المحبة تتفضل الكرسي منتظرها

ايه يا شرويدى كل ده عليها مرة واحدة كده
دى الرحمة حلوة برده
هههههههههه
ربنا معاكى يا محبة

ههههههههههههه اية ياشرويدى حرااااااام عليكى كل دى اسئلة
انا هستنكى تجاوبى على اسئلتها وبعدين اسالك انا

السلام عليكم

اولا يا شرويدي شكرا ليكي متجيش غير منك يا شماته ؟؟؟؟؟؟؟

يلا ماعلينا هجاوب يا قلبي وهوريكي ماشي

1-اكبر عيب فيكي ونفسيك تتخلصي منه ؟

والله اكبر عيب اني بتقمص بسرعه اوى يعني بزعل بسرعه وفي نفس الوقت بروق بسرعه وعصبيه جدااا وبتنرفز بسرعه نفسي اتخلص من العصبيه اوى



2-اكبر ميزة فيكى احنا بنحبها فيكى ؟



طبعا عارفين قلبي ابيض ومش بعرف ازعل من حد

وطيبه اوى مش بشكر في نفسي والله وبصدق بسرعه أي حاجه ممكن دي تكون عيب كبير لا ليس كل ما يقال يصدق بس انا بصدق بس بعقل ومحبش ازعل حد ولو زعلت حد اصالحه علطول حتي لو هو اللي زعلني

وخيرهما الذي يبدا بالسلام

قال رسول الله صلي الله عليه وسلم(افضل اخلاق اهل الدنيا والاخره ان تصل من قطعك وتعطي من حرمك وتعفو عن من ظلمك)صدق رسول الله صلي الله عليه وسلم



3- اكتر مرة حسيتى فيها بالظلم ؟

يااااااااااااه

انا بجد حسيت بمره اني اتظلمت وعمري ما حسيت الاحساس ده قبل كده بس مره اتظلمت ومن اعز الناس ليه يعني المفروض انهم اكتر ناس مش تظلمني بس للاسف ظلموني كلهم كنت ساعتها حاسه اني ضايعه من ظلمهم ليه

بس خلاص الحمد لله



4- اكتر كلمة حلوة سمعتيها فى حياتك كانت اية ومن مين؟

اكتر كلمه حلوه سمعتها في حياتي من امي

كانت وهي بتصلي الفجر تدعي ليه وتقول اللهم وفقها الي ماتحبه انت يا رب وترضاااااااااه وتهديها وتكرمها بجد اجمل حاجه سمعتها في حياتي ومازالت بتقلها الي الان



5- اكتر كلمة وجعتك وزعلتك كانت اية ومن مين؟



كانت من مدرسه في الابتدائي قالتي ربنا يسامحك

كنت عملت غلطه بدون قصد او عمد والله بس هي جت كده الحمد لله



6- اكبر حلم فىحياتك هو اية؟



طبعا الفرق بين الحلم والطموح كبير جدا بس الاحلام كتيررررررررررر

لكن الطموح هو اللي بسعي جاهده له لكي احققه وبامر الله هعمل اي حاجه علشان اوصله وهي

هي بجد نفسي اتم حفظ القرآن الكريم واصبح محفظه في المسجد

نفسي ارضي ربنا اوى علشان ادخل الجنه

نفسي اسافر السعوديه جدااااااااااااااا والكويت

نفسي اكون السبب اني والدي يروحوا يحجوا



7- ممكن ييجى عليكى اليوم وتخلصى من بيسو اللى رعبنى دة ؟



هههههههههههههه



ماشي يا شرويدي انتي عارفه اني بحب بيسو جدااااااااااا ومقدرشي استغني عنه ابدااااااااا

علي فكره بيسو ده القط بتاعي بس بينا قصه حب ههههههههههههه

بنلعب ونجري ورا بعض بس للاسف يا شرويدي اليوم ده مظنش انه ييجي خالص لاني متعلقه بيبيسو مش مرعب ولا حاجه ده عسل خالص والله



8- عمرك جربتى الحب قبل كدة ؟



ايه الاحراج ده بقي

هههههههههههههههههههههه

لا صدقيني لسه مجربتهوش واول ما احب حد ههههههههههههههههههه

صدقيني هتكوني اول من عنده علم

لسه مفيش نصيب وبعدين انا عايزه احب اللي هتجوزه وبس مش تسالي يا لب

ههههههههههههه



ممكن اكون اعجبت بشخصيات كتير بس حب لا لسه حب الله يملا قلوب البشر



9- اكتر حد قريب منك فى صحباتك؟



في اصحابي كتير لكن اصدقائي ودي تفرق طبعا الصاحب عن الصديق

فاصحابي كتير

اصدقائي انتي طبعا يا روح قلبي داخله جوا قلبي من غير معاد كده

ههههههههههههههههه وليه واحده صاحبتي تانيه دي اعز اصدقائي واخواتي بحبها

جدااااااااااااااااااااااا

مهما اقول عليها مش هوفي حقها اغلي انسانه عندي بجد وطبعا الجروب الجميل بتاعنا اللي انتي عرفاه

