العضو mido مطلوب فى كرسى الاعتراف

ماشي يامريومه هجاوبك

االحب شئ جميل طبعا اوقات يخلي الانسان اسعد انسان في الدنيا واوقات تانيه بيصيبه بصدمه
وهو مشاعر واحاسيس موجوده في الوجدان وهو القدره ان الانسان بيدي للشخص الي بيحبه كل شئ ونحس بسعادته كانها سعادتنا ففرحه فرحنا وحزنه حزننا

اها انا حبيت قبل كده وحب وحيد وبصراحه الحب لاول مره احساس لا يوصف وفعلا هو الحب الحقيقي

لو قررت في يوم اني هتجوز طبعا هروح لوالدتي هقلها انا بحب فلانه مثلا وعايز اخطبها امال يعني هاخد شوية شباب من صحابي واقلهم يالا ياجماعه نروح عشان تجوزوني ولا هروح بطولي واقله عمي انا عايز اتجوز بنتك طبعا لا ده كلام مش صح

لا انا عمري محطيت في دماغي او فكرت في يوم اني اتسلي ببنت بجد مينفعش بجد مش كلام وخلاص يعني دي حقيقه

صفات بتخليني محبوب بخلاف الهزار والله بجد معارف انا مينفعشي اتكلم عن نفسي واقول ان كان فيه ناس بتحبني او لا وبتحبني ليه ممكن ناس هزاري مش مقبول بالنسبة ليهم فميحبونيش ويمكن ناس تانيه بتحبني عشان هزاري يعني بجد مش عارف الناس ممكن تقول ليه انا بحب فلان انما الشخص نفسه مينفعش يقول بس انتي ممكن تسالي وتقولي لو حد بيحب ميدو بيحبه ليه ولو بيكرهه بيكرهه ليه انما انا فبجد معرفش

احساسي لم قعدت علي الكرسي بلاش تعرفيه احسن هههههه اصلي اتصدمت
وبعدين احساس ايه بقي مانتي شايفه السئله عايزه اكتر من كده احساس يعني

لا بصي لو فيه مشكله لازم اواجها لان الهروب مش حل للمشكله وكمان فيه حاجه انا خسرشي صديقي في سبيل حل المشكله انما انا اعمل الي المفروض يتعمل الي هو الصح ان كان ده هيخلي صحبي يزعل مني لكنانا ليا الحق فيبقي هو الغلط من جانبه انما انتي بتدخليني في مشاكل كتيره يامريومه وهتخلي صاحبي يزعل مني عشان مشكله وكل ده وانا قاعد علي الكرسي وترجعي تساليني احساسك ايه وانت قاعد علي الكرسي وبجد معنديش امثال ممكن اقهالكمفيش حاجه في دماغي دلوقتي

موقف غير من شخصيتي واثر فيا كتير ممكن اقلك من ضمنهم يعني ان ايام الثانويهمجموعي في تانيه مكنشي كويس يمكن مكنتش حاسس بمسئولية لكن لقيت نفسي مجموعي مش هيديني ولا هيوصلني لحاجه لانه مكنشي كويس خالص فشديت في تالته ثانوي وعرفت الحمد لله اجيب مجموع كوس يرفع مجموعي الكلي


اقول لا وبدون تفكير لو حاجه هتضرني او تغضب ربنا مثلا

نعم وبدون تفكير لو واحد قالي تحب تبقي وكيل نيابه والله مهفكر
لا بصراحه اكيد لو كلام والدي ووالدتي

دمعة الطفل بتهزني وبتزعجني في نفس الوقت بس انا بحب الاطفال جدا جدا
دمعة الرجل احساس
دمعة المراه حنان وبرده احساس


اخر مره اتضربت فيها والله بجد مفاكر قوي بس يمكن في اولي ثانوي او تالته اعدادي يمكن ده اخر مره اتضربت فيها ليه بقي مش فاكر بالظبط بس انا ممكن اقلك سبب اتضربت بسببه زي مثلا
اني مره كان والدي ووالدتي بره وانا المفروض قاعد بزاكر طبعا وصلو لقو الاستاز بيتفرج علي التليفزيون وسايب مزاكرته ده من ضمن الاسباب يعني



من يسكن قلبي حبيبي طبعا او حبيبتي يعني او اي حد بحبه برده يعني هههههه


من يمسح دموعي لا مفيش انا امسحها بنفسي ولو ضروري اختاار حديبقي الانسانه الي بحبها يعني

