happy valentines day

النهاردا عيد الحب
مش هقول نحتفل بيه
لكن كل واحد يقول للشخص اللي بيحبه انا بحبك اوي ويعبرله عن مشاعره دي
وانا بقول لكل المنتدي انا بحبكم اوي
وكل سنه وانتوا طيبين

اولا كل سنه والناس كلها طيبه
ثانيا
ليه يا دكتور متقلشن النهارده يوم اختير عشان كل حد يعبر فيه عن حبه
مش شرط الحبيب لحبيبته فليكن الراجل لمراته والعكس
ليه بس بنبص ان الفلنتين ده حاجه وحشه
انا شايفه انو مفيهوش اساءه طلما انو ف الحلال

اولا كل سنه وانتو طيبين وعلي فكره مش لازم عشان الفلانتين
ثانيا حلو النقاش ياجماعه وكل واحد بيقول رايه الي مقتنع بيه

اليكم قصة الفلنتاين او ما يسمى بعيد الحب كان هناك رجل فرنسي يدعى تشارلز دوق أورليانز. وكان تشارلز قد وقع أسيرًا في أيدي البريطانيين في معركة أجينكور عام 1415م. ثم أُخذ إلى إنجلترا وسُجِن هناك. فلما جاء عيد القديس فالنتين أرسل لزوجته رسالة حب من الشعر المقفَّى من زنزانته ببرج لندن.

هناك كثير من عادات عيد القديس فالنتين تشتمل على طرق يزعم بوساطتها أنه يمكن للفتيات اللائي لم يتزوجن أن يعرفن من الذي سيكون زوجًا لهن في المستقبل. وكانت نساء إنجلترا في القرن الثامن عشر الميلادي يكتبن أسماء الرجال على قطع من الأوراق، ويطوين تلك الأوراق في شكل لفائف داخل قطع صغيرة من الطين، ويرمينها كلها في الماء. وكان من المفترض أن أول ورقة ترتفع إلى السطح تحتوي على اسم محب المرأة الحقيقي.

ورويدًا رويدًا استبدل بعادة إرسال الهدايا إرسال الرسائل المشبوبة بالعاطفة. وكان هناك كثير من المحال التجارية في القرنين الثامن عشر والتاسع عشر الميلاديين تبيع كتبًا صغيرة تسمّى كُتَّاب الفالنتين. وكانت تلك الكتب تحوي بعض أبيات الشعر التي تنقل ثم ترسل، بالإضافة إلى كثير من الاقتراحات حول كتابة الرسائل العاطفية بمناسبة عيد القديس فالنتين.

قال تعالى(( مثل الذين حملوا التوراة ثم لم يحملوها كمثل الحمار يحمل اسفارا )) وقال تعالى ((ولن ترضى عنك اليهد ولا النصارى حتى تتبع ملتهم))
وانا على العموم مع كلام الدكتور ف كل كلامه

انا بجد مش عارفااي دا
هوا انا لما اقول :نقول لبعض كل سنه وانتم طيبين في اليوم دا يبقي هوا دا الاحتفال امال لو قلت نجيب هدايا ونخرج وناكل ترتس ونلبس الاحمر يبقي ايه بقا
ثانيا كل واحد حر كل القصه اننا نعتبره يوم ننسي فيه الاسي ليعض ونسامح فيه اللي غلط في حقنا
وشكرا ليك يا بيبا
شكرا يا حياة ام
شكرا يا محمد
شكرا يا عبده
شكرا يا دمعا
وهابي فالنتاينس داي

الفلانتين

........................................................