هههههههههههههههههههههه

كل ما هفتركم هموت من الضحك علشان الجو اللي بنعمله لما بنتلم علي بعض

ههههههههههههههههههههه



10- بصى عايزاكى تقولي اية للاعضاء دول



الجوهري حاولي تبقي هاديه شويه وتتصرفي بهدوء ومتتسرعيش في كلامك

مريومه ربنا يكرمك وتحققي احلامك

هنا عسل ودمها ذي السكر ربنا يزدها من علمه بحبها اوى والله هنا

ميدو خدمه بطل عصبيه شويه وخليك اهدي من كده وربنا يكرمك

ميدو حرووق يارب تحضر وتتنتظم في محضراتك وتاخد اعفي من الجيش

ههههههههههههههههه ويكرمك ربنا بالزوجه الصالحه



احمد المشاااااغب احمد اخويا ربنا يهديك ويكرمك وينجحك بقي وتنتظم في محاضراتك وتذاكر كويس علشان ربنا ان شاء الله يكرمك

ميزووو ربنا يوفقك في حياتك ويكرمك وخليك علطول منتظم في محاضراتك ذي منتا

الاستاذ علي الصعيدي بجد شخصيه محترمه ربنا يوفقه يارب في حياته وفي شغله

اسير الحب ربنا يوفقه ويجعله من المقربين لله هادي في وردوده ربنا يكرمه ويوفقه في دراسته

ملك العمري ههههههههه بقلها ذاكري كويس علشان ربنا يكرمك وكفايه هزار انتي والجوهري شويه هههههههههههه وربنا يهديكي

الشرويدي حسبي الله ونعم الوكيل ههههههههههههه

دي بقي روح قلبي بس بقلها بلاش هزارك الكتير وضحكك

لان كثره الضحك تميت القلب وانا قلتلك ده قبل كده وخدي ولو مره أي حاجه في حياتك جد شويه

انتي طبعا عارفه انك اختي وحبيبتي جدااااااااااااااااا

ربنا يكرمك ويرزقك ويوفقك

11- بتحكمى على الشخصية اللى قدامك ازاى؟



بحكم عليها من كلامي معاها واني اعرف اسلوبها وشخصيتها اني اتكلم مره واكتر

لان ممكن اول مره متبينشي اللي قدامك وانا بحكم عليها من اولا التصرفات والكلام معاها واسلوبها مع غيرها وطريقتها



12- اكتر مرة زعلتى منى فيها كانت امتى ولية؟

اكتر مره زعلت منك فيها اخر مره اتقابلنا ورحنا الكليه نرفزتيني جدااااااااااا

وانتي شفتي انا كنت متضايقه ازاي وانتي بتضايقيني اكتر وان لما حد يكلمك بجد تاخدي الموضوع هزار ودي اكتر حاجه تضايقني ياريتك تغيريها

كان هاين عليه اخنقك بس مقدرشي حبيبتي

سوري اني اتنرفزت عليكي برده



13- اوصفيلى احساسك لما ظهرت نتيجة التنسيق بعد الثانوية العاملة وعرفتى ان انا الوحيدة من صحبتنا اللى معاكى فى الكلية اللى لا كانت على البال والخاطر دى؟



لما ظهرت النتيجه كنت زعلانه جدااااااااااا بس الحمد لله انا راضيه بقضاء الله لاني عمري ماتوقعك اني ادخل الكليه دي ابدا ولا كانت احلامي بس الحمد لله قدر الله وما شاء فعل الخيره فيما اختارها الله

يمكن لو كنت دخلت الكليه اللي بحلم بيها مكنتش عملت حاجه فيها او حصل حاجه

في الاول والاخر بقول الحمد لله

لما عرفت انك معايا علي اد ما كنت زعلانه بس فرحت انك معايا فيها وحد بحبه كمان معايا فارتحت

لاني لو كنت لوحدي مكنتش عارفه هعمل ايه لدرجه فكرت مكملشي وانتي عارفه وقلتلك ده

بس الحمد لله ان انا وانتي والجوهري مع بعض كله يهون يا بيبي صح ولا ايه

هههههههههههههههههههههههههه



14- انا عارفة مدى ارتباطك وتعلقك باخوكى شقيقك اسلام لو قلتلك وجهيلوه رساله هاتقوليلوة اية واتمنيلوه امنية؟



