/ميهو معلشى بلاش اسئله كتير انتى وبقية الاعضاء

×ماذايعني لك .. كل من

"الليل"هدوء الاعصاب وقال الله تعالى "وجعلناالليل لباسا وجعلناالنهار معاشا.."
وايضا "ومن اليل فاسجد له وسبحه ليلا طويلا....." وهناك ايات اخرى

الهدوء راحة البال

"البحر"الهواء النقى وصفاء القلوب

"المطر" فال الله تعالى "وانزلنا من المعصرات ماء ثجاجا لنخرج به حبا ونباتاوجنات الفافا....."

الفرح صفاء القلوب "يوم يفرح المؤمنين بلقاء الله"

"الورد النقاء والسرور"الذى جعل لكم من الشجر الاخضر نارا فاذا انتم منه توقدون"

هل يزعجك آنتقاد الآخرين لك ؟؟؟
لالالالالالالا بس احيانا لو من شخص عزيز عليا

صفة فيك لا تعجبك و تريد تغييرها ماهي ؟؟
العصبيه اثناء لعب الكوره

فى أى قرار تتخذه هل ..... تحكم عقلك أم قلبك فيه ... ؟؟
العقل طبعا

يقولون ان الاذن تعشق قبل العين احياناً ،اية رايك ، وهل انت مع هذه المقولة .

لا اؤيد اظن ان العين

دعوة صادقة من الأعمااق لمن تهديهاا؟؟
لدكتور الجامعه ربنا يغفر له اللى بيعمله فينا

ماهو الشي الذي تعتقد انه يميزك عن الناس؟؟؟
طاعة الله والصراحه

حب النفس ايه رايك فيه ؟
لست من المؤيدين له"حب لأخيك ما تحب لنفسك"

الكتابة أمانة والقلم سلاح والكلمة لها قيمة ؛
فماذا تعني لك الكتابة في المنتديات ؟
متعه شخصيه وحوار جاد ومفيد بستفيد وساعات بفيد

أحياناً ينبغي عليـنا تعلم الكف عن النظر إلى الوراء وإحصاء عدد المغادريـن ,,
لأن كل الحكايه .. ( الحياة ستزداد مرارة ) ..!! تكمن في داخلها مواطن داميه ..
كيف قرأت هذه الكلمات ..؟!
ان الانسان عليه ان ينظر الى الامام دائما وترك مالا يرضيه او ما خلفه

صِــفْ نفسك بسطرين ..!!
انا انسان عادىوالحمد لله التزم بقواعد الدين واحب الوضوح وطيب النفس وصريح واللى فى قلبى على لسانى لكن عيبى كما وضحت العصبيه الزائده فى بعض المواقف

هل الوضوح والصراحة في الرأي أمر مطلوب ؟؟
عند بعض الاشخاص لا لكن شخصيا امر مطلوب لكن فى بعض الاحيان لا ينبغى تواجده

ألا يجلب مثل هذا الأمر المشكلات لصاحبه ؟
منا قولت فى بعض الاحيان

وهل وقعت يوماً في مشكلة نتيجة هذه الصفة التي تمتلكها ؟؟
نعم وقعت

يااارب تيجى على كده منك يا ميهووو

اسمى\بلال عبد التواب
بلدى\دكرنس
سنى\انا 18 وهانت فى 19

هههههههههههههههههه
صعبت عليا تصدق
لذلك قررنا نحن"انا مش حد تانى يعنى"
انى اتنازل عن الاسئلة
هههههههههههه
عشان تعرف بس انى اجدع منك
مش هسيبك لميدو

بصراحه ملك دى اسم على مسمى

اما انتى بقى يا ميهو منك لله وعلى فكره انا مش هقدر على كل الاسئله دى كفايه 20

جاوب براحتك مش مستعجله بس على كلللللله هههههههههه

1- لما بتزعل بتعمل ايه , لما تفرح بتعمل ايه
اما بزعل بقرأ قرءان او اصلى اما الفرح بلعب كوره هههههههههه

