العضوه Deroooo .... خامس عضو على كرسى الاعتراف

تذكير بمساهمة فاتح الموضوع :

مرحبا يا ديرو

نووووووووووووده
1-ايه اكتر جاجه بتحبى تعمليها ؟ وايه اكتر حاجه بتكرهى تعمليها؟
اكتر حاجه بحب اعملها والى بحس بعدها براحه نفسيه هى قرأة القران وطبعا الصلاه ده امر مفروغ منه اننا كلنا بنصلى ان شاء الله بحب برده انى اتكلم مع حد فاهمنى اوى وبحب اوى لمة العيله اما اكتر حاجه بكرها انى اتخانق او ازعل مع حد حتى لو بعمل كده فى اوقات فانا بكره الموضوع ده جدااااااااا
ايه رأيك فى حب اليومين دول يعنى البنت تخرج من ورا اهلها عشان تقابل الى بتحبه وده عادى وده صح؟2-
لا ياستى مش صح
3- لو حد قالك انى معجب بيكى وانتى بتحبى حد تانى وانتى مش هتقدرى تقوليله انا بحب حد تانى احسن مش هيبقى امين على سرك؟ياترى هتعملى ايه وبصراحه؟
يانوده لو هو فعلا مش هيكن امين على سرى يبقى مايستحقش انى ارد عليه اصلا هكرفه يعنى بطريقه سيد العاطفى

ودلوقتى ميعادنا مع الانسه الجميله همسه حالمه
1-مين اقرب حد ليكى؟
اولا امى ثانيا اصدقائى الانتيم وبنت عمتى
2-احلى هدية جاتلك امتى ومن مين وايه هى؟
كانت فى عيد ميلادى فى شهر 9 الى فات ده.وكانت من واحده صاحبتى.كانت جايبالى حاجه جديده كهديه كان قبل كده الدباديب وحاجات عيد الميلاد الى انتو عارفينها لاقيتها داخله بطقم كاسات بتجهزنى البت وضحكنا ضحك يوميها بس كانت هدية ظريفه جدا
3- خايفه من حاجه فى المستقبل؟
بصراحه خايفه من كل حاجه فى المستقبل
4-بتفضلى اى نو من الصداقه بنات فى بنات ولا بنات وولاد؟
بنات فى بنات

6-امتى ممكن تتنازلى عن كرامتك؟
اما يكون الى هتنازله ده يستاهل بجد انى اتنازل عن اغلى حاجه عندى الى هى كرامتى
7-ايه مدى تضحيتك لحبيبك؟
شوفى انتى ايه اغلى حاجه واعز حاجه واحب حاجه للانسان وانا ممكن اتنازل عنها ليه
8- ايه هى المستحيلات عندك ؟
انى اجى على حد بحبه اوى عشان خاطر حد تانى
9-اكتر مكان بتحبى تروحيه؟
بحب اروح اصيف فى اى مكان بقه مش فارقه اهم حاجه ان بيكون فى هناك معظم الناس الى بحبهم وبتكون اوقات جميله جدا
10-انتى منين؟
من مصر ام الدنيا
11- استايلك المفضل فى اللبس؟
اللبس الواسع
12-بتحبى السفر والرحلات؟
بحبها جدا
13- تقيميك للمعلومات الدينيه؟
انا الحمد لله عندى خلفيه عن معلومات دينيه بس مش كتير ونفسى اوى اوى انى اتعمق فيها حلوه اتعمق دى ايه الكلام الجامد الى انا بقوله ده ماعلينا
14-اول مره وقفتى على سجادة صلاه؟
ياااااااااااااااااه الكلام ده من زمان اوى ايام ما كان عندى سبع سنين وماما وبابا بيعلمونى ازاى اصلى لكن بس كنت على سطر واسيب عشره بس بجد بجد بدأت التزم بكل فرد الحمد لله الحمد لله كانت فى الترم التانى من اولى اعدادى بفضل ربنا طبعا وبعده استاذى الى بعزه جداو وبابا وماما
15- وردات تعطيهم لمن فى المنتدى؟
باهى وهمسه ونوده وميهو ويويو ومالى وابناء العمرى وموبى وجوست وميدو
16-اكتر حاجه بتجذبك للمنتدى؟
انتو اقصد الاعضاء
17- اكتر حاجه بتعجبك فيها؟
ردودك وصراحتك ومواضيعك
18-من هو شبح المنتدى ؟
احمد العمرى بيغيييييييييييييييييييب ويرجع تانى ويغييييييييييييب مره اخرى بس بيرجع تانى
19-الفرق بين الاخ والصديق والصاحب والزميل والمعرفه؟
الاخ.....احنا الاتنين روح واحده
الصديق.... روحين بس مرطبتين ببعض اوى
الصاحب ....روحين برده بس كل واحد ليه روحه الخاصه بيه
الزميل ..... عرفته بالصدفه
المعرفه ..... كانت معرفة مصلحه ولما المصلحه خلصت انتهت
20- اوصفى شخصيتك فى كلمات بسيطه؟
انسانه عاديه طيبه فى اوقات كتير بس لما بتقفل بتقفل ومش هتلاقى المفتاح مع حد ...انانيه فى حبى جدا...بهزر كتير ... رومانسيه الى حد ما... عصبيه... بحب امشى الى فى دماغى فى اوقات كتير لو حد بيعاند معايا (صفه مش حلوه بس هو كده.)ههههههه ولو عايزه تعرفى حاجه تانيه قولى وانا اجاوبك

