العضوه Deroooo .... خامس عضو على كرسى الاعتراف

مرحبا يا ديرو

هاي
ديرو

اهلا بيك يا ديرو وعايزه اقولك انى بحبك اووووووووى ومعجبه بيكى جداااااااااااا

انا بقى هبدا بالاسئله ويارب تعجيك

انت اسمك الحقيقى ايه؟ك وعندك كام سنه؟ وفى كليه ايه؟ عشان انا مش عارفه عنك حاجه

ايه اللى بيعجبك فى شباب اليومين دوووووول وشباب المنتدى ؟؟؟؟؟؟؟؟؟

حبيتى قبل كده؟ او اعجبتى بحد قبل كده ؟ ولما حبيتى كان اللى بتحبه يستاهل الحب ده ولالا؟

انت مقتنعه ان البنت تحب من على النت وتتجوز ولا ضد الفكره من الاساس ؟؟؟؟؟؟

انت من النوع اللى بتحبى الهزار والضحك وكده ؟؟؟؟؟؟ ولا واخده طابع الوحده؟؟؟؟؟؟؟؟؟؟

من هو فتى احلامك؟ وعايز يبقى عامل ازاى؟

لو اتخطبتى مثلا وخطيبك مضطر يسافر بره هتسافرى معاه ولا هتقعدى جنب والدتك ؟؟؟؟ يعنى موقفك هيبقى ايه؟؟؟؟؟؟؟؟؟؟

دوووووووووووووول شويه اسئله على الماشى على ما ارجعلك تانى

انا مع اسئله نوده كلها بس هزود سؤال ولا سؤالين


لو واحد كنتوا بتحبوا بعض وفجأء سبتوا بعض عشان هوه قالك مش هينفع نكمل مع بعض ايه موقفك منه ؟


هيبقي احسن لما يقولك مش هينفع نكمل مع بعض ولا لمه تشوفيه بيخونك؟

لما تشوفيه بيخونك ايه هيكون رد فعلك.؟

ممكن تتعقدي من الشباب كلهم بسبب الموضوع ده ولا ايه؟


انا بحب اهدي النفوس
وفرصه سعيده

هاى ديروووووووو
ازيك يا قلبى
دى فرصتى انا اعرف اللى لسه معرفتهوش عنك
اوكى

ايه اكتر حاجه بتحبيها فيا؟
وايه اكتر حاجه بتكرهيها؟
ياترى ايه نظامك مع الحب؟انا لحد دلوقتى معرفش
بصى يا ديروووو لازم نتكلم بصراحه واساس اللعبه دى الصراحه اوكى
مين اكتر واحده بتحبيها فى المنتدى؟
ومين من بره؟
مين اكتر شخص (شخصه)متحبيش تشوفى الرد بتاعه على المنتدى؟
تعملى ايه لو واحده من اصحابك خانتك؟ياترى تسامحيها ولا تعاتبيها ولا ايه؟
ايه الصفه اللى تزعلى لو شفتيها فى فارس احلامك؟
وايه اكتر حاجه تسعدك لما تلاقيها فيه؟
بصى انا مستنيه الردوبعدين اكمل
ـــــــــــــــــــــــــــــــــــــــــــــــــــــــــــــــــــــــــــــــــــــــ
تستاهل كل الكلام اللى مقدرتش أقوله
تستاهل تملك قلبى بعرضه وبطوله
تستاهل القمر لو أقدر أطوله
تستاهل حب قلبى بعد الله ورسوله

