العضو mido مطلوب فى كرسى الاعتراف

حلوة وديع دى هههههههههه
ههههههههههههه ياسلام ياسلام هو فى اعتراض
طب ماانا قعدت لا ازاى ميدو هيجى
وعبال مايجى اكون حضرت الاسئلة

ههههههههههههههههههه
طيب يعني كده انا ادبست ولا ايه مش فاهم
حيث بقي اني انا علي كرسي الاعتراف فياريت واحد واحد يسالني عشان اجاوب وياريت تبقي الاسئلة صغيرة

اولا شهد
اسمي عبد الحميد
سني تدوني كام مش هحيركم انا 21الاشهر
هوايتي كرة القدم اكيد واهلاوي جدا مع احترامي للزمالك
مؤهلي او وظيفتي انا طالب في كلية الحقوق
اخترت اسم ميدو اولا بحب الاسم ده وكمان حاولت اختار اسامي تانيه بس للاسف كانت متسجله قبلي فاخترت ميدو
طبعا في ناس بتقول ايه علاقة ميدو بعبد الحميد هرد عليه واقله انت هتمسكلي علي الوحده عديها واسكت
منتدي جامعتنا عرفته عن طريق ناس صحابي وبعدين انا عرفته لناس اصحابي تانيه وبصراحه المنتدي ماشاء الله كل سنه في تطور طبعا بمجهودات احمد ومحمد العمري وبقيت الاعضاء
لوني المفضل الاحمر
افضل شخصية بالمنتدي لا كتير والله مقدرشي احدد عشان منساش حد وكمان محدش يزعل مني لكن بجد كتير كل الي اتعاملت معاهم اكيد كلهم شخصيات محترمه وكويسه
اقرب شخص ليا في المنتدي ميزو بحكم انه صاحبي وكمان جاري مش عارف هيعزل امتي بقي
هههههه لا طبعا ياميزو انا بهزر
وشكرا ياشهد علي اسئلتك وربنا يقدرني واجاوب علي باقي الاعضاء

هههههههههه دا ميدو شكله كده بيتهرب من الاسئله بس بزكاء بيجاوب كل يوم على واحد من الاعضاء بس لا لا دا ميدو دا كسلان اوي
وعلى رايك يا شرويدي دا يوم المنى يوم ما نشوف ميدو قاعد على الكرسي
شوف بقى يا كابتن ميدو شوية اسئله كده على ما النتيجه تبان وبعدين لو كنت لسه موجود هتتسال تاني ان شاء الله مني

1-الحب/الخوف/الصداقه/الغيره/العادات والتقاليد
الكلمات دي معناها ايه من وجهة نظرك بإختصار وهل الكلمات دي بتكون سلاح زو حدين يعني ممكن تكون كويسه وميده وممكن تكون مش كويسه ومضره ؟وهل الكلمات دي اثرت في حياتك وامتى كانت بالنسبالك عقبه في حياتك

2-من الصعب على الراجل انه يبكي فهل بكيت في مره على حاجه عرفت بعد كده انك غلطان انك بكيت عليها يعني بكيت على حاجه متشتاهلش

3-انت شخصيه تحب الهزار والضحك فهل تسببت لك شخصيتك في احراج او حد استهزأ بهزارك

4-امتى حسيت انك بتكره الهزار واتمنيت انك تكون شخصيه جد اكتر من الهزار ؟وامتى حسيت انك نفسك تبعد عن الجد وتعيش حياتك كلها هزار في هزار

5-ايه العاده اللي اصحابك مبيحبوهاش فيك

6- ايه بقى العاده الي بتعملها ونفسك معنتش تعملها

7- حلم بتحلم بيه ونفسك توصله

8- هل تؤمن بالصداقه بين الولد والبنت

9- لو حبيت واحده واهلك مش موافقين ومفيش امل في انك تخطبهاوهما مش قادرين يقتنعو انك بتحبها بجد وشايفين انه لعب عيال وممكن تنساها بعد كده هتعلم ايه هتسيب حبيبتك ولا هتعمل ايه؟

10-ايه الفيلم اللي تخيلت انك تكون بطل ليه؟

11-ايه رأيك ليه معظم البنات بتقول ان معدش في رجاله اليومين دول وليه البنات مبتثقش في الولاد؟

