الرئيسية
من طرف medo الخميس ديسمبر 02 2010, 01:17ظهر التوكتوك في بلدنا منذ بضعة سنين ولا أحد يعرف ما أصل وجوده ولكن من المؤكد انه نشأ نتيجة علاقة غير شرعية بين عربية وموتوسيكل والدليل على ذلك منظره عندما تشاهده فهو اما عربية بتستعبط وعامله فيها موتوسيكل أو متوسيكل بيستهبل وعامل فيها توكتوك ولم يحاول احد حتى الان اصلاح تلك الخطيئة التي حدثت ونتج عنها هذا الانفجار في ماسورة التكاتك فغرقت البلد منهم
والتوكتوك عبارة عن حاجة عجيبة طالعة من الارض كدا لونها أسود في أسود شبه الصراصير تمشي في كل حته في المدن والقرى والنجوع والاقاليم وتتوغل بيك في كل الاماكن فلو كنت سعادتك لابس نضيف يفهم السواق انك زبون تمام يعني لازم يئفش منك 5 جنيه 10 جنيه وانت وشطارتك ممكن تخليه يلففك البلد كلها وتذل أهله وكل دا بجنيه وبتهيألي لو اديته كمان جنيه ممكن يطلع بيك فوق الشجرة لو حبيت .
وناتى للمظهر العام لسائق التوكتوك :
تجد كل السائقين عيال صغيرة داهنين شعرهم بزيت عافية عباد الشمس او زيت تموين مدعم وبيكون حاطط سيجارة كليو باترا أطول منه على ودنه وبيكون معلق لمبات حمرا وصفرا وخضرا وكانة فرح العمدة وتجد سائقى التكاتك لهم مطربين معينين بيسمعوهم عندك مثلا مطربهم الاول الشاب المجروح دائما البرنس مصطفى كامل . والاخر اللى كان ماشي في الشارع مش لاقي حاجة يعملها وكان عايز يعيط دخل محكمة وجد فيها كل اللي هو عايزة من كأبه ونكد وحزن . ولا ننسى عاشق الحمار سعد الصغير مع كامل الاعتذار للحمار.
ونيجي بقى للجمل اللي بتكون مكتوبة على قفا التوكتوك بتكون مكتوبة جمل غريبة وعجيبة جدا واحد تلاقيه كاتب الاميرة تفاحة للسفر والسياحة . وواحد تلاقيه كاتب العين صابتني ورب العرش نجاني . وياناس يا شر كفاية أررر . وثالث كاتب للبيع عشان ترتاحوا طب ياعم واحنا مال اهالينا ما تبيعه ولا انت حر . وواحد كاتب أل عايزني أبيعه أل . وواحد كاتب تمشي ورايا اقدرك تعديني اكدرك .
و لكن ينبغى علينا فى النهاية ان نناقش ونرى مساهمات الاعضاء ووجهة نظرهم فى ايجابيات وسلبيات هذا الكائن الغريب فالبعض يراه مصدر للرزق والكسب الحلال لكن بشروط والبعض الاخر يراه شيئ سلبى ويجب التخلص منه . ترى انت اى من هؤلاء مع او ضد دون الاساءة للتوكتوك لو سمحت لان حكومتنا الرشيدة تسعى لترخيصة وان يقوده من يحمل رخصة قيادة توكتوك فقط
واخيرا : عزيزى القارئ اطلب منك ان تبتسم فانت تعيش في عصر التوكتوك
والتوكتوك عبارة عن حاجة عجيبة طالعة من الارض كدا لونها أسود في أسود شبه الصراصير تمشي في كل حته في المدن والقرى والنجوع والاقاليم وتتوغل بيك في كل الاماكن فلو كنت سعادتك لابس نضيف يفهم السواق انك زبون تمام يعني لازم يئفش منك 5 جنيه 10 جنيه وانت وشطارتك ممكن تخليه يلففك البلد كلها وتذل أهله وكل دا بجنيه وبتهيألي لو اديته كمان جنيه ممكن يطلع بيك فوق الشجرة لو حبيت .
وناتى للمظهر العام لسائق التوكتوك :
تجد كل السائقين عيال صغيرة داهنين شعرهم بزيت عافية عباد الشمس او زيت تموين مدعم وبيكون حاطط سيجارة كليو باترا أطول منه على ودنه وبيكون معلق لمبات حمرا وصفرا وخضرا وكانة فرح العمدة وتجد سائقى التكاتك لهم مطربين معينين بيسمعوهم عندك مثلا مطربهم الاول الشاب المجروح دائما البرنس مصطفى كامل . والاخر اللى كان ماشي في الشارع مش لاقي حاجة يعملها وكان عايز يعيط دخل محكمة وجد فيها كل اللي هو عايزة من كأبه ونكد وحزن . ولا ننسى عاشق الحمار سعد الصغير مع كامل الاعتذار للحمار.
ونيجي بقى للجمل اللي بتكون مكتوبة على قفا التوكتوك بتكون مكتوبة جمل غريبة وعجيبة جدا واحد تلاقيه كاتب الاميرة تفاحة للسفر والسياحة . وواحد تلاقيه كاتب العين صابتني ورب العرش نجاني . وياناس يا شر كفاية أررر . وثالث كاتب للبيع عشان ترتاحوا طب ياعم واحنا مال اهالينا ما تبيعه ولا انت حر . وواحد كاتب أل عايزني أبيعه أل . وواحد كاتب تمشي ورايا اقدرك تعديني اكدرك .
و لكن ينبغى علينا فى النهاية ان نناقش ونرى مساهمات الاعضاء ووجهة نظرهم فى ايجابيات وسلبيات هذا الكائن الغريب فالبعض يراه مصدر للرزق والكسب الحلال لكن بشروط والبعض الاخر يراه شيئ سلبى ويجب التخلص منه . ترى انت اى من هؤلاء مع او ضد دون الاساءة للتوكتوك لو سمحت لان حكومتنا الرشيدة تسعى لترخيصة وان يقوده من يحمل رخصة قيادة توكتوك فقط
واخيرا : عزيزى القارئ اطلب منك ان تبتسم فانت تعيش في عصر التوكتوك