يااااااااااااه اخويا مهما وصفت مدي حبي ليه مش هتصدقي وانتيع ارفه بحبه اد اااايه

هقله يا اسلام ربنا يهديك يارب ويكرمك وهقلك امي تسمع كلامها علشان انت مش بتسمعه في اوقات وهي دايما تدعيلك وتقلك ربنا يهديك واتمني انه يكون هادئ لانه عصبيته متتوصفشي ممكن يكسر البيت كله وهو عصبي

اتمني له ان ربنا يوفقه ويكرمه بعد دراسته ويشتغل ويهديه بزوجه صالحه تعينه علي امور دينه ودنيااااااااه ويهديه يا رب ويهديه



15- تقولى لمين انا اسفة؟

لامي اقلها اسفه لو زعلت في يوم او ضايقتك بوجهلك اسفي وربنا يسامحني لو عملت حاجه تزعلك بحاول اعمل اي شئ يرضيكي يا امي

لان الجنه تحت اقدامك



16- تقولى لمين ربنا يسمحك؟



اقلها لكل اللي ظلمني

وبالذات لواحده صاحبتي كنت مفكراها صاحبتي بس للاسف وقعت بيني وبين اعز اصدقائي ربنا يسامحها بس الحمد لله كلمت صاحبتي وقلتها انه الكلام ده محصلشي وطلعت في الاخر موقعه بينا فبقلها ربنا يسامحك



17- تقولى لمين ربنا ينتقم منك؟

لكل من ساهم في تخريب البلاد والكفره واللي دمروا بلاد الاسلام واللي عايزين يقضوا علي الاسلام لكن الله معنا ويرفع رايه الاسلام مشرقه في سماء الحريه

اللهم انتقم ممن خربوا بلادنا اللهم ارفع رايه الاسلام اللهم اعز الاسلام وانصر المسلمين



18- تقولى لمين حسبى الله ونعم الوكيل ؟



لكل اللي ظلمني بس انا مسامحه كل اللي ظلمني ربنا يهدي الجميع يارب



19- اكتر مكان بتحبيبة اية هو وبتحبى تروحية مع مييييييين؟



اكتر مكان بحب اروحه وبحس فيه بقمه الراحه والسعاده والاطمئنان

المــــــــــــــــــــــــــــسجد بحس فيه بالراحه جدا

احب اروحه مع ناس كتير انتي وزوجه اخويا وناس كتير اصحابي



20- اية هى الشخصيى ال
vip
عندك على الميل وبتفرحى لما تلاقيها اون لاين؟



ههههههههههههه

طبعا كل اللي عندي مهمين بس واحده صاحبتي اللي قلت اني بحبها اوى دي بحب اشوفها فاتحه علطول وانتي طبعا بفرح بيكي جداااااااااا



21- امتى قلتلى كلمة اكرهك ولمين؟

كلمه كبيره اوى عمري ما قلتها لحد قلبي مش قاسي لدرجه اني اقلها

ولا قاسيه ولا حتي افريقيا ولا اوروبا هههههههههههههه

عمري ما اقلها لحد ولا هقلها لاي حد من اللي بحبهم او حتي مش بحبهم بس مفيش حد بكرهه طبعا



22- اكبر مقلب ختيه فى حياتك كان من مين ؟

واحده صاحبتي خدت اكبر مقلب فيها في حياتي عملت صاحبتي واتقربت ليه بكل حب وانا من هبلي صدقتها وحبتها جدااااااااااا

بس للاسف خدعتني وراحت قالت كلام لواحده صاحبتي تانيه اني قلته وانا مقلتهوش

معاني كنت بعاملها اكتر من اختي وكلنا مع بعض لكن حسيت خلاص ان الخيانه بقت حاجه في دم البشر

الا ما رحم ربي

ربنا يسامحها



23- ايه رايك في الشرويدي اللي معاكي كل يوم طول النهار احنا بنقعد مع بعض اكتر ما بنقعد في بيتنا يعني تقليلي ايه ؟



اقلك انتي اختي وحبيبتي ومن غير مجامله بس هزارك الاوفر دايما بينرفزني كل حياتك ضحك ولعب