اي قرار بتخزه اوقات بحكم قلبي واقات بحكم عقلي مش دايما بحكم عقلي ولا دايما بحكم قلبي

الفرق بين الحب والصداقه
الصداقه لا تنتهي لكن الحب ممكن ينتهي
وكمان الصداقه يمكن انها تبقي حب ولكن الحب مستحيل يتقلب لصداقه


احلي كلمة قيلت ليا اكيد بحبك يعني هيكون ايه غير كده


موقفي من اقرب الناس ليا اكيد بتصدم وبندم ان في يوم وثقت فيه


عضو نفسي اعرف اسمه هههههههههه ميزو او انتي يامريومه ههههههه


باقة ورد اهديها لكل اهلي واقاربي وبرده اعضاء المنتدي


لو بنت لا طبعا انا متمناش اني ابقي بنتومش حكاية فكرت او مفكرتش بس انا مبحبش اجيب في سيرة حد تاني مانتو عارفني
انما انا راي ان البنات عموما المفروض يبطلو ظلم شوية هههههههههه


لو بنت جت صارحتني بحبها اكيد هبقي متفاجا بس هحترمها جدا واحترم احساسها وهقلها علي مشاعري هو عيب البنت تعبر عن احساسها اتجاه الي بتحبه عارف ان المفروض الشاب الي يبدا بس ده لو حصل ميبقاش عيب


طريقتي للوصول لقلبها اكيد انها تحس اني انا بحبها بجد وشاريها بمعني الكلمة

اتنازلت عن مبادئي عشان المراه انا ايه يخليني اتنازل عن مبادئي عشان المراه عمرها محصلت ولا هتحصل ولا عمري اتحطيت في الموقف ده اصلا


ههههههههههههههه تكون صابع في ايدي يمكن انا احب انها تكون خاتم في صباعي بس برده احب يكون ليها رايها المستقل بيها لان الحياه مشاركه وساعات المراه بيطلع منها كلا م دهب


الكلمه الي بتربكني وتلخبطني اكيد كلمة بحبك طبعا ده اكيد يعني

هههههههه ماشى ياميدوبالنسبة للجابتك على السؤال دة
الفرق بين الحب والصداقه
الصداقه لا تنتهي لكن الحب ممكن ينتهي
الحب من رايى عمرة مبينتهى طبعا لان الحب فيضان من الحنان والاحساس

اما بالنسبة للسؤال بتاعى دة
لو فى يوم قررت انك تتجوز تروح لمامتك تقولها اخطبى لى ولا هتعمل اية
مش قصدى اللى انت فهمتة شكلك مش مركز شويتين
انا قصدى هتسيب مامتك اللى تختار ليك شريكة حياتك زى مكل الولاد بيعملوا كدة بعد ميكونوا كلموا بنات ولا انت اللى هتختار
وطبعا فى اسئلة اختصرت فية بس كويس اجابتك المرة دى

هههههههههههههههههه
ماشي يامريومه انتي وشهد
ياشهد حاضر هجاوب عليكو وهكمل اسئلتك بس اصلك حطه اسئلة كتير قوي
وكمان هتمدولي يومين انا شخصيا معنديش مانع بس الاسئله متبقاش كتيره

بالنسبة للجوهري
اكتر موقف محرج اتعرضت ليه كان يوم نتيجة الثانوية العامه بالاخص تانيه ثانوي لاني كنت محرج اقول لاي حد من قرايبي علي المجموع

اكتر شخص احب اقوله اسف اي حد غلطت في حقه يوم وكنت انا غلطان

بصراحه ياميزو لما بتعصب الاغلب اني مبقدرشي امسك نفسي بس ساعات بقدر برده اني امسك نفسي
بس انا لما بتعصب بتغير شوية


لو ملقتشي الي يفهمني احاول ادور علي حد تفكيره قريب من تفكيري بحيث يمكن بعد كده يفهمني
ولو ملقتشي بقي هعمل ايه اموت نفسي يعني نصيب

طبعا ممكن حتي لو جرحني قبل كده لاني اكيدحبيته قبل كده موته هيزعلني لانه مات وحسابه عنده ربنا لو مزعلتش عليه
معني كده اني فرحان في موته وده حرام فاكيد يعني هزعل وبعدين يا اخي ازكرو محاسن موتاكم يعني