ودلوقتى معانا العضوه باهى كلاكيت لتانى مره
ياترا بتحبى ماما اكتر ولا بابا اكتر؟
كده هتعملى فتنه طائفيه فى بيتنا بحبهم هما االاتنين طبعا
ايه الحاجه الى متقدريش تسامحى اى حد عليها (ولداو بنت)؟
الخيانه
حصل مرة وحد وقفك وقالك عايز ارتبط بيكى؟
لا
ولو حصل هتعملى ايه؟
مش هعبره لان الاعجاب والحب والارتباط مش بيجى كده
لو شوفتى واحده صحبتك واقفه مع االانسان الى بتحبه ممكن تكلميها ووهو واقف ولا هتقولى عليها دى بنت مش محترمه ولا ايه موقفك منها؟
ليه بس مش محترمه ليه وطالما هى واثقه فى نفسها وفى الانسان الى معاها وواقفين فى حدود الادب انا مالى وبعدين اظن ان الموضوع ده بقه عادى وخاصة كلية التجارة هههههههههههههه
ياترا وجود ابن خالى معانا فى الكلية بيضايقك؟
وانا بينى وبينه ايه عشان اضايق منه عادى يعنى

ومعانا العضو موبى لتانى مرة
1- ايه معنى الحياه بدون حب؟
مفيش حياه اصلا
2-بتعملى ايه فى يومك العادى ؟
بصحى من النوم اروح الكليه احضر سكاشن لو فى والمحاضرات بحضر برده بس بمشى على سطر واسيب عشره وبخلص وبعد كده كلنا نقعد مع بعض شويه او شويتنين كده ونفطر ونروح وبعدها بروح الدرس لو فى فى اليوم ده يعنى وبجى اقعد على الكمبيوتر شويه واول حاجه بفتحها المنتدى طبعا وبعد كده الى المفروض هعمله الايام الجايه اذاكر شويه وبعدين اقعد على الكمبيوتر تانى وبعدين انام
3- ايه رأيك فى اعضاء المنتدى.؟
اجمد ناس فى الجامعه كلها لا فى مصر كلها لا فى الدول العربيه كلها ولا فى القاره كلها لا فى العالم كله هههههههههههه
4- كيف تحصلين على المواضيع الى بتكتبيها ؟
فى مواضيع بكتبها انا وفى مواضيع بنقلها من منتديات تانيه بس لما تكون عاجبانى واشوف انها هتفيد الكل فى المنتدى ده
5- هقبلها وامرى لله

بكده اكون خلصت والحمد لله ملحوظه اخيرة اى كلمه او اى حرف او اى فسوه فوق بكل امانه والله ونلقاكم على خير وكل سنه وانتو طيبين والسلام عليكم ورحمة الله وبركاته