مفيش جد ابدا ههههههههههههههه

ربنا يهديكي ويكرمك ويوفقك

يلا بالهنا والشفا ربنا يعينك يا بيبى
هههههههههههههههههههههههههههههههههههه



الحمد لله وقد تم انهاء افتراء الشرويدي علي محبه الغلبانه

ربنا يهنيكي يا قلبي

هتوحشيني والله



سبحانك اللهم وبحمدك اشهد ان لا اله الا انت استغفرك واتوب اليك

وصلي اللهم وسلم وبارك علي سيدنا محمد

عليه الصلاه والسلام

اهلا بابلة المستقبل

الا سؤال الاول كده لما هتبقى ابله هتدرسى لمين ؟
هههههههههههههههههههه


سلامو عليكم الاول احم احم

بسم الله


مين اكتر حد رخم عليكى فى حياتك بعد الشرويدى طبعا ههههههههههههههههههههههههه؟؟؟


طيب احكى موقف اتحرجتى فيه اوى ؟



رايك ايه فى الكلية بتاعتك؟


ايه بيفرحك ايه بيزعلك ؟



انتى مين من الناس ؟



ليه دخلتى المنتدى ؟؟ عجبك المنتدى؟


قولى رايك فى المحبه كانك متعرفيهاش اوصفى نفسك من بره نفسك?


to be continue ............

منوره الكرسى يامحبه

اهلا اهلا



الا سؤال الاول كده لما هتبقى ابله هتدرسى لمين ؟
هههههههههههههههههههه

هدرس لاولادك ان شاء الله لما ربنا يكرمك كده هيعدوا علي ناس ذينا

ساعتها مش هرحمهم انتوا بقي باباكم هيماااااا

منورين منورين

هههههههههههههههههه

سلامو عليكم الاول احم احم

بسم الله


مين اكتر حد رخم عليكى فى حياتك بعد الشرويدى طبعا ههههههههههههههههههههههههه؟؟؟



هقلك بس متزعلشي انت طبعا وانت عارف ليه

وانا قلتلك من الاول بجد كنت في الاول

ههههههههههههههههه

بترخم جامد يعني وانا قلت ماله ده مش طايق حد ليه هو بس بعد كده قالولي انه كده ولما كلمتك لقيتك بجد شخصيه محترمه ربنا يكرمك

اكتر حد بيرخم عليه جداااا هي زوجه اخويا هي قريبه من سني جدااا بس عاملين ذي ناقر ونقير وانا طبعا مش بسكت ولا هي ربنا يهدينا انا وهي علطول خناق ادعلنا يا هيما

هههههههههههههههه

طيب احكى موقف اتحرجتى فيه اوى ؟



اكتر موقف احرجت فيه كنت مره في الدرس في الثانوي وكنا في اواخر السنه ايام المراجعه وبعدين المدرس شرح وكده وادلنا نص ساعه نريح ونرجع نكمل تاني

انا مش بسمع اغاني

فلقيت واحده صاحبتي والمدرس قاعد فراحت شغلت اغاني قلتلها بعد ازنك اطفيها او وطي الصوت شويه

راحت قالتلي اللي مش عاجبه يطلع بره

ساعتها حسيت ان حد ضربني حته قلم ومش عارفه افوق منه قلتلها ربنا يسامحك وفضلت اعيط طول الحصه المدرس مكنشي سمعها وهي بتقلي

وبعد انتهاء الدرس المدرس قالي عايزك بره

قالي هو انا زعلتك بجد انا اسف لو زعلت اصل كانت علاقتي بيه حميمه هههههههههههههه

قلتله لا والله مش من حضرتك خالص بس انا اتضايقت شويه



رايك ايه فى الكلية بتاعتك؟



الكليه بجد حلوه جدااااااااا واستفدت منها كتير اوى طريقه التعامل مع الاطفال مش حاجه بسيطه كتير هيقول ايه الهيافه دي مش هنعرف نربي حته عيل

بس بجد مش سهله وكيفيه التعامل معاهم لازم لها دراسه

هتقولو في ناس مامتهم مش متعلمه ومتربيين احسن تربيه تعالي بص لطريقه تفكرهم متغيره والمجتمع في تطور يعني لازم دراسه

بس بجد دلوقتي بقيت احبها عن الاول كتيرررررررررررر



ايه بيفرحك ايه بيزعلك ؟

اللي بيفرحني اني اعمل واجباتي الديينه واحس اني راضيه ربنا معاني لو عملت ايه مش هوفي حاجه خالص

اني اشوف الفرحه في عين والديا ولو كانت بسببي يااااااااااه

النجاح بيفرحني لو عملت حاجه لحد وساعدته او حليت لحد مشكله

او حاولت ادخل الفرحه في اي بيت مسلم كل دي حاجات تفرح الواحد ان ربنا يقف معايا وينقذني من مشكله احس انه بيحبني

وانا بلعب مع بيسو ببقي فرحانه ههههههههههههههههههههههه



اللي بيزعلني اني احس ان حد زعلان مني ومش عارفه اراضيه اوانا زعلانه من حد ميجليش برده نوم لازم وخلاص نتصالح في وقتها بس الحمد لله محبش حد زعلان مني حتي لو انا اللي غلطانه ابدا وخيرها الذي يبدا بالسلام