هابي فلانتينس داي يا شربف

لامك جميل يا دكتور...واكتر حاجه بحبها فى اسلوبك هو تقبلك للمناقشه...وانا عايز افتح موضوع للمناقشه فى حكايه عيد الحب دى
هقول
لحضرتك على حاجه....انا شخصيا ماعرفتش حكايه الاسيس فالنتين دى اللى من
حضرتك لما قلتها فى عيد الحب اللى فات..كنت بحسبه عيد العالم كله بيحتفل
بيه عشان يرجعوا معنى الحب تانى...بس المشكله ان الناس قلبوا الحب كله
رومانسى بين حبيبه وحبيب..مش بين الاهل ولا الصحاب...حضرتك بتقول ان العيد
ده معمول عشان الاسيس فالنتين...طب وانا مالى ...طالما حاجه كويسه(بالمعنى
المحترم ليها)انا معرفش مين فالنتين ده..مع انى قرات انه اسطوره تقريبا
...وكازانوفا هو اللى حقيقه..مش ده المهم..بس المهم ان طالما دى مناسبه
بتفكر الناس بالحب والاحترام..يبقى ليه لا ...احنا اتعودنا اننا ناخد كل
حاجه وحشه من الغرب زى الموضه او او او ...ولما نيجى على حاجه زى دى...(مش
عيد)انا عن نفسى ماشفتش مراجيح...لا فى عيد الام ولا فى عيد الحب ولا فى
اى عيد الناس بتحتفل فيه...والناس البسيطه مش عارفه اصلا مين فالنتين
ده....وبعدين كل الناس بيقولوا ...عيد الحب...والغرب بيقول فالنتين...يعنى
فى مصر ناس كتير بتقول عيد الحب وماسمعوش عن كلمه فالنتين دى...ومايعرفوش
انه اسم واحد اصلا...يبقى ازاى هنكون بنقتضى بالغرب واحنا اصلا مش عارفين
ان العيد ده جاى من الغرب(انا عن نفسى ماكنتش اعرف)المهم النيه
ليه مانقولش ان العيدد ده بتاعنا احنا .......ومانقولش عليه عيد...نقول عليه يوم بيفكرنا بحاجه ضاعت فى الزمن ده

قال رسول الله صلي الله عليه وسلم(رفع عن امتي الخطا والنسيان وما اكرهوا عليه) صدق رسول الله عليه وسلم
فيه فرق بين اللي ميعرفش وبين اللي سمع حديث الرسول بوجوب مخالفة اليهود والنصاري واصر علي الكبر (قالوا سمعنا وعصينا) ..احنا عندنا عيد للحب وهو يوم الجمعة اللي ربنا امرنا فيه نزور حبايبنا ونعيد عليهم..ازاي نسيب عيدنا ونتبع عيدهم؟؟

لو كلمة عيد اتحولت لكلمة يوم هتحل المشكلة يبقى احنا غلطانين
انا فى البداية واضح إن محدش فهم كلامى كويس
موش مهم إن ده يوم باسم الحب
المهم إننا نخليه يوم بس نعوض فيه إن شا الله لحظة مرار عشناها بلحظة حلوة مبهجة
موش بسبب إن امبارح كان عيد الحب
بسبب إننا لقينا فرصة نراضى بيها قلوب بعض
ياريت حد يفهم كلامى لأن احنا ما اعترضناش إنه حرام لما نقول عليه عيد
المهم إنه يوم بيجمعنا سوا تحت مسمى الحب
وزى ما قولنا قبل كده موش حب حبيب وحبيبته لأ حب عيلة وصحبة ناس وحب صداقة وعشرة وإخوة
بيتهيألى يبقى غلط لو حطينا الإدانة على اللى بيقول كل سنة وانتا طيب
لأن كل يوم بيمر بتعدى سنة جديدة بس م نفس التاريخ فى السنة اللى قبلها
مفيهاش حاجة لما نهنى بعض ونحب بعض
تقبلوا مشاركتى وتقبلوا مرورى
لكم منى وافر الشكر
تحياااااااتى

انا موافقك وبختلف معاكي..موافقك بان لازم نعبر لبعض عن حبنا ..بس ده طول السنة وبالاخص في العيد بتاعنا اللي هو يوم الجمعة..وضد اننا نحتفل بعيد الاسيس فالنتين ولكن نعبر لبعض عن حبنا وترابطنا في عيدنا اللي هو يوم الجمعة وده اللي اسمه في الدين الولاء والبراء

