اطفال الشوارع

انا مشتركة جديدة معاكم ويارب موضوعى يعجبكم لان بجد الموضوع دة مهم جدا ودة من
رايى وياريت اعرف رايكم معايا ولا لا
هما اطفال الشوارع دة موضوعى
على هامش الحياة وعلى هامش المدن وعلى هامش الطفوله
تقبع اجساد ضعيفه ضئيله لا يغطي جسدها العاري سوى قطع رقيقه مهترئه من القماش
وجوه متسخه تغطيها الاوساخ ويغطيها السواد
تلفح وجوههم الشموس الحارقة......اضناهم التعب
اضناهم الجوع والنصب ......فتاره تجدهم يلملمون ما يبيعونه من القمامه ليسدو رمقهم ورمق افواه اخرى
تعلقت برقابهم يعيلونها ويسدو رمقها ايضا

حتى اذا اعياهم التعب وثقل عليهم الحمل ........اخذو اغفاءه صغيره بكل براءه الطفوله .. ولكن لم تكن في السرير

بل كانت هنا !!!
على هامش الطريق ........
تراهم
تنظر اليهم
يراودك سؤال صغير؟
وهو اين هي منظمات الطفوله ؟؟؟اين هم من ينادون بحقوق الانسان؟؟؟؟
اين هم وهؤلاء الذين باتو تحت سن الطفوله؟
وباتو عجائز ايضا في نفس الوقت !!!!!!

هل هو فقط الحبر على الاوراق والشعارات التافهه التي لا تسمن ولا تغني من جوع !!!
ام هى الفلسفه وتنميق الكلام واطفالنا يمارسون التسول وتعاطي الممنوعات!!!
فما ان يلبثو ويكبرو ... و ينتهون من طفوله الحرمان حتى نلقي بهم في غياهب السجون
بتهمه
( السرقه .. القتل ... تعاطي الممنوعات ) بدون ان نسأل عن الاسباب ودون محاكمه انفسنا
بتهمه
(صانعو القتله والسارقون والمجرمون ) فماذا تتوقع من طفل عاش عمره بالشارع يبحث عن قوت
يومه فى مكب النفايات ان يصبح ( طبيبا * ام سفيرا للنوايا الحسنه * ام شرطيا يحمي الوطن !!)
تنظر اليهم فتعرف معنى مقوله (( الجوع كافر ))
هذا ماضيهم
هذه حياتهم
لكن مستقبلهم ليس بافضل......!!!!!
بصراحة اناعايزة اعرف رايكم بجد

ببد الموضوع جميل جدا يا ديرو وشدنى والله
اننا فعلا محولناش نتكلم عن اطفال الشوارع فى اى موضوع
انتى عندك حق وانا بقرأ الموضوع افتكرت فيلم حينا ميسره واولاد الشوارع اللى كانوا فيه والعيله اللى الفيلم بيتكلم عنهم
انا فعلا مش عارف ارد اقول ايه كل اللى انتى قلتى عليه فى الواقع حبر على ورق زى ما انتى قلتى انا عايز محمود قابيل او صفيه العمرى اللى من سفارة النوايه الحسنه
حال البلد لا يسر حبيب ولا يسر حبيب عشان العدو فرحان
الانتقادات كتير مش هنقدر نحصرها فنبدا بالاطفال ده حاجه جميله اوى احنا لو مسكنا الحلقه من اولها الاطفال دول جين منين جايه نتاج تربيه سيئه فجواز من الشاب والفتاه اللى متربوش وممكن يكون انسانيات المهم بتسيب ابنها للشارع عشان يطلع ايه طفل متسول او سارق او اى شئ

ربنا يستر على كل المسلمين والمسلمات

وفى النهايه انا بشكرك يا ديرو على الموضوع الجميل ده والله انا مش قادر اقول ايه ولا ايه من المناظر اللى بيشوفها فى الشوارع منهم

عندك حق يا فايتر بس على فكره فى فعلا منظمات لكده بس حميها حرميها فهمتنى بيجلهم معونات من اليونيسكو وغيرها من التبرعات
بسرفوا 100جنيه وهما قابضيين 10000 جنيه

شكرا اوى يامالى انت وفايتر على ردودكم دى
بس الصراحه انا لاقيت ان الموضوع دة لازم نتكلم فيه ما هما الاطفال دول مسيرهم فى يوم يكبرو ويبقو زينا يعنى برده ليهم حق ان احنا نهتم بيهم
وكمان احنا عايشين والحمد لله وبنام فى بيوتنا والحمد لله وبنتعلم
وقاعدين على النت وكل وسائل الترفيه عندهم
دول بقه البرد واكل جلدهم وهما بردة يعتبروا اخواتنا لاننا كلنا اخوات فى الاسلام
ولا زم كلنا نخاف على بعض
تقدروا تقولولى انكم اما بتشوفوا طفل هدوموا مقطعه وبيجرى عليكم ويقرب منكم
ويطلب منكم حسنه
اكيد هو بيصعب علينا بس برده ما بتحاولش نقربله بتحاول لو هتديله حاجه تديله
وتمشى ولو مش هتدى بتبعد عنه
وهو ايه ذنبه كان لقى حد يجيبله هدوم ولا يهتم بيه
انا شكلى طولت عليكم
لكن ده رايى

شكرا على ردك يا ياسمسن وزى ما انتى قلتى انا وانتى واحد
وكلنا واحد بسالمشكله فى مين اكيد احنا عارفين بس عاملين
عبده الاهبل

هههههههههه
انا اللى اعرفه عبده العبيط وسيد المتخلف
اما عبده الاهبل ده اول مره

الموضوع جميل احنا بدأنا نناقش مواضيع مهمه فى المنتدى و انا رأيى ان الدوله بتهتم بيهم بس مش بالدرجه الكافيه و بعدين الولاد دول صعب ان انت تتحكم فيهم كمان يعنى فى طفولتهم مش بيكون ابرياء كدا فا محتاجين معامله خاصه و ناس متخصصين علشان يتربو تربيه سليمه من جديد