اواني اكون مقصره في واجباتي من جميع النواحي

اني اشوف اخويا زعلان او امي متضايقه بزعل علي زعل الناس كلها وبشيل هم زعلهم جدا

مزعلشي علي حاجه اكون مثلا نفسي فيها ومتحصلشي اقول ده نصيب والخيره فيما اختارها الله



انتى مين من الناس ؟

بحييك علي السؤال ده بجد

انا العبده الفقيره الي الله عبده من عباد الرحمن

انا انسانه عاديه متواضعه لله ومن تواضع لله رفعه انا لغتي عربيه

مفيش انجاز عملته علشان اقلك

انا الصحافه

انا ملك افريقيا

انا ارض السلام

انا من قديم البطولات

انا مع غزه

انا الثوره الاقتصاديه

انا الروح الرياضيه

انا مدينه الالف مئذنه

انا عميد الادب العربي

انا القوه العسكريه

انا والمصريين جدعااااااااااااااااااان

افتخر واقول انا مصريه انت بقي مين ؟

بحب اكتب قصص واالفها بحكم كليتي وبكتب ممكن شعر او اغنيه تلائم القصه



ليه دخلتى المنتدى ؟؟ عجبك المنتدى؟



انا قلت اول ما دخلت اني بجد بيقلولي من سنه من اول ما هما اشتركوا وانا اقول لا لانها بجد حاسه انها مش مسؤليه سهله حتي لو كنت عاديه فلازم الواحد يعمل حاجه طبعا مش هتيجي بسهوله

دخلت استفيد من الناس المحترمه اللي هنا حسيت انه مكان استفاده وافاده سلاح ذو حدين

المنتدي عاجبني جدااااااااااا

الناس اللي هنا ومواضعها جميله جدا والواحد بيستفاد منها اوى غير اني اتعرفت علي ناس محترمه اوى عندها ادب واحترام وثقافه حتي لو اقل القليل ممكن الواحد يقول كلمه بسيه تاثر في حد تاني جدا



قولى رايك فى المحبه كانك متعرفيهاش اوصفى نفسك من بره نفسك?



انسانه عصبيه متسرعه اوى بس طيبه جداااااااا طيبه بهبل بتصدق أي حد وممكن تتخدع من اقرب الناس ليها من كتر انها بتامن للناس

بثق في الناس بسرعه بحب كل الناس

بس عيبها بتتكسف جدا لدرجه متقدرشي تشتري حاجه خالص ومغلبه اصحابها معاها من الموضوع ده

بتزعل بسرعه وقماصه بس محبش حد يزعل مني ابدا ابقي هموت علشان اصالح اللي زعلانه مني بضحك من قلبي معنديش ضحكه صفرا جد في حياتي بهزر مش اوي الشرويدي قايمه بالواجب في الهزار واخده الحياه جد شويه



ربنا يكرمك يا هيما يا بخت من زار وخفف ربنا يجازيك كل خير يارب



سبحانك اللهم وبحمدك اشهد ان لا اله الا انت استغفرك واتوب اليك وصلي اللهم وسلم علي سيدنا محمد

عليه الصلاه والسلام

محبه ياهلا ياهلا
منوره الكرسى ياجميل

اهلا يا محبة
منورة الكرسى
انا هسال ان شاء الله بس شوية كدا

نسأل بقن
هههههههههههه
يلا
:صفاتك الايجابيه والسلبيه

2: الوجبة المفضلة لديك

3:شخصية إعلامية أو فنيه مفضلة لديك

4:شخص له بصمة في حياتك

5:هوايتك , لونك المفضل

6:عضو ترتاحيله بالمنتدى ,عضو يعجبك رده

7:عضو تنتظرى أن يجلس مكانك وتنتظرى إيجاباته.

8:عضو تتابعى مواضيعه وردوده دائما

9:أسم مستعار يعجبك في المنتدى؟

10:اكتر حاجه بتعجبك فى المنتدى , وأسوا حاجه مش بتحبيها فى المنتدى

11:عيب شخصي تعترفي به

12:كيف تعبري عن غضبك,فرحك,رفضك

13:هل أنت صريهي , أم كتومه, أم مجامله

14:حكمة تعجبك

15: هل تحبى الجلوس لوحدك , اذا كان نعم لماذا

16: امنيه كان نفسك تحققيها ومش اتحققت

17:ماهو الشئ الذى يطاردك فى كل مكان وانتي بتهربي منه

18:ماهو اسعد واحب الاخبار الى قلبك

19:حاطه خلفيه كومبيوتر ايه

20:فى اتخاذ القرارات بتحكمى عقلك ولا قلبك

21:ايه هوه هدفك فى الحياه

اوك يلا ههههههههههههههههههه

نسأل بقن
هههههههههههه
يلا

صفاتك الايجابيه والسلبيه؟

منا قلت قبل كده الايجابيه طيبه جدا وبصدق بسرعه اي حد وبثق بسهوله في الناس واتخدعت قبل كده بسبب ثقتي الزايده في الناس وحنينه اوى محبش اشوف حد زعلان مني واصالحه باي شكل