نا بجد مش عارفااي دا
هوا انا لما اقول :نقول لبعض كل سنه وانتم طيبين
في اليوم دا يبقي هوا دا الاحتفال امال لو قلت نجيب هدايا ونخرج وناكل
ترتس ونلبس

اشمعني اخترتي اليوم ده؟ هو ده السؤال .. يعني بنقول كل سنة وانتوا طيبين يوم عيد الاضحي عشان ربنا افتدي سيدنا اسماعيل بذبح عظيم..وبنقول كل سنة وانتوا طيبين يوم عيد الفطر عشان فرحانين بافطارنا بعد الصيام..ايه بقي اللي حصل في اليوم ده عشان تقولي كل سنة وانت طيب..ومين اللي حدد اننا لازم نقول الكلمة دي في اليوم ده؟؟ هل الله ولا رسوله ولا انتي؟؟ ولا الله ولا رسوله ولا حتي انتي...اللي حددلك انك تقولي الكلمة دي اسيييييييييييييييس واسيس فاسد كمان...في حين ان ربنا حددلك يوم الجمعة عشان تقولي فيه الكلمة دي..اتبعتي الاسيس وماتبعتيش ربنا


ولكل اللي بيهنوا بعض ..ربنا ما يجمعكم بهذا الشخص اللي حبيتوا يومه بدل ما تكرهوا يومه..وربنا يهدي الجميع يارب ومتشكر لكل اللي ساندوني في رأيي وفي رأي شيوخنا الاجلاء..

ميرسى يا حبى انا
happy valentines day

سورى ان قولت كده الاول
بس يا دكتور هوه حرام اه
بس ليه مش نقول انه مش بين حبيب وحبيه
ممكن يبقى حبك فى اهلك ب صفه عامه او فى ربنا او فى حد من المثال ده يعنى
لو سمحت يا دكتور انا بس هقول حاجه هوه اكيد يوم من الايام عادى يعنى ممكن الدوله حطيته عشان حبنا فى ربنا وكده
لكن الناس بتستغله بحاجه تانيه
وشكرا يا دكتور على الحاجات الحلوه دى

انا مش معاكى يا روناء فى كلامك معلش متزعليش
طيب ما هو على راى الدكتور ليه مبنستغلش ده يوم الجمعة الى هو المفروض عيد المسلمين
فى احلى من كده ؟
انما اليوم ده من الغرب اخدينه زيه زى الموضات والاغانى والاساليب الغريبة
ياريت متزعليش منى

شكرا ليك يا محمد
وانا بشكرك جدا
بس احب اضيف انه مش معني ان اليوم ده كان علشان قسيس يعني شخص مش مسلم يبقي حرام نحتفل بيه
اللي قال كدا مين
ولو كانت النظريه كدا تبقي عشتنا كلها حرام احنا بنستعمل ثلاجات وغسلات وبوتاجازات وميكانات وادوات وملابس صناعه ناس مش مسلمين يبقي حرام نستعملها ولا ايه
ثالثا العلم اللي بناخده دا اللي توصل له ناس مفيش منهم بالتقريب مسلمين يبقي حرام نتعلم
حتي احنا بنتعلم باللغه بتاعتهم خلاص يبقي حرام نتعلم لانها مش لغه المسلمين
وغير كدا وكدا مين قال اننا بنقول لبعض كل سنه وانتم طيبين في اليوم دا بس
انا عن نفسي لما بشوف حد واحشني بقلله كل سنه وانتا طيب
وغالبا بقللها يعني مش بقتصر علي اليوم دا
وشكرا جدا علي النقاش السااااااااااااااخن دا

بس احب اضيف انه مش معني ان اليوم ده كان علشان قسيس يعني شخص مش مسلم يبقي حرام نحتفل بيه

اظن مفيش ابلغ من رسول الله يرد عليكي.
والرسول عليه الصلاة والسلام قال (خالفوهم) حتي ان هما فيه ايام بيصوموا فيها الرسول امرنا ما نصومش فيها عشان نخالفهم..وده صيااااام مش حب

ولو كانت النظريه كدا تبقي عشتنا كلها حرام احنا بنستعمل ثلاجات وغسلات وبوتاجازات وميكانات وادوات وملابس صناعه ناس مش مسلمين يبقي حرام نستعملها ولا ايه

ايه دخل ده باتباع السنن ..دي تجارة بيع وشرا.