12-لو انت حلمت حلم ولما جيت تحققه حسيت انه هيضر حد عزيز عليك هتعمل ايه حلمك ولا الشخص ده؟

13-نصيحه دايما اصحابك بينصحوهالك وانت للأسف مش بتسمع ليهم؟ونصيحه تحب تنصحها لنفسك؟

14-ايه رأيك ليه ممكن الواحد يتجوز واحده وهو بيحب واحده تانيه وليه عيب ان الواحده هياللي تتجوز واحد وهي كانت بتحب واحد تاني ليه ميكنش عيب على الاتنين وليه اللي بيحبو بعض ميتجوزوش بعض وليه علاقات الحب اصلا معظمها فاشله؟

كفايا كده اسئله بقى عليك يا ميدو ويا ريت تجاوب لو فضلت كده تجاوب كل يوم واحد يبقى هنمد ال3 ايام بقى عشان تعرف سيدتك تجاوب على كل الاعضاء يعني هتجاوب يعني هتجاوب فأخلص احسن

ماشي شرويدي
كام مره عاكست بنات المفروض اقول يعني ولا مره بس بصراحه انا عاكست بس مش كتير يعني يمكن مرتين في السنه ولا حاجه هههههههه
بجد مش كتير قوي

كام مره اتهانت ولا مره الحمد لله والله لاني معاكستي معاكسه متزعلشي ولا تضايق حد يعني وبعدين انا مش بعاكس كتير زي مقلتلك ههههههه

كام مره اتضربت من والدي كتير انا غلطت كتير وكنت بتعاقب بالضرب واهو الواحد بيتعلم الحمد لله

جايب كام في الثانوية طيب يعني انا واحد في حقوق هكون جايب كام 95 يعني
انا بصراحه جبت 79 ودخلت حقوق وكانت اول رغباتي ورفضا طب لاني محبتهاش زي مرفضت تجاره كده ههههههه عشان تبقي تقولي ال طب ال

انا الحمد لله متاخنقتش ولا مره في الجامعه لا مينفعش طالب جامعي يتخانق في الجامعه كده يبقي ايه الفرق بينه وبين الانسان العادي الي متعلمشي اي كان السبب المنظر العام مش بيبقي كويس ونهايتها للفصل لاما الفصل

الحمد لله انا منطردتش من المحاضرات ولا مره لاني مش بحضر اساسا وحتي اما بحضر الحمد لله بكون منتبه بس مش للدكتور لكلام الناس الي جنبي الدكتور يسمعه يطردهم هما واكون انا في السليم

الشخصية الي مبقلهاش لا هو المفروض والدي ووالدتي بس بصراحه مش عالطول اوقات برده بقلهم لا عشان اكون صريح معاكو يعني

المثل الاعلي ليا شخص اعرفه بني نفسه بنفسه ودلوقتي ماشاء الله
وان كان المفروض الانسان يبقي مثله الاعلي نفسه لانه المفروض يبقي هو مثل اعلي للناس لان مفيش اسهل من الكلام والاهم الفعل


مقدار تقيمي لنفسي لا الناس الي تقيمني لكن انا الحمد لله راضي عن نفسي الي حد ما بدرجه كبيره يعني

اكبر حلم اني اخلص اسئلتك دي
بصراحه اني ابقي وكيل نيابه طبعا كتير لما بقلهم كده بيقلي انت يابني بتهزر وكيل نيابه ايه بس ويضحك كاني قلتله نكته طيب انا بحلم عادي بحلم بكده هو يعني حقوق مش بطلع غير محامين بس بصراحه انا معلمتش حاجه لحد دلوقتي توصلني لده يعني مش هستحقها وان كنت بنجح الحمد لله وبعدي بس بتقدير ميوصلنيش لده وبصراحه الكلية صعبه

اكبر كدبه مش فاكر مبقاش فيا دماغ والله خصوصا اسئلة منه احبطتني وربنا يقدرني ااجوب عليكو كلكو مش عارف ليه كمية الاسئلة دي مسؤالين والكل يخلص هههههههههه

ههههههههه ربنا يعينك
هستناك تخلص اسئلة منة وشهد هههههه
وبعدين اسال انا
شد حيلك ياميدو هههههههههه