السلبيه هي اني بزعل بسرعه وبتقمص بسرعه اوى وعصبيه اوى وبتنرفز علطول بتخنق من اي حد يلح كتير مبحبش الاوامر بحب كل حاجه من دماغي

2: الوجبة المفضلة لديك

هههههههههههههههه

بحب الحمام المحشي بالارز الفريك لا والباميه ورق العنب بحبه اوى



3:شخصية إعلامية أو فنيه مفضلة لديك

عمرو الليثي - محمود سعد – وائل الابراشي- رولا خرسا – مني الشاذلي

4 :شخص له بصمة في حياتك



في شخص اقدر اقول انه غير مجري حياتي اقول غير حياتي 360 درجه كنت حاجه وبقيت حاجه تانيه بس هو توفي

ربنا يرحمه يارب ويدخله فسيح جناته

انا اتغيرت بعد وفاته هو لا شافني ولا يعرفني ولا في صله اساسا

بس بعد وفاته انا اتغيرت جداااااااااا



5:هوايتك , لونك المفضل



بحب القصص والتآليف وممكن اعمل شعر او اغنيه كده يعني



بحب البني والاسود الغوامق عموما





6:عضو ترتاحيله بالمنتدى ,عضو يعجبك رده

طبعا الاعضاء كلهم كويسين وبيعجبني ردهم وبرتحلهم

الشرويدي والجوهري ومريومه مش برتحلهم

هههههههههههههههه

بهزر طبعا دول اخواتي



يعجبني رده الاعضاء كلهم



عضو تنتظرى أن يجلس مكانك وتنتظرى إيجاباته.



هنا

عضو تتابعى مواضيعه وردوده دائما

كل الاعضاء بتابع مواضيعهم وبحب رددهم كلهم

بحب المنتدي كله



9:أسم مستعار يعجبك في المنتدى؟



دموع القمر- اسير الحب

10:اكتر حاجه بتعجبك فى المنتدى , وأسوا حاجه مش بتحبيها فى المنتدى

اكتر حاجه بحبها روح الاخوه والتنافس والتناقش والحوار بادب وتفاهم بيعجبني الاعضاء انهم ناس بجد محترمه والانسان المحترم بيختار المكان المحترم اللي يليق بشخصيته

اكتر حاجه مش بحبها ان الناس بتنام وممكن تلاقي الموضوع ناس شيفينه ويقراؤه ومحدش يكتب ولو رد بسيط تشجيع حتي للي كتبه علشان يرفع روحه المعنويه انه يكتب تاني ويبقي في تناقش وكده بس ليه مش بيردو ولو شكر حتي دي اللي مش عجباني خالص



11:عيب شخصي تعترفي به

العصبيه والنرفزه وبتقمص بسرعه اوى



12:كيف تعبري عن غضبك,فرحك,رفضك

غضبي بزعق وكده ولو في البيت ساعات والله بصوت لما بتضايق اوى ولو موجوده بتوضآ لان الماء تطفئ الغضب واصلي ده لو في البيت

اتقوا شر الحليم اذا غضب

ادعولي ربنا يهديني

فرحي ببقي فرحانه جداااااا مش بعرف اتكلم من كتير الفرحه لكنها بتظهر علي وجهي بس وبقول الحمد لله يارب ولو كان حاجه كنت طلباها واتحققت بصلي ركعتين شكر لله ذي ايام الثانوي رغم عدم موافقتي عن المجموع وكده الا ان عبرت بفرحي او حزني صليت شكر لله

رفضي بصمم علي موقفي وبقول لا وانفذ اللي في دماغيوبرفض بشده

وفي جميع الحالات الحمد لله كلا يصيبنا الا ماكتب اله لنا لازم نشكر الله ونلجا في الفرح قبل الحزن



13:هل أنت صريهي , أم كتومه, أم مجامله



هي صريحه بحب الصراحه جدااااااا

وكتومه برده لما بزعل اوى رغم اني اكون عايزه حد احكيله بس احب اني اكون كتومه لغايه لما اروق لوحدي

مجامله في بعض الاحيان بس لو شفت حاجه مش عجباني بلمح عن طريق غير مباشر بقول حلوه بس لو تبقي كذا كانت تبقي احلي