مرسيه يا ديروووووووووووو على الرد وحمدالله على السلامه والحمد لله ان جهازك قام بالسلامه
نسال بقى ومن نضيعش وقت
1-ايه اكتر حاجه عملتيها وندمتى عليها؟
2-ايه اكتر يوم بكيتى فيه من قلبك؟
3-يا ترى حصل مره وندمتى انك صاحبتى واحده؟
4-ايه اكتر موقف زعلتى فيه من ولما تفتكريه دلوقتى تضايقى؟
5-ايه الحاجه اللى لما تفتكرى انك عملتيها تضحكى على نفسك اوى؟
6-من وجهت نظرك هل شباب اليومين دول يقدروا يتحملوا مسؤليه بيت وعيال وكده؟(يعنى الشباب بتوع تسقيط البنطلون والجيل والسكونانوا دوول؟
7-ايه اكتر حاجه بتضايقك فى المنتدى؟
ـــــــــــــــــــــــــــــــــــــــــــــــــــــــــــــــــــــــــــــــــــــ
تستاهل كل الكلام اللى مقدرتش اقوله
تستاهل تملك قلبى بعرضه وبطوله
تستاهل القمر لو أقدر أطوله
تستاهل حب قلبى بعد الله ورسوله
ـــــــــــــــــــــــــــــــــــــــــــــــــــــــــــــــــــــــــــــــــــــــ
باهى

الف شكر يا ديرو على الرد
بجد مكنتش متوقع بعض الردود بس بردك
الف شكر على الردود

وبقولك كفايه كده اساله ولا ايه
انا لسه عندى كتيييير جدا عايز اسالك فيهم؟
هاااااااااااااااا
اكمل؟

از يو ليك يا مالى اسأل براحتك انت تؤمر عيد ميلادك بقه وكده هننفذلك اى حاجه

ههههههههههههههههههههههههههههههههههههههههههههههههه
كده طيب
هتنزلى بكره الجامعه ولا لأ
وهتنزلى ولا لا؟

ايون هنزل ان شاء الله

طيب انا عندى سؤال خفيف
ايه احساسك بالظلم او كلام يتقال على لسانك وهو محصلش اساسا مكع انك بتقولى عكسه تماما؟؟؟؟؟

حف عن البنت شويه يا مالى حرام عليك ولا علشان عيد ميلادك بقى هتتفرد علينا يعنى

انا بجد بشكرك يا ديور على ردك الجميل ده وعلى كل الصراحه اللى انت فيها دى
بجد ميرسى ليك وانت نورتى

بصراحه يا مالى سؤال عمرى ماتحطيت فيه ومش عارفه انا ممكن اتصرف فيه ازاى بس اكيد هكون حاسه بالظلم اوى اوى وكمان هشوف كل حاجه قدامى سودا ومش هثق فى حد يارب ما اكون فى موقف زى دا انت وقعت فى حاجه زى دى ولا ايه؟؟؟؟؟

سيبيه يانوده معلش عيد ميلاده بقه وكده سيبيه يعيشله يومين بقه ههههههههههههههههههههههه
وشكرا ليكى يا نوده وانتى يا همسه وانا بحبكو اوى

بجد انا مش عارف اقولك ايه يا ديرو
تخدى كمان شويه ولا خلاص

هههههههههههههههههههههههههههههههههههههههههه
هو من جهة حصل فهو حصلى اول امبارح ههههههههههههههه
يعنى اليوم اللى قبل عيد ميلادى
وعملت مشكله يوم عيد ميلادى مع معظم البنات اصحابى وعليت صوتى وكانت شوره هباب انى اصلا صحبت حد فيهم
البنات دول بجد بجد احسن ناس توقع بين بعضهم بغيره وحقد وكل حاجه بجد بجد
الله يكون فى عون البنات اللى بتصاحب بنات من بره هلا هلا ومن جوه يعلم الله
بس على مين
ده يوم عيد ميلادى انا مع كل ده عملت يوم وفرحت بجد بجد يوم مشفتش زيه من حب لاصحابى البنات الجدعه والولاد الرجاله
وبجد انا ملقتش جنبى غير 4 بنات هما دول اللى يعتمد عليهم والباقى زباله ولا يسوو شلن والباقى بالجازمه
وعلى فكره بجد بجد انا ارتحت كتير بعد المضوع ده حسيت انى اتحررة من قيود كتييييير وعرفت مين معايا ومين مش معايا


ايه ده انا قلبتها دراما خالص
يا حول العالم؟
لالالالالا
انا اسف انى طولت عليكم





سؤالى؟؟؟؟؟؟؟؟؟؟؟


ايه اكتر حاجه بتعجبك فى الولد او اللى بتشد نزرك
ده اولا
ثانيا
الرجاله اللى هما تييييييييييييييييييت مسقطين البنطلون لدرجه بجد غبيه ايه نزرتك فيهم
وطبعا مقدرش انسى البنات اللى بتعمل العن من الولاد فى موضوع البنطلون ده ؟؟؟؟

الله يكون فى عونك يا مالى وكويس ان ده حصل علشان تعرف كل واحد على حقيقته.
ديروووووووووووووووووووووووووووووووو على فكرة انا اول مرة اسال بس عايزاكى تجاوبينى على كل حاجة.