ايوة كدا اعترفت يا بتاع طب

هههههههههههههههههههههه
يعنى كان قصدك انك جبت 97 مش 79
هههههههههههههههههههههههه
وعمرك ماتخنات ماشى هاعديهالك
وحلمك انك تخلص اسالتى اوكى دانا حتى طيوبة
وربنا معاك فى بقية الاسئلة
ههههههههههههههه

ايه يا ميدو الحلاوه دي دا انت غطيت على احمد حلمي ايه الاجابات دي المفروض دا كرسي الاعتراف يعني الصراحه ثم الصراحه ثم الصراحه وبعدين كل شويه اسألو ميزو هو ميزو قاعد معاك على الكرسي ولا انت لوحدك وبعدين انت بتكروت الاسئله بتاعتي انا السؤال بتاعي الاول مثلا لوحده كزا سؤال في بعض اقرأ السؤال كويس وبعدين جاوب متخلنيش اعيد الاستجواب تاني انا بحزرك اهو احسن نطلب من الاداره تحطك تاني على الكرسي ده وبعدين الاسئله اللي عاوزه اختصار تختصر واللي عاوزه توضيح توضح انت مختصر كل الاسئله لا لا انا مينفعنيش الكلام ده دا انا كتبت اكتر ما انت جاوبت يا راجل ولا العيب بقى في الاسئله تحب اسألك اسئله اطول من دي واحطلك كل سؤال لوحده مجمعهمش مع بعض من عنيا يعني لكن دا انا مطلعتش منك بفايده

الحمد لله انا منطردتش من المحاضرات ولا مره لاني مش بحضر اساسا وحتي اما
بحضر الحمد لله بكون منتبه بس مش للدكتور لكلام الناس الي جنبي الدكتور
يسمعه يطردهم هما واكون انا في السليم
تعرف انا ضحكت ضحك
بس كويس انك رديت شويه انا بجد موت على روحى من الضحك
مش بتحضر اساسا الله الله على العلم
يارب حد من اهلك يشو ف التوبيك دا
هههههههههههههههههه
ربنا معاك يلا بقى عشان اخر يوم ليك بكره
انا عاوزه احط اسئله بقى

انا جيت اهو قولت اسالك شوية اسئلة كدة
اوصف الحب من وجهة نظرك فى سطور
هل انت حبيبت قبل كدة ولا ؟ ولو حبيت اية احساسك بالحب لاول مرة
لو فى يوم قررت انك تتجوز تروح لمامتك تقولها اخطبى لى ولا هتعمل اية
فى الجامعة هل فى يوم قررت ان البنت اللى تحبها وتكلمها وتقضوها فونات وكدة هل هتتجوزها ولا كانت مجرد تسلية وراحت لحالها
لو قولتلك انت تمتلك بعض الصفات اللى تجعلك محبوب فما هى بخلاف الهزار يعنى
اية احساسك لما عرفت ان انا حطتك على الكرسى واية احساسك وانت قاعد علية الوقتى
لما بتيجى ليك مشكلة بتهرب منها ولا بتعمل اية واية بيكون الحل بالنسبة ليك لو هتخسر صديق فى سبيل حلها يعنى ممكن تدينى مثلا وتنجز
مواقف كثيره يمر بها الانسان
البعض منها يأثر في شخصياتنا..
اذكر موقف غير شي من شخصيتك او اثر فيك ؟؟
متى تقول لا وبدون تفكير ,, ومتى تقول نعم وبدون تفكير ,,
بمعنى " لا " و" نعم " قطعياً ...
ماذا تعني لك :
دمعه الطفل
دمعه المرأة
دمعه الرجل
امتى اخر مرة اتضربت فيها ولية ؟
من يسكن قلبك؟
من ستختار ليمسح دموعك ؟

فأي قرار تتخذه هل ..... تحكم عقلك أم قلبك فيه ... ؟؟ قلبك أم عقلك ؟؟؟؟؟؟؟؟

مالفـرق بين الحب والصداقة ؟ وهل يمكن ان يسلكا طرق الغيرة 00؟

ماهي اجمل اللحظات في حياتك ؟

ما هي احلى كلمة قيلت لك

ما هو موقفك من خياانة اقرب النااس الى قلبك

عضو نفسك تعرف اسمة

لو قولتلك معاك باقة ورد حالا لمن تهديها بخلاف مامتك وباباك

ندخل على النوع التانى من الاسئلة

لو قولتلك حالا لو بنت هتعمل اية ومتقوليش انا مفكرتش انى اكون بنت والجو دة جاوب على طول