ايه يا ديرووووووووووو انت اللى عليكى الدور

بلاش هروب بقى وجاوبى على الاسئله

اهلا بيكى نوده انتى بجد من الشخصيات الى بحبها جدا فى المنتدى الجامد بتاعنا ده
ودلقتى نبتدى نجاوب على الاسئله
انا ياستى اسمى deroo فى شهر 9 الى فات كملت 17 سنه وان شاء الله 21\9 الى جاى هكمل 18 سنه وانا فى كلية تجارة الفرقه الاولى كل ده هتلاقيه فى منتدى التعارف يا قمر والى انتى عايزه تعرفيه كله
شباب اليومين دول ياستى فيهم مميزات بس عيوبهم اكتر بكتير انا بحب فيهم انهم لما بيحبو بجد بيخلصو بجد وانهم لما بيلاقو حد محترم بيحترموه زى ماهو محترم معاهم شباب المنتدى بقه دول اجمد ناس فى الدنيا واكتر حاجه حلوه فيهم الصراحه وانهم كلامهم كويس مع البنات وبيحترموهم وكلامهم كويس مع الكل والكلام بتاعهم كأخوات ويارب كدا دايما
لا لا لا انا ضد فكرة الزواج من على النت ده خالص ومن وجهة نظرى المتواضعه انه بيكون فاشل اساسا انا مش مقتنعه بصداقات النت هقتنع بالزواج معتقدش
والله ياستى انا بحب الضحك والهزار جدا جدا واكتر حد ممكن تشوفيه بيهزر فى حياتك بس لما بقفل بتكون قافله سوده وبرده ساعات كتير بميل للوحده لما بكون مضايقه بحب اكون مع نفسى بس بؤمن بتلاقى الارواح جدا وبفكر فيها كتير اوى هتسألى ايه تلاقى الارواح ده طبعا اقولك انا ياستى من قبل ماتسألى يعنى لما بكون بفكر فى حد اكيد هو كمان بيفكر فيا بحب حد اكيد هو كمان بيحبنى اكره حد اكيد هو كمان بيكرهنى بس انا عمرى ماقولت انا بكره حد فى حياتى غير مره واحده وماتمناش انى اقولها تانى انى بكره الانسانه دى او الانسان ده
مين هو فتى احلامى اكييد الانسان الى بحبه عامل ازاى دى مش عارفه انتى تقصدى ايه بالضبط عامة طبعا يكون كمظر كويس اهم حاجه يكون بيحبنى ويقدرنى ويخاف عليا ويكون حنين اوى معايا ويكون اهم حاجه فى حياته بيته واسرته ان شاء الله اولا قبل اى حاجه تانيه
هسافر معاه ازاى وهو خطيبى اما بقى لو تقصدى فيما بعد هسافر اكيد
اظن كده انا جاوبت عليكى باستفاضه يا نوده ونورتينى والله وانا مستنيه دفعة الاسئله الجايه ان شاء الله يلا سلام مؤقت

اهلا بيك ياcharmed_dragon307
انا جاوبت على الاسئله الى عند نوده اجاوب بقه على السؤالين بتوعك
طبعا هو مش هايجى يقول كده من غير اسباب ولو فى اسباب ازاى انا هكون باقيه عليه وهو مش باقى عليا حتى لو بحبه ومقدرش استغنى عنه عمرى ماهحسسه انى محتجاله فى يوم منالايام هو الى باع وعمرى ماهقول عنه كلمه وحشه فى يوم من الايام حتى لو هو كده اساسا وانا متاكده انه هو الخسران ههههههههه
هقولك كلمه واحده على اجابة السؤالين الجاين اكتر حاجه ممكن توجه اى بنى ادم بيحب وبيحس هى الخيانه
لا لا خالص مش هتعقد ولا حاجه

باهى حبيبى والله
هقولك ياستى اكتر حاجه بحبها فيكى هو ده اه هو ده قلبك واكتر حاجه بحبها فيكى هى دى اه هى دى طيبة قلبك دى اجابة السؤال االاول ياستى
اما بكرهها دى ياباهى والله ماشوفتش منك اى حاجه اكرها خالص دانتى حبيبى وانتى عارفه لو فيكى حاجه مش بحبها هقولك طبعا
انا بتكلم بصراحه اهوه ياباهى
اكتر واحده بحبها فى المنتدى انتى قولتى واحده يعنى بنوته جميله \ نوده وباهى وميهو وهمسه حالمهوديرو بالعربى وندا
اكيد هعاتبها ولو اتعرفت انها غلطانه هسامحها
اكتر صفه ممكن مش تعجبنى فيه انه يكون انه مايكنش حنين معايا
واكتر حاجه ممكن افرح لما الاقيها فيه طبعا انه بكون حنين معايا وانه يكون شخص محترم اوى والناس كلها بتحترمه وتعمله الف حساب

derooo
انا سؤالى سهل جدا
ايه رايك فى الجامعه قبل متدخليها وايه رايك فى الجامعه بعد مدخلتيها
يعنى كنتى فكراها ايه ولقتيها ايه؟؟؟؟؟؟

يعنى فى ناس تقولك انا هروح هلاقى البنات بتقولى عايزه ارتبط بيك ودول طبعا من جهة الولاد او مثلا اللى بتقولك خلاص مش هيبقى فى خنة مزاكره وفى وفى وفى وفى
المهم انتى ايه كان تصورك قبل وبعد دخولك الجامعه؟


