الموضوع دا في البداية انا عارف ان البنات هيدخلوا قبل الشباب وهنا باستحلف كل بنت تدخل هنا تقول وجهة نظرها اما صح او خطا .
وشاكر لله على الفكرة الطيبة دي
في البداية احب اقولكم ان دي حدوته صغيرة وكلنا عارفينها ومش عارفينها في نفس الوقت
عارفينها لانها بتتكرر قدامنا كتير ومش عارفينها لاننا بنقع فيها ومش بناخد بالنا غير بعد لما يفوت الاوان
هقول الحكاية وفي النهاية راح تفهموا المغزى من كلامي
كان فيه ارنوب جدع بيحب ارنوبة طيبة وحنينة قوي
الارنوب حب الارنوبة والارنوبة استجدعته وارتاحت ليه واتعلقوا لمدة كبيرة قوي ممكن تصل لثمانية اسابيع
المهم بدا الارنوب لما حس بانها طيبة يفرض سيطرته عليها ونسى انها مش على ذمته وبالتالي هيه بدات تتغير من ناحيته
وبعدين حاول تاني يحكم السيطرة عليها ولكنها احست في قرارة نفسها انها اتسرعت
المهم الارنوبة علشان كلها انوثة فبتحب تسمع كلمة حلوة فصادفها واحد طيب وهيه استجدعته ولكن دا مش مقصدنا
مقصدنا انها اتغيرت من ناحيته وبدات تبعد عنه
هنا بدا يدور عليها ويطاردها ومعتقد انها بالاسلوب دا ممكن ترجع ليه مرة تانية
لكل ولد هل من حقك تفرض سيطرتك على بنت الناس وهيه لسه مش زوجتك وعلشان نبعد عن النفاق
حتى بعد الزواج المفروض يعاملها بالحسنى الا فيما يغضب الله ؟؟؟؟؟؟
ولكل بنت هل دا حقيقي النهاردة ان مشاعر البنت ممكن بتتغير ؟؟؟؟؟؟؟؟؟
الموضوع انا طرحته للنقاش بين ايديكم وللجميع .