2-حلمت مره بحاجه وحصلت وايه الحلم ده
اه انى الاقى الانسانه اللى قلبى يحبها

3-اول خمسة اعضاء تعرفت عليهم ؟
ممكن محمد واحمد العمرى وشهد ومايا ومريومه

4-كيف تصف الدنيا في هذا الزمن ؟
الدنيا هيا فيها حاجات غريبه بتحصل

5-هل انت عنيد؟
لا

6-امتى بتحس باليأس
لما اغضب والديا

7-من هوالعاقل فى نظرك؟
محمد العمرى

المتكبر؟؟
لا يوجد اشخاص

المتواضع؟؟
انا ههههههههه

8-هل أنت سعيد فى هذه الحياة ؟؟ ؟؟؟؟؟؟
الحمد لله

9-هل جربت الظلم أذكر لنا موقف ؟؟؟؟؟؟؟؟؟؟
اه فى تانيه ثانوى ودا كان سبب دخولى تجاره انجليزى مش هندسه بس بحمد ربنا
"عسى ان تكرهوا شيئا هو خير لكم"

10-هل ظلمت أحداً من قبل أذكر لنا موقف ؟؟؟؟؟؟
اه وانا كنت بحكم ماتش كوره حسبت ضربه جزاء من غير قصدى ضربة جزاء

11-هل تحب التحدى ؟؟ ؟؟؟؟؟
طبعا

12-ما هى أجمل لحظات حياتك ؟؟؟؟؟؟؟؟؟
عند تحقيق امالى

13-من من الناس يحتل المساحة الأكبر فى قلبك ؟؟ ؟؟؟؟؟؟؟
طبعا الله ورسوله ووالديا وناس تانيه بعدين فى حوار تانى

14-إذا قال لك أحدهم أكرهك وكان عزيز عليك ماذا تفعل ؟؟؟؟؟؟؟؟؟
مش هعمل حاجه اينعم هزعل بس بعد كده باذن الله هروق

15-كم من الوقت تجلس أمام الإنترنت ؟؟ ؟؟؟؟؟؟؟
على حسب بس حوالى 8-10 ساعات

16-ماهو اجمل مكان زرته واجمل بلد زرته؟؟؟؟
مكتبة الاسكندريه واجمل بلد زرتها بلدنا هههههههه

17-من هو أكثر عضو شعرت انه يشبهـك ؟؟؟؟؟؟
انا شعرت انى اشبه محمد العمرى مش هو اللى يشبهنى

18-من هو العضو صاحب احلي توقيع ؟؟؟؟؟؟؟؟ .
كل التوقيعات بجد جميله

19-من هو العضو صاحب أسوأ توقيع ؟؟؟؟؟؟؟؟؟؟؟
لا يوجد

20-اللون المفضل لك ؟
البرتقالى والاحمر

21-طولك؟
مشوفتش طولى من زمان بس تقريبا 177-178

22-وزنك ؟
74-76
23-لو جالك فرصه تروح القمر هتروح مع مين؟
مع خطيبتى هههههه

24-اكتر دوله فى العالم بتحبها
انجلترا "مانشستريونايتيد"احضر فيها الماجستير والدكتوراه باذن الله
هههههه

25-امتى بتحس انك قوى
لما احقق اللى نفسى فيه

26-احسن خبر سمعته السنه دى؟
ان عندنا دكتور شالوه وحطوا مكانه دكتور تانى

27-قدوتك فى الحياه
الرسول طبعا

28-بيقولوا اقرب طريق لقلب الرجل معدته ايه رايك فى الكلام ده
لالالالالالالالالالالالالا يعنى انتى متفقه ان اقرب طريق لقلب المرأه قطه طبعا لأ

29-بتحب الحيوانات ؟ لو بتحبها بتحب ايه بالظبط؟وهل ربيت حيوانات قبل كده
اه بحب الاسود والحصان ومربتش حيوانات قبل كده

30-اكبر مقلب اخدته فى حياتك ايه هو ؟
الحمد لله مفيش

31-شخصى صعب بعده مين هو ؟
اللى بحبها

32-حد علم فى حياتك ومستحيل يتنسى مين هو ؟
برده اللى بحبها

33-لو يرجع بيك الزمن لورا تغير ايه فى حياتك ؟
كنت اذاكر واخش كليه هندسه بس الحمد لله

34-لو ليك تختار زمن ترجع له تختار اى زمن تعيش فيه؟
ايام الثانوى

35-شخصى بتندم على انك عرفته مين هو وليه؟
واحد صاحبى بس بندم على معرفته لانه كان سبب خلاف بينى وبين اعز اصحابى