اكتر مكان بترتاحى فيه فى الجامعه؟


مين اول واحده و واحد اتعرفتى عليهم فى الجامعه كصداقه جديده؟
وايه شعورك او انطباعك عن كل واحد منهم

حسيتى انك وفقتى فى الصداقه دى ولا زعلتى انك صحبتى بنت جديده او صحبتى ولد لصداقه فقط ليس اكتر
؟



ايه رايك فى كل من الاعضاء التاليين ؟؟؟

احمد العمرى
ميهو
جوست
نوده
مالى
ندا
موبى
جوليت

رجعنا من الفاصل نكمل بقى

انت ايه اكتر حاجه بتحبى تعمليها؟ واكتر حاجه بتكرهى انك تعمليها؟؟؟؟؟

ايه رايك فى حب اليومين دوووووووول يعنى البنت تخرج من وراه اهلها عشان تقابل اللى بتحبه ويبقى عادى هل ده صح؟؟؟؟؟؟؟؟؟

انت فى حد فى حياتك حاليا بتحبيه؟ وهل بتخرجى معاه؟ وقلبت منه هديه مثلا قبل كده؟؟؟

لو فى حد قالك انى معجب بيكى وانت بتحبى حد تانى وانت مش هتقدرتى تقوليله انا بحب حد تانى احسن ممكن يفضحك يعنى مش هيبقى امين على السر ؟؟ يا ترى هتعملى ايه معاه وبصراحه؟؟؟؟

ايه اكتر حاجه بتشدك لاى شاب فى الكليه عشان انت تروحى تعرفيه على نفسك وتبقوا اصحاب؟؟؟

انت سعيده مع اللى بتحبيه ولو اتجوزتيه هتكونى سعيده ولا هيحصل مع اى اتنين بيحبوا بعض قبل الجواز ويطلقوا بعد الشر طبعا عنك فى الاخر ؟؟؟؟؟؟؟؟؟

جوابى وانا هبقى اكملك بعدين يا هدير يا قمر

فاااااااااااصل ونعود

هااااااااااااااااااااى ديرووووووووووووو قلبى
ازيك
ياترى بتحبى بابا اكتر ولا ماما؟
ايه الحاجه اللى متقدريش تسامحى اى حد عليها؟(بنت او ولد)
حصل مره قبل كده وحد وقفك وقالك انا عايز ا رتبط بيكى؟
ولو حصل هتعملى ايه ساعتها؟
ايه اكتر موقف تستحقرى فيه اى ولد؟
وايه اكتر موقف تستحقرى فيه اى بنت؟
لو شفتى واحده صاحبتك جدا وواقفه مع الانسان اللى هيه بتحبه ممكن تكليميها وهيه واقف؟
ولا هتقولى عليها دى بنت مش محترمه ولا ايه موقفك منها؟
ياترى وجود ابن خالى معانا فى الكليه بيضايقك؟
سلام مؤقت

اولا ازيك يا ديروووووو واخبارك ايه
مش هطول عليكى شويه اسئله صغنونه خالص
بصى يا ستى
ايه معنى الحياه بدون حب؟؟؟؟؟؟؟؟؟؟؟
بتعملى ايه فى يومك العادى؟؟؟؟؟؟؟؟؟؟؟
ايه رأيك فى اعضاء المنتدى؟؟؟؟؟؟؟؟؟؟؟؟؟؟؟؟
كيف تحصلين على المواضيع اللى بتكتبيها؟؟؟؟؟؟؟؟؟؟؟
لو حد ادملك حاجة وانتى مش بتحبيها ومضطرة تقبليها هتعملى ايه؟؟؟؟؟؟؟؟؟؟؟؟؟؟

ههههههههههههههههههههه
ياعينى عليكى ياديروووووووووو
الكل سخن عليكى
ياعينى
هسال بس مش الوقتى
اسيبلك فرصه تجاوبى على كم الاسئله ده
ههههههههههههههههههههههههههههههههه

هى ديرو فييييييييييييييين؟

الو الو
ابدأ الاشاره

فين العضو ديرو حول

العضو ديرو شكله نايم حول
صحوها
انتهت الاشاره حول
علم وتم النتفيذ حول

يا جماعه ديروووووووووووووووووووووووو
الجهاز بتاعها فيه عطل شويه كده
بس هيه شكلها هيه اللى عطلته عشان هيه السجينه
فياريت تتحاسب على الموضوع ده
انا من رايى نقيم عليها الحد