احب شخص مشفتوش لا طبعا اعجب بيه بكلامه يمكن انما احبه معتقدشي


الحب والحزن توامان ابدا عمرهم مكانو توامان انما ممكن نقول انهم اوقات بيكونو مقترنين ببعض لكن مش توامان
لان ممكن حد يحب حدوللاسف يبقي الحب ده سبب حزنه وجرحه لكن مش توامان ياعم ميزو والا تبقي مصيبه



ههههههههههههههه طيب ليه السؤال ده بس
حبيت من طرف واحد اها ياميزو حصل


لا ياميزو بالصيغه دي مش انا الي هقول ده هيا الي هتقلي بقي انا عاوزه و مش عاوزه وحسن صورتك
يابني انا عايز تقصد صح بصراحه ياميزو بعد الكلام ده اقلهولك انت يابني
لا هقوله لواحد صاحبي نفسي يغير من نفسه شوية


احب الجلوس لوحدي اوقات لما بيكون في موضوع شاغلني معين احب افكر بهدوءوعلي فكره انا بحب الهدوء جدا




كم قسم ينقسم الحب الحب انواعه كتيره ياميزو لانك ممكن تحب نفسك ممكن تحب حبيبتك ممكن تحب والدك ووالدتك
المهم انت بتحب ايه وعلي اساسه بتعرف نوع الحب

الحب بيتكلم ازاي معرفش ان كان ليه لسان ولا لا بس الي عرفته والي سمعته انه بيتحس ده احساس داخلي موجود في الوجدان
وموجود في زمانا ولا لا موجود ياميزو بس قليل قوي يابني

ماذا يكره الحب وماذا يحب ميزو ايه الكلام ده ياعم انت انت بتكلم عن مين بالظبط هو انت تعرف حد اسمه الحب وجاي تشتغلني
ايه ياعم الاسئله دي معرفش بيكره ايه الحب يمكن بيكره الكره وبيحب الي يحبه


لماذا لا يحاكم الحب لان الحب مش جريمه

هههههههههههههههههههه
ميدو ميدو
ههههههههههههههههههههههههههه
حبيب الملايين
اتدبست
ههههههههههههههه
ياهلا ياهلا
والله فرحانه فيك
هوه انت قاعد لغايه امتى بالضبط
؟

هههههههههههههه
ايه الاجابات العبقريه دي دا انت شخصيه مفيش منها اتنين ههههههه انا فضيت لك بقى يا ميدو وخلاص زي ما وعدتك ان هرجعلك تاني واديني رجعتلك بس اسئله بسيطه كده
1- انت مستمتع وانت قاعد على كرسي الاعتراف يا ميدو
2- ايه اكتر سؤال ضايقك في اسئلة الكرسي ده
3- الحب ام الصداقه؟ولو وجدت صديق مخلص ليك وفي نفس الوقت الحب الوحيد اللي كنت بتتمناه هتختار مين؟
4- هل انت من النوع اللي ممكن ينسى جرح حبيب او صديق ليه في يوم من الايام؟
5- طلب تطلبه من حد عزيز عليك
6- لو مشيت في طريق ولقيت حد جرحك بيسلم عليك هتعمل ايه
7- هل من السهل ان الانسان ينسى حبيبه الاولاني
8- امتى تقدر تقول على الحب الاول انه مكنشي حب وتندم عليه
9- تقول ايه على انسان امتلك حب واثق منه وبجد اللي من الصعب حد يلاقيه بجد في الزمن ده ويهرب قدام اول مشكله تواجهه سواء من عادات او اي شيء
10-تقول ايه بقى في انسان بيجري ورا سراب حب عارف انه عمره ما هيكتمل ومش بيحاول يدور على الحقيقه
11-عمرك حسيت انك نفسك ترتكب جريمه ههههههه امتى وايه هي؟

12-انت لو بايدك تجمع كليه مع كليه تانيه في مبنى واحد هتكون ايه؟ وليه؟

13-هل ممكن تكره حد حبيته ؟امتى؟وقولي رايك امتى الحب يتحول لكره؟وهل ممكن الحبيبه تتحول الى صديقه او زي اختك مثلا؟
14- ازاي تثق في اي بنت وازاي البنت تثق في اي ولد؟
كفايا عليك كده هي اسئله تافهه بس اهو تاثير النتجه بقى

اها مستمتع جدا جدا ده انا مشفتش كده بصراحه كرم ايه والاسئلة بسيطه وسهله وكل حاجه زي الفل بصراحه الاعضاء عاملين الواجب وزياده حبتين