لو فى واحدة صاحبتك حاسة ان تصرفاتها معاكى بدات تتغير لدرجىة انك مش طايقة طريقتها او اسلوبها فى معظم الاوقات بالرغم انك بتحبيها اوى هتتصرفى معاها ازاى ؟
_لو انتى فى قمة عصبيتك ايه الحاجة الوحيدة اللى ممكن تهديكى ؟
_ايه اكتر حد ممكن تكونى صريحة معاه اوى؟
_لو حد صارحك بعيوبك اوى هل هتقبليها ولا تقولى مش اى حد يصارحنى لازم يكون حد قريب منك اوى يعنى مينفعش مثلا واحدة زمميلتك؟
_ايه رايك فيه بكل صراحة(انا مش بزعل على فكرة)؟
_ايه اكتر حاجة بتحبيها فى نفسك؟
_لو لقيتى واحدة صاحبتك اوى بتعمل حاجة غلط وهى مقتنعة مليون المية ان هى صح هتعملى ايه بالرغم ان هى صاحبتك اوى وتهمك جدا؟
_ايه رايك فى اللى بيقول ان الدموع ضعف وانتى ايه رايك؟
_ايه اكبر وادفى حضن تحسى انه مفتوحلك فى اى وقت تحتاجيه فيه؟
_هل فى صداقة ندمتى عليها فى يوم من لاايام ولو فى ليه ندمتى عليها؟
_احيانا العتاب بيزود المبلة طين ايه رايك فى ده؟
عارفة انى طولت عليكى واسالتى ممكن تكون نكد شوية وملهاش علاقة ببعض بس بلييييييييييييييز جاوبينى.

ايه ده يا مالى كل ده جرالك بس انا عن نفسى مش فاهمه حاجه لانى معرفش الموقف ايه بالضبط عامة الحمد لله انك عرفت مين معاك ومين مش معاك
بص بقى ياسيدى ولا انت سيدى ولا حاجه بس هجاوبك يعنى ههههههههههههههههههههههه
اكتر حاجه ممكن تشدنى لولد انه يكون ماشى مش بيبص على بنات ومش يكلم فى البنات على الفاضيه والمليانه وواحد تافه كده لازم يكون عاقل وطبعا دى حاجه نادرة اوى بس انا بحترم الناس دى اوى
نيجى بقه للولاد التييييييتتتتتتتتتتتتت الكلمه ده جامده
الولاد بتبان اى نعم من مظهرهم وكده بس البنطلون الى مسقطه يعنى مش هحكم عليه بيه وبعدين يا مالى الراجل مش بس ببنطلونه الراجل برعايته لشعره وقميصه ههههههههههههههههههههههههههههه لاطبعا يا مالى لازم طبعا يكون راجل حتى فى لبسه بس يلا دا العصر الى عايشين فيه هنعمل ايه بس بس برده مايمنعش ان فى ولاد مش تييييييييييييييتتتتتتتتتتتتت البنات بقه بجد الله يسامحهم على الى بيعملوه فى نفسهم بيصعبو عليا ومش فاهمين هما عايشين ليه ولا عشان مين عايشين وخلاص مش حاسين ان فى ربنا وفى حساب والكلام ده بس يلا كل عصر وليه مميزاته وعيوبه
ايه الصورة دى كانت امبارح فى عيد الميلاد ولا ايه والى على يمينك ده العمرى برده ولا انا عندى خداع بصرى

اهاى اللى على يمينى ده العمرى واللى جنبه عاطف تيتو واللى جنبه مصطفى رضوان
اما اللى على اليمين قطب اللى هو بريف هارت واللى جنبه عبدالحى اللى هو دكتور كيكاتوا واللى جنبه عمر اللى هو عمر
هههههههههههههههههههههههههههه

هاااااااا يا ديروووووووووووووو فين الاجابااااااااااااااااااات

انا جاوبت يا يويو بس ياموبى سورى هتاخر عليك شويه لانى رايححه الوقتى عند عمى عشان طتب كتاب بنت عمى كمان ساعتين كده القاكم لما اجى سلام مؤقت