لكن المجامله التانيه لا مش بحبها مش بجامل بقول بصراحه مع حد انها متزعلشي



حكمة تعجبك



الثقه بالله اذكي امل والتوكل عليه اوفي عمل



15: هل تحبى الجلوس لوحدك , اذا كان نعم لماذا

نعم احب اني اكون لوحدي

ساعه غضبي وزعلي او اي حد قالي كلمه وجرحتني امي زعقتلي كل المواقف اللي تزعل بحب اكون لوحدي بس مشكلتي اني مبعرفشي اني افصل بين موقف زعلي او اني اكون مع اصحابي مثلا بياثر علي كل حياتي لحد اما اروق وتتحل وممكن تاثر علي امتحان كمان وحصلت قبل كده وجبت مقبول بسبب حاجه ذي كده الحمد لله ان ربنا ستر





16: امنيه كان نفسك تحققيها ومش اتحققت



الكليه مكنتشي دي امنيتي ولا حلمي خالص بس الحمد لله حاجه كده لا علي البال ولا الخاطر مش هقول برده غير الحمد لله



17:ماهو الشئ الذى يطاردك فى كل مكان وانتي بتهربي منه

الكليه – النوم – الكمبيوتر – وبيسو لما اكون عايزه انام هههههههههههههههه-والبيبسي والشيبسي بيطاردوني بس للاسف مقدرشي ابعد عنهم

غير المذاكره بقي والمحاضرات

:ماهو اسعد واحب الاخبار الى قلبك



نجاجي ونتيجتي لما طبعا تكون كويسه

او لو عرفت ان واحده صاحبتي هتتجوز

او لو سمعت ان جايلي عريس هههههههههههههههههه



19:حاطه خلفيه كومبيوتر ايه



قــــــــــــــطــــــــــــــــــــة





20:فى اتخاذ القرارات بتحكمى عقلك ولا قلبك

الاتنين بس اصلي حساسه شويه فقلبي بيبقي له ممكن نقول قدر اكبر وده مش صح في احوال كتير

وده اللي موديني في داهيه

بس بفكر برده في الشئ بعقلي بحكمه مع قلبي





21:ايه هوه هدفك فى الحياه



اني ارضي ربنا عليه ارضي اللي ربوني وعلموني

هدفي اني اتم حفظ القرآن واعمل بيه محفظه

خيركم من تعلم القرآن وعلمه

وان ربنا يكرمني وهدفي الاقي انسان اتجوزه يحبني واحبه مش مجرد جوازه والسلام

نفسي اتخرج واعمل بشهادتي حاجه اسافر واشتغل وابقي مجتهده كده

انفع الامه ولو باقل القليل

يارب وفقني الي ما تحبه وترضاه يارب العالمين



شكرا جدا ليكي يا ميهو ربنا يكرمك يا رب ويوفقك في حياتك العلميه والعميله

اللهم امين

محبة حبيبىىىىىىىىىىىىىىىىىىىىىىىىىىىى
وحشانى يا بيبى
اية الكلام الجامد دة عجبتنى جدااااااااااااااااااااااا اجاباتك
واحب اقولكانا اه هزارى كتيييييييييييييييير واوفر جداااا
بس انا الزعل دة عندى كلمة كبيييرة اوى وزعلى وحش جدااا عغشان كدة بستخسر انى ازعل
وبعدين مافيش حاجة تزعل تستاهل يا بيبى
ههههههههههههههههههههههههههههههههههههههههههه
وشكرا لدعواتك يا روى وربنا يخليلك بيسو بس والنبى وصية عليا اصلى بترعب منوة
وربنا يهدينا كلنا يا وحىىىىىىىىىىىىىى
مستنين اقتراحك يا ميدو
بس على فكرة بئة الجوهرى ما اتحطتش وانا باطالب بحطها دى بتهرب فى الضلمة والنبى اتوصى بيها شوية
ههههههههههههههههههههههه

ههههههههه
اخر يوم النهارده طيب مش تقول نخليه ختامه مسك بقى
يلا جاوبى على الاسئله الختاميه
وننزل بالتتر