يا حول العالم نقيم عليها الحد رميا بالشباشب زى شجرة الدر
ههههههههههههههههههههه
هى من ايام الكفار ولا ايه

احنا نبيعها فى سوق الرقيق
بسرة من الدنانير
هل من مشترى

هههههههههههههههههههههههههههههههههههههههههه
لا يا مالى احنا نرشلها صابون فى الطريق يزحلقها

هههههههههههههه
انتى شكلك بتعريها اوى هههههههههههههههه

ليكى يوم متألسيش كتير عليها
على العموم

لما تيجى هقولها
هههههههههههههههههه

اسفه يا جماعة على التاخير بجد بس والله مش زنبى خالص الجهاز كان بيودع كان عليه 1500 فيرس غير ان الويندوز وقع بس الحمد لله دلوقتى بقه تمام وانا معاكو وهجاوب على كم الاسئله الفظيع دى ربنا يعينى عليكو ههههههههههههههههه الحقينى يا ميهو شايفه الاسئله قد ايه؟
ماشى يا باهى بقه كده عايزه تزحلقينى بالصابونه حتى مش بقشرة موزه على العموم مقبوله منه مانتى عارفه انك حبيبتى
وانت يا مالى عايز تبعنى فى سوق الرقيق بسرة من الدنانير ماشى يا مالى جايلك يوم بس يلا مقبوله منك يا مالى منورنا والله
ودلوقتى نبدأ الاجابات
1
2
3

اولا العضو mali
ايه رأيك فى الجامعه قبل مدخلتيها وايه رأيك فى الجامعه بعد مدخلتيها يعنى كنتى فاكراها ايه ولا قتيها ايه؟.
انا كنت واخده فكره كامله عن حياة الجامعه لانى كنت بروحها كتير مع بنت عمى او بنت خالتى انا الانتيم اللدود والحمد لله لمعظم بنات العيله مع انى اصغر واحده فيهم بس علاقتى بيهم كلهم جامده جدا اما بالنسبه لموضوع ان بنت هتروح تقول لولد انا عايزه ارتبط بيك دى يامالى واسعه شويتين المفروض العكس طبعا حتة المذاكرة دى بقه اكيد مطلوبه فى اى كلية بس مش زى ثانويه عامه يعنى بالله عليكو لما تبدأو مذاكره قولولى انا معرفش اى حاجه عن اى حاجه غير فى المواد الى باخد فيها درس
2-مين اول واحده او واحد اتعرفتى عليه فيه الجامعه كصداقه جديده وايه شعورك او انطباعك عن كل واحد فيهم؟
كلية تجارة فيها ناس كتير اوى صحابى ومعظم الكليات وانا اعرف ناس كتير اوى واسأل باهى طول ماحنا ماشين بسلم وهى تقولى انتى بتعرفى الناس دى منين اما حتة صداقه دى محصلتش غير بقه اصدقائى الى اعرفهم قبل كده
_4- ايه رايك فى الاعضاء التاليه...
احمد العمرى.................القائد بس بيغيب عننا كتير مش عارفه ليه
ميهو...............روحها خفيفه وانا بحبها من غير مااشوفها او اتعرف عليها
جوست.............. المنتدى ميكونش منتدى من غيره
نوده ............بحب كلامها وصراحتها ومواضيعها الجامد وبرده من الناس الى بحبها جدا ومن غير ما اشوفها
مالى.............جرئ ودمة خفيف وتفكيرة عالى
ندا................فراشة المنتدى
موبى ..................متواصل دايما ودمه خفيف
جوليت...............انا بصراحه ماتعاملتش معاها فى ردود ولا بتدخل من زمان بس ربنا معااها وتجيب لينا تقدير جامد كده

نووووووووووووده
1-ايه اكتر جاجه بتحبى تعمليها ؟ وايه اكتر حاجه بتكرهى تعمليها؟
اكتر حاجه بحب اعملها والى بحس بعدها براحه نفسيه هى قرأة القران وطبعا الصلاه ده امر مفروغ منه اننا كلنا بنصلى ان شاء الله بحب برده انى اتكلم مع حد فاهمنى اوى وبحب اوى لمة العيله اما اكتر حاجه بكرها انى اتخانق او ازعل مع حد حتى لو بعمل كده فى اوقات فانا بكره الموضوع ده جدااااااااا
ايه رأيك فى حب اليومين دول يعنى البنت تخرج من ورا اهلها عشان تقابل الى بتحبه وده عادى وده صح؟2-
لا ياستى مش صح
3- لو حد قالك انى معجب بيكى وانتى بتحبى حد تانى وانتى مش هتقدرى تقوليله انا بحب حد تانى احسن مش هيبقى امين على سرك؟ياترى هتعملى ايه وبصراحه؟
يانوده لو هو فعلا مش هيكن امين على سرى يبقى مايستحقش انى ارد عليه اصلا هكرفه يعنى بطريقه سيد العاطفى