انا جيت هجاوبك بقى يا موبى
1- هل تؤمنى بالحب من اول نظرة؟
لا لا خالص يا موبى يعنى ايه اساسا حب من اول نظرة يعنى وانت ماشى فى الشارع لاقيت واحده شكلها حلو ومظهرها كويس تحبها من اول نظره المفروض ان انك بتحب البنى ادم ده عشان صفاته كذا وكذا وهو محترم اما بقه لو من اول نظره ده بيكون مجرد اعجاب ليس اكتر
2- كيف تعيشين حياتك بعد ما سبتى او انفصلتى عن اللى كنتى بتحبيهم وهم بيمثلوا لك ايه دلوقت ولو شوفتيه وكلمتيهم هتكلميه ازاى؟
اولا طبعا لانهم ناس بحبهم اكيد مش هكون انا الى فرط فيهم او انا سبب الانفضال
كيف تعيشين حياتك دى بقى....عشان انا بحبهم اكيد هحتاجلهم وهكون متاثرة ببعدهم بس عمرى ماهظهر ده حتى لو كنت هموت من غيرهم
3- ماذا تفعلى لو افتقدى شخص عزيز على قلبك ؟
افتقده ازاى يعنى تقصد موت اكيد هزعل بس كلنا لها وربنا رحمان رحيم وهدعيله بالرحمه لو تقصد غير كده قولى
4- من هى اقرب انسانه اليك من ناحيه الصداقه؟
انا ليا خمسة اصدقائى جدا وبحبهم جدا وبنت عمتى بقه انا وهى بينا صداقه جامده
5-كيف تعاملين من يضايقكى بكلمه ما ؟
لو حد بحبه ويهمنى مش هكلمه هزعل منه بس بس هلومه بطريقه تضايقه اكتر ماهو ضايقنى اما بقه لو ميهمنيش كفايه عليه اوى بصة احتقار ههههههههههههه
6-

يا هاى
ازيك يا هدير
بصى يا ستى وركزى معايا عشان ربنا يفتحها عليكى وتعرفى تجاوبى
خدى بالك من السؤال اللولبى ده
السؤال الاول(اجبارى) من 5 درجات
امتى اخر مره بكيتى فيها وليه
عملتى ايه لما بكيتى يوميها
اكتر مره مستحيل تنسيها(فى البكاء)....كانت بسبب ايه
اقولك حاوبى على السؤال ده والبقيه تاتى
والى ان نلتقى لكم منى اطيب التمنيات بالنجاح والتوفيق ان شاء الله كان معكم محدثكم الرياضى محمد العمرى

اهلا يا محمد هجاوبك وانشاء الله ربنا يفتحها عليا واجاوب كويس واخد الخمس درجات بس لما اجاوب ابقى قولى بقى انا جبت كام من خمسه اوكى؟
1-امتى اخر مره بكيتى فيها وليه
مش هتلاقينى اخر مره بكيت فيها بعيده اوى يعنى لان زى مانت عارف الى بيضحك كتير بيبكى كتير بس بفك بسرعه اخر مره بكيت فيها كانت يوم الحد الى فات مشكله بيبنى وبين واحده صاحبتى بحبها جدا بس الحمد لله عدت وبقينا كويسين مع بعض والحمد لله
2-عملتى ايه لما بكيتى يوميها
عملت ايه اه وشى احمر وعينى وبقيت كلى حمره وكلهم قعدو يقولولى طماطم وكده بس اتعاتنبا انا وصاحبتى دى والمشكله عدت
3-اكتر مره مستحيل تنسيها(فى البكاء)....كانت بسبب ايه
هما مريتن مش مره واحده كان فى مشكله كبيره خاصه بيا مش هينفع احكيها ومرة تانيه لما عم بابا مات هو صغير فى السن بس عم بابا وانا بقوله يا عمى وكنت بحبه جدا كان من اكتر الحاجات الكويسه فى حياتى
انا جوبت اهوه يا عمرى واى خدمه بس ايه موضوع البكاء معاك؟
ياترا هاخد كام؟

ميرسى جدااااااااااااااا يا ديرو على الاجابه بتعتك الصريحه جدا دى
مطلوب منك بقى تدخلى العضو اللى يعجبك يتسلم الكرسى من بعدك
يلا بقى بسرعه هتختارى ميييييييييييييييين؟؟؟؟؟؟؟؟؟؟؟؟؟؟؟؟