36-عضو بيستفزك رده او كلامه مين هو ؟
بصراحه كلهم ناس محترمه

37-عضو مش متوقع انه يبعد عن المنتدى مين هو ؟
كل الاعضاء

38-اكتر كلمه تضايقك ايه هى ؟
كلام الالغاز

39-لو حد تنقد تصرفاتك وكلامك رد فعلك ايه
never mind it's so easy

40-مااا هو قسمك المفضل ؟
الحب والنقاش

41-اخر هديه جاتلك من مين ؟ وكانت ايه ؟
من بنت عمتى فى عيد ميلادى وكانت ساعه بس بصراحه ملبستهاش لانى مش من هواة لبس الساعات

42-موقف جميل من الصغر تتذكره دلؤقتى ؟ قولناه بالتفصيل؟
مش متذكر

43-شخص تعزه من كل قلبك (( في المنتدى و خارجه ))
اشخاص كتير فى المنتدى اما خارجه كتير برده بس فيه ناس المعزه زايده شويه

44-رأيـت عضو اخطأ في المنتدى من دون قصد . تنتقده. ام تجامل . ام تفضل السكوت ؟
انا قولت انى صريح فأكيد هنتفده ولازم الانتقاد يكون فيه بعض المجامله علشان ميخدش فكره وحشه عن المنتدى

45-أفضل أيام الأسـبوع عندك ؟
كل الايام ايام الله لكن بالاخص يوم الجمعه

46-مكان ترتاح الجلووووس فيه؟
على البحر كالكافتيريا

47- عضو تنتظر مواضيعه ؟
محمد العمرى

48-مين اكتر الاعضاء فى المنتدى بتحكيله على كل اسرارك ؟
عضو بس بدون ذكر اسمه

49-اى نوع من الافلام بتحبه ( الرومانسيه , الكوميديه ,الاكشن )
الرومانسيه والاكشن

50- بتحب الاغانى القديمه ولا الجديده وبتحب تسمع لمين والاغانى ايه
بعض الاغانى القديمه لام كلثوم وفيروز لكن الاكتر بسمع الجديد سواء لرامى صبرى او حماقى او بعض الاغانى لمصطفى كامل او وائل جسار وبحب جدا الاغانى الرومانسيه

51- كلمه منك لله تقولها لمين ؟
لكل طاغى وظالم انتهك بلادنا وايضا لحكم ماتش الاهلى والترجى

52 - شخص نفسك تشوفه مين هو؟
بصراحه اعضاء المنتدى مفروض نعمل لقاء فى الجامعه بينا وبين بعض

53-الكلمات دى تقولها لمين :
مقدرش انساك( للرسول (ص)
انت انانى .....
الله يخربيتك (لليهود والصهاينه)
اشوف فيك يوم (للمحتلين ارضنا)
بحبك وبموت فيك (لحبى)
هنساك للى باعنى وانا اشتريته (صاحبى)
هوصلك حتى لو عارف انى ممكن اموت (لحبى)
انا مش هضعف تانى قصادك انامش هرجع ابص ورايا(للوهم القديم)
ابعد وابعد قلبك عنى روح ماتكلمنيش
بحبك مش هقول تانى(لحبى)
خلينا نشوفك(العمرى)
خد قلبى معاك(لحبى)
انت الغالى(لصاحبى)

54- مين اقرب واحد او واحده ليك هنا فى المنتدى ؟ ( موش عاوزة اجابه دبلوماسيه )
ليه يعنى ومع ذلك كل الاعضاء

55- جبت مجموع كام فى الثانويه من غير خنصرة؟
فى السنتين 89%
وكنت علمى وحولت ادبى

56- عندك كام اخ و اخت؟
انا وحيد ابى وأمى

57- عندك 3 وردات ( حمرا , صفرا , بيضاء) هتهدى كل واحده لمين والسبب بالمرة ؟حمرا لحبى وصفرا لصاحبى وبيضاء اخليهالى

58- غمض عينك لحظه ...... هاا قول ليا بسرعه ايه اللى جه فى بالك؟
نفسى انام ههههههههههههههه

59- اول يوم دخلت فيه المنتدي كان شعورك؟
عادى كنت مبسوط طبعا لانى كنت متاكد انى معايا فى المنتدى ناس محترمه