اية هيكون رد فعلك لو جت بنت وصارحتك بحبها قبل ماانت تقولها واية هيكون رايك فى البنت دى

عندما تكون معجب بفتاة ماهي طريقتك في الوصول لقلبها؟؟
كم مرة تنازلت عن مبادئك من اجل امرأه

طبعا كتير اوووى من الرجالة نفسهم تكون المراة صابع فى ايدة بصراحة ياميدو انت هتكون منهم ولا اية ؟

أذا وقع نظرك على امراه .. ماهو أول شيء يلفت انتباهك وتنظر اليه

اية هى الكلمة اللى بتربك وتلخبطك من البنت او المراة

كفاية لخد كدة لحد ماتجاوب على الاسئلة دى وعاوزها الاجابات تكون كويسة مش عاوزها كروتة بدل متعيد الاجابات تانى

ميدو
ربنا معاك
انا بقى مش هطول عليك
هما سؤالين
1-ايه اكتر موقف اتحطيت فيه وكان محرج
وكان محرج ليه
2-مين اكتر شخص تحب تقوله اسف وليه
بقولك ايه كفايه عليك كده
اهو مش بطول

ماشي يامريومه هجاوبك

االحب شئ جميل طبعا اوقات يخلي الانسان اسعد انسان في الدنيا واوقات تانيه بيصيبه بصدمه
وهو مشاعر واحاسيس موجوده في الوجدان وهو القدره ان الانسان بيدي للشخص الي بيحبه كل شئ ونحس بسعادته كانها سعادتنا ففرحه فرحنا وحزنه حزننا

اها انا حبيت قبل كده وحب وحيد وبصراحه الحب لاول مره احساس لا يوصف وفعلا هو الحب الحقيقي

لو قررت في يوم اني هتجوز طبعا هروح لوالدتي هقلها انا بحب فلانه مثلا وعايز اخطبها امال يعني هاخد شوية شباب من صحابي واقلهم يالا ياجماعه نروح عشان تجوزوني ولا هروح بطولي واقله عمي انا عايز اتجوز بنتك طبعا لا ده كلام مش صح

لا انا عمري محطيت في دماغي او فكرت في يوم اني اتسلي ببنت بجد مينفعش بجد مش كلام وخلاص يعني دي حقيقه

صفات بتخليني محبوب بخلاف الهزار والله بجد معارف انا مينفعشي اتكلم عن نفسي واقول ان كان فيه ناس بتحبني او لا وبتحبني ليه ممكن ناس هزاري مش مقبول بالنسبة ليهم فميحبونيش ويمكن ناس تانيه بتحبني عشان هزاري يعني بجد مش عارف الناس ممكن تقول ليه انا بحب فلان انما الشخص نفسه مينفعش يقول بس انتي ممكن تسالي وتقولي لو حد بيحب ميدو بيحبه ليه ولو بيكرهه بيكرهه ليه انما انا فبجد معرفش

احساسي لم قعدت علي الكرسي بلاش تعرفيه احسن هههههه اصلي اتصدمت
وبعدين احساس ايه بقي مانتي شايفه السئله عايزه اكتر من كده احساس يعني

لا بصي لو فيه مشكله لازم اواجها لان الهروب مش حل للمشكله وكمان فيه حاجه انا خسرشي صديقي في سبيل حل المشكله انما انا اعمل الي المفروض يتعمل الي هو الصح ان كان ده هيخلي صحبي يزعل مني لكنانا ليا الحق فيبقي هو الغلط من جانبه انما انتي بتدخليني في مشاكل كتيره يامريومه وهتخلي صاحبي يزعل مني عشان مشكله وكل ده وانا قاعد علي الكرسي وترجعي تساليني احساسك ايه وانت قاعد علي الكرسي وبجد معنديش امثال ممكن اقهالكمفيش حاجه في دماغي دلوقتي

موقف غير من شخصيتي واثر فيا كتير ممكن اقلك من ضمنهم يعني ان ايام الثانويهمجموعي في تانيه مكنشي كويس يمكن مكنتش حاسس بمسئولية لكن لقيت نفسي مجموعي مش هيديني ولا هيوصلني لحاجه لانه مكنشي كويس خالص فشديت في تالته ثانوي وعرفت الحمد لله اجيب مجموع كوس يرفع مجموعي الكلي