ودلوقتى ميعادنا مع الانسه الجميله همسه حالمه
1-مين اقرب حد ليكى؟
اولا امى ثانيا اصدقائى الانتيم وبنت عمتى
2-احلى هدية جاتلك امتى ومن مين وايه هى؟
كانت فى عيد ميلادى فى شهر 9 الى فات ده.وكانت من واحده صاحبتى.كانت جايبالى حاجه جديده كهديه كان قبل كده الدباديب وحاجات عيد الميلاد الى انتو عارفينها لاقيتها داخله بطقم كاسات بتجهزنى البت وضحكنا ضحك يوميها بس كانت هدية ظريفه جدا
3- خايفه من حاجه فى المستقبل؟
بصراحه خايفه من كل حاجه فى المستقبل
4-بتفضلى اى نو من الصداقه بنات فى بنات ولا بنات وولاد؟
بنات فى بنات

6-امتى ممكن تتنازلى عن كرامتك؟
اما يكون الى هتنازله ده يستاهل بجد انى اتنازل عن اغلى حاجه عندى الى هى كرامتى
7-ايه مدى تضحيتك لحبيبك؟
شوفى انتى ايه اغلى حاجه واعز حاجه واحب حاجه للانسان وانا ممكن اتنازل عنها ليه
8- ايه هى المستحيلات عندك ؟
انى اجى على حد بحبه اوى عشان خاطر حد تانى
9-اكتر مكان بتحبى تروحيه؟
بحب اروح اصيف فى اى مكان بقه مش فارقه اهم حاجه ان بيكون فى هناك معظم الناس الى بحبهم وبتكون اوقات جميله جدا
10-انتى منين؟
من مصر ام الدنيا
11- استايلك المفضل فى اللبس؟
اللبس الواسع
12-بتحبى السفر والرحلات؟
بحبها جدا
13- تقيميك للمعلومات الدينيه؟
انا الحمد لله عندى خلفيه عن معلومات دينيه بس مش كتير ونفسى اوى اوى انى اتعمق فيها حلوه اتعمق دى ايه الكلام الجامد الى انا بقوله ده ماعلينا
14-اول مره وقفتى على سجادة صلاه؟
ياااااااااااااااااه الكلام ده من زمان اوى ايام ما كان عندى سبع سنين وماما وبابا بيعلمونى ازاى اصلى لكن بس كنت على سطر واسيب عشره بس بجد بجد بدأت التزم بكل فرد الحمد لله الحمد لله كانت فى الترم التانى من اولى اعدادى بفضل ربنا طبعا وبعده استاذى الى بعزه جداو وبابا وماما
15- وردات تعطيهم لمن فى المنتدى؟
باهى وهمسه ونوده وميهو ويويو ومالى وابناء العمرى وموبى وجوست وميدو
16-اكتر حاجه بتجذبك للمنتدى؟
انتو اقصد الاعضاء
17- اكتر حاجه بتعجبك فيها؟
ردودك وصراحتك ومواضيعك
18-من هو شبح المنتدى ؟
احمد العمرى بيغيييييييييييييييييييب ويرجع تانى ويغييييييييييييب مره اخرى بس بيرجع تانى
19-الفرق بين الاخ والصديق والصاحب والزميل والمعرفه؟
الاخ.....احنا الاتنين روح واحده
الصديق.... روحين بس مرطبتين ببعض اوى
الصاحب ....روحين برده بس كل واحد ليه روحه الخاصه بيه
الزميل ..... عرفته بالصدفه
المعرفه ..... كانت معرفة مصلحه ولما المصلحه خلصت انتهت
20- اوصفى شخصيتك فى كلمات بسيطه؟
انسانه عاديه طيبه فى اوقات كتير بس لما بتقفل بتقفل ومش هتلاقى المفتاح مع حد ...انانيه فى حبى جدا...بهزر كتير ... رومانسيه الى حد ما... عصبيه... بحب امشى الى فى دماغى فى اوقات كتير لو حد بيعاند معايا (صفه مش حلوه بس هو كده.)ههههههه ولو عايزه تعرفى حاجه تانيه قولى وانا اجاوبك