ما تتجوزوش واحده شعرها طويل ...و بكره تقول فايتر قالى

بصوا يا جماعه .....انا امبارح ما دخلتش المنتدى عارفين ليه ...كنت بعمل دراسه عن الشعر الطويل بتاع البنات
و اكتشفت اكتشاف (هعمله براءة اختراع قريب) ان اى ولد عاقل (و انا بنصح شباب المنتدى) ما يتجوزش بنت شعرها طويل ...اقولكم ليه


اثبتت الدراسات الى انا عملتها ان للشعر الطويل مساوىء عديده :



أولا::


تستهلك شامبو اسبوعيا اذا كان شعرها ناعم
اما ان كان خشن ضم معاها البلسم وحمام الزيت
يعني تحدد ميزانيه لنظافة شعر زوجتك وحيويته ولمعانه



ثانيا :


تستهلك كميه كبيره من المياه عند غسل شعرها
تقعد تغسل في شعرها بالماء حوالي ساعتين بالقليل اوى لما
تخلص الماء السخن عندك ويمكن تخلص مية البيت كلها اساسا.



ثالثا :


تستهلك الكهرباء
تقعد تستشور شعرها مده مش اقل من ساعتين
وتسحب من الكهرباء و فى اخر الشهر تجيلك تربنه من التمن الى موجود فى الفاتوره يا مسكين



رابعا :


في المناسبات والاحتفالات الله يكون في عونك
بتروح الصالون وشعرها طويل يعني لازم تسريحه مش اقل من200جنيه


خامسا :


تتعبك نفسيا
يعني لو ايجت من عزومه ووقعت شعره من شعرها
تقعد تعيط اليوم بطوله وتقول حسدوووووووووووووني
وتأخذك وتجرك من شيخ الى شيخ ....
دا طبعا غير الفلوس الى هتدفعها حق الزيت والماء المقري فيه وغيره ..




سادسا :


تتعبك جسديا
هتلاقى شعرها في كل مكان فيطبق الاكل و فى هدومك و فى كل مكان (هتهريك شعر يا معلم)
و اخرتها تروح مستشفى الطوارىء الى فى المنصوره و يشيلو الشعر الى لف حولين معدتك و بوظها



سابعا :


تعمل اشتراك سنوي مع احد السباكين
طبعا عشان تفتح المجاري المسدوده بسب شعر زوجتك المصون
هتعمل ايه يا بنى غصب عنك....


وبعد ده كله
بتقولو ......
عايزين وحده شعرها طويل ؟؟

ههههههههههههههه
موضوع جميل

هههههههههههههههههه
انت هتوقف سوقنا ولا ايه يافايتر
يعنى نقصه ولا ايه اولع فيه مش هلاقى حد اتجوزه على كده
بس ياشيخ حرام عليك
شكرا على الموضوع اللى بيوقف الحال ده

هههههههههههههههه ....... يعنى اوقف حلكم ولا اخرب بيت شباب المنتدى (ومهما كان برده احنا شباب و لازم نخاف على بعض) .......ولا ايه ....... شكرا على الرد يا ديرو

ماشى ياسيدى خاف بس مش لدرجة توقيف الحال مش احنا برده من المنتدى خاف علينا بقه

كده يبقه حرام عليك مالاكش اخوات بنات بلاش ياسيدى اخوات قرايب
وبعدين القصير كتير اليومين دول اعمل ابحاث جايز افكر اقصه

هههههههههههههههههههههههه
فكرتك لا حول ولا قوة الا بالله
ربنا يكون فى عون اختك

لا وربنا انا علاقتى بيها حلوه جدا ............ بس هيه لسه فى 2 اعدادى ماجاش فى بالى انها هتكبر فى يوم و تتجوز ....ياترى هعيش لحد اما اشوف اللحظه دى

ربنا يطول فى عمرك وتشوفها وانت كمان اللى تجوزها

يا رب.........بس فايتر باسلوبه ده مش هيعيش كتير وبعدين على فكره هوه كذاب فى حكايه علاقته بيها حلوه دى...............!

انا بقولك ايه يافايتر مفيش احلي من الجاز للشعر
ولا ايه..........................................

بس لو عجبانى يا فايتر هحلقهولها هههههههههههههههههههههه

هههههههههههههههههه
ليه كده بس يا احمد
دا انت بتقول عندك اخوات بنات
اعمل ايه فى شعرى يعنى
انا بهتم بيه من وانا صغيره على اخر الزمن احلقه
انشالله ما اتجوزت

احسن والله
بس واى يعنى الواحدة شعرها طويل فداها كل فلوس الدنيا
بقولك ايه يا روناء مش هتلاقى واحد زى يقول كده احلقى احسنلك
هههههههههههههههههههههههههههههههههههههههههههههههههههههههه

ههههههههههههه
موضوع جميل بس على كده بقى احنا كده هنحط شعرنا في كفه والجواز في كفه تانيه
انت ليه تتعب نفسك وتعمل ابحاث واخصائيات بدل ماتكره الولاد في البنت اللي شعرها طويل حاول تحببنا في الشعر القصير جايز نقتنع
شكرا على الموضوع

هههههههههههههههههههههههههههههههههههههههههههههههههههههههههههههههههههه
روعة الرد ده اه حاول

انتا مكبر الموضوع يا احمد
مش كل التكلفه دي
وعامة انا مش متضررة