مفيش سؤال ضايقني ولا حاجه انا بحترم اي عضو بيسال حتي لو السؤال محرج او صعب شوية بس عمره ميخليني اتضايق منه لاني بعرف ازاي اجاوب علي السؤال وكتير كان فيه اسئلة محرجه بس كنت بجاوب عليها بكل صراحه يعني من الاخر مفيش سؤال ضايقني

الحب ام الصداقه لا ده سؤال صعب هتخيريني بين اتنين منقدرشي نستغني عن واحد فيهم ده شئ صعب اكيد انما ممكن ارتبلك حسب الاهميه الصداقه ثم الحب
الجزئيه التانيه في السؤال هختار الحب ولا الصديق يعني انتي بتخيريني بي اشياء صعبه جدا ومصممه تحرجيني انتي بتقولي صديق مخلص والحب الاول طيب والمنتظر مني اختار واحد فيهم بصي لا تعليق هههههههه انما الصداقه عندي اهم


انسي جرح حبيب طبعا ممكن انسي في يوم من الايام الايام كفيله انها تنسيني وانا من النوع الي مش بشيل قوي يعني وبسامح

طلب اطلبه من حد عزيز عليا اطلب انه يدعيلي دايما بالتوفيق




لو لقيت حد جرحني وجاي يسلم عليا هسلم عليه طبعا ده السلام لله مهما كان الي بينا وبعدين خيركم من يبدا بالسلام وهو كتر خيره بدا انا بقي هرفض ليه



لا صعب جدا ان الانسان ينسي حبيبه الاولاني لانه الحب الحقيقي فصعب طبعا صعب صعب يعني



اقول عليه مش حب لما انساه بسرعه يبقي مكنشي حب

اقوله مش دي اخلاق الرجاله هههههه لا طبعا المفروض يكون اكتر تمسكا بيها وبالحب الي بينهم وكمان اقوله الله يكون في عونك لان المشاكل الي بتواجهك اكيد بيبقي هو كمان في حاله صعبه لانه بيخسر حبه الاول


اقول للانسان الي بيجري ورا سراب هقله حاول تنسي وربنا يكون في عونك برده لانه مش سهل عليه انه ينسي بسهوله انما يحاول ينسي طبعا ويدور علي حد تاني وحب جديد يبدا بيه حياته


ارتكب جريمه اها حبييت اني اضرب ناس كتيره مش محترمين وبيضرو ناس محترمين وانا بحبهم بس طبعا جريمة خايبه يعني ده ضرب
انما احب غيري يرتكب الجرائم لانه كده انا اقدر اشتغل واستفيد ههههههه


كلية الحقوق مع كلية التربية الرياضيه ياسلام هو فيه احلي من كده


لا مكرهشي حد حبيته الي بيحب ميكرهشي
الحب يتحول لكره لو حد جرح التاني جرح كبير تكون فيه اهانه للتاني
الحبيبه مستحيل تتحول لصديقه لكن العكس صحيح



اثق في اي بنتلما المس فيها الاحترام والحب والاخلاص
والبنت تثق فيه لما تلاقي فيه انه راجل بمعني الكلمة يحبها يخلصلهايعني باختصار راجل بجد

وشكرا يامنه ليكي وعلي اسئلتك وربنا يسهل ايامك جايه يعني

اخر يوم ليك انهارده يا ميدو جاوب على دول واختار عضو تانى
اذا اعطيت قلما لتكتب الكلمات الاتيه فلمن تهديها

1-اعتزر
2- شكرا
3-بحبك
4-جرحتك
5-انسى
6-انت اغلى شخص
7- انتبه فانت على وشك السقوط
8-مشتاق
9-عود
10- افتقدك
يلا قول هنا عشان صوتك يكون عالى
بس بجد انت محامى شاطر جدا بتهرب ب ذكاء جدا
بجد برااااااااااااااااااااااااااااااااااااااااااااافو

انا اسف ياجماعه بجد مش هقدر اكمل واجاوب عليكو
حصلت ظروف فمش هقدر بجد حضارتكو ممكن تختارو اي حد مكانوي وتبداو تسالوه بس انا بجد مش هقدر لان عندي ظروف وبتاسف ممكن تختارو ميزو مكاني او اي حد يعني زي متحبو

لا عادى مفيش حاجه
بس مين يكتب التوبيك بقى
كويس ان ميزو هيجى
هههههههههههههههههه

ربنا معاك ياميدو
ان شاء تكون ظروف كويسة وتعدى