حتي احنا بنتعلم باللغه بتاعتهم خلاص يبقي حرام نتعلم لانها مش لغه المسلمين

مين قال كده الرسول قال(اطلبوا العلم ولو في الهند) ايه علاقة العلم برضو بالسنن.

انا عن نفسي لما بشوف حد واحشني بقلله كل سنه وانتا طيب

يعني ايه لما تشوفي حد واحشك تقوليله كل سنة وانت طيب..اعقلي الكلام اللي بتقوليه مش جدال وخلاص.

وغير كدا وكدا مين قال اننا بنقول لبعض كل سنه وانتم طيبين في اليوم دا بس

تتقال في اي مناسبة ماعدا اي مناسبة تخصهم لاننا مأمورين بمخالفتهم. وعندك يوم الجمعة العيد بتاعنا تقدري تهني الناس كلها بيه..ودي اسمها في الاسلام الولاء والبراء.

احب اقللك يا دكتر انا عا رفا كويس انا بقول ايه مش بجادل وخلاص
ثانيا موضوع ان احنا اتبعناهم فاحنا اتبعناهم في كل حاجه في علمهم ولغتهم واشترينا منتجاتهم وهما ناس مش مسلمين
وبعدينعيد الحب حرام اعتقد انه يبقي حرام والله اعلم لو انا اتبعت دينهم لان احنا بالفعل بنعمل زيهم ومن زمان
غير ان حضرتك لو قلتلي ان مفيش كل سنه وانتا طيب غير مرتين في السنه هقللك ما ينفعش احنا بنقولها لبعض في اي وقت في بدايه سنه في رمضان في موسم في عيد ميلاد يبقي حرام
الدين يسر
وحضرتك في موضوع العلم وفرت عليا العناء وتوليت الرد بالنيابه عني الرسول صلي الله عليه وسلم هوا اللي قال اطلبوا العلم ولو في الصين يعني مقلش اطلبوا علم المسلمين ومتتبعوش غير المسلمين في علمهم
انا في رايي ان لما نتبعهم بالمفهوم المحرم لما ننهج دينهم مش لمجرد اننا نتعلم من خبراتهم
وانا عن نفسي مش بقتصر علي اليوم دا بس علشان اظهر الحب انا دايما زي ما الرسول صللي الله عليه وسلم قال طول اللسنه ومش بجيب هدايا في عيد الحب
ولو كان كل الجدل علشان قلت هابي فلانتينس داي انا مكنتش قلتها من البدايه وانا لازلت برده عند رايي مع احترامي الشديد لرايك يا دكتر احمد

شكرا ليك بجد
انا سعيده بجد لمشاركتك في الموضوع دا

ماتيجوا نعلى بفكرنا شويه عن الحاجات دى ونبدا نفكر فى حاجات جديده
يعنى بدل ما نربط نفسنا بغير المسلمين...نشوف هما بيحتفلوا بايه عشان مانحتفلش بيه..ونشوف هما مش بيحتفلوا بايه عشان نحتفل بيه
ماتيجى نسيبنا من الكلام ده

.اسف يا محمد مش هنسيبنا من اوامر الرسول وياريت ما نتعاملش معاها باستخفاف لانه عارف اللي احنا مانعرفوش..
جري ايه يا جماعة هو كلام الرسول معدش بيعجبكم؟ ولا اقل من مستوي تفكيرهم؟ ماتفوقوا....واعرفوا بتقولوا ايه..