-حلمتى مره بحاجه وحصلت وايه الحلم ده

-اول خمسة اعضاء تعرفتى عليهم ؟

-كيف تصفى الدنيا في هذا الزمن ؟

-امتى بتحسى باليأس
-من هو

العاقل فى نظرك؟

المتكبر؟؟

المتواضع؟؟


-هل أنت سعيده فى هذه الحياة ؟؟ ؟؟؟؟؟؟

-هل جربتى الظلم أذكرى لنا موقف ؟؟؟؟؟؟؟؟؟؟

-هل ظلمتى أحداً من قبل أذكرى لنا موقف ؟؟؟؟؟؟

-هل تحبى التحدى ؟؟ ؟؟؟؟؟

-ما هى أجمل لحظات حياتك ؟؟؟؟؟؟؟؟؟

-من من الناس يحتل المساحة الأكبر فى قلبك ؟؟ ؟؟؟؟؟؟؟

-إذا قال لكى أحدهم أكرهك وكان عزيز عليكى ماذا تفعلى ؟؟؟؟؟؟؟؟؟

-كم من الوقت تجلسى أمام الإنترنت ؟؟ ؟؟؟؟؟؟؟

-ماهو اجمل مكان زرتيه واجمل بلد زرتيها؟؟؟؟

-من هو أكثر عضو شعرت انه يشبهـك ؟؟؟؟؟؟

-من هو العضو صاحب احلي توقيع ؟؟؟؟؟؟؟؟ .

-من هو العضو صاحب أسوأ توقيع ؟؟؟؟؟؟؟؟؟؟؟

-اللون المفضل لك ؟

-طولك؟

-لو جالك فرصه تروحى القمر هتروحى مع مين؟

-اكتر دوله فى العالم بتحبيها

-امتى بتحسى انك قوىه

-احسن خبر سمعتيه السنه دى؟

-شخص صعب بعده مين هو ؟

-لو يرجع بيكى الزمن لورا تغيرى ايه فى حياتك ؟

-لو ليكى تختارى زمن ترجعى له تختارى اى زمن تعيشى فيه؟

-شخصى بتندمى على انك عرفتيه مين هو وليه؟

-عضو بيستفزك رده او كلامه مين هو ؟

-عضو مش متوقعه انه يبعد عن المنتدى مين هو ؟

-اكتر كلمه تضايقك ايه هى ؟

-لو حد تنقد تصرفاتك وكلامك رد فعلك ايه

-مااا هو قسمك المفضل ؟

-اخر هديه جاتلك من مين ؟ وكانت ايه ؟

-موقف جميل من الصغر تتذكريه دلؤقتى ؟ قولى بالتفصيل؟

-شخص تعزيه من كل قلبك (( في المنتدى و خارجه ))

-رأيـت عضو اخطأ في المنتدى من دون قصد . تنتقديه. ام تجامليه . ام تفضلى السكوت ؟

-أفضل أيام الأسـبوع عندك ؟

-مكان ترتاحى الجلووووس فيه؟

- عضو تنتظرى مواضيعه ؟

-مين اكتر الاعضاء فى المنتدى بتحكيله على كل اسرارك ؟

-اى نوع من الافلام بتحبيه ( الرومانسيه , الكوميديه ,الاكشن )

- بتحبى الاغانى القديمه ولا الجديده وبتحبى تسمعى لمين والاغانى ايه

- كلمه منك لله تقولها لمين ؟

- شخص نفسك تشوفيه مين هو؟

-الكلمات دى تقولها لمين :
مقدرش انساك
انت انانى
الله يخربيتك
اشوف فيك يوم
بحبك وبموت فيك
هنساك
هوصلك حتى لو عارف انى ممكن اموت
انا مش هضعف تانى قصادك انامش هرجع ابص ورايا
ابعد وابعد قلبك عنى روح ماتكلمنيش
بحبك مش هقول تانى
خلينا نشوفك
خد قلبى معاك
انت الغالى

- مين اقرب واحد او واحده ليكى هنا فى المنتدى ؟ ( موش عاوزة اجابه دبلوماسيه )
-جبتى مجموع كام فى الثانويه من غير خنصرة؟
- عندك كام اخ و اخت؟
- عندك 3 وردات ( حمرا , صفرا , بيضاء) هتهدى كل واحده لمين والسبب بالمرة ؟

- غمضى عينيكى لحظه ...... هاا قولى ليا بسرعه ايه اللى جه فى بالك؟
- اول يوم دخلتى فيه المنتدي كان شعورك؟
-ايه رايك فى الاعضاء دول :
عاشقه الامل
مريومه
احمد العمرى
محمد العمرى
شرويدى
جوهرى
مايا
على الصعيدى
المشاغب
ميدو
ميدو حروق
ميزو
ميهوووو
هههههههههه
- ايةرايك فيا بعد ده كله ؟؟

محبه حبيبتييييييييي انا كنت غايبه يومين عن الساحه ارجع الاقي كل ده حصل هههههههههههههههههه
ربنا يعينك يا حبيبتي وتخلصي الاسئله دي علي خيرهههههههه
وحشاني كتيييييييير يا محبه والله وكل الاعضاء وحشوني

هنا
كنتى غايبه بقالك يومين ياااااااااااااااااه
وانا اقول النفوس هاديه اوى اليومين دول

ههههههههههههههه بتعزني اوي يا علي ربنا مايحرمك مني هههههههههههههههه