اقول لا وبدون تفكير لو حاجه هتضرني او تغضب ربنا مثلا

نعم وبدون تفكير لو واحد قالي تحب تبقي وكيل نيابه والله مهفكر
لا بصراحه اكيد لو كلام والدي ووالدتي

دمعة الطفل بتهزني وبتزعجني في نفس الوقت بس انا بحب الاطفال جدا جدا
دمعة الرجل احساس
دمعة المراه حنان وبرده احساس


اخر مره اتضربت فيها والله بجد مفاكر قوي بس يمكن في اولي ثانوي او تالته اعدادي يمكن ده اخر مره اتضربت فيها ليه بقي مش فاكر بالظبط بس انا ممكن اقلك سبب اتضربت بسببه زي مثلا
اني مره كان والدي ووالدتي بره وانا المفروض قاعد بزاكر طبعا وصلو لقو الاستاز بيتفرج علي التليفزيون وسايب مزاكرته ده من ضمن الاسباب يعني



من يسكن قلبي حبيبي طبعا او حبيبتي يعني او اي حد بحبه برده يعني هههههه


من يمسح دموعي لا مفيش انا امسحها بنفسي ولو ضروري اختاار حديبقي الانسانه الي بحبها يعني

اي قرار بتخزه اوقات بحكم قلبي واقات بحكم عقلي مش دايما بحكم عقلي ولا دايما بحكم قلبي

الفرق بين الحب والصداقه
الصداقه لا تنتهي لكن الحب ممكن ينتهي
وكمان الصداقه يمكن انها تبقي حب ولكن الحب مستحيل يتقلب لصداقه


احلي كلمة قيلت ليا اكيد بحبك يعني هيكون ايه غير كده


موقفي من اقرب الناس ليا اكيد بتصدم وبندم ان في يوم وثقت فيه


عضو نفسي اعرف اسمه هههههههههه ميزو او انتي يامريومه ههههههه


باقة ورد اهديها لكل اهلي واقاربي وبرده اعضاء المنتدي


لو بنت لا طبعا انا متمناش اني ابقي بنتومش حكاية فكرت او مفكرتش بس انا مبحبش اجيب في سيرة حد تاني مانتو عارفني
انما انا راي ان البنات عموما المفروض يبطلو ظلم شوية هههههههههه


لو بنت جت صارحتني بحبها اكيد هبقي متفاجا بس هحترمها جدا واحترم احساسها وهقلها علي مشاعري هو عيب البنت تعبر عن احساسها اتجاه الي بتحبه عارف ان المفروض الشاب الي يبدا بس ده لو حصل ميبقاش عيب


طريقتي للوصول لقلبها اكيد انها تحس اني انا بحبها بجد وشاريها بمعني الكلمة

اتنازلت عن مبادئي عشان المراه انا ايه يخليني اتنازل عن مبادئي عشان المراه عمرها محصلت ولا هتحصل ولا عمري اتحطيت في الموقف ده اصلا


ههههههههههههههه تكون صابع في ايدي يمكن انا احب انها تكون خاتم في صباعي بس برده احب يكون ليها رايها المستقل بيها لان الحياه مشاركه وساعات المراه بيطلع منها كلا م دهب


الكلمه الي بتربكني وتلخبطني اكيد كلمة بحبك طبعا ده اكيد يعني

هههههههه ماشى ياميدوبالنسبة للجابتك على السؤال دة
الفرق بين الحب والصداقه
الصداقه لا تنتهي لكن الحب ممكن ينتهي
الحب من رايى عمرة مبينتهى طبعا لان الحب فيضان من الحنان والاحساس

اما بالنسبة للسؤال بتاعى دة
لو فى يوم قررت انك تتجوز تروح لمامتك تقولها اخطبى لى ولا هتعمل اية
مش قصدى اللى انت فهمتة شكلك مش مركز شويتين
انا قصدى هتسيب مامتك اللى تختار ليك شريكة حياتك زى مكل الولاد بيعملوا كدة بعد ميكونوا كلموا بنات ولا انت اللى هتختار
وطبعا فى اسئلة اختصرت فية بس كويس اجابتك المرة دى