60-ايه رايك فى الاعضاء دول :
عاشقه الامل
مريومه
احمد العمرى
محمد العمرى
شرويدى
جوهرى
مايا
شهد
على الصعيدى
المحبه
انجل
المشاغب
ديرو
ميدو
ميدو حروق
ميزو
ميهوووو

كل الااااااااعضاء دول شخصيات محترمه ويابخت المنتدى بيهم

60- ايةرايك فيا بعد ده كله ؟؟
دا انا لو شوفتك دا انا صوابعى فصلت شحن

ههههههههههههههههههههههههههههههههههههه
لالالا اشحنها كويس
لسه انت فى اول يوم
ههههههههههههههههههههه

ادعى عليكى اقول ايه انتى وميدو

وربنا يستر من بقية الاعضاء

مبروك عليك كرسي الاعدام يا اسير قصدي كرسي الاعتراف ههههههههههههههههههههههههههههههه
انا بقا مش بعرف اسئل للاسف بس انا مطمنه لاني سايباك في ايد امينه اللي هما باقي الاعضاء فعلا ميتوصوش
ربنا يعينك علي مابلاك يا اسير

انا عارف يا ميدوانك جاى تهدى النفوس

نار ايه يا عم انت كفايه كده

ما ردة فعلك عندما يقول لك حبيبك : أحبك نعم أتزوجك لا
اولا اللى ممكن يقول الكلام ده الراحل مش الست لان البنت بتتمنى الزواج ومع ذلك
لو قالتلى كده بيتهيألى يبقى انا اختارت غلط

ماذا ستكتب لنا لتعبر عن حياتك التي عشتها الى الان في كلمات قليله ؟
حياه جميله بس فيها بعض الامور الغامضه ومش هقولك جميله اوى لان مفيش انسان حياته كامله السعاده لازم يبقى فيها بعض الالام

اذا اردت ان تبكي الان , فعلى من تبكي؟
انا الحمد لله مؤمن بالله وقضاءه "قل لن يصيبنا الا ما كتب الله لنا"بس مش معنى كده انى قلبى حجر


من ستختار ليمسح دموعك ؟
"شريكة حياتى"

من يسكن قلبك؟
الايمان


هل تعتقد ان حظك سيئ؟
مش اوى فى بعض الاحيان


هل تدخل الشات ؟
نعم بس مش مستمر

هل هزمك حزنك في يوما من الايام؟
نعم فى وفاة عمتى بس عارف انه قضاء وقدر

((مستحيل انساك)) لمن تقولها ؟
للانسانه اللى قلبى اختارها


(( اللي راح راح ومش تفيد كلمة ياريت )) إذا أردت ان توجه هذه العباره لنفسك, فماذا
تقصد بها ؟
الندم على انى كنت صاحبت واحد ميستهلش يبقى صاحب

(( انتم كل شيء بحياتي )) لمن تقولها ؟
لوالدايا


متى اخر مره بكيت؟
انا مبكتش بس الحزن كان فى القلب وكان شديد ودا كان من سنة لكن الاحزان بتيجى وتروح

اي الدول تتمنى ان تزورها ؟
انجلترا "مانشستر"

هل لديك الجرأه ان تقول عمرك أمامنا ؟
نعم بس بعدين علشان الحق اجاوب على بقيت الاسئله

هل انت راضي عن نفسك ؟
الحمد لله بس مش رضى تام


بماذا تقر وتعترف أمامنا الان ؟
انى بجد صوابعى فصلت شحن ومحتاجه تتشحن


اغمض عينيك دقيقه لو سمحت, ماذا خطر على بالك وانت مغمض العينين ؟
نفسى انام


هل تؤيد الزواج العاطفي ام الزواج التقليدي ؟ ولماذا ؟
العااطفى لانه يكون مبنى على اساس متين وهو الحب

ايهما اهم شهادتك الجامعيه أم الزواج ممن تحب ؟
طبعا الاتنين مرتبطين ببعض فنقدرش نقول حاجه ونستبعد التانيه


هل من الممكن ان تتحول الصداقه الى حب ؟
اؤيد ذلك

هل تعترف بشيء اسمه الصداقه بين الرجل والمرأة ؟
لا لكن فى بعض الاحيان من الممكن اذا كان الرجل صافى النيه وايضا المرأه

هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟
لا اظن

هل انت مدمن تفكير؟
اه بس بأمانه مش فى المذاكره والدراسه


من هو اكثر شخص تفكر فيه؟
طبعا كل واحد بيفكر باللى قلبه اختارها


اذا تم تعيينك ملكا لجميع البلاد العربيه فما اول قرار ستتخذه ؟
اعتقال كل من نهب فى حقوق الدوله ومحاسبتهم على ما نهبوه وايضا هخليهم يعملوا جامعه فى دكرنس ههههههههههههههههههههههههههههههههه

هل تكره شخص بشده في حياتك ؟
لااحتفظ بصفة الكره لكن قل لا احبه كشخصيه


ما هو اقتراحك الذي تتمنى ان يحدث في هذا المنتدى ولم يحدث الى الان ؟
طبعا وواضح للجميع مشكلة الشاات نجعله قاصر على اعضاء المنتدى وفى مشكلات تانيه نناقشها بعدين


هل ملابس الشخص امامك تؤثر فيك لتأخذ عنه انطباع ؟؟
لا


ماالذي يلفت انتباهك بسرعه في الشخص لكي تعجب به ؟
كلامه وشخصيته وسلوكه

اذا احببت شخصا في الوقت الخطأ وفي المكان الخطأ فماذا تفعل ؟؟
اتمسك بيه

حكمة تؤمن بها جدا؟؟
اناا مؤمن بكل احكام الله


عاده تفعلها دائما تتمنى ان تتركها ؟
العصبيه فى لعب الكوره


ماهو اجمل اسم لولد واجمل اسم لبنت من وجهة نظرك؟
انا بحب اسم بلال اسمى بقى وزياد واسم لبنت نور وسما وطبعا كلها اسامى


ماذا تفعل اول شيء اذا ربحت ملايينا او مليونا عشان مانكون طماعين؟
باذن الله اعمال خيريه ومشاريع خيريه لان هذا جاء من عند الله فلازم يخرج لوجه الله طبعا بعد سد احتياجاتى


هل انت من لديهم رغبة حب التملك واذا تملك الشيء اصابه الملل منه ؟
لا اظن ذلك لكن هناك اشياء بالتاكيد

انا بقى برفض الاجابه على الاسئله دى

مش علشان بجاوب بسرعه ومبكترش فى الوقت فى الاجابه يبقى اتسأل الكم دا كله
انا ممكن مجاوبش الا تالت يوم

وبرفض نفس العضو يسألنى لتالت مره

ههههههههههههههه ايه ياعم الحاج مهوه مش هيلاقى اسئله تانى
مش تخاف يعنى
هههههههههههههه
هما كم معين محفوظ وكل واحد بياخده
هههههههههههه
ربنا معاك ياعم اسير
انت بقيت مش اسير الحب انت بقيت اسير الكرسى
هههههههههههههههههههههههههه

اسير بجد والله انت شخصيه محترمه اوى
وردودك مش هقلك حلوه جدااااااااااا
ربنا يكرمك يارب ويزيدك
ومتشكره اوى علي حاجه انت عملتها لوحدك
ربنا يكرمك
بارك الله فيك وزادك الله من علمه
وتكون من اقرب الناس طاعه وعباده لله
اسال الله العظيم ان يجعلك ممن يدخلون الجنه بدون حساب ولا سابقه عذاب
اللهم امين
انا مش هسالك هكتفي اني اقلك بارك الله فيك ويقدرك علي فعل الخير
دي تحيه مني ليك بعا مش تساوي كلامك بس اهو اتقبلها بقي

ماشى يا ميهو علشان خاطرك بس

اما انتى يا محبه فبجد انا مش عارف اقولك ايه بعد اللى انتى قولتيه بس بجد انا متشكر جدا ومستهلش منك كل ده

وربنا يخليكى على ذوقك يا محبه فى الكلام وانتى اللى بجد المنتدى منور بيكى ومنور باعضاءه المحترمين

والدعوات دى بجد مش عارف اقولك ايه عليهاالا تقديم الشكر
وشكر ليكى تانى يا محبه

وعلشان خاطر ميهو والمحبه هجاوب وامرى